Intervista me shqiptaro-amerikanen, Laureta Meçi

[BARAT]

NË ZEMËR DHE SHPIRT E KAM SHQIPËRINË...



KUSH ËSHTË LAURETA MECI

Në shikim të parë, foto galeria e Laureta Mecit flet vetë, kushdo që viziton Web faqen e saj zyrtare ne internet. Duke klikuar secilën fotografi të saj në internet, pamja dhe profili i saj fotogjenik na bën për vete dhe na dhuron ngrohtësi. Nga sytë e zjarrtë, na duket një femër që në shpirtin e saj ka një botë të brendshme interesante. Është mrekulli e madhe kur shohim femrat tona shqiptare, të cilat pushtojnë me sharmin e tyre skenën amerikane, duke sfiluar si mjellma të bukura në skenografitë ku vetëm yjet mund të kapen nga qielli…
Kontakti i drejtpërdrejtë me të është i vështirë dhe intervista me artisten amerikane me origjinë shqiptare Laureta Meci, (e cila përmes filmit “Shadow Kill” dhe këngës “Respect”, sukseshëm po ngjitet drejt shtigjeve të jetës së show biznesit në Amerikë, të jetë yll i njohur në mbarë botën) u bë nëpërmjet internetit. Tim Shkupi përmes agjentit të saj arriti të kontaktojë me Lauretën dhe të zhvillojë një bisedë të lirë.

Tim Shkupi: Laureta, pata rastin të dëgjoi këngën tuaj “RESPECT” në një radio të New York-ut. Mora vesh se jeni me origjinë shqiptare dhe po tregoni suksese në punën tuaj profesionale në botën e artit, të muzikës dhe filmit. Po ashtu, vizitova edhe Web faqen tuaj oficiale, ku shqiponja figuronte në krye. Ka mundësi ju të na falni pak kohë për një bisedë të shkurtër për vizitorët e Web faqes shqiptare në internet ALBANUR?

Laureta Meci: Po si, patjetër. Me gjithë qejf. Unë kam vizituar disa here Web faqen AlbaNur dhe vërtetë më ka pëlqyer shumë.

Tim Shkupi: Laureta, në fillim mund të më tregoni profilin e juaj. Kush është Laureta Meci? Kush është shqiptarja që po pushton Amerikën me muzikë dhe aktrim?

Laureta Meci: (qesh ëmbël përsëri)… Pasi keni vizituar Web faqen time, ju tani mendoni se quhem Laureta Meci, por jo, mbiemri im është Meçi, e ju siç me thërrasin në New York Meci. Kam lindur dhe u rrita në qytetin e Kuçovës, në Shqipëri. Shkollën fillore të muzikës dhe gjimnazin e përgjithshëm e kam kryer në Kuçovë. Në vitin 1995, pak para rrëmujave, emigruam me prindërit në Greqi dhe pas tre vjetëve vajta në SHBA për të ndjekur studimet universitare. Pastaj më janë bashkuar edhe prindërit dhe sot jetojmë në New York.

Tim Shkupi: Çka e shtyri vajzën simpatike Laureta Meci të vazhdojë studimet në SHBA?

Laureta Meci: FLM për komplimentin që më quani simpatike.

Tim Shkupi: (i ndërhyjë në bisedë) … kemi parë fotot tuaja në internet. Unë mendoj që janë foto të mrekullueshme ku tregohet bukuria e vajzave shqiptare. Vërtetë unë jam tërhequr nga galeria jote në internet.

Laureta Meci: Më vjen mirë. Ndoshta kjo ka qenë edhe arsyeja e vetme që unë sot të jem në New York. Ka qenë ëndërr dhe dëshirë e imja, që nga koha kur isha në shkollën e muzikës në Kuçovë, të jem ajo që jam sot. Ndaj unë shfrytëzova rastin që nga Greqia të shpërngulem në SHBA dhe të vazhdojë studimet në një Kolegj aktrimi të njohur në New York, ku edhe i kam mbaruar me sukses dhe afat rekord.

Tim Shkupi: Cili ka qenë Kolegji ku ju keni ndjekur studimet e aktrimit?

Laureta Meci: “Stella Adler” është një shkollë aktrimi në Manhattan dhe shumë e njohur këtu në SHBA dhe më gjerë. Kjo shkollë ka nxjerrë shumë aktorë të njohur që sot janë në Hollywood. Unë do e përmend vetëm aktorin e njohur Robert De Niro. Sa kam qenë studente në këtë shkollë, kam qenë tepër e pasionuar pas aktiviteteve të lira. Një nga këto aktivitete, bashkë me aktrimin, ka qenë edhe muzika, pasi këtë e kam pasur pasion qysh kur kam qenë në Shqipëri.

Tim Shkupi: Laureta, ne patëm rastin të shohim edhe filmin tuaj të parë “Shadow Kill” ku ju luani rolin kryesor me co star Tom Spackman, që njëherit është edhe zëri i MSNBC. A mund të na tregoni se, si është pritur ky film nga publiku amerikan?

Laureta Meci: Filmi “Shadow Kill” është pritur shumë mirë. Është një film që bën pjesë në filmat “science fixtion” dhe ky film, ku unë luaj rolin kryesor, mundohet të parashikojë të ardhmen dhe betejat që mund të zhvillohen mes Bashkimit Evropian dhe SHBA-së për sferat e influencës në planet. Është një film më tepër për adhuruesit e filmave FIXTION. Filmi ka pasur sukses dhe ka marr disa shpërblime. Premiera e parë e filmit u shfaq në “Mango Sound Studios” Time Square në Manhattan. Filmi ka marrë pjesë në festivalin më të madh “Mega Con” në Florida dhe është nominuar si filmi më i mirë. Gjithashtu, filmi është fitues i disa awardeve në SHBA.

Tim Shkupi: Tani keni ndonjë angazhim tjetër në botën e filmit?

Laureta Meci: Po. Jemi duke punuar pjesën e dytë të filmit Shadow Kill. Dhe duhet që, sivjet të përfundojë xhirimi i tij. Kjo ka bërë që, kohët e fundit të jem shumë e zënë, pasi jam e angazhuar edhe me një projekt tjetër, jam duke përgatitur edhe albumin tim të parë muzikor me këngë Hip Hop në anglisht.

Tim Shkupi: Laureta unë kam dëgjuar këngën tuaj RESPECT dhe tash një javë videoklipi juaj është shija e vetme e AlbaNurit. Vërtetë, gjithçka në videoklipin tuaj, performanca, muzika, teksti dhe vete Laureta është shumë e pëlqyer nga visitorët e AlbaNurit. A mund të na tregoni se, me kë bashkëpunon Laureta Meci në New York?

Laureta Meci: Unë bashkëpunoj me njerëz të njohur të jetës së show biznesit në New York. Menagjer dhe producent e kam John Bailey. Kompozimin e këngës RESPECT e ka bërë Brian Rund, i cili është fitues i disa çmimeve dhe njëherit ka bërë “Mix Preshown” të këngëtarit Usher në Puerto Rico. Kurse tekstin e ka shkruar Lisa Tan.

Tim Shkupi: Kur do të kemi rastin të shohim në shitje edhe albumin tuaj?

Laureta Meci: Vonesa e mosdaljes së albumit është dëshira ime që në album ta kem një këngë në gjuhën shqipe. Kohëve të fundit jam ka interesohem se ku është muzika zbavitëse shqiptare. Ky interesim më ka mundësuar që të gjej Web faqen AlbaNur në “Google” dhe sado pak të kem njohuri se çka është aktuale në botën e muzikës shqiptare?

Tim Shkupi: (gaboj dhe e thirr zemër) … mirë zemër… mos po ju pengon që ju thirra zemër?

Laureta Meci: (qesh ëmbël dhe pak ca më duket seksi) …jo, jo… ne u takuam që të jemi të lirë në bisedë dhe të më thërrasësh zemër është vetëm një kompliment për mua. E kam parë zemrën në fllashin tuaj në AlbaNur (ndalet pak) si ishte “OHHH KUKU BREE, TY TE KAM ZEMËR DHE SHPIRT, TIM SHKUPI. ALBANUR” Më ka pëlqyer shumë, edhe pse në Kuçovë nuk e përdorim fjalën Bree… por tani interneti dhe bashkimi i shqipeve nga të gjitha trojet tona në internet luan rol të rëndësishëm për një integrim të gjithmbarshëm kombëtar.

Tim Shkupi: Mirë Laureta, mirë zemër, pasi tash marr frymë pak më lirisht… (qesh ajo dhe qesh unë) Çka mban mend nga bota e muzikës në shqiptari Laureta? Cilët këngëtarë preferon t’i dëgjojë Laureta?

Laureta Meci: Nga të vjetrit mbaj mend Parashqevi Simakun dhe Merita Halilin. Kam pasur rastin të dëgjoj këtu në New York, në një mbrëmje edhe doajenin e muzikës zbavitëse nga Kosova, Sabri Fejzullahun. Më kanë pëlqyer jashtëzakonisht shumë këngët e tij. Kurse nga të rejat, nuk diskutohet, është Adelina Ismaili. Unë mendoj se Adelina Ismaili është një këngëtare e kompletuar me të gjitha, dhe Unique në mbarë shqiptarinë. Këtë nuk e them vetëm unë, këtë ma kanë thënë, kur kanë vizituar Web faqen AlbaNur, edhe bashkëpunëtorët e mi në New York, që njohin muzikën dhe janë producent të njohur. Ata menjëherë kanë dalluar Adelinën, por Adelina është me të gjithat e kompletuar dhe kam kuptuar se, ajo gati më tepër se 20 vjet merret me këtë profesion.

Tim Shkupi: Mire zemër, ju përmendet Sabri Fejzullahun, por nuk e di se a keni pasur rastin ta dëgjoni Ermalin, djalin e Sabri Fejzullahut. Në festivalin “Kënga Magjike 2006” Ermali rrëmbeu edhe çmimin e internetit, edhe çmimin e publikut?

Laureta Meci: E kam dëgjuar Ermalin dhe më pëlqejnë këngët e tij Gocë nga Tirana dhe Qika e Prishtinës. Vërtetë ka zë të mrekullueshëm. Por, nuk e kam ditur se është djali i Sabri Fejzullahut. Pra, gjeni DNI i Sabriut qenka transformuar mirë në të birin e tij Ermalin.

Tim Shkupi: Keni pasur rast të dëgjoni ndonjë tjetër nga këngëtarët meshkuj?

Laureta Meci: Jo edhe aq shumë. Kohët të fundit, motra ime më ka dërguar disa këngë të Bleros dhe disa videoklipe të Shpat Kasapit. I pëlqej shumë këngët e Bleros, Shpatin e pëlqej edhe me këngë edhe me performancë dhe mendoj që, bashkë me Ermalin mund të arrijnë shumë në karrierat e tyre.

Tim Shkupi: Nëse Laureta duhet të zgjedhë të përgatit një këngë shqip në duet, cilin këngëtar do të kishit preferuar…

Laureta Meci: Pyetje e vështirë... më pëlqejnë shumë, dhe vështirë t’i veçoj, pasi ne kemi shumë këngëtarë të talentuar. Mendoj që, zgjedhja ime do të jetë Adelina, Parashqevia, por edhe Ermali dhe Shpati nuk do të më pengojnë…

Tim Shkupi: Ka kohë Laureta për argëtim, për Show?

Laureta Meci: Pak shumë, shumë pak. Ndonjëherë për mua kohë e lirë bëhet angazhimi im para fotografëve të njohur amerikanë. Një pjesë të kohës së lirë ma marrin angazhimet e mia në studio, para aparateve dhe kamerave. Jam e përfshirë edhe në reklamat e produkteve të flokëve. Kam qenë fytyra e produkteve në American Culture, që mund ta gjeni nëpër sallone të ndryshme dhe në “Essentials Stores” anembanë Amerikës, gjithashtu jam e angazhuar edhe me videoklipe promocionale të evenimenteve tjera.

Tim Shkupi: Ku, ku, zemër… (e provokoj pak) ti nuk paske kohe për dashuri fare…

Laureta Meci: (qesh sërish ëmbël, por kësaj radhe edhe lezetshëm) … Tim Shkupi im, zemra ime, Laureta nuk e përzien atë që quhet PLEASURE me biznesin. Jeta profesionale mbetet në sferën e biznesit, kurse ajo PLEASURE dhe dashuri është krejtësisht tjetër. Ndaj, kësaj të fundit i kushtoj rëndësi të posaçme, por ajo mbetet vetëm për mua, mbetet sekrete.

Tim Shkupi: (prapë e provokoj) … pra, Laureta ka princin e saj, që ajo gjen kënaqësi në dashuri?

Laureta Meci: Hmmmm… (ishte në fillim përgjigjja e saj) Tim Shkupi, a mund ta shfrytëzojë të drejtën time, siç u morëm vesh në fillim?

Tim Shkupi: Po, po, pa problem, zemër…

Laureta Meci: Le të mbetet kënaqësia dhe dashuria për mua, kurse për ty dëshira për të thirrur peshkun në seancën e ferkatarit, por ja që peshku është thellë, dikund në detin e dashurisë…

Tim Shkupi: (sakaq, ja pres) … Nuk e marr vesh këtë…

Laureta Meci: (qesh me zë seksi, ma ndryshon temën, sikur që dëshiron sekretin e dashurisë ta mbajë jashtë sferës së jetës profesionale)

Tim Shkupi: Mirë zemër, mirë. Do t’i iki kësaj teme. Kjo ishte vetëm një përpjekje e imja, si puna e Sizifit, por kot, quaje punë gazetarësh që dëshirojnë të dinë gjithçka…

Po, po, në rregull. Unë e shfrytëzova vetëm të drejtën time.

Tim Shkupi: Laureta, zemër, përveç kësaj të drejte, ju keni edhe një të drejtë tjetër, ju mund ta shfrytëzoni të drejtën për ta vizituar Kosovën, Prishtinën një ditë. Unë besoj se tani keni adhurues atje dhe do t’ju presin mirë. Mendoj, njësoj si në Kuçovë, në Shqipëri. Keni në plan…

Laureta Meci: (ma ndërpret fjalën, pak sa e emocionuar) Po si, patjetër. Me origjinë jam nga Zagoria dhe ne kemi në gjak vendin tonë. Këndojmë me mall për çdo gjë të bukur në Shqipëri, i këndojmë Zagorisë së Çajupit. Kurse Çajupi nga Misiri këndonte “do të vdesë, le të vdesë, vetëm të mos vdes në dhé të huaj” Unë aq sa e dua Kuçovën, Zagorinë, po aq e dua Shqipërinë dhe Kosovën. Ndaj, një nga planet e mia është të vizitojë një ditë Kosovën dhe Prishtinën.

Tim Shkupi: Laureta para se ta mbyllim këtë dritare Chat, keni diçka të thoni për vizitorët e AlbaNurit dhe lexuesit e Kosovares?

Laureta Meci: Unë i përshëndes të gjithë shqiptarët kudo që janë, përmes Web faqes suaj Albanur dhe të përshëndes posaçërisht ty, Tim Shkupi. Ju jeni fantastik… (qesh edhe më ëmbël dhe shumë lezetshëm dhe thotë diçka që ka mbajtur mend) “OHHH KUKU BREE, TY TË KAM ZEMËR DHE SHPIRT, TIM SHKUPI, ALBANUR”

Tim Shkupi: (mbetem i hutuar për një çast përballë zërit të lezetshëm të Lauretës, por e mblodha fuqinë time të zërit t’i them) FLM shumë Laureta, shumë FLM, zemër e shqiptarisë në New York. Do ta kuptoj si një kompliment, dhe do të mbetet ky takim Chat në internet me ju, një nga takimet e mia më të preferuara në prag të vitit 2007. Urime festat e fundvitit dhe me fitore të reja në karrierën tuaj në vitin 2007!

Laureta Meci: FLM, edhe juve urime dhe gjithë shqiptarisë me përgëzime dhe suksese në vitin 2007.

Marrë nga AlbaNur.Net.



>>>>>>>>>>>>>>>>>>>>>>>>>>

S ka c te thote askush...eshte e bukur si kerkush

PS
Timi me duket se paska pesuar nje qark te shkurter se cd do llafe nje e ka kompliment

ky eshte linku i bukuroshes shqiptare:
http://lauretameci.com

[BARAT]

[BARAT]

foto

[BARAT]

http://lauretameci.com/gallery.htm

[Hyllien]

Kjo qenka per nuse tamam. 5-6 kalamaj do i rradhisja me kete pa frike.


Brravo i qofte qe ka arritur ku ka arritur, e mos ti harroj origjinat kurre.