Zgjedhjet parlamentare në Gjermani.

[Davius]

Merkel në epërsi të ngushtë para Shrëderit

Berlin, 09:35

Unioni Demokristian (CDU/CSU), i kryesuar nga Angela Merkel, fitoi 225 vende parlamentare në Bundestagun gjerman, përderisa socialdemokratët (PSD) e Gerhard Shrëderit kanë fituar 222 vende.

Këtë e tregojnë rezultatet e para jozyrtare nga zgjedhjet e djeshme parlamentare në Gjermani.

Demokratët liberalë (FDP) kanë fituar 61 vende, Partia e të Gjelbërve 51, përderisa Partia e Majtë 54 vende të deputetëve.

Ndonëse unioni CDU/CSU është në epërsi të vogël, Merkel pret që ta fitojë mandatin për formimin e Qeverisë së re gjermane, por sipas analizave të njohësve të rrethanave ajo vështirë se do të mund të punojë nëse socialdemokratët e Shrëderit e refuzojnë bashkëpunimin.

[Davius]

PA FITUES ABSOLUT NË ZGJEDHJET NË GJERMANI

Zgjedhjet e djeshme të parakohshme në Gjermani u bënë zgjedhjet më dramatike dhe më të papritshmet në historinë e kësaj Republike federale. Ata sollën një fitues formal, por jo edhe real, ndërsa nuk i dhanë përgjigje pyetjes se cilat parti do ta formojnë Qeverinë e ardhshme gjermane dhe se kush do të jetë kancelari i ri.

Pavarësisht faktit se koalicioni ndërmjet Unionit Demokrishter (CDU) dhe Unionit Krishterosocial (CSU) fitoi më së shumti vota dhe rezultate papritmas të mira të Demokratëve të Lirë (DDP), këto parti nuk e kanë shumicën e nevojshme për formimin e Qeverisë.

E njëjta vlenë edhe për Partinë Socialdemokrate Gjermane (SPD) dhe partnerët e tyre nga radhët e të Gjelbërve.

Asnjëherë deri tani në historinë e Gjermanisë nuk ka ndodhur që dy parti njëkohësisht të pretendojnë për kolltukun e kancelarit. Tani këtë e realizuan edhe dy kundërkandidatët kryesorë - kancelari i deritanishëm Gerhard Shrëder dhe liderja e kozervatorëve - Angjela Merkel.

Shrëderi është i bindur se rezultatet e zgjedhjeve konfirmojnë se SPD-ja paraqitet si partia më e fuqishme në vend dhe në kushte të këtilla mund të flitet vetëm për një qeveri të koalicionit nën udhëheqjen e tij.

"Askush përveç meje nuk është në gjendje të formojë një qeveri stabile", tha Shrëderi për të shtuar se rezultatet e CDU-së nuk i lejojnë kandidatit të tyre Merkel të pretendojë për në pushtet.

Shrëderi gjithashtu shfaqi dyshimin se Merkeli mund të lidhë marrëveshje për një koalicion me socialdemokratët.

Sipas lideres së opozitës, votimi qart ka treguar se CDU-ja dhe CSU-ja duhet ta formojnë qëverinë e re.

"Mund të them se kolacioni kuq e gjelbër është e kaluar dhe ky është lajm i mirë. Ne jemi fuqia më e madhe dhe dëshirojmë ta formojmë qeverinë", ka shtuar ajo.

Fati i kabinetit të ardhshëm do të zgjidhet përmes bisedimeve ndërmjet partive. Edhe CDU/CSU edhe SPD kanë shfaqur gatishmërinë të zhvillojnë bisedime me të gjitha partitë parlamentare, me përjashtim të Partisë së Majtë.

Vijojnë rezultatet zyrtare të publikuara pas numërimit të votimeve të 298 nga 299 komisionet rajonale. Votimi në një krahinë në pjesën lindore Drezden është anuluar për më 2 tetor.

- Socialdemokratët - 34,3 për qind, 16.15 milionë vota (38,5 për qind, 251 vende në Parlament në vitin 2002).

- Unioni Demokrishter - 35,2 për qind, 16.59 milionë vota (38,5 për qind 248 vende në vitin 2002)

- Liberalët - 9,8 për qind, 4,62 milionë vota (7,4 për qind, 47 vende)

- Partia e të Gjelbërve - 8,1 për qind, 3,83 milionë vota (8,6 për qind, 55 vende)

- E majta - 8,7 për qind, 4,09 milionë vota (ish-Partia Komuniste e Socializmit Demokrat: 4 për qind, 2 vende)

Të tjerët rreth katër për qind janë ndarë ndërmjet 20 partive të vogla dhe kandidatëve të pavarur.

Jehona e votuesve ishte 77,7 për qind (79,1 për qind

[GeNi_25]

Keto zgjedhje jane ndjekur me vemendje te veçante edhe nga Turqia pasi siç dihet konservatoret (Kristian Demokratet) para dhe gjate fushates jane shprehur kunder futjes se Turqise ne Bashkimin Evropian.

[xxxl]

Ka filluar nje poker i rende ketu ne gjermani behet fjale per semafor kualicion ose xhamaika kualicion por thuhet se do te kete edhe zgjedhje te reja por kushdo qe te vije 4 miljone te pa pune nuk iheq dot eshte bere nje remuje qe po qesh gjithe gjermanija,por me sa kame vene re une me shume vota kane fituar partite e vogla.

[Davius]

Angela Merkel konfirmohet në krye të CDU/CSU

Është rizgjedhur si lidere e grupimit të madh parlamentar CDU/CSU, Angela Merkel. Ajo ka fituar dje mbështetjen e 98,6% të kristiandemokratëve dhe unionit kristian social, pavarësisht nga rezultatet jo fort të kënaqshme për këtë koalicion në zgjedhjet e së dielës. Madje niveli i mbështetjes që i kanë dhënë asaj përkrahësit ka qenë më i madh se në vitet e kaluara. Ajo u zgjodh si kreu i grupit CDU/CSU në 2002-shin me 92,2% dhe në vitin 2003 me 93,72%.

Në zgjedhjet e 18 shtatorit, Merkel fitoi shumicën e votave si parti, por përqindja e fituar nuk është e mjaftueshme për të krijuar një qeveri të qëndrueshme. Ajo që e pranojnë të gjithë në Gjermani, është se rezultati i marrë nga ky koalicion ishte shumë më larg atij që pritej. CDU/CSU fituan vetëm 3 vende më shumë në Parlament se socialdemokratët e Gerhard Shrëderit. Angela Merkel nuk mund të krijojë qeveri as me partnerët e preferuar liberal- demokratët e lirë (FDP). Kështu, ajo do të përballet tashmë me disa javë bisedime për krijimin e një koalicioni, që ndoshta do të krijojë atë që po quhet si koalicioni i madh mes CDU/CSU dhe SPD-së së Shrëderit.

[m.g.q.n.t.v.]

Fisheri jep doreheqjen nga çdo post i mundshem ne qeverin e re. Aleati i Shrederit ka theksuar edhe njehere se partia e tij nuk do te hyje ne koalicion me Kristian Demokraten Angela Merkel. Epo nuk eshte Xhuv.... ai te ndryshoj krah sa andej ketej.