Manchester United

[Manci]

Mbrojtësi anglez në minutën e fundit i jep fitoren Mançesterit. "Të kuqtë" i largohen titullit 23-01-2006

Ferdinandi "mbyt" shanset e Liverpulit




Rio Ferdinand u bë heroi i Mançester Junajtidit, pasi shënoi me kokë në minutën e 90-të golin që i dha skuadrës së Fergusonit fitoren 1-0 në "Old Traford" ndaj Liverpulit.
Mbrojtësi anglez, pikërisht në sekondat e fundit të takimit, shënoi duke devijuar me kokë krosimin e ardhur nga Gigsi. Ishte hera e vetme që "Djajtë" arritën të mposhtin mbrojtjen e miqve, të kujdesshëm përgjatë 90 minutave.
Por Ferdinandi u bë heroi i djeshëm për Mançesterin, pasi përpara se të shënonte, në minutat e para të pjesës së dytë kishte shpëtuar portën e skuadrës së Fergusonit, nga një goditje e rrezikshme e Sisesë.
Me Çelsin realisht jashtë mundësisë për t'u kapur nga të dyja skuadrat, Mançesteri dhe Liverpuli i dhanë jetë derbit të Anglisë që gjithsesi pati jehonën e duhur. Ndeshja filloi nervoze për të dyja skuadrat dhe minutat e para u karakterizuan nga pasime të gabuara dhe ndërhyrje të vendosura. Në 30 minutat e para të lojës, pavarësisht nga ritmi i lartë i lojës, rastet e pastra munguan. Vlen për t'u përmendur vetëm një krosim i Stiven Xherrardit që mori një trajektore të çuditshme, duke trembur Van der Sarin. Më shumë interes paraqiti ndërhyrja e Herri Kjuellit në qendër të fushës ndaj Patris Evrasë.
Francezi kuptoi që në ndeshjen e debutimit stilin e rëndë të Premier Ligës, ndërsa australiani i gjakosur kërkoi ndihmën e mjekëve. Liverpuli pati kontrollin në pjesën më të madhe të fraksionit të parë të lojës, por gjithsesi Runi tregoi se mund të thoshte fjalën e tij në këtë ndeshje.
Pikërisht pas një krosimi të Runit, Gigsi e detyroi Karragerin të bënte një ndërhyrje shpëtimtare për portën e miqve. Pak çaste më vonë, Keiron Rikardson dhe Mohamed Sisoko u ndëshkuan me karton të verdhë. Pjesa e parë u mbyll me një aksion personal të Uejn Runit. Në 45 minutat e dyta, Piter Krouç dhe Rud Van Nistëlroi ishin më aktivët, por pa arritur të vendosnin fatet e ndeshjes. Kur gjithçka dukej se po shkonte drejt barazimit dhe loja po zhvillohej nervoze në mesfushë, Rio Ferdinand shënoi golin që i dha mundësinë "Old Trafordit" të festonte. Pas këtij rezultati, Mançesteri mbrojti vendin e dytë në klasifikim, ndërsa Liverpuli detyrohet t'u thotë lamtumirë shanseve për titullin kampion. Të besuarit e Fergusonit ndodhen 14 pikë prapa Çelsit kryesues.

Pas ndeshjes, trajneri skocez tha: "Ishte një fitore shumë e rëndësishme, e cila na dha mundësinë të mbrojmë vendin e dytë. Jam i kënaqur me debutimin e Evrasë dhe detyra jonë është të vazhdojmë të luajmë për fitore, pavarësisht nga distanca në klasifikim me Çelsin."

[c.Ronaldo]

Nuk duhet te themi se Djajte e Kuq fitojne me fat per arsye se ne fudboll nje pjese e lojes eshte me te vertet fat per arsye se asnje ekip nuk fiton mme merite sepse topi me shume e zoton kundershtari kurse keta e shenojne golin


ps: Kete qe e citova nuk e bera per te mbrojtur Manchester United por per te gjithe e skuadrat tjera

[OO7]

2-0 Dhe nje Penallit ose Gol i pa dhene ! Ca doni mo ! Manchester UNITED pretendon akoma per titull Shpresojme qe Chelsea te leje ca pike rruges dhe kur te kemi perballje direkte e kqyrim vete

[Flamurtari]

CHelsea, Chelsea< chelsea,