Franca, nis epoka e dytë "Zidane"

[Davius]

Zinedin Zidan ka bërë rikthimin e tij zyrtar mes kombëtares franceze të futbollit, ashtu si Liliam Turam dhe Klod Makelele, teksa emrat e tyre kanë figuruar në listën e 21 futbollistëve të gurmbulluar nga trajneri Rajmond Domenek. Franca do të luajë ndaj Bregut të Fildishtë në një takim miqësor, që do të zhvillohet të mërkurën e ardhshme në Montpelier.

Të tre këta futbollistë janë rikthyer në përfaqësuesen "blu", pasi i kishin dhënë asaj lamtumirën në fund të kampionatit europian, që u zhvillua në Portugali, verën e kaluar. Rikthimi i Makeleles ka bërë që Pedreti, një titullar i rregullt i kombëtares së Domenekut, që kur ky trajner mori drejtimin e Francës pas dështimit të Santinisë në Europian, të mbesë jashtë listës së të grumbulluarve. Eshtë lënë edhe një herë jashtë mesfushori i Arsenalit, Robert Pires. Futbollisti që numëron 79 takime me kombëtaren, është thirur përherë të fundit në fitoren 2-0, që Franca arriti ndaj Qipros në 13 tetor.

Franca kishte programuar, që këtë takim miqësor ta zhvillonte me Senegalin, por gjithçka u anullua pas një kërkese të Federatës Senegaleze të Futbollit, të cilët e konsideruan skuadrën e tyre si të papërshtatshme për të luajtur një ndeshje të këtij niveli. Ajo ndaj Bregut të Fildishtë, do të jetë ndeshja e fundit miqësore për Francën, e cila do të përballet në muajt shtator-tetor me katër ndeshje vendimtare për fazën kualifikuese. Fituesit e Kupës së Botës në vitin 1998, renditen të katërtit në grup pas Izraelit, Zvicrës dhe Irlandës. Skuadra e Domenekut do të ndeshet me ishujt Faroe në Lens më 3 shtator, tri ditë më vonë do të udhëtojnë për në Irlandë, ndërsa më 8 tetor do të kërkojnë tri pikët në Zvicër. Ndeshjen e fundit eliminatore do ta zhvillojë ndaj Qipros në "Stad de France" më 13 tetor.
Përcaktohet miqësorja Francë-Gjermani

Franca do të luajë në miqësore ndaj Gjermanisë më 12 nëntor, në rast se skuadrës së Domenekut nuk do t'i duhet të përballet me ndeshjet kualifikuese të "play off"-it në zonën e Europës. Franca e ka të vështirë të arrijë kualifkimin direkt, gjithsesi shpresat nuk kanë humbur dhe si çmim i vendit të parë në grup, futbollistët e Domenekut i pret një miqësore "luksi" ndaj Gjermanisë. "Kemi përcaktuar këtë miqësore, në rast se nuk do të luajmë në "play off" -, tha presidenti i Federatës Franceze të Futbollit, Zhan Pierr Eskaletes -. Gjithsesi, jam i bindur se skuadra do të kualifikohet e para në grup. "Për në ndeshjen e fundit që këto dy skuadra janë takuar, Franca ka fituar 3-0 në Gelsenkirshe ndaj Gjermanisë.

.................................................. ................................

Cka mendoni per rikthimin e Zizus ne kombetare, eshte vendim i duhur apo i tepruar...

[niku-nyc]

Mbase Franca do shpetoi se deri tashti ishte ne krize pasi dhe grupi nuk duket aq i let me Irlanden, Zvicren, dhe Izraelin. Rikthimi i Zidane, Makelele, dhe Thuram do jet shpetimi dhe mbase mund te rikthehet ai ekipi i 98...

[Davius]

Ne vitin '98 Zidane ka qene ne kulmin e karrieres se tij, kjo vlen edhe per Thuramin ndersa Makelele me vone u zbuluar. Nuk mendoj se Zidane do te beje prap nje FRANCE magjike, vetem se do jete nje plus i madhe per to qe me me lehtesi te kualifikohen per fazat finale te Boterorit 2006.

[Davius]

Mire ja nisi epoka e dyte. Shenoi nje gol sonte dhe ishte shume i dobishem per Francen. S'thone kot, ujku qimen e nderon por zanatin se harron dhe keshtu me Zidanen ka ndodhur!

[niku-nyc]

Deri tashti franca po duket me mire nga ardhja e treshes Thuram, Makelele, dhe Zidane por testi i pare keta te 3 do jet me 7 Shtator kur Franca do luajn ne Ireland per eliminatoret.

[Davius]

Franca, Zidan i trembet euforisë

Nuk ishte rastësi që fitorja e merituar 3-0 e Francës në miqësoren e së mërkurës ndaj Bregut të Fildishtë, përkoi me rikthimin e Zinedin Zidanit në ekip, një vit pas largimit të tij nga arena ndërkombëtare e futbollit. Tashmë mesfushori i Realit të Madridit, i cili shënoi edhe golin e dytë në takimin e së mërkurës, është rikthyer në kombëtaren e Francës bashkë me mbrojtësin Lilian Turam dhe mesfushorin e Çelsit, Klod Makelelen, për të ndihmuar ekipin e tij që të arrijë të kualifikohet për në Botërorin e 2006-s.

Franca do të luajë më 3 shtator ndaj ekipit të Ishujve Faroe dhe katër ditë më pas, ekipi i drejtuar nga trajneri Domenek do të udhëtojë për në Irlandë, ku do të luajë ndaj kryesuesve të grupit 4 eliminator të Kupës së Botës. Më pas, më 8 tetor, ekipi i Francës do të presë Qipron në "Stade de France". Aktualisht, Franca ndodhet në vend të katërt në grupin 4, me dhjetë pikë të fituara në gjashtë takime. Irlanda kryeson me 13 pikë, Zvicra ndodhet në vend të dytë me 12 pikë, ndërsa në vend të tretë ndodhet Izraeli me 11 pikë. Të trija këto skuadra kanë zhvilluar një ndeshje më shumë se ekipi i Francës.

Pas suksesit të arritur ndaj Bregut të Fildishtë, trajneri Domenek, sulmuesi Henri dhe Zinedin Zidan paralajmëruan lojtarët që të mos bien pre e euforisë, por të përqendrohen seriozisht në katër ndeshjet e mbetura. "Kjo fitore na e ka ngritur shumë moralin, por duhet të bëjmë kujdes. Nuk duhet të "rrëmbehemi" nga euforia, pasi e dimë se cilat ndeshje janë të rëndësishme. - Megjithatë, kapiteni i Francës deklaroi se ekipi e kishte marrë veten që nga eliminimi e turpshëm në çerekfinalet e Euro 2004-s. - Na mungonte diçka dhe këtë e kemi parë edhe në takimet e fundit. Tashmë çdo gjë duket se po shkon në rrugën e duhur", - deklaroi Zidani.

Henri, i cili e festoi 28-vjetorin e tij duke shënuar golin e tretë në takimin e djeshëm, nuk kishte luajtur me kombëtaren që nga barazimi 1-1 ndaj Suedisë në shkurt të këtij viti dhe u shpreh se rikthimi i tre lojtarëve "të tërhequr" kishte qenë çelësi i fitores ndaj Bregut të Fildishtë: "Luajtëm në mënyrë kolektive dhe skuadra u organizua mjaft mirë. Rikthimi i Zidanit, Makeleles dhe Turamit e përmirësoi ndjeshëm lojën tonë". Turami, i cili luajti ndeshjen e 104-t me kombëtaren e tij, arriti të kalonte ish-kapitenin Didië Deshamp dhe tashmë ndodhet në vend të dytë, pas Marsel Dezaisë, që ka luajtur 116 takime me kombëtaren e Francës.

Mbrojtësi i Juventusit ishte në formë të mirë dhe këtë e tregoi edhe duke neutralizuar në disa raste sulmuesin e Çelsit, Didië Drogbanë, i cili u dëmtua pas 22 minutash dhe u detyrua të linte fushën e lojës. Edhe mesfushori Klod Makelele u vu në dukje përballë 31.457 tifozëve të pranishëm në stadiumin e Montpeliesë.