gazeta sot
Ekstremizmi islamik lojë e antishqiptarit Nano dhe provokatorit Bolino
Tashmë që pushteti i Fatos Nanos ka marrë fund, fenomeni që po shoqëron këtë humbje pushteti sa vjen e bëhet më i rrezikshëm. Duke mos pasur as forcën dhe as mundësinë të bëjë rezistencë për një mosdorëzim të mundshëm të pushtetit, humbësi Nano po kërkon me çdo kusht t’i tregojë ndërkombëtarëve se pushteti i ardhshëm është pushtet që mbart rrezik si brenda Shqipërisë, por dhe për mbarë rajonin. Brenda vendit demagogjia e tij lëviz me fenomenet e “çeçenizimit” të vendit si dhe rrezikun që ka për të sjellë ky fenomen, duke përdorur për këtë qëllim institucionet dhe mediat vasale të tij, duke pompuar në opinion se ardhja e demokratëve në pushtet po aktivizon elementin kriminal, siç përpiqet të paraqesë rastin Lusha apo aksentet gegërishte që janë dëgjuar në vjedhjen e ndonjë banke.Por, ndërsa ky fenomen është një lojë e trashë për të viktimizuar njerëzit, të cilët vazhdojnë të përjetojnë me tragjedi fenomenin e krijuar në vitin ’97, kur bandat jeshile të Berishës realisht terrorizuan një pjesë të mirë të popullatës, fenomeni më i rrezikshëm që po mundohet të përligjë Fatos Nano, është ai fenomen i fondamentalizmit islamik e që sipas tij rrezikon rajonin dhe me anë të lojërave dhe takimeve të ndryshme me faktorë shqiptarë brenda rajonit kërkon të sensibilizojë faktorin ndërkombëtar duke kërkuar t’i bindë se ai është i vetmi që mund të mbajë nën frerë këtë fenomen. Por, si gjithmonë kur në lojërat e tij ka qenë tepër transparent dhe shpeshherë bufon edhe këtë herë ish-kryeministri shqiptar vazhdon të tregojë qartazi se për hir të lëkurës së vetë ai është gati të prishë çdo imazh të mirë të çështjes mbarëshqiptare. Në bashkëpunim dhe me aktorin tjetër të gazetës shqiptare Carlo Bollino, i cili jo pak herë e ka nxirë realitetin shqiptar duke abuzuar me islamizma të paqena, i cili jo pak herë ka sajuar konflikte mes myslimanësh, rrymash konservatore dhe jokonservatore, përfaqësues të Bin Ladenit apo siç ishte dhe shkrimi i djeshëm ku shqiptarët e Kondovës ishin elementë të lidhur me Al Zarqaëin, Fatos Nano kërkon të kthejë rreth vetes vëmendjen e ndërkombëtare duke kërkuar të bëjë të qartë se ai si element ortodoks është në gjendje të mbajë nën thundrën e tij këta fondamentalistë, të cilët do të jenë rrezik iminent për rajonin si dhe një pedanë e rrezikshme për Europën. Pra, nëqoftëse vëmë re titulli i djeshëm i të përditshmes që është pronë e një provokatori si Bollino ku me gërma të mëdha shkruhej “TIRANË-SHKUP PLAS ALARMI I EKSTREMISTËVE ISLAMIKË” nuk na solli gjë tjetër veç lojën idiote të Nanos me italianin Bollino në dëm të imazhit shqiptar. Ashtu siç nuk e pati problem që të deklaronte se mund ta ndante Shqipërinë si Qipro, ashtu siç deklaroi se Shqipëria dhe Kosova flasin një gjuhë, por nuk janë një komb, ky njeri nuk e ka problem që për të rritur kredencialet e tij të paraqesë para kujtdo, një vend islamik që është i rrezikshëm për mbarë botën. Fakti tjetër është se personazhi që po bëhet kryeministër është mysliman, përmban brenda vetes “rrezikun” që Fatos Nano po përpiqet ta amplifikojë, duke kërkuar që këtë alibi ta shndërrojë në favor të vetes së vet në ditën e zgjedhjes së presidentit, me shpresën që emri i tij mund të silurohet si garant kunër islamikëve që paskan uzurpuar këtë vend. Por, pavarësisht planeve të tij afatgjata një gjë është e sigurtë që rreziku islamik është iminent në faqet e një gazete që luan goxha mirë lojën antishqiptare, më në krye Carlo Bollinon dhe të Fatos Nanos, i cili jo se e ndien këtë rrezik, por duhet ta përdorë për interesat e tij kundër interesave të vendit.
< Para Tjetri >
Përgjigju Duke Cituar
Postuar më parë nga Harudi
Krijoni Kontakt