Tifozët e FC Real Madridit...#5

[Humdinger]

Me sjelljen e nje punetori si Gravesen beri shume pune te mire Saki, por te shohim cka do ben tjeter...

E sheh ?? Ja pra e ka bërë një hap....Përse dyshon për hapa të tjerë??
Më optimist të duhet jesh Davius

[Davius]

Më optimist të duhet jesh Davius

Ok, me duket se je Lazian, edhe une perndryshe jam nje lazian, por me shume e dua Realin, thone se dita e mire shihet ne mengjez, dhe nese Graveseni eshte mengjezi me diell, besojme se nuk do jete ndonje lojtare tjeter me vone "shiu" i pasdites...

..............

[Davius]

Vieri i ofrohet Realit, CSKA-ja e pret

Interi dhe Kristian Vieri ndërprenë bashkëpunimin e tyre gjashtëvjeçar në vetëm gjashtë minuta. Zikaltërit kanë vendosur ta lënë të lirë sulmuesin italian të luajë për ndonjë skuadër tjetër, pavarësisht se kontrata e tij përfundonte në qershor të vitit 2006. Kësisoj, një futbollist si Vieri nuk mund të mos vihet në qendër të merkatos, jo vetëm në Itali, por në të gjithë Evorpën. Bobo synon ta bindë Marçelo Lipin për një vend në finalet e Kupës së Botës, dhe për shumë presidentë klubesh ai përfaqëson një bast që mund të fitohet. Nëse Milani dhe Juventusi në Itali nuk po i tregojnë vëmendjen e duhur kësaj çështjeje, pjesa tjetër e Evropës ka filluar të mendojë për të marrë shërbimet e sulmuesit 31-vjeçar.

Sipas të përditshmes spanjolle "Marca", menaxheri i Vierit, Serxhio Berti, ka kontaktuar me drejtuesit e Realit për të parë mundësinë e trasnerfimit të Bobos te skuadra e Luksemburgos. Reali ka kërkuar kohë të mendohet. Florentino Perez dëshiron të bisedojë më parë me Moratin. Dy presidentët kanë pasur kontrake të shpeshta telefonike me njëri-tjetrin kohët e fundit, pasi zikalërit janë interesuar për dy futbollistët e Realit, Samuel dhe Solari.

[Davius]

Santos gjobit Robinjon, Burtagenjo e thërret te Reali


Sulmuesi brazilian Robinjo është gjobitur nga drejtuesit e Santosit, pasi ka munguar pa arsye në stërvitjen e skuadrës që ishte programuar të premten pasdite. 20-vjeçari nuk është parqitur në klub, pasi mbaroi se sukses aventurën në Kupën e Konfederatave. Trajneri i Santosit, Galo, tha: "Komunikova në telefon me Robinjon në mëngjes dhe më siguroi se do të vinte në stërvitje, por nuk ndodhi kështu. Personalisht e pres edhe në stërvitjen e sotme.

Në rast se nuk paraqitet sërisht, atëherë do t'u kërkoj drejtuesve të marrin masa serioze ndaj tij." Robinjo duket se nuk ka ndërmend të qëndrojë më gjatë në Brazil, dhe po pret që të mbyllet marrëveshja për kalimin e tij te Reali. Dje zv.presidenti i "merengesve", Emilio Burtragjeno, i pyetur për këtë çështje tha: "Një futbollist si Robinjo do ta bënte edhe më spektakolare skuadrën tonë. Eshtë vetëm 20-vjeç, dhe për këtë po këmbëngulim kaq gjatë për ta marrë te Reali. Shpresoj që dëshira e tij për të luajur në Spanjë të realizohet sa më shpejt."

[Davius]

Figo-Luksemburgo, takimi vendimtar
Luis Figo dhe Vanderlei Luksemburgo do të kenë një takim kokë më kokë javën e ardhshme, dhe vetëm më pas portugezi i Realit do të vendosë të ardhmen e tij. Figo, të cilit kontrata i skadon në qershor 2006, mund të lihet i lirë nga "merengesit" e të largohet në rast se Luksemburgo nuk do ta dëshirojë më në skuadër. Menaxheri i futbollistit tha për shtypin spanjoll se vetëm pasi të mësojë dëshirën e trajnerit të Realit, Figo do të fillojë të projektojë vitet e fundit të karrierës së tij futbollsitike

Diogo: Reali, një ëndërr për mua
Mbrojtësi 21-vjeçar, i cili të premten firmosi për pesë vjet me Realin e Madridit, u shpreh mjaft i lumtur për arritjen e marrëveshjes: "U realizua një ëndrër. Jam 21-vjeç dhe luaj në skuadrën më të fortë në botë. Nuk jam i trembur dhe po pres me padurim sfidën madrilene. Eshtë normale që do të ndiej emocione kur të stërvitem me Ronaldon, Zidanin, Bekhamin apo Raulin, por jam gati ta shfrytëzoj këtë rast që të jepet rrallë në karrierë."

[Davius]

Erdhi edhe momenti i tij per ne Real Madrid..............

[Davius]

Nje perqafim lamtumires si duket po na bejne Figo dhe Perez...ishte Figo i cilu ishte "nyja" e pushtetit te Perezit ne Madrid, ishe Figo i cili emri i tij u shfrytzua si marketing qe Perez te vine ne krye te Realit...pra sot eshte prane divorcit....

[Davius]

Real: Robinjo, domosdoshmëri, jo luks

Trajneri i Realit të Madridit, Vanderlei Luksemburgo, po kalon ditët e fundit të pushimeve me tensionin e merkatos, që e sheh skuadrën e tij si gjithmonë në qendër të vëmendjes. Pritet nga ora në orë që "merengesët" të bëjnë të ditur blerjen e Robinjos nga Santosi. "E dua Robinjon te Reali, sepse është një futbollist 20-vjeçar me teknikë të rrallë. Për momentin, ai është ende një futbollist i Santosit, por nuk mund ta fsheh interesimin tim për të," - tha Luksemburgo.

Që në fillim të merkatos, trajneri i Realit u ka kërkuar drejtuesve të tij shërbimet e sulmuesit brazilian, i cili i bindi të gjithë për aftësitë e tij gjatë Kupës së Konfederatave. Trajneri 52-vjeçar pohon se pavarësisht nga kombësia e tij braziliane, nuk ka ndikuar drejtpërdrejt në këto bisedime: "Te Reali ka kush merret me merkaton. Unë di që ne i kemi bërë një ofertë Santosit për Robinjon dhe presidenti Teikseira ende nuk e ka pranuar atë. Sigurisht, fakti që unë jam brazilian, ndikon në këtë marrëveshje, por jo drejtpërdrejt.

Ndikon thjesht në dëshirën e futbollistit për të luajtur në Europë me një klub prestigjioz, me trajnerin e të cilit njihet mirë." Gjithsesi, Luksemburgo e pranon se kur ka qenë trajner te Santosi, e ka bindur Robinjon dhe presidentin e Santosit të firmosnin bashkëpunimin ndërmjet tyre deri në vitin 2008: "Eshtë normale që unë të mbroj interesat e klubit ku punoj. I këshillova Teikseiras të firmoste deri në vitin 2008 me Robinjon dhe tani është njeriu më i lumtur në botë, sepse mund të përfitojë 20 milionë euro nga shitja e tij." Santosi ka kërkuar 25 milionë euro për brazilianin 20-vjeçar, ndërsa Reali i ka ofruar 20 milionë euro dhe gjetja e gjuhës së përbashkët nuk është shumë larg.

Pavarësisht se brazilianët kishin menduar të rrezikonin, duke e mbajtur Robinjon deri në fund të Botërorit 2006, kalimi i tij në "Bernabeu" është çështje ditësh dhe pse jo orësh. Kjo duket edhe nga fjalët e Luksemburgos, i cili e do sa më parë Robinjon në radhët e "galaktikëve": "Ideja për ta lënë Robinjon edhe një vit te Santosi dhe për ta marrë pas Botërorit 2006, nuk më pëlqen. Mendoj se ai është gati për të luajtur në ndonjë kampionat të rëndësishëm në Europë dhe përse mos ta bëj diçka të tillë, duke luajtur me Realin." Në fund të deklaratës së tij, trajneri i Realit komenton dy blerjet e fundit të Realit, Pablo Garsia dhe Diogo:

"Të dy këta futbollistë do të shërbejnë për të përforcuar skuadrën për sezonin e ardhshëm. I kam ndjekur me kujdes dhe e kam menduar vendin e tyre në skuadër. Gjithsesi, merkatoja është një pjesë me të cilën merren njerëz të tjerë te Reali dhe ju siguroj se ata dinë ta bëjnë punën e tyre."


Robinjo: Mendoj vetëm për Realin
Robinjo, një ditë pasi është gjobitur nga Santosi, pas mungesës në stërvitje, ka dashur të komentojë këtë episod dhe për një televizion brazilian, 20-vjeçari tha: "Eshtë normale që mungova në stërvitje me Santosin. Nuk ka më asnjë motivacion përse të vazhdoj. Tanimë në mendjen time është vetëm Reali. Shpresoj të gjejmë një zgjedhje. Unë e vendosa të ardhmen time dhe pasi u konsultova me Pelen, mendoj se ka ardhur koha e duhur për të luajtur në Europë."

[bayern]

Se kuptoj largimin e Samuel. Me ke do luaje Reali ne mbrojtje? Me Woodgate?
Sa i madh ne blerje yjesh aq edhe i vogel ne mbrojtje. Sachi sic u tha me siper mund te jete babai i futbollit te levizshem me sulme furi ama persa i perket rezultateve eshte shume i vogel. S'ka fituar shum, per te mos thene asgje edhe atehere kur Milani kish superyje.

Edhe keto blerjet Diogo edhe Garcia jane si te thush vari gungen. S'ka edhe kete sezon Barcelona ka me ju c'pu porten si per ne dasem ne liga se ne champions league as mos e mendoni.

[Davius]

Se kuptoj largimin e Samuel. Me ke do luaje Reali ne mbrojtje? Me Woodgate?

Samuel ka qene njeri nder mbrojtesit me te dobet te Realit vitin e shkuar, edhe pse ka luajtur standard, gafet e tij ne hume ndeshje si ajo me B.Lev dhe shume ndeshje tjera jane te pafalshme....

Mbrojtes per sezonin tjeter Reali do kete, Helguera, Woodgate, Diogo, Pavon qe eshte ringjall dhe nese blen edhe ndonje tjeter...

Samuel mund te jete i mire per ne Roma, por kur vjen ne Real Madrid pergjthsite riten shume dhe ai nuk mundi te adaptohet ne nje ritem te tille dhe deshtoi dhe tani dmth shkon luan dikund ku ka me pak pergjithesi..