Prostitucioni politik shqiptar

[dardajan]

Qe Nano duhej te ikte kjo nuk ka diskutim qe PD duhej te fitonte edhe kjo nuk ka diskutim por te kalosh nga nga njeri front ne tjetrin pa te hyre gjemb ne kembe eshte cudi e madhe qe ndodh vetem tek ne.

Mendimi juaj a eshte e moralshme aleanca e PD-se me PA-ne dhe PBDNJ-ne
C'far i kane premtuar njera tjetres ??
Do jete aleance e qendrueshme ??





E Hene, 15 Gusht 2005


TRADHETIA E PARE E LUFTER XHUVELIT

Kreu i PAA-se refuzon t'i beje thirrje elektoratit te votoje PD-ne me 21 gusht. Udheheqesit te agrareve i intereson tkurrja e numrit te mandateve te PD-se, ne menyre qe votat e tij te jene vendimtare per qeverine e re

Kryetari i Partise Agrare Ambjentaliste, Lufter Xhuveli i ka bere thirrje elektoratit te partise se tij, se ne zgjedhjet e 21 gushtit, secili duhet te votoje ashtu sic e mendon me mire. Megjithese tashme eshte pjese e koalicionit te djathte qe do te qeverise vendin, Xhuveli nuk tentoi aspak te orientoje elektoratin e tij, qe votat e mazhoritarit t'i hedhin per kandidatet e Partise Demokratike. Qendrimi i Xhuvelit, eshte pak te vleresohet si i cuditshem. Jane disa faktore qe e shtyjne kryetarin e PAA-se te qendroje paradoksalisht neutral ne garen elektorale te se dieles. Arsyeja kryesore eshte vetedija e Xhuvelit qe kerkesa e tij per te orientuar votat e agrareve drejt se djathtes, do te shperfillej plotesisht. Elektorati i PAA-se keto tete vitet e fundit ka votuar vetem majtas duke e pare kryetarin e partise si nje nga njerezit me besnike te Nanos. Dherealisht, ne tete vite qeverisje, Partia Agrare Ambjentaliste ka qene partia me e palekundur ne mbeshtetje te socialisteve. Nese Gjinushi, Ceka, Milo e Dule kane ushtruar presion ne momente te caktuara ndaj Nanos, votat e Lufter Xhuvelit kane qene nje garanci me teper per kryetarin e PS-se.

Arsyeja e dyte qe Xhuveli nuk mbeshtet te djathten ne rivotimet e 21 gushtit, eshte se ai tenton ne nje fare menyre te shantazhoje aleatet e rinj, PD-ne dhe kryetarin e saj, Berisha. Duke qene i vetedijshem se e majta eshte e avantazhuar ne keto zgjedhje, Xhuveli kerkon te rrise cmimin ne syte e Berishes dhe t'i thote atij: Pa mbeshtetjen time humbe, keshtu qe me jep me teper.

Arsyeja e trete qe e shtyn Xhuvelin te qendroje gjoja indiferent ndaj votes se 21 gushtit, eshte se pikerisht atij i intereson humbja e kandidateve te PD-se dhe fitorja e socialisteve. Afermendsh, nese ne kater zonat ku do te rivotohet, do te fitojne kandidatet e PS-se, votat e deputeteve te PAA-se ne Kuvend, do te jene vendimtare per krijimin e qeverise se re.

Reagimi i socialisteve

Kreret socialiste gjate diteve te fundit e kane sulmuar ashper kryetarin e PAA-se, Lufter Xhuveli per lidhjen e aleances me demokratet. "Kalimi me Berishen, i Xhuvelit qe mori votat e socialisteve, eshte prostitucion politik". Keshtu e quajti anetari i kryesise se PS-se, Petro Koci levizjen politike te Partise Agrare Ambjentaliste, e cila vendosi te bashkeqeverise me Partine Demokratike. "Nderkohe, analiza e Partise Socialiste duhet te filloje nga strukturat qendrore", keshtu eshte shprehur dje Petro Koci. Sipas tij zhvillimi i analizes do te perfshije te gjitha strukturat e saj por duhet te filloje nga qendra duke zbritur ne baze. Gjithashtu ne kete analize Koci thekson se do te nxirren te gjitha pergjegjesite per mosarritjen e rezultatit te kerkuar ne zgjedhjet parlamentare te 3 Korrikut, duke ia faturuar pergjegjesine me te madhe kreut te selise roze dhe drejtuesve kryesore te saj. "Analiza do te filloje ne forumet qendrore te partise qe do te perfshine dhe vetekongresin e partise. Natyrisht qe do te dalin dhe pergjegjesite lidhur me mosrealizimin e rezultatit qe kishte parashikuar Partia Socialiste. Pergjegjesite kane nje hierarki dhe natyrisht qe titullaret e partise kane pergjegjesi me te madhe", tha Koci. Sipas tij askush nuk duhet te perpiqet qe pergjegjesite e veta t'ia faturoje tjetrit, qofshin keto ne rafshin vertikal dhe ate horizontal. Nderkohe qe theksoi se do te preken te gjithe ata te cilet nuk kane meritat dhe qe kane uzurpuar postet drejtuese ne drejtimin e partise qofte ne qender ashtu edhe ne baze. "Ata qe mundohen t'i mbajne me kembengulje postet drejtuese te partise por dhe ata qe perpiqen me cdo kusht per ti rrembyer. Keshtu qe ne do te kerkojme efektivitetin e analizes te te gjitha potencialeve qe do te kene dhe kane forumet drejtuese te partise", tha ai.





Copyright ? KOHA JONE - E perditshme e pavarur Deklarate mbi Te Drejtat

[antares]

Kjo nuk duhet te cudise njeri se shumica e klases politike shqiptare e tille eshte. Ndryshimi me prostitutat qendron se keto te fundit nuk hiqen si virgjeresha dhe te japin mesime morali. Nga kjo pikpamje NGO apo OJQ - Prostitutat Shqiptare pa Kufi duhet te protestojne energjikisht per krahasimin qe u behet me zgjeben morale qe quhet "Klasa Politike Shqiptare"!

[dardajan]

Nga Filip ÇAKULI


Në mbledhjen e fundit të qeverisë mungoi Agron Duka. Për ta zëvendësuar në mbledhje u thirrën dy zëvendësministrat e bujqësisë dhe ushqimit. Kur i pa te dera e sallës Bashkim Fino reagoi menjëherë.-Unë nuk mund të ri në të njëjtën tavolinë me këta që përfaqësojnë njëri Agraren e Xhuvelit tjetri të Drejtat e Njeriut të Dules..
Por Namik Dokle nuk e zgjati me dhe e mbylli mbledhjen pa i hyrë të analizojë fjalët e ministrit të tij të turizmit.
Në të vërtetë, veç anës tragjike që ka kjo qeverisje në tokë me kryeministrin në ajër, ka edhe anën e saj komike. Ndërsa kryetari i Partisë Agrare Ambjentaliste, Xhuveli, nënshkruan marrëveshjen për të qeverisur në një qeveri të djathtë, vazhdon të mbetet pjesë e qeverisjes së majtë. Pra një parti që ka parimin e vazhdimësisë në qeverisje.
Do të ishte e moralshme që pasi zyrtarizon bashkëpunimin me qeverisjen e pritme, të shkëputësh marrëdhëniet me qeverisjen e tashme. Duke dalë në krah të Berishës për agrarizimin e programit të PD-se në ekranet e televizioneve, Lufteri duhej të dilte në TV edhe për ç'agrarizimin e programit socialist. Se nuk mund të jesh njëkohësisht në dy koalicione të ndryshme, madje të kundërta me njëri-tjetrin, që, sipas krerëve të partive drejtuese të këtyre koalicioneve, janë edhe në armiqësi të hapur. Doemos, përderisa e kanë akuzuar njëri-tjetrin si grup mafioz e kriminal, si hajdutë e vrasës. Që po të isha unë prokuror i përgjithshem do t'i kisha rrasur brenda për të vërtetuar pasojat që ka patur ky grup mafioz në këtë vend e mbi këtë popull.
Nuk e dimë se ç'mund t'u thotë zëvendësministri i agrares vartësve të vet sot. Ose prefekti i tyre në Kukës. Të njëjten gjë mund të thuhet edhe për përfaqësueit e çdo rangu në qeverisjne aktuale të PBDNJ-së.
Natyrisht nuk është keq të mbash njërën dorë në bakllava dhe tjetrën në revani . Ky është morali i mbijetesës së partive të vogla, që si bimët kacavjerëse u mbështillen partive të mëdha e gati po u marrin frymën. Për PBDNJ-në, pjesëmarrja në çdo qeverisje është normale për realizimin e misionit të saj për mbrojtjen e minoriteteve dhe pakicave. Normale nuk është të jesh në të njëjtën kohë në dy koalicione.
Ndërsa për partinë e Xhuvelit nuk flitet për normalitet, po për amoralitet. E kam fjalën për anën programore dhe për votat që socialiste që të e shpëtuan partinë nga reaminacioni.
Të jesh e martuar zyrtarisht dhe po zyrtarisht të celebrosh një martesë tjetër nuk është e pranueshme dhe e konceptueshme as për një prostitutë. Sepse deri me sot njihet vetëm një martesë zyrtare dhe bashkëjetësa sa të duash.
Veçse atë që nuk e kanë bërë këto dy parti, duhej ta bënin koalicionet përkatëse. Socialistët do të ndërmerrnin hapin më të zakonshme në këto kushte, duke i larguar "mëkataret " nga tavolina e tyre. Të njëjtën gjë do të kërkonin nga aleatët e tyre të rinj demokratët, për të qenë korrekt me votuesit e tyre. Që votuan kundër Xhuvelit, për t'u qeverisur po nga Xhuveli. Që e konsideruan qeverisjen socialiste, pjesetar i së cilës ishte, më saktë edhe është akoma, Xhuveli, si qeverisje hajdute dhe mafioze, për t'u qeverisur po nga hajdutë e mafiozë. Këtu nuk e kam fjalën se vërtet Xhuveli është mafioz dhe hajdut, se as me shkon mendja për këtë, por kështu e kanë quajtur demokratët dhe vetë Berisha qeverisjen e deritanishme. Dhe votuesit demokratë u mbështetën te këto akuza të udhëheqjes së tyre për të goditur me votën e tyre këtë lloj qeverisje.
Po ja që, duke fërkuar duart nga gëzimi për aftësitë goditëse të votës së tyre, në krye u dalin po ato fytyra që u kanë shërbyer si tabela qitjeje gjatë fushatës.
Mbetet aktuale sentenca e njohur e Malvolios personazhi i Sheksipirit tek "Nata e mbreteërve" "hipokrizia e bën burrin burrë".