Erjon Bogdani

[Black_Mamba]

Perkrahi disa mendime te antareve me siper meje,ky duhet te jap vet doreheqje nga kombetarja,nuk eshte me formen e me pareshme,te themi realitetin duhet te shohish vetin per ku e ke mos zer vend kot ne kombetare ka edhe sulmues tjere te rinj te cilet mendoj se mund te jene me te mire se ky.

Largohu vet Erjon.

[p_selimi]

[QUOTE=Qerim;698727]Erjon Bogdani nje gjest per te gjithe ata qe e nencmojne..

[The.ReaL]

Erion Bogdani ka shenuar golin e pare per Chievo kete sezon , Bogdani shenoi kunder Montoves ne kuader se Kupes se Italisë.

[Davius]

Ngjallet Erjoni, duke shënuar gol kundër ekipit të Genoas.

[lepurush]

Aman se me knaqi ky çun ,ngeli duke shenu ,Cesena kryeson me 7 pike ne saje te tije ...

[{A_N_G_E_L_69}]

Erjon Bogdani: T’i çojmë lajme të mira Kuzhes


Autori: Adi Metaliu
Data: 07/10/2010
Version Print

Sulmuesi i Çezenës nuk e fsheh dëshpërimin dhe flet hapur: E kotë ta fshehim, trajneri na mungon
Dje paradite ka pasur mundësinë të bisedojë dhe të kuptojë më mirë se në ç’gjendje është Josip Kuzhe. Dëshpërimin, për fatin e keq, që e ka ndjekur përfaqësuesen tonë në këtë moment delikat nuk kërkon ta fshehë. Përkundrazi, e thotë troç: “E pashë sot Kuzhen dhe kuptova që nuk është mirë.” Shëndeti i trajnerit vjen në plan të parë. “Rëndësi ka që ai t’i kthehet jetës normale, kurse ne nuk e konceptojmë kombëtaren pa Kuzhen.”
- Erjon, me Bosnjën do të luajmë ndeshjen më të rëndësishme që përcakton objektivat e Shqipërisë…?
- Pa dyshim që është ndeshja më delikate për skuadrën tonë, sepse do të luajmë me një pretendente të grupit si dhe pa trajnerin tonë .
Na mungon gjithashtu Curri, që është një nga lojtarët kryesorë të skuadrës. Megjithatë, këto probleme duhet të na bëjnë më të fortë. Të gjithë futbollistët e dine se është një ndeshje e vështirë dhe e rëndësishme. Në fushën tonë do të kërkojmë rezultat pozitiv. Një rezultat i kënaqshëm do të siguronte vazhdimësinë pas dy takimeve të para eliminatore, ku kemi marrë katër pikë mjaft të vlefshme.

- Statistikat tregojnë që në ndeshjen e tretë maksimumi kemi marrë barazimin, ndërsa në shumicën e rasteve kemi humbur. Një ters që duhet hequr?
- Kështu shpresoj dhe unë. Bosnja është skuadër shumë e fortë, me lojtarë që luajnë në ekipe të mëdha në Europë. Ndaj skuadrave më të mira të grupit, si Franca, Rumania dhe Bosnja, objektivi ynë është të mos humbim. Të luajmë mirë siç kemi luajtur deri tani dhe të marrim një rezultat pozitiv.

- Katër ditë pas Bosnjës shkojmë në Bjellorusi. Cila ndeshje është më e vështirë?
- Janë dy ndeshje shumë të vështira, nuk di kë të konsiderosh më të fortë. Para dy ndeshjeve të para nuk prisnim që Bjellorusia të grumbullonte 4 pikë. Sepse luante jashtë me Francën dhe me Rumaninë brenda. Pra, këto katër pikë i ka marrë me skuadrat më të forta. Ta lëmë për një moment Bjellorusinë dhe të mendojmë vetëm për Bosnjën. Me keqardhje them se do të na mungojnë Kuzhe dhe Curri.
- Përmendët trajnerin Kuzhen, që është në spital. Si e përjetuat ngjarjen dhe mendoni se do të ndikojë negativisht?
- Nuk di ç’të them para ndeshjes, por gjithashtu nuk duhet t’i fshehim gjërat. Na mungon trajneri i parë. Josip Kuzhe ka mënyrën e tij të punës, na njeh më mirë dhe e di për çfarë kemi nevojë në stërvitje. Ai është trajneri kryesor, është e kotë ta mohojmë. Sot (dje) në mëngjes isha në spital, ku i bëra një vizitë. Me aq sa kuptova, ai nuk ishte në një gjendje të mirë, ndonëse mjekët shprehen optimistë. Për faktin se luajmë në Tiranë, por edhe për trajnerin dhe për Currin, ne duhet të impenjohemi jo 100% por 200% që të marrim rezultat poztiv. Është e kotë ta fshehim realitetin: jemi në një moment të vështirë.
- Nga fjalët e tua kuptojmë që Kuzhe rrezikon të ardhmen si trajner…?
- Di që do të na mungojë këto dy ndeshje. Duhet ta lëmë të qetë, sepse ka kaluar një sëmundje të rëndë. Ajo dukej qartë edhe sot në spital. Unë si Erjon nuk e mendoj dot kombëtaren pa Kuzhen. Në radhë të parë shpresoj të shërohet, sepse gjërat më të rëndësishme në jetë janë shëndeti, familja, pastaj puna. Le t’i japim sa më shumë lajme të mira për sfidat me Bosnjën dhe Bjellorusinë, më pas të shpresojmë që ai të rikthehet. Sikurse unë, të gjithë futbollistët e tjerë nuk e mendojmë dot kombëtaren pa Kuzhen.
- Bosnja është një ekip shumë i fortë në mesfushë dhe në sulm, ndërsa në mbrojtje ka probleme…?
- Shpresoj t’i gjejmë hapësirat e nevojshme. Uroj të jemi në formë si unë Salihi, Skela, Kapllani e cilido që të zbresë në fushë. Shpresoj t’i shfrytëzojmë rastet që do na jepen, pasi këto janë ndeshje delikate dhe çdo mundësi duhet shfrytëzuar. Bosnja ka lojtarë shumë të mirë, mund ta qarkullojë më shumë se ne topin, ndaj nuk duhet të jemi të saktë në ato raste që do të na jepen.
- Ju, Salihi dhe Kapllani keni shënuar në këtë fillim sezoni. A është ky një sinjal paralajmërues për kundërshtarin?
- Sigurisht që kur sulmuesit shënojnë të gjithë, kjo është pozitive për skuadrën. Në ndeshjet e fundit që ka drejtuar Kuzhe, sulmi ka shënuar gjithnjë. Mund të përmend takimet me Suedinë, Portugalinë, Malin e Zi, Danimarkën si dhe takimet e fundit miqësore.
Kanë shënuar të gjithë: Salihi, Bogdani, Kapllani etj. Jemi rritur shumë si ekip dhe, përveç sulmit, ndihmesë ka dhënë edhe mbrojtja, pasi nuk pemi pësuar shumë gola. Luajmë mirë në të tri repartet. Kjo është aftësia e trajnerit dhe e ekipit që zbaton detyrat e tij.
2 gola me Çezenën….”Na duhen përforcime”
Fillimi i sezonit me Çezenën ishte mbresëlënës. Dy gola tripikëshi, një ndaj Milanit dhe tjetri me Leçen, ia përforcuan reputacionin në Serinë A. “Seria A është kampionat shumë i vështirë. Mund të fitosh me Milanin dhe të humbasësh me ekipin e fundit.
Çezena nuk e kishte menduar qe në këto ndeshje të para do të kishte grumbulluar 7 pikë. Jemi të penalizuar shumë nga gjykimi, por shpresojmë të marrim sa më shumë pikë deri në dhjetor. Pastaj trajneri dhe drejtuesit e klubit të shikojnë nëse mund të marrin ndonjë përforcim, pasi mendoj se kemi shumë pak lojtarë titullarë.”

Cana-Bogdani-Kapllani, vizitë Kuzhes në spital
Tre futbollistë të përfaqësueses shqiptare, Lorik Cana, Erjon Bogdani dhe Edmond Kapllani, i kanë bërë një vizitë të shkurtër trajnerit Josip Kuzhe në Spitalin Amerikan në Tiranë. Drejtuesit e FSHF-së vendosën që vetëm disa lojtarë të kontaktonin me kroatin, për të shmangur emocionet e panevojshme që mund ta rëndojnë me tej gjendjen shëndetësore të Kuzhes. Tre futbollistët kuqezinj janë prekur shumë nga kjo vizitë, pasi kanë kuptuar se gjendja e trajnerit nuk është aq e mirë, aq sa zbehen shpresat për ta parë sa më shpejt në stolin e Shqipërisë.

[illyrian rex]

Bogdani shenon serish

Cesena 1 - 1 Parma

Gol i bukur

[{A_N_G_E_L_69}]

Esh kthyer ne idhullin e tifozerise se cezenes..Forca Bogu..

[shpresa-gazi]

Urime per bgdanin...me pelqen eshte lojtar i mir..

[{A_N_G_E_L_69}]

Bogdani shenon serish duke konfirmuar dhe rolin e liderit qe mban ne ekip.
Kesaj jave ka shenuar kundra leces ne transferte ne min e fundit te takimit.
Goli i bogut i ka dhen barazimin Cezenes,me vleren e nje pike ne transferte kundra nje rivali direk.