Pse te falemi pese here ne dite?

[Helianthus]

Pershendetje!

Dua te bej nje pyetje ne lidhje me faljen e namazit. E kam lexuar kuranin dy here dhe jam besimtare, por dicka nuk e kam shume te qarte. Pse duhet te falemi 5 here ne dite. Ne asnje ajet te kuranit nuk permendet numri pese, por me kujtohet qe ne nje ajet thuhet perafersisht: faljuni ose drejtohuni zotit tuaj ne mengjes dhe ne mbremje. Pra ku bazohet ky rit i faljes se 5 vakteve? Ne cilin ajet kuranor thuhet kjo? Pse kur falemi bejme nje ruku dhe dy sexhde dhe kjo quhet nje rekate? Ku eshte bazuar numri i rekateve perkatesisht sipas vakteve?
Do te isha mirenjohese per cdo pergjigje. Jam shume kurioze te mesoj me teper per islamin, por ndeshem me disa paradokse qe me pengojne.

Falenderime per te gjithe ata qe do te marrin mundimin te me pergjigjen.

[~Geri~]

Firde'use

Profeti Muhamed a.s ne fillim te jetes se tij profetike u fliste njerzve fshehurazi sepse njerzit ishin idhujtare .Me pranimin e Umer Ibn Hatabit muslimanet filluan ta proklamojne fene e tyre dhe besimin ne Nje Zot te vetem haptazi dhe per kete shkak filluan te keqtrajtoheshin nga idhujtaret arabe.Profeti Muhamed .as 13 vitet e para i ka thirrur njerzit ne Teuhid(Besimin ne nje Zot te vetem, dhe muslimanet faleshin ne ate kohe dy here ne dite nje here ne mengjes dhe njehere ne mbremje.Prandaj shpesh here do ta gjesh Allahun ne kuran kur thote.


2:238.
Vazhdoni rregullisht namazet (faljet), e edhe atë namazin e mesëm, dhe ndaj All-llahut të jeni respektues (në namaze).

Disa dijetare thojne se ketu eshte fjala per namazin e ikindise prandaj eshte quajtur namazi mesem.

5:106.
O ju që besuat, dëshmimi me rastin e atij që lë testament (vasijjet) kur i është afruar ndonjërit prej jush vdekja, bëhet me dy dëshmitarë të drejtë nga mesi juaj, ose nga dy të tjerë pos jush, nëse jeni në udhëtim (në rrugë e s'keni të afërm) dhe ju gjen telashja e vdekjes. E nëse dyshoni (në dëshminë e tyre) i ndalni ata të dy pas namazit (të iqindisë) dhe ata betohen në All-llahun: "Ne nuk e japim betimin në All-llahun për asgjë edhe sikur të jetë (ai për të cilin betohemi) i afërm dhe nuk e fshehim dëshminë e (porositur prej) All-llahut, pse atëherë ne do të jemi mëkatarë!"

17:78.
Fale namazin kur zbret (nga zeniti) dielli (dreka), e deri në errësirën e natës (Jacia) dhe duke bërë lutjen (namazin) e agimit. Vërtet, lutja e agimit është e përcjellur.

24:58.
O ju të cilët besuat, ata të cilët i keni në pronësinë tuaj (shërbëtorët) dhe ata që nuk kanë arritur moshën e pjekurisë, duhet të kërkojnë leje prej jush (për të hyrë te ju) në tri kohë: para namazit të sabahut, në kohën e drekës kur i hiqni rrobat tuaja (për të pushuar) dhe pas namazit të jacisë, që të tria këto kohë janë kur ju jeni të veshur. Pos atyre tri kohëve nuk është mëkat as për ju as për ata, të vizitoni njëri-tjerin. Kështu All-llahu ua sqaron argumentet e veta. All-llahu është i dijshëmi i urti.

62:9.
O ju që besuat, kur bëhet thirrja për namaz, ditën e xhumasë, ecni shpejt për aty ku përmendet All-llahu (dëgjojeni hutben, falnie namazin), e lini shitblerjen, kjo është shumë më e dobishme për ju nëse jeni që e dini.

11:114.
Dhe fale namazin në dy skajet e ditës, e edhe në orët e afërta (me ditën) të natës. S'ka dyshim se veprat e mira i shlyejnë ato të këqiat. Kjo është një këshillë për ata që pranojnë këshillat.

22:77.
O ju që besuat, falni namazin me ruku e sexhde dhe vetëm Zotin tuaj adhuronie. Bëni punë të mira (të dobishme), se do të gjeni shpëtim.

Ne Islam ekziston nje lende e cila quhet tefsir.Komentimi i ajeteve te kuranit.

Tefsiri eshte nje shkence ku ajetet e kuranit komentohen dhe shpjegohen me fjalet e profeti Muhamed a.s.Dhe kjo te mundeson ty qe ta kuptosh me mire kuranin.Nese do dicka me shume per kuranin shiko dhe keto hadithe te cilat quhen ne kuran tradita profetike.

2:151.
(sikurse plotësova mirësinë Time ndaj jush) Ashtu siç dërguam nga gjiu i juaj të dërguar t'u lexojë ajetet Tona, t'ju pastrojë, e t'ju mësojë librin(Kuranin) dhe traditën(hadithet), e edhe t'ju mësojë atë që nuk e dinit.

Shikoje kete temen se tregon hadithet ne lidhje me Namazin

http://www.forumishqiptar.com/showthread.php?t=52642

[Helianthus]

O Geri te falenderoj per sqarimin qe me ke dhene. Qe te jem e sinqerte fare une po te them qe falem ne mengjes dhe ne mbremje nga 4 rekate perkatesisht, sepse falja e 5 vakteve me duket e pamundur. Si mendon ti eshte ky mekat i madh? Do te ishte me mire te mos falesha fare apo te vazhdoj te falem ne mengjes dhe ne darke (jacine)?

Pershendetje [/B]

[~Geri~]

Namazet duhen falur rregullisht dhe ti mundohu qe avash avash ta besh kete.

Nuk duhet te falesh kater kur rekatet e atij jane tre ose dy.
Tani nuk do ishte mire qe mos faleshe fare sepse kjo eshte shume e rrezikshme per te qene nje musliman i mire.Une mendoj se ti duhet te lexosh me shume rreth fese rreth besimit dhe temave fetare.Duke lexuar e duke i shtuar namazet.Kjo do te ishte me e mira dhe ajo qe kerkon Zoti prej cdo njeriu.Mundohu te mesosh dicka me shume rreth namazit dhe per kete te vjen ne ndihme kjo tema qe kam gjetur ne forum.Nese ke dicka pyet prape.Por asnjehere mos i ler ato qe ke filluar sepse

29:45.
Ti lexo atë që po të shpallet nga libri (Kur'ani), fal namazin, vërtet namazi largon nga të shëmtuarat dhe të irituarat, e përmendja e All-llahut është më e madhja (e adhurimeve); All-llahu e di çpunoni ju.

Mesoje suren El-fatiha permendesh

15:87.
Ne të kemi dhënë ty shtatë (ajete) që përsëriten (Fatiha përsëritet në rekate të namazit) edhe Kur'anin e madhërueshëm.


Dhe behu prej muslimaneve te cilat Allahu i permend ne Kuran

24:37.
Ata janë njerëz që nuk i pengon as tregtia e largët e as shitblerja në vend për ta përmendur All-llahun, për ta falur namazin dhe për ta dhënë zeqatin, ata i frikësohen një dite kur do të tronditen zemrat dhe shikimet.

Dhe qe kur kane ndonje pune veprojne keshtu


E, kur të kryhet namazi, atëherë shpërndanuni në tokë dhe kërkoni begatitë e All-llahut, por edhe përmendnie shpeshherë All-llahun, ashtu që të gjeni shpëtim

Prandaj kam shume besim se Zoti do ta lehtesoje ceshtjen e namazit vetem ti duhesh te kesh pak deshire dhe vullnet te mire.

Allahu te shperblefte dhe shiko mos perfiton ndonje gje tek kjo tema e hapur prej vellerzve muslimane.


http://www.forumishqiptar.com/showthread.php?t=21520

[Helianthus]

Qe thua ti o Geri une jam munduar te mesoj. Kam mesuar permendesh Fatihane, Ihlas, Felek, Nas dhe ajetin Kursi si edhe ca dua te vogla. Jam ne dileme per gjera te tjera. Mendoj se njeriu qe i fal te gjitha vaktet duhet te jete pa asnje gabim, kam frike se une shpesh gaboj ose nuk i permbahem gjithmone rregullave te fese. Mua me pelqen te shkoj ne kinema,te shkoj ne plazh, te shkoj ne kafene me shoqerine. Te gjitha keto gjera me japin kenaqesi, por nga ana tjeter dua te kem lidhje te mira edhe me zotin, te jem falenderuese etj. Nuk e di si te veproj, cfare te marr e cfar te le si thote populli. Kam frike te filloj te fal pese vaktet sepse jam 99% e bindur se nuk do te mundem ta ruaj kohen e namazit, pasi jo cdo ore e faljes do me gjeje ne shtepi apo te lire. Mendoj qe tani per tani te vazhdoj me keto dy namaze. Zoti me falte. Bej nje dua per mua te shkreten.

Naten

[~Geri~]

Ishte nje njeri i ditur dhe falje naten.I doli shejtani naten kur po falej dhe ia nxorri meken qe vezullonte drite duke iu rrotulluar rreth ketij dhe i tha sikur ishte Zoti.O njeri mos u fal me sepse ti e ke merituar xhenetin.Edhe ky njeriu tha.Zoti me ruajte nga ty o i mallkuar(Iblisi),Pastaj shejtani i tha para teje kam humbur shume njerez me kete mynyre.

Une mendoj se ti duhet te falesh pastaj Zoti ka vene lehtesi.Mund te falesh ulur shtrire ose me sy kur je semure, mund te falesh duke u lare me uje ose duke marre tejemum me dhe.Prandaj nuk do kete argument njeriu ne diten e gjykimit per faljen.Sikurse i bene shume gjera ne jete dhe ne te tjeret i bejme shume gjera ne jete dhe prape nuk i leme namazet.

Ti mund te shkosh ne kinema e mund te pish kafe me shoqet pse jo dhe ne plazhe private mund te shkosh dhe keto nuk duhet te ndikojne tek ty te lesh namazet.Sikurse ti i len gjerat per te ushqyer trupin tend me buke ose uje.Ashtu duhet te ushqesh dhe shpirtin tend me namaz dhe falje ndaj Zotit.

Nese do kishe nje burre ose nene ose baba dhe do te kishte marre malli atehere do shkoje per ta takuar ate ne fund te botes.Po keshtu duhet te jete gjendja jote me takimin tend me Zotin(Namazin).Duhet te kesh mall se do ti falesh Krijuesit tend.Nejse ti e di mire .Sa per lutjen Allahu thote ne kuran


2:45.
Kërkoni ndihmë (në të gjitha çështjet) me durim dhe me namaz, vërtet, ajo është e madhe (vështirë), por jo edhe për ata që kanë frikë (Zotin).

2:153.
O ju që keni besuar, kërkoni ndihmë me durim e me të falur, se vërtetë All-llahu është me durimtarët.


Hajt mos u merzit se keshtu e kemi nisur te gjithe derisa e kuptuam fene dhe Zoti na i lehtesoi ceshtjet.Por kujdes Shejtani mund te perdore shume metoda per te larguar nga namazi ose besimi.Zoti te ruajte dhe te ndihmofte.

I keshilloj anetaret e tjere qe te mjaftohen me keto shkrime.Per asrye daue.

[flaibi]

[B]Selam alejkum
Desha te bej disa pyeteje:
1)Perse Allahu i Madheruar ne Kuran drejtohet me fjalen `Ne`???Allahu eshte Nje i Vetem dhe i pashoq dhe larg cdo te mete eshte Madheria e tij.
2)Cilat jane kushtet qe Allahu xh.sh ta pranoj lutjen qe ne i bejme?Kam lexuar ne hadhithe´Njeriu qe ha haramin nuk i pranuhet lutjet?Po namazi cfare kushte ka qe te jete i pranushem nga Allahu xh.sh????
3)Cilat jane mekatet qe falen me namazin?
Nese dikush mund te me pergjigjet do i jem mirenjohes sepse jane pyetje qe ia bej shpesh vetes.Nuk kam patur rastin kurre te bisedoj me nje imam apo me nje dijetar te fese sone prandaj dhe kam disa paqartesira.Ju faleninderit dhe Allahu na shtofte dijen.

[~Geri~]

[B]Selam alejkum
Desha te bej disa pyeteje:
1)Perse Allahu i Madheruar ne Kuran drejtohet me fjalen `Ne`???Allahu eshte Nje i Vetem dhe i pashoq dhe larg cdo te mete eshte Madheria e tij.

Aleikum selam vella i nderuar

Kjo per shkak se Allahu kur flet per krijimet e Tij madheshtore ai flet me madheshti dhe perdor numrin shumes sipas rregullave te gjuhes arabe.Sikurse ne shqiptaret e kemi kur i drejtohemi dikujt me respekt nuk i themi TI poe JU.

Shembulli i parë: Fjala e Allahut në Kur’an: “Nuk ka dyshim se Ne u japim jetë të vdekurve” [Ja-Sin:22], “Vërtet Ne e kemi zbritur përkujtimin (Kur’anin) dhe padyshim që Ne do të jemi Gjithëruajtës të tij.” [El-Hixhër:9] dhe të tjera ajete në të cilat Allahu i Madhëruar i ka dedikuar vetes së Tij diçka duke u shprehur në numrin shumës.



Veprimi i shprehur në numrin shumës që Allahu ia dedikon vetes së Tij tregon për madhërim, për arsye se cilësitë e Allahut janë shumë dhe të madhërishme. Ajetet me kuptim jo krejtësisht të qartë, që u përmendën më lartë, i kthejnë tek ajetet krejtësisht të qarta që tregojnë se Ai është një i vetëm si p.sh. fjala e Allahut: “Dhe i Adhuruari juaj është Një i Adhuruar i Vetëm, nuk ka të adhuruar tjetër të merituar veç Atij, i Gjithëmëshirshmi, Mëshirploti.” [El-Bekare: 163].

Ata u thonë të jobesimtaret për këtë pretendim që lindi nga ndjekja e asaj që nuk është krejtësisht e qartë për të nxitur dyshime, Allahu ju përgënjeshtroi dhe ju bëri kafira.

Dëgjojeni fjalën e Allahut në Kur’an:

“Vërtet që mohuan edhe ata të cilët thanë: Allahu është i treti në treshen (në trinitetin). Por nuk ka Ilah (Zot, të adhuruar, që ka të drejtë të adhurohet) veç Një Ilah (Një Zot të vetëm, Allah) e të vetëm.Dhe në qoftë se ata nuk ndalen nga ajo që thonë, padyshim se për ata nga mesi i tyre që nuk besojnë, do të ketë dënim të dhembshëm.” [El-Maide: 73]

Per me shume shiko kete
http://www.forumishqiptar.com/showthread.php?t=52537

2)Cilat jane kushtet qe Allahu xh.sh ta pranoj lutjen qe ne i bejme?Kam lexuar ne hadhithe´Njeriu qe ha haramin nuk i pranuhet lutjet?Po namazi cfare kushte ka qe te jete i pranushem nga Allahu xh.sh????

Sa per namazin ai duhet te falet me sinqeritet , sipas rruges profetike dhe te jesh i perqendruar ne te.

Kurse per lutjen lexo keto fjale .


PSE ZOTI S’NA PRANON LUTJET ?



E keni njohur All-llahun,

Por s’ju keni përgjegjur

Ftesës së Tij.



Vërtetoni se e doni

Të dërguarin e Zotit,

Por ndaj syneteve të Tij

Tregoni mospërfillje.



Kur’anin po e lexoni

Dhe po e studioni,

Por sipas Tij

Nuk po punoni.



Jetoni duke u-ushqyer

Nga bekimet e Zotit

Por jeni mosmirënjohës

E nuk falënderoni.



Vërtetoni se djallin

E keni armik

Por nuk e kundërshtoni

As nuk e luftoni.



E pranoni se xhenneti

Me të vërtetë egziston,

Por nuk po përpiqëni,

Nuk po punoni,

Që nga zjarri i tij

Të shpëtoni.



E dini se do të vdisni

Së shpejti, ndonjë ditë,

Por për vdekje

Aspak s’jeni përgatitë.



Tërë ditën jeni të zënë

Me marrit e të metat

E të tjerëve dhe i shtoni,

Ndërsa, tujat i harroni.



Të dashurit tuaj

I keni varrosur,

Dhe nga këto pësime

Nuk keni marrë

Aspak mësime !

Dijetari Ibrahim Et-hePEr me shume shiko kete
http://www.forumishqiptar.com/showth...t=34654&page=1

3)Cilat jane mekatet qe falen me namazin?
Nese dikush mund te me pergjigjet do i jem mirenjohes sepse jane pyetje qe ia bej shpesh vetes.Nuk kam patur rastin kurre te bisedoj me nje imam apo me nje dijetar te fese sone prandaj dhe kam disa paqartesira.Ju faleninderit dhe Allahu na shtofte dijen.

Mekatet qe falen me namazin jane mekatet e vogla kurse persa i perket mekatet e medha ato kerkojne tobe(pendim) dhe largim nga ato.

Pendimi ka disa kushte

Te pendohesh per ate qe ke bere
Te Zotohesh qe sdo ta kryesh me dhe ta urresh ate qe bere.
Te vazhdosh te punosh vepra te mira .
Ti kerkosh Allahut falje per makin tend.
Nese e ke pasur me ndonje rob padrejtesine ti kerkosh atij hallalin.

Per me shume shiko tek

www.albislam.com

Allahu na shtofte dijen te gjitheve.
Selam Aleikum ue rrahmetullahi ue berekatuhu

[Zmija]

[B]Selam alejkum
1)Perse Allahu i Madheruar ne Kuran drejtohet me fjalen `Ne`???Allahu eshte Nje i Vetem dhe i pashoq dhe larg cdo te mete eshte Madheria e tij.
.

Kuptimi i përemrit “Ne” siç është i përdorur në Kur’an?
Është një karakteristikë e stilit letrar arab që folësi mund ta referojë veten me përemrin nahnu (Ne) për respekt ose madhërim. Ai mund gjithashtu të përdorë fjalën ene (unë) duke treguar një tjetër ose një të tretë hu-ua (Ai). Të tre këto stilet janë të përdorura në Kur’an, ku Allahu i adresohet arabëve në vet gjuhën e tyre. (Fetava el-Lexhne ed-Daime, 4/143)
Allahu, subhanehu ve teala ngandonjëherë i referohet vetes së Tij në njëjës, me emër ose duke përdorur një përemër dhe ngandonjëherë përdorë shumësin, si në: ”Ne ty të dhamë (vendosëm për) një fitore të sigurt”. [Feth 48: 1] dhe të tjera të ngjashme. Por Allahu kurrë nuk i referohet Vetes së Tij në shumës duke nënkuptuar se është më shumë se Një, kjo sepse ky shumës i referohet respektit që Ai meriton dhe mund t’i referohet emrave dhe atributeve të Tij...”. (El-Akide et-Tedmurije nga Shejhul Islam Ibën Tejmijje, f. 75)
Këto fjalë, inna (“Me të vërtetë Ne”) dhe nahnu (“Ne”) dhe forma të tjera të shumësit mund të përdoren nga cilido folës që flet për një grup ose ata mund të përdoren nga një folës për qëllime respekti ose madhështie, siç është bërë nga shumë mbretër kur ata japin dëshmi ose urdhëra në të cilat ata thonë “Ne kemi vendosur…” etj. Në të tilla raste vetëm një person është duke folur por shumësi është përdorur për respekt. E Ai i cili që e meriton më shumë respektin është Allahu, subhanehu ve teala, kështu kur Ai thotë në Kur’an inna (“Me të vërtetë Ne”) dhe nahnu (“Ne”), është për respekt dhe madhërim, jo për të treguar shumësinë numërore. Nëse një ajet i këtij lloji është duket se shkakton konfuzion, është esenciale të referohet ajeteve tjera të qarta, të paturbullta për sqarim dhe nëse një i krishter për shembull polemizon duke marrë ajete si: “Ne me madhërinë Tonë e shpallëm Kur'anin dhe Ne gjithsesi jemi mbrojtës të tij”. [El-Hixhr 15: 9] si fakt për shumësin e hyjnisë, ne mund ta refuzojmë këtë thënie duke cituar ajete të qarta si:
“Zoti juaj (që meriton adhurim) është një, All-llahu, nuk ka zot pos Atij që është Mëshirëplotë, Gjithnjëmëshiron”. [el-Bekare 2: 163]
dhe “Thuaj: Ai, All-llahu është Një!”. [el-Ihlas 112: 1]
dhe të tjera ajete të cilat mund të interpretohen vetëm në një mënyrë.
Kështu konfuzioni do të zhduket për atë i cili është duke kërkuar të vërtetën. Çdo herë kur Allahu e përdor shumësin për t’iu referuar Vetes së Tij, është e bazuar mbi respekt dhe nderin që meriton dhe numrit të madh të emrave dhe atributeve të Tij dhe numrit të ushtrive dhe melekëve të Tij. (El-Akide et-Tedmurije nga Shejhul Islam Ibën Tejmijje, faqe 109)





Jahja Adil Ibrahim
Marrë nga: i s l a a m . n e t
Përktheu Ammar Ardit Kraja

[Zmija]

.... I Dërguari (s.a.v) përsëri rrëfente:

“Me ty kthyer prapë, unë klaova pranë Musait, dhe, c’të shihni, sa njeri I mirë që ishte! Ai më pyeti sa namze jam I urdhëruar ti kryej. Kur unë I thashë se janë pesëdhjetë, ai tha: “Namazi është cështje serioze, ndërsa populli yt është I dobët, prandaj kthehu prap te Zoti yt dhe lute Atë që ta zvogëlojë atë numër për ty dhe për ummetin tënd”. Unë bëra ashtu si më tha dhe Ai I zbriti për dhjetë më pak. Përsëri kalova praën Musait dhe ai përsëri ma tha të njëjtën; dhe kjo zgjati derisa mbetën pesë namaze për gjatë ditës dhe natës. Musai përsëri më këshilloi të njëjtën. Unë iu përgjigja se prapë shkova te Zoti im dhe e luta Atë që ta zvogëlojë numrin, derisa në fund më erdhi turp, dhe më nuk e përsërita lutjen time. Ai prej jush, I cili do ti bëjë pesë faljet me besim të plotë, do ta ketë shpërblimin e pesëdhjetë faljeve.”


- Pa të meta është Lartëmadhëria e Atij që robin e Vet e kaloi në një pjesë të natës prej Mesxhidi Haramit (prej Qabes) gjer në Mesxhidi Aksa (Bejti Mukaddes), rrethinën e të cilës Ne e kemi bekuar, (ia bëmë këtë udhëtim) për t'ia treguar atij disa nga argumentet Tona. Vërtet, Ai është dëgjuesi (i fjalëve të Muhamedit), pamësi (i punëve të Muhammedit).
( El Israë : 1)


Marr nga libri: “JETA E TË DËRGUARIT MUHAMMED (S.A.V)”- Leola Azzam & Aisha Gouverneur





Shokë, ma bëni hallall se pritova me shkrujt tërë ngjarjen, kështu që vetëm këtë pjesë e postova.
Dhe mos të harroj se fjalët që I shkrova më sipër janë të ngjarjes së Israsë dhe Miraxhit (Nata e Israsë dhe Miraxhit), ku Profeti a.s e takoi (Zotin), dhe pa disa nga shenjat më të mëdha të Zotit të vet.