Turqia dhe BE

[Davius]

BE-JA NUK ARRITI MARRËVESHJE PËR TURQINË, ANULOHET TAKIMI I GRUPIT PUNUES PËR KROACINË

Ministratat e punëve të jashtme të Bashkimit Evropian herët në mëngjes e përfunduan takimin e jashtëzakonshëm në Luksemburg pa marrëveshje rreth kornizës negociuese për Turqinë, për ç'arsye edhe kryesia britanike vendosi që edhe sot të vazhdojnë bisedimet për Turqinë dhe për më vonë e anuloi takimin e Grupit punues për Kroacinë.

Shefi i diplomacisë britanike Xhek Strou, i cili i kryeson bisedimet gjatë natës mbajti edhe takimin e dytë dypalësh me minstren austriake të Çështjeve të Jashtme Ursula Plasnik, por ajo nuk hoqi dorë nga kërkesa për anëtarësim alternativ të Turqisë në BE me të drejta të barabarta.

[Davius]

Austria lëshoi pe, në shikim e sipër zgjidhja e "përrallës turke

Luksemburg, 17:00

Shefat e diplomacive evropiane sot pasdite arritën marrëveshje për fillimin e negociatave me Turqinë, pasi që Austria lëshoi pe në kerkasat e parashtruara.

Këtë lajm e transmetuan agjenciatë, duke iu referuar disa burimeve mirë të informuara anonime në Luksemburg.

Sipas burimeve të njëjta, shefi i diplomacisë turke Abdulla Gjyl është në rrugë për në Luksemburg, ku mbajnë seancë ministrat e punëve të jashtme te Bashkimit Evropian.

[qafezezi]

Austria lëshoi pe, në shikim e sipër zgjidhja e "përrallës turke

.

Kush e pyet Austrin mor Davius?
Ti a se kupton qe te gjithe politikanet e shofin me shume interes dhe te pa diskutushme futjen e Turqise ne Evrope.
Eshte vetem populli (shumica) ne france, austri dhe gjermani qe si duan turqit ne evrope.Kjo tregon se shoqerite e ketyrte tre vendeve jane te semura.

[Lioness]

BE-ja hap rrugën për negociatat me Turqinë

Ministrat e Jashtëm të Bashkimit Evropian kanë kapërcyer mosmarrëveshjet e tyre dhe kanë rënë dakord për një kuadër negociues për anëtarësinë e Turqisë.

Tani marrëveshja i është dërguar qeverisë turke.

Një ceremoni e planifikuar për të shënuar fillimin e bisedimeve të anëtarësisë është shtyrë, por zyrtarët britanikë shpresojnë që bisedimet të fillojnë sipas planit.

Negociatat ishin të vështira. Qeveria austriake kishte shkuar në Luksemburg e vendosur për të ndryshuar thelbin e kuadrit negociator për të cilin ishte rënë dakord me Turqinë dhjetorin e kaluar.

Veçanërisht, duket se Austria këmbëngulte lidhur me çështjen e një alternative tjetër përveç anëtarësisë së plotë.

Por as qeveria britanike - që ka presidencën e radhës të BE-së - as vendet e tjera anëtare nuk e mbështesnin Austrinë.

Zyrtarë britanikë thanë se asnjë nga kërkesat e Austrisë nuk ishte plotësuar.

Ndryshim ndjenjash

Ndjenjat në Turqi po ndryshojnë.

Ky vend ka qenë dikur shumë pro-evropian, i gatshëm për të përmbushur një ëndërr gati 40-vjeçare për anëtarësi.

Tani njerëzit e akuzojnë BE-në për tradhëti.

Siç e vënë ata në dukje, Turqia i plotësoi kriteret për anëtarësi nëntë muaj më parë.

Shumica e turqve e prisnin që negociatat të ishin të vështira, por asnjë nuk e priste këtë.

-----------------------------------------------------------------------
Pashe konferencen e shtypit te Ministrit te Jashtem te Anglise, Jack Straw.
Pergenjeshtrim me te madh te historise nuk kisha degjuar ndonjehere.

Persa i perket popullesise europiane, ne asnje shtet anetar, nuk ka maxhorance qe te mbeshtese kanditaturen e Turqise. Vetem ne Hungari eshte diku afer 50%, por jo maxhorance. Do ta shkaterrojne vizionin e BE elitestet e saj me keto qe po bejne.

[Davius]

Keshtu sot ne Evrope priteshin bisedat per Turqine dhe futjen e saje ne BE.

[toni_d]

Faleminderit per sqarimet, mesimi Indroduction to Economics ka mbetur ca vite pas, dhe koha ben te veten. Duke menduar se eshte e dukshme dhe ekonomistat pa thonjeza te forumit do ta kuptonin i kam rene ca shkurt (mungon per Capita qe ka shtuar Lioness) dhe pa mare shifrat e sakta nga faqja e CIA-s.
Nje korigjim tjeter mund te behet tek popullsia e Turqise. Keto dite Muezinin e lagjes e kam degjuarnja dy here jashte koheve te namazit, gje qe ne Turqi do thote se kane vdekur nja dy persona, pashe dhe komshine perballe qe kishte nje foshnje te vogel le ta bejme 69,660,560 popullsine e Turqise.

Ske faj ti se aq edukim ke dhe nuk e kupton qe shifrat jane marre nga worldfactbook i CIA-s. Pervec kesaj injoranca jote nuk e kupton shkurtimin "est." qe do te thote "estimate". Megjithate ke kohe ti rilexosh shkrimet nga e para dhe shpirtin tend sarkastik mbaje andej nga mbizoteron injoranca

[Alket123]

Purchasing power parity eshte nje menyre e mire per te matur standartin e jeteses por kjo nuk do te thote qe nepermjet standardit te jeteses te nxjerresh konkluzione sesa te forte e ka ekonomine nje shtet. Per shembull shif Kinen se sa e ka purchasing power parity , me shume siguri e ka shume te ulet por kjo nuk do te thote qe Kina ka nje ekonomi te keqe.

Ti e di cdo te thote per sa i perket GDP per capita ne kuptim? 1 miliard kineze prodhojne 10 miliarde tone oriz si ekonomi "nuk eshte e keqe" ne eksport sepse prodhon shume.

Po ngaterrohesh. Punet te ekonomise se jo gjithmone te prodhosh shume do te thote se ke ekonomine me te mire. Mund ta kesh dhe me te keqen.

Rumania dhe Shqiperia kane me shume shance se Turqia per ne EU.

[toni_d]

Ti e di cdo te thote per sa i perket GDP per capita ne kuptim? 1 miliard kineze prodhojne 10 miliarde tone oriz si ekonomi "nuk eshte e keqe" ne eksport sepse prodhon shume.

Po ngaterrohesh. Punet te ekonomise se jo gjithmone te prodhosh shume do te thote se ke ekonomine me te mire. Mund ta kesh dhe me te keqen.

Rumania dhe Shqiperia kane me shume shance se Turqia per ne EU.

Skam kohe tani per te kthyer pergjigje tamam.... Per ti rene shkurt lexo "The Economist" se keto kohet e fundit po flet shume per Kinen. Europa ka nevoje per shtete qe prodhojne dhe qe kane potencial. Rumania nuk eshte e tille ne krahasim me Turqine se ta thashe edhe me perpara qe Rumania ne Europe mund te eksportoje vetem Rumune. Hajd shendet

[Alket123]

nqs ne turqi akoma nuk kishin filluar investimet e huaja ne rumani industria e automobilave vendase ne 1960 prodhonte 4000 autostrada ARO ne vit ose 60000 ne 1980, ju kujtohen keto makina? Rumuni eshte rrace europiane gjithashtu i shkon per shtat Europes. Rumania deri dje kishte nje industri farmaceutike superb ne Europen Lindore, sa medikamente ne spitalet tona ishin Made in Romania?. Jo nuk harrohen rumunet dhe potenciali i tyre. Rumania eshte ne tranzicion biles ne nje tranzicion te hidhur. Nje pjese e vendit u nda etj etj.

Kush do ushqeje 70 milione turq rrace aziatike me buke te bardhe qe rrine me tespije tere diten? Mos mendoni si do mendoje nje taksapagues europian qe po shkumezon kush qene ata te mencur qe futen greket dhe portugezet ne EU por si nje politikan qe votat i merr nga keta taksapagues. Turqia te pranohet ne EU do jete nje gabim politik dhe ekonomik. Eshte ndryshe kur pranohet nje Poloni e Kopernikut dhe e 60 nobelisteve te tjere ne fizike dhe matematike polake. I njihni polaket dhe potencialin e tyre juve?

p.s.
Per shifrat e AROve ngelet qe une te kem fallsifikuar te gjitha vendet ju do gjeni me ane te google.com.

ekonomine e kane te dobet (mos shifni sa e bukur eshte Stambolli apo vendet turistike),

p.s.
Stambolli nuk eshte i bukur eshte Kostandinopoja e bukur. Ndertimet e bukura jane te Kostandinopojes jo te Stambollit. Ndertimet e bukura nuk behen duke ndenjur tere diten me tespije. Ankaraja ishte Angora Galatia etj etj. kaq shpejt u harruan keto?

[Davius]

Zgjidhen kontradiktat në BE, pasi Austria heq dorë nga kundërshtimet për Turqinë. Ankarasë do t’i ofrohet anëtarësim i plotë

BE arrin marrëveshjen për Turqinë

Shtyhen bisedimet. Pritet që Ankaraja të japë përgjigje mbi projektmarrëveshjen e BE-së

Vendet e BE-së arritën dje një marrëveshje historike për bisedimet e anëtarësimit me Turqinë, pas disa ditësh bisedime të ashpra e rezistence nga ana e Austrisë. Kështu shtetet e BE-së ranë dakord që të aplikojnë procedurën e anëtarësimit të plotë të Turqisë në BE, dhe jo një marrëveshje alternative, siç u debatua në dy ditët e shkuara. Megjithatë Ankaraja pritet t’i studiojë propozimet e fundit të BE-së për të vendosur se si do të vijojnë bisedimet. “Tashmë varet nga Ankaraja, nëse ata do të bien dakord mbi tekstin. Është një tekst i pranueshëm”, - tha një diplomat i lartë i BE-së, pasi Austria bëri të ditur se ishte gati të hiqte dorë nga kundërshtimet e saj. Kështu ministri i Jashtëm turk, Abdullah Gul, mori projektpropozimin e shpërndarë nga Britania. Tashmë pasi ta studiojë e pasi të bihet dakord nga zyrtarët turq, ai do të kthehet në Luksemburg për t’i kthyer përgjigjen që presin vendet e tjera të BE-së.

Ceremonia e hapjes së bisedimeve ishte parashikuar për dje (më 3 tetor). Por ajo është shtyrë për shkak të debateve të mëdha mes Austrisë dhe Turqisë në lidhje me tekstin kornizë të bisedimeve, që u diskutua dy ditë më parë në takimin e ministrave të Jashtëm të BE-së. Austria në fillim këmbënguli që Turqisë t’i ofrohet jo një anëtarësim i plotë, por një alternativë tjetër, si, për shembull, ‘partneritet i privilegjuar”. Një ndër kushtet kryesore të rezistencës ndaj Turqisë është padëshira e vendeve anëtare të BE-së për të pranuar një komb mysliman në gjirin e tyre.
Sekretari i Jashtëm britanik, Jack Stroë, paralajmëroi dje paradite se blloku me 25 vende anëtare ndodhet në buzë të greminës, pasi, sipas tij, kundërshtimet e Turqisë mund të ndikojnë edhe anëtarësimet në NATO. Kështu, nëse Turqisë nuk i lejohet anëtarësim i plotë në BE, ajo mund të bënte që Qipro të qëndronte jashtë NATO-s. SHBA-ja ndërhyri në kohë për të shpëtuar bisedimet e anëtarësimit të Turqisë.
Kështu sekretarja amerikane e Shtetit, Condoleezza Rice, telefonoi kryeministrin turk Tayyip Erdogan, për ta siguruar se korniza e propozuar nga BE-ja për negociatat nuk duhet të kenë ndikim në NATO. Britania, që është aktualisht edhe presidentja e radhës së BE-së, ende shpreson që të hapë bisedimet me Turqinë, sipas parashikimeve.

Zbutja e Vjenës

Fillimisht Vjena ishte e vendosur në qëndrimin e saj për të mos lëshuar pe ndaj Turqisë. Ministrja e Jashtme austriake, Ursula Plassnik, gjithsesi bëri të ditur se vendi i saj nuk ishte kundër pranimit të Turqisë, por vetëm kërkon një formë tjetër, jo anëtarësim të plotë si të gjithë anëtarët e tjerë.
Ishte ministri i Jashtëm britanik, Stroë, i cili telefonoi kancelarin austriak, Ëolfgang Schuessel, në lidhje me këtë çështje, duke i thënë se mund të bihet dakord me një formulë që të kënaqë Vjenën, sipas së cilës, BE-ja mund të mos jetë e aftë që të pranojë vendin e madh mysliman në gjirin e saj. Pas kësaj telefonate, Austria hoqi dorë nga kundërshtimet e saj, duke thënë se qëllimi i negociatave është anëtarësimi, por kërkoi garanci të forta për ‘kapacitetin përthithës të BE-së”. Një tjetër lëshim që duket se u bë në favor të Austrisë, ishte deklarata e djeshme e Karla Del Pontes, për Kroacinë, vend që, sipas Del Pontes, ka përmirësuar bashkëpunimin me Hagën. Austria ka kritikuar vendet e BE-së që t’i vendosin kushte të forta një vendi si Kroacia, duke kërkuar anëtarësimin e menjëhersshëm të këtij vendi. Kështu raporti pozitiv për Kroacinë, duket se ndikoi për mirë edhe te qëndrimi i Vjenës për të zbutur kundërshtimin ndaj Turqisë.


Kërcënimi turk

Turqia e ka bërë të qartë se nuk pranon asnjë lloj marrëveshjeje tjetër me BE-në, veç anëtarësimit të plotë, si dhe rrugës që kanë ndjekur të gjithë anëtarët e tjerë të bllokut. Në Ankara kryeministri Erdogan tha se Turqia nuk mund të bëjë komproms me kushte të tjera të ofruara për bisedimet e stërgjatura. “Ata që në BE nuk e përtypin dot idenë që Turqia të jetë pjesë e BE-së, janë kundër aleancës dhe civilizimit. Unë deklaroj se: kostoja që do të rezultojë nga e gjithë kjo, do të paguhet nga ata kundërshtarë”. Turqia vazhdimisht e ka përshkruar pengesën që i bëhet për të hyrë në BE, si një diferencë të madhe mes botës katolike dhe islamike. Bëhet fjalë për 72 milionë myslimanë që do të hyjnë lirshëm në vendet e BE-së, nëse Turqia anëtarësohet me të drejta të plota. Dhe këtë Evropa katolike duket se nuk e përtyp dot. Por Turqia kërcënon edhe me bllokimin që ajo mund t’i bëjë si kundërpërgjigje anëtarësimit të vendeve të BE-së në organizata të tjera. Kështu ndoshta Turqia do të bllokojë hyrjen e Qipros në NATO. Ishte pikërisht çështja e Qipros që u paraqit si kusht për Turqinë para hapjes së bisedimeve. Qiproja, ishull i ndarë në dy pjesë, është pranuar jo i plotë në BE vitin e kaluar. Kështu pjesa turke ka mbetur jashtë BE-së, ndaj dhe Turqia nuk e njeh si shtet Qipron, ndërkohë që në BE ka hyrë vetëm Qipro greke.


Historia

Inati i hershëm i austriakëve

Për shumë austriakë, fitorja e perandorisë austro-hungareze ndaj turqve otomanë në portat e Vjenës më 1683 konsiderohet si një simbol heroizmi. Megjithatë nuk dihet nëse është vërtet historia ajo që i bën gati 80% të austriakëve të jenë kundër anëtarësimit të Turqisë në BE. Në fakt, më shumë se e kaluara, duket se austriakët kanë frikë për të ardhmen. Sipas analistëve, ata druhen se tregjet e punës në Austri do të pushtohen nga punëtorë turq. “Përse na duhen turqit? Ata janë një vend aziatik… Ne kemi mjaft probleme me vendet e tjera të reja anëtare të BE-së”, - tha një qytetar austriak, i quajtur Norbert, 60 vjeç, cituar nga Rojteri. Austria ka një nivel papunësie shumë të ulët, gati 5%, dhe ekziston frika se me zgjerimin e ri ky nivel papunësie do të rritet. Kështu austriakët kanë frikë edhe nga anëtarësimet e reja të Rumanisë dhe Bullgarisë (më 2007-ën), pasi pritet që kryesisht punonjësit e këtyre vendeve të afërta të dynden drejt Austrisë. Por tjetër shkak është edhe dallimi i madh kulturor. “Ka një sens mes shumë njerëzve në Austri… që është më tepër një skepticizëm ndaj islamikëve dhe kryesisht skepticizëm ndaj së panjohurës në përgjithësi”, - thotë Kristof Hofinger i Institutit të Studimeve Sociale dhe Analizave në Vjenë. Por problemi është edhe politik. Kështu kancelari austriak Schuessel shpreson që me qëndrimin kundër ndaj Turqisë të fitojë votat e së djathtës ekstreme të Jorg Hajderit, që gjithnjë ka qenë kundër zgjerimit të BE-së. Nga ana tjetër shumë austriakë këto vitet e fundit kanë preferuar vetëm plazhet turke për të kaluar pushimet e verës dhe rezistenca që bën shteti i tyre ndaj këtij vendi atyre u duket e pakuptimtë. Në Austri jetojnë 116 882 turq. E çuditshme është se austriakët kundërshtojnë kryesisht anëtarësimin e Turqisë dhe jo të vendeve të tjera ballkanike që presin të hyjnë në BE.

Shekulli