Turqia dhe BE

[Akili-A]

Per cilat vlera ke fjale: per bordelet holandeze me prostituta romune e bullgare apo pederizmin skandinav?

Po atehere, c`kerkon turqia me EU???????

[Lioness]

Per cilat vlera ke fjale: per bordelet holandeze me prostituta romune e bullgare apo pederizmin skandinav?

Opo s'keni pune tjeter pffffffffffff. Sa here bie fjale, ne cdo teme, o burra me keto gjera kapeni. Si nuk ze njeri ne goje dicka tjeter, e shumica ketu nga perendimi shkruajne.

Late nam late, hipokrizi e gjalle.

[DYDRINAS]

Dy jave nga nje shperthim i mundshem

E Diele, 03 Dhjetor 2006

Neqoftese Bashkimi Evropian do te refuzoje tani Turqine, kjo do te ngrihet me te drejte duke akuzuar per pandershmeri dhe tradhti historike


Nga Martin KETTLE

Sot, ashtu si ne te shkuaren, Turqia misheron probleme te jashtezakonshme politike. A mundet perendimi dhe lindja te jetojne ne harmoni? Si mundet te bashkejetojne me mire vlerat sekulare dhe ato fetare? A respektohen vertete te drejtat e minoriteteve dhe ato te njeriut? Kete jave Papa Benedikt ndoqi nje rruge shume me shembullore permes ketyre ceshtjeve te veshtira sesa kishin parashikuar disa. Tani Bashkimi Evropian duhet te beje te njejten gje nese deshiron te evitoje qe ai vete te transformohet ne nje proteksionist te vecuar dhe, mbase, mbi te gjitha nese do qe te mbijetoje.

Megjithe keto probleme, afrimi reciprok midis perendimit dhe Turqise eshte nje projekt i shkelqyer i civilizimit dhe normave ligjore. Tashme zhvillimet jane duke i shtyre te dyja palet drejt nje konfrontimi epokal ne Samitin e BE-se te ketij muaji. Ne jemi vetem dy jave larg nje shperthimi te mundshem, i cili mund te perfundoje me vete Europen qe percakton vetveten si nje vend ne te cilin myslimanet nuk jane te mirepritur dhe me nje Turqi moderne qe kthehet nga rruga e orientimit perendimor, e cila ka qene themelore per gjithe ekzistencen e saj. Ne do te ishim te cmendur qe te lejonim te ndodhte nje gje e tille.

Eshte e kote te mohosh se Turqia eshte vete e vecante, por ndjehet thelle si nje pjese e Evropes. Ashtu si Britania, ajo eshte nje komb i periferise, por ajo nuk mungon ne institucionet domethenese evropiane – nga Liga e Kampioneve ne futboll dhe Festivali i Kenges Evropiane, tek NATO dhe Keshilli i Evropes – ku ajo eshte pjese e tyre. I vetmi perjashtim eshte BE.

Turqia fillimisht aplikoi per anetaresim qe ne vitin 1959. Ajo ka qene nje vend i asociuar qe prej 1963. Ajo kerkoi anetaresim te plote ne 1987. Negociatat per anetaresim me se fundi filluan me 2005. Edhe me optimistet mendojne se ka pak gjasa qe Turqia do t’i bashkohet BE-se perpara 2015, dhe atehere vetem me marreveshje te rendesishme transnacionale. Keshtu cili eshte ne te vertete shkaku i krizes se fundit? Turqia ka qene e qendrueshme, e durueshme dhe e angazhuar ne politiken e saj pro-evropiane. Megjithate qe nga 1959, ajo ka qene shmangur nga 21 vendet e reja anetare – dhe tani ajo mund te jete goditur akoma nga 5 te tjere prej Ballkanit (dy prej te cileve me nje popullsi dominuese myslimane). Nese Evropa do te refuzoje tani Turqine, ajo do te ngrihet me te drejte duke akuzuar per pandershmeri dhe tradhti historike.

Askush nuk i mohon sfidat. Turqia do te jete fizikisht vendi me i madh ne BE (me nje siperfaqe dy here me te madhe se Gjermania). Anetaresimi i saj do ti shtyje kufijte e Unionit nga Danubi pothuajse ne Eufrat. Brenda pak viteve, Turqia do te kete me shume banore sesa cdo vend tjeter i BE-se. Sidoqofte turqit do te jene midis qytetareve me te varfer dhe me pak te kualifikuar te BE-se. Ne indeksin e projektit te OKB-se per zhvillimin njerezor, Turqia renditet e 92-ta, shume prapa cdo vendi tjeter evropian, perfshi Shqiperine. Korrupsioni mbetet nje plage mbarekombetare. Duke e matur ne kete menyre, Turqia eshte me shume nje vend i Lindjes se Mesme sesa nje vend evropian.

Ne nuk mund te mos marrim parasysh keqtrajtimin e minoriteteve ne Turqi dhe abuzimin ndaj te drejtave te njeriut. Ajo ka refuzuar mbi Armenine, ka zhvilluar nje lufte brutale kunder kurdeve dhe mbetet ngurruese per te njohur traditat e grekeve dhe ortodokseve te vet. Vitin e kaluar, ajo e nxorri ne gjyq turkun me te madh te epokes tone, fituesin e cmimit “Nobel”, Orhan Pamuk, vetem sepse kishte kritikuar tabute mbi diskutimin e ketyre ngjarjeve. Dhjete dite me pare profesori i Universitetit Gazi, Atilla Yayla ishte shkarkuar per venien ne dyshim te kultit te Kemal Ataturkut. Kete jave, Presidenti i flakte kemalist i Turqise, Ahmet Nexhdet Sezer, vendosi veton per nje ligj te ri te lirise fetare.

Sidoqofte nuk ka asnje pike dyshimi se Turqia po ndryshon. Ekonomia eshte rritur me 1/3 ne pese vitet e shkuara. Rritja kete vit parashikohet qe te jete 8%. Urbanizimi eshte i shpejte, vecanerisht ne Anadolli, pjese te se ciles kane ndryshuar nga te qenit si Kosova, ne te qenit si Irlanda brenda nje gjenerate. Ne tetor, OECD-ja e lavderoi Turqine per adoptimin e reformave te gjera strukturore. Perspektiva e anetaresimit ne BE ka qene nje katalizator per reformat e qeverise turke. Nen kryeministrin, Rexhep Taip Erdogan – i cili ia detyron fuqine e tij ne pjesen me te madhe klases se mesme anadolliane qe po lind – Turqia ka ndermarre ate qe korrespondenti i BBC-se, Kris Morris, e ka pershkruar si hapin e saj me te madh. Ne 2004, nje komision i pavarur nen drejtimin e Marti Ahtisarit te OKB-se, arriti ne perfundimin se reformat ishin zbatuar me “nje vendosmeri dhe efikasitet te pashembullt”. Ahtisari foli per nje “revolucion te heshtur”. Nen Erdoganin, Turqia moderne eshte nje prej njerezve me te shendetshem te Evropes.

Mund te duket e pabesueshme qe ky transformim i gjere dhe mundesite themelore jane mbajtur peng nga regjimi greko-qipriot ne Nikozia, i cili perdor veton e tij per te bllokuar pothuajse te gjitha aspektet e hyrjes se Turqise ne BE. Megjithate ne nje fare menyre kjo eshte arsyeja se perse kerkesa e Turqise mund te rrezohet ne Bruksel pas dy javeve. Duhet pranuar se edhe Turqia nuk eshte pa faj per kete bllokim – ky mund te quhet bllofi i Nikozias. Edhe shpejtesia e reformave te saj eshte ngadalesuar qe prej vendimit katastrofik per te pranuar Nikozian ne BE me 2004, pa nje zgjidhje te konfliktit qipriot. Megjithate, mendimi praktik thote se dicka shume me e rendesishme eshte duke u luajtur ketu.

Kjo dicka eshte opinioni politik dhe publik ne shume vende te BE-se qe kundershton anetaresimin e Turqise, duke preferuar qe te fshihet tani pas debatit mbi Qipron. Opinioni publik eshte kunder hyrjes se Turqise ne 15 nga 25 vendet anetare te BE-se. Ne Austri, e cila vazhdon te jete e prekur, duke qene e traumatizuar nga rrethimi i Vjenes ne 1683 dhe ku eshte premtuar mbajtja e nje referendumi, opinioni eshte 6-1 kunder. Ne France, ku gjithashtu do te votohet, opozitaret kryesojne me 15%. Problemi real per ta thene me fjale me te permbledhura nuk qendron tek Turqia, por ne BE.

Perendimi ka qene gjithmone i njeanshem kunder turqve, thoshte Ataturku, duke shtuar qe turqit megjithate kane ecur gjithmone drejt perendimit. Mbase rreziku i afert i kerkeses turke eshte vetem nje tjeter lekundje ne nje cikel te panderprere. Megjithate ne duhet te jemi te qarte se cfare mesazhi do te jepte dalja nga binaret e bisedimeve dhe cilat do te ishin pasojat. Ne nje liber te publikuar ne Kembrixh mbi historine e vonshme te Perandorise Osmane na tregon se disfata e 1683 i kushtoi vezirit te madh jeten dhe sulltanit, fronin e tij. Duke investuar kaq shume mbi Evropen, qeveria e Erdoganit rrezikohet qe te hidhet tutje nga ringjallja e kemalizmit ose ringjallja e islamizmit, ose mbase prej te dyjave bashke. Ne rastin me te mire, reformatoret turq do te bien viktime te trishtimit melankonik per te cilin shkruan Pamuk. Ne rastin me te keq, vendi mund te behet teresisht i papermbajtshem dhe mund te shikoje drejt Iranit ose Rusise per mbeshtetje.

Kostoja per kete periudhe me te gjate mund te jete akoma edhe me e madhe. Impakti ne boten myslimane – dhe midis myslimaneve te vete Evropes – per mospranimin simbolik te tolerances dhe pluralizmit nga Evropa eshte e veshtire qe te percaktohet. Por ne mund te jemi te sigurt per dicka: “Al-Kaida” do te jete duke u gezuar per te gjithe ata qe marrin rrugen drejt kampeve stervitore terroriste.

“THE GUARDIAN”

Gazeta Korrieri

[shkodra13]

Sikur te pyetet dikush se a asht Turqia vend musliman te pergjigjet pa ngurrim: Po, se banoret e saj jane 99% muslimane.
E drejte!
Po sikur dikush te thone se Turqia asht vend aziatik e jo europian se 98% e territorit te saj, perfshi edhe kryeqytetin, asht ne Azi e jo ne Europe a asht e drejte?

[Akili-A]

Sikur te pyetet dikush se a asht Turqia vend musliman te pergjigjet pa ngurrim: Po, se banoret e saj jane 99% muslimane.
E drejte!
Po sikur dikush te thone se Turqia asht vend aziatik e jo europian se 98% e territorit te saj, perfshi edhe kryeqytetin, asht ne Azi e jo ne Europe a asht e drejte?

Per keto pune nuk ka te drejta..........por ka vetem a i pelqen europes ta fusi turqine apo nuk i pelqen.....

Se komuniteti europian eshte nje bashkim shtetesh qe bazohet ne deshiren e tyre...e jo ne ndonje te drejte te caktuar.....

[DYDRINAS]

Turqia ofron hapjen e portit për Qipron


Turqisë i kërkohet të hapë portet dhe aeroportet për Qipron

Turqia ka propozuar që të hapë, të paktën përkohësisht, njërin prej porteve të saj për tregtinë nga Qiproja.

Kjo shihet si një përpjekje e çasteve të fundit për të shmangur pezullimin e pjesshëm të negociatave të anëtarësimit në Bashkimin Evropian.

Muajin e kaluar Komisioni Evropian rekomandoi pezullimin e bisedimeve të anëtarësimit me Turqinë në disa fusha.

Udhëheqësit evropianë pritet të marrin një vendim për këtë çështje në samitin e tyre javën e ardhshme.

Korrespondentja e BBC-së në Stamboll, Sara Rainsford, thotë se ky është një hap i guximshëm dhe i papritur i Turqisë.


Propozimi nuk është shoqëruar me ndonjë kusht, vetëm se shpresohet që ky hap do ta shtyjë Brukselin që t'i japë fund izolimit ekonomik të Qipros Veriore.

Një diplomat britanik tha se propozimi i Turqisë ishte pozitiv dhe se tashmë Bashkimi Evropian duhet të reagonte pozitivisht.

Ende nuk janë bërë të ditura hollësitë e këtij propozimi që ende nuk është paraqitur me shkrim.

Disa politikanë, madje edhe zyrtarë të lartë qeveritarë thanë se e kishin mësuar lajmin nga media.

Turqia është nën presion nga Brukseli për t'i hapur të gjitha portet dhe aeroportet e veta për Qipron.

Deri tani Ankaraja kishte vënë si kusht që Bashkimi Evropian të hapte një port dhe aeroport ndërkombëtar në Qipron veriore për t'i dhënë fund izolimit të komunitetit qipriot turk.

BBC

[DYDRINAS]

Pamuk i zhgënjyer për mosinteresin e pranimit të Turqisë në BE

06-12-2006


Shkrimtari turk që fitoi këtë vit çmimin Nobel në letërsi, Orhan Pamuk thotë se ka mbetur i zhgënjyer nga rënia e interesit për forcimin e lidhjeve midis Bashkimit Evropian dhe Turqisë.


Zoti Pamuk tha sot në Stokholm se entuziazmi për anëtarësimin e Turqisë në Bashkimin Evropian ka rënë si brenda Turqisë edhe në Evropë. Anëtarësimi i Turqisë, tha ai, do të krijonte një shembull harmonie mes qytetërimeve në mbarë botën.

Shkrimtari Orhan Pamuk ndodhet në Suedi për ceremoninë tradicionale të fituesit të çmimit Nobel në letërsi që zhvillohet nesër në Akademinë Suedeze. Komisioni i dhënies së çmimeve, në motivacionin për shkrimtarin Pamuk thekson se ai u nderua ndër të tjera për “zbulimin e simboleve të reja për përplasjet dhe ndërthurrjet e kulturave”.

VOA

[Lioness]

[B][SIZE="3"]
Korrespondentja e BBC-së në Stamboll, Sara Rainsford, thotë se ky është një hap i guximshëm dhe i papritur i Turqisë.


Propozimi nuk është shoqëruar me ndonjë kusht, vetëm se shpresohet që ky hap do ta shtyjë Brukselin që t'i japë fund izolimit ekonomik të Qipros Veriore.

Një diplomat britanik tha se propozimi i Turqisë ishte pozitiv dhe se tashmë Bashkimi Evropian duhet të reagonte pozitivisht.

Ende nuk janë bërë të ditura hollësitë e këtij propozimi që ende nuk është paraqitur me shkrim.
BBC

Hap i guximshem dhe i papritur, lol.
Sa per kushtet, qe BBC nuk "i dika", do hapet nje port dhe nje aeroport vetem per nje vit.
Gjithashtu, qeveria turke e quajti kete levizje a "two-way deal" duke kerkuar qe te njejten kohe te hapet aeroporti nderkombetar ne Qipron e Veriut dhe EU te heq embargon ndaj asaj zone.

[ATMAN]

Pas takimit të “Trekëndëshit të Vajmarit”, Merkel tërheq propozimin për penalizmin e Turqisë

Financial Times

Kancelarja gjermane Anxhela Merkel është detyruar të moderojë qëndrimin e saj të linjës së ashpër në lidhje me anëtarësimin e Turqisë në Bashkimin Evropian, duke tërhequr një propozim për penalizmin 18 mujor ndaj Ankarasë për hapjen e porteve të saj me Qipron. Merkel pohoi se Komisioni Evropian duhej të raportonte mbi progresin e Turqisë në lidhje me këtë çështje. Sipas saj raportil, duhej të hartohej pas zhvillimit të zgjedhjeve të vjeshtës 2007 në Turqi, por përpara zgjedhjeve për Parlamentin Evropian, të cilat do të mbaen në pranverën e vitit 2009. Komentet e kancelares gjermane kanë ardhur menjëherë pas përfundimit të bisedimeve të së martës me presidentin francez Zhak Shirak dhe presidentin polak, Les Kazinski. Bisedimet e të ashtuquajturit “Trekëndëshi i Vajmarit”, u zhvilluan në Metlah, Gjermania Perëndimore.

Që nga java e kaluar, Merkel kishte propozuar përpara vendeve të BE-së shtimin e një “neni rishikues”, në një prej marrëveshjeve të samitit të BE-së, që do të mbahet në Bruksel gjatë javës së ardhshme, ku parashikohej ngrirja e pjesshme e bisedimeve të anëtarësimit me Ankaranë, si pasojë e qëndrimit të Turiqsë ndaj Qipros, një vend anëtar i BE-së. Ndërkohë që, presidenti francez, Shirak ka pohuar se “këto pasoja ishin të paevitueshme” për shkak të mosdëshirës së Turqisë për të hapur portet e saj, një kusht ky për anëtarësimin në BE. Por, me sa duket, kancelarja gjermane nuk ka mundur të bindë presidentin Kazinski. Udhëheqësi polak, deklaroi pas takimit se qëndrimi i Varshavës si një mbështetëse e Turqisë, “nuk ka ndryshuar” gjatë bisedimeve. Kancelarja gjermane, Merkel, është gjendur gjithashtu edhe nën presionin e Turqisë dhe Komisionit Evropian për të ndryshuar qëndrimin e saj, qëndrim i cili, sipas zyrtarëve të Brukselit mund të çojë drejt krijimit të përçarjeve mes vendeve të BE-së, gjatë samitit të ardhshëm, në lidhje me çështjen turke. Nga ana e tij, kryeministri turk, Erdogan, ka pohuar dje përpara ligjvënësve turq se do të ishte një “gabim historik” për BE-në nëse do të krijonte pengesa të reja për procesin e anëtarësimit të vendit të tij. Komisioneri i BE-së për Zgjerimin, Olli Rehn, u ka bërë thirrje të hënën, Merkelit dhe Shirakut të hiqnin dorë nga ideja e hartimit të një klauzole të tillë, duke argumentuar se afatet strikte nuk do të prodhonin asnjë prej rezultateve të dëshëruara.

[NoName]

Turqia ofron hapjen e portit për Qipron

Ky hap gjithsesi eshte diçka pozitive!
Por ka edhe shume per te punuar kryesisht mbi te drejtat e lirise religjioze, grave, kurdeve, armeneve etj..