Firma "Club Med" heq dore nga investimi ne Kakome, probleme pronesie

[Albo]

Në një material të shpërndarë nga “Riviera” thuhet se “Club Med” ka marrë pjesë në hetimin e pronësisë së Kakomesë

Qeveria mashtrim me firmën franceze


Lindita Çela

Rreth 3 javë më parë në të gjitha redaksitë e shtypit shqiptar është shpërndarë një “broshurë” e cila merrte përsipër sqarimin e pronësisë së gjirit të Kakomes ku edhe do të ndërtohet një fshat turistik. Broshura e shpërndarë në të gjitha mediat si sigël të saj ka shoqërinë franceze “Club Mediterranee” me gërma të zvogëluara atë të “Riviera” sh.p.k. Në mbledhjen e KRRTRSH-së më dt. 23.06.2004, sipas informacionit të shpërndarë, thuhet se përveç miratimit të fshatit turistik në zonën e gjirit të Kakomesë i është lënë detyrë investitorëve të kontaktojnë me pronarët e tokës.
Në të gjithë informacionin e thënë në këtë “boshurë” flitet në numrin shumës, çka supozon që në investigimin e bërë për këtë çështje ka marrë pjesë edhe shoqëria “Club Med”. “Në zbatim të kësaj detyre ne kontaktuam me të gjitha institucionet shtetërore që janë të ngarkuara ligjërisht për njohjen, kthimin dhe regjistrimin e pasurive të paluajtshme duke siguruar të gjithë informacionin e nevojshëm zyrtar që bën fjalë për gjendjen aktuale të pronësisë së tokës brenda së cilës është miratuar fshati turistik në gjirin e Kakomes”,- thuhet në informacion e shpërndarë në mediat shqiptare. Jo vetëm për shkak të siglës së vendosur në kokë të “broshurës” por edhe mënyra e të komunikuarit në shumës, “NE” le të kuptohet që në të gjithë këtë veprimtari investigative në institucionet shqiptare duke filluar që nga ajo e zyrës së regjistrimit të pasurive dhe deri tek niveli më i ulët si Drejtoria e Shërbimit Pyjor Sarandë kanë marrë pjesë edhe përfaqësuesit e kompanisë së njohur franceze “Club Med”. Në një deklaratë dhënë për gazetën “Shekulli” nga zëdhënësja e kësaj shoqërie turistike kuptohet fare qartë që “Club Med” jo vetëm që nuk ka marrë pjesë në hetimet që janë bërë për këtë çështje në emër të saj, por ende nuk është konkluduar në një marrëveshje të mirëfilltë bashkëpunimi. Po sipas saj, kjo shoqëri as që është formuar që në zonën ku është parashikuar ndërtimi i këtij fshati ka konflikte pronësie. “Nëse konkludohet për të bashkëpunuar në një fshat turistik me shoqërinë “Riviera” shpk në Shqipëri, “Club Mediterrane” do të jetë vetëm qiramarrëse për të bërë menaxhimin e objektit dhe të klienteles”,- thotë zëdhënësja e kësaj shoqërie. Po nëpërmjet zëdhënëses së saj grupi “Club Mediterrane” saktëson se nuk ka qenë aspak në dijeni për konfliktet e pronësisë që prekin zonën ku parashikohet të kryhet studimi dhe ka konsideruar që toka i takon shtetit shqiptar.
Pra grupi “Club Med” jo vetëm që nuk informohet nga drejtuesit e shtetit shqiptar, si dhe shoqëria “Riviera” për ekzistencën e pronarëve, dhe konfliktet që janë ndërmjet palëve, por shfrytëzohet edhe emri i saj për “broshura” që shpërndahen nëpër mediat shqiptare ku lihet qartë të kuptohet që shoqëria e njohur turistike jo vetëm do të investojë në Shqipëri por ajo është edhe e angazhuar në tërë procesin e verifikimit të gjendjes kadastrale të tokës në përfundim të së cilës ka konkluduar që nuk ekzistojnë pronarë në gjirin e Kakomesë.

[Albo]

Kakomeja, pushtimi dhe skandali me “Club Mediteraneo”


KLODIAN RADO

Problemi i ditëve të fundit, në lidhje me konfliktin e pronësisë në Gjirin e Kakomesë, është treguesi i fundit i gjendjes aktuale juridike me pronat në Shqipëri. Por ndryshimi nga konfliktet e tjera të pasurisë, që shtrihen në gjithë territorin e Shqipërisë, është se në këtë rast interesat dhe vlera e këtyre pronave kapin vlerën e disa qindra miliona dollarëve.
Veprimet e drejtuesve më të lartë të shtetit shqiptar, në lidhje me pronat e Gjirit të Kakomesë, juridikisht quhen “pushtim”. Themi “pushtim”, sepse në këtë mënyrë është shprehur edhe Kodi Penal në nenin 200 të tij. Sipas interpretimit juridik të kësaj dispozite nga Dr. Prof. Ismet Elezi, me “pushtim të tokës” kuptohet: kalimi i posedimit dhe nëdorësisë së tokës në mënyrë arbitrare dhe të paligjshme, nga një person në dëm të një personi tjetër, i cili është posedues dhe nëdorës i ligjshëm i saj. Subjekt i këtij veprimi mund të jetë çdo person që ka mbushur moshën për përgjegjësi penale, dhe është i përgjegjshëm, i cili është subjekt i përgjithshëm ose i posaçëm (ku futen personat që kryejnë një funksion shtetëror apo shërbim publik).
*****
Mbi tokat e Gjirit të Kakomesë, ashtu si edhe mbi tokat e tjera në territorin e Republikës së Shqipërisë, ka 2 linja pretenduesish të pronësisë: Të parët janë ish-pronarët, që kanë titull pronësie që në vitet 1800, dhe që janë njohur si të tillë edhe me vendimin e vitit 1996 nga Gjykata e Rrethit Sarandë, të cilët u shpronësuan si gjithë pronarët shqiptarë në vitin 1947. Këta kanë bërë gati dhe kanë paraqitur përpara Komisionit të Kthimit dhe Kompensimit të Pronave të Qarkut Vlorë, gjithë dokumentacionin e nevojshëm për të rimarrë ish-pronat e tyre, por që deri tani nuk iu janë kthyer. Ky komision refuzon pranimin e kërkesave të ish-pronarëve me pretendimin se, sipas VKM (vendimit të Këshillit të Ministrave) Nr.88 të vitit 1993, “ndalohet kthimi i pronave në zonat me përparësi turizmin”, por harron qëllimisht ligjin Nr. 8053 të dt.21.12.1995, i cili sanksionon se, “nuk përjashtohen nga dhënia në pronësi e tokës, familjeve ose individëve që i kanë fituar këto toka bujqësore si bashkëthemelues të ish-kooperativave bujqësore apo ndërmarrjeve bujqësore”. Megjithatë, nga ky komision, deri përpara projektit të ngritjes së fshatit turistik, ish-pronarëve u ishte premtuar se do t’u ktheheshin këto prona, ndërsa në shkresat e mëvonshme konfirmojnë se dosja e paraqitur nuk i përmban të gjithë dokumentet ligjore të nevojshme (!!)
Të dytët janë ish-anëtarët e kooperativës bujqësore të Nivicës, të cilët në bazë të ligjit 7501 “Për Tokën”, kishin të drejtë të merrnin në pronësi tokat bujqësore të kësaj kooperative. Problemi i vetëm ishte se 20 ha që iu ndanë fshatarëve të Nivicës, nuk figuronin në regjistrat kadastralë si “tokë bujqësore”, por ky ndryshim u bë me vendim të Këshillit të Rrethit Sarandë në vitin 1994. Pretendimi i ngritur nga përfaqësuesit ligjorë te “Riviera” sh.p.k. se ky ndryshim nga “kullotë” në “tokë bujqësore” është bërë jo nga organi kompetent, juridikisht këto momente është i pavlerë dhe nuk mund të shërbejë si argument për ta, sepse akti administrativ i nxjerrë nga Këshilli i Rrethit Sarandë, vazhdon të ketë fuqi juridike. Çdo pretendim në lidhje me vlefshmërinë e aktit administrativ që ndryshoi destinacionin e tokës, përderisa nuk është bërë në gjykatë, dhe nuk ka një vendim të formës së prerë që e konstaton apo shpall pavlefshmërinë e atij akti, është i pavlerë. Ai akt vazhdon të ketë fuqi juridke, dhe shërben si fakt mjaft i rëndësishëm, që lejon ish-kooperativistët të jenë sot juridikisht pronarë të 20 ha tokë të ndara nga komisioni i ndarjes së tokave në bazë të ligjit 7501 “Për Tokën”.
T’u shkosh sot këtyre fshatarëve dhe t’u vësh në dyshim ndarjen e tokave të ish-kooperativës së tyre bujqësore, është njëlloj sikur t’u shkosh fshatarëve të fushës së Myzeqesë apo ish-kooperativistëve në gjithë Shqipërinë, dhe t’u thuash që ata s’janë pronarë të tokave që u janë ndarë para më shumë se 10 vjetësh. Për ndarjen e tokave bujqësore që u bë me ligjin 7501, edhe sot ka një konsensus të gjërë politik, me qëllim që efektet e ligjit 7501 të mos cënohen. Edhe projekti i ligjit të tokës që u diskutua kohët e fundit në Kuvend, pranon plotësisht efektet e ardhura nga ndarja e bërë sipas këtij ligji, me qëllim që të shmangë krizat e mëdha sociale që mund të përfshijnë gjithë vendin në rast kontestimi të pronësimeve që u bënë në fillim të viteve ‘90.
*****
Projekti që lejon shoqërinë “Riviera” sh.p.k., për të ngritur një fshat turistik mbi këto prona në Gjrin e Kakomesë, pa marrë parasysh pronësinë e banorëve të zonës mbi këto toka, është papërgjegjshmëria e radhës e drejtuesve të shtetit shqiptar. Në radhë të parë, papërgjegjshmëria është në lidhje me cënimin e të “drejtës për pronë”, që është një e drejtë themelore njerëzore e njohur nga të gjitha aktet ndërkombëtare të të drejtave të njeriut si dhe nga Kushtetuta e Shqipërisë. Të mos njohësh pretendimet e pronarëve aktualë të tokave në Gjrin e Kakomesë, apo të injorosh zërat e tyre vetëm se janë “fshatarët e Nivicës” dhe jo “pushtetarët e Tiranës”, është cënim flagrant i të drejtave themelore të njeriut, dhe i parimit të madh të shtetit të së drejtës, “te gjithë janë të barabartë para ligjit”.
Por deklarata e shoqërisë së njohur turistike “Club Mediteraneo” se ajo ka nënshkruar vetëm një letër vullneti për bashkëpunim me shoqërinë “Riviera” sh.p.k., nxjerr në pah një tjetër skandal. Sipas deklaratës së kësaj shoqërie, në kuadrin e kërkimeve që bën në vende të ndryshme të Mesdheut, angazhohet vetëm për të studiuar se cilat janë mundësitë për të shfrytëzuar një fshat turistik në bregdetin shqiptar. Studime të tilla janë të gjata dhe mund të shkojnë deri në 4-5 vjet. Po ashtu sipas tyre, nëse konkludohet për të bashkëpunuar në një fshat turistik me shoqërinë “Riviera” sh.p.k. në Shqipëri, “Club Mediteraneo” do të jetë vetëm qiramarrëse për të bërë menaxhimin e objektit dhe të klientelës. Grupi “Club Mediteraneo” saktëson po ashtu se nuk ka qenë aspak në dijeni për konfliktet e pronësisë që prekin zonën ku parashikohet të kryhet studimi dhe se studimi i fizibilitetit do të ketë pikërisht për mision të zbardhë të gjitha problemet eventuale teknike, financiare e juridike përpara se “Club Mediteraneo” të angazhohet të nënshkruajë një kontratë përfundimtare.
Ndërsa nga ana tjetër, pala shqiptare në krye të shkresës informative që i drejtohej shtypit, ku ishin radhitur argumentet juridikë nga një grup avokatësh, kishte paraqitur logon e firmës së njohur në fushën e turizmit “Club Mediteraneo”. Kjo ndoshta është bërë për t’i rritur vlerën argumenteve të tyre, apo për të përfituar nga emri i mirë i kësaj shoqërie. Juridikisht kjo përbën mashtrim publik, përderisa ajo shkresë dhe argumentet që do të paraqiten nesër përpara KRRTRSH-së, nuk janë aspak argumente dhe qëndrime të “Club Mediteraneo”-s, por vetëm vlerësime të njëanshme të “Riviera” sh.p.k.. Paraqitja e shkresave te tilla me emrin e një shoqërie tjetër, përbëjnë cënim të emrit të mirë dhe pronësisë industriale të grupit “Club Mediteraneo”, dhe jo vetëm që nuk i shërbejnë zhvillimit të turizmit në Shqipëri, por përkundrazi, ato nxijnë imazhin tonë përpara investitorëve të tillë prestigjiozë. Këto shkresa që përmbajnë vlerësime të njëanshme (subjektive) apo akte korruptive brenda tyre, nuk nxisin investitorët e huaj në Shqipëri, por i shërbejnë vetëm interesave të errëta të disa zyrtarëve të lartë shqiptarë, aq më tepër kur shikon se në deklaratën e bërë nga “Club Mediteraneo” thuhet se, “është Ministria shqiptare e Rregullimit të Territorit dhe e Turizmit që ka dhënë nxitje për nënshkrimin e kësaj letre vullneti bashkëpunimi”.

[StormAngel]

KRRTRSH, gati të miratojë me urgjencë falsifikimet e “Rivierës”


Shekulli

Në mbledhjen e sotme të Këshillit të Rregullimit të Territorit të Republikës së Shqipërisë të kryesuar nga kryeministri Fatos Nano do të diskutohet me urgjencë për miratim dosja që shoqëria “Riviera” sh.p.k. u ka paraqitur edhe më parë mediave për gjirin e Kakomesë. Burime nga Ministria e Rregullimit të Territorit dhe Turizmit bëjnë të ditur se është bërë gati edhe projektvendimi për miratimin e lejes pa marrë parasysh falsifikimet e dokumenteve si dhe faktin që vetëm sa është përdorur emri i grupit “Club Mediterrane”.
Pas miratimit të lejes së ndërtimit për fshatin turistik rreth një muaj më parë investitorëve iu la detyrë që të kontaktojnë me pronarët e tokës. Por kjo nuk ka ndodhur. Një nga përfaqësuesit e aksionerëve të Kakomesë, Orest Kumi, thotë për gazetën “Shekulli” që asnjë prej investitorëve, qofshin këta të huaj apo shqiptarë nuk ka trokitur në derën e tyre për të biseduar për këtë çështje. Përkundër kësaj, përfaqëuesit e kësaj shoqërie kanë siguruar dokumente nëpërmjet të cilave vërtetojnë se “toka ku do të ndërtohet fshati turistik nuk është njohur, kthyer apo kompensuar asnjë ish-pronari dhe se kjo sipërfaqe toke është pronë shtetërore e regjistruar në zërin kadastral kullotë”. Po sipas dokumenteve që ka siguruar kjo shoqëri thuhet se as nga zyra e mbrojtjes së administrimit të tokës së qarkut Vlorë kjo sipërfaqe nuk i është dhënë në përdorim as në pronësi si tokë bujqësore në bazë të ligjit nr. 7501 banorëve të fshatit Nivicë ku edhe janë pretendentët e pronarëve ku do të ndërtohet fshati turistik. Sipas avokatëve të “Rivierës” sh.p.k. pas miratimit të lejes së ndërtimit për fshatin turistik nga ana e Ministrisë së Rregullimit të Territorit më dt. 12.03.2004 nga ana e kryepleqësisë së fshatit Nivicë është tentuar për të kaluar në pronësi një pjesë e tokës ku do të ndërtohet fshati turistik. Por, të njëjtët zyrtarë që kanë lëshuar dokumente për “Riviera” sh.p.k. në një periudhë shumë të shkurtër kanë lëshuar edhe dokumente të tjera, ku vërtetojnë se banorët e Nivicës janë pronarë të tokës.

[StormAngel]

Titulli “Person i stimuluar”, 4 muaj para letrës së qëllimit me “Club Med”


Shekulli

TIRANE - Ndërkohë “Riviera” sh.p.k. thotë se ka një marrëveshje bashkëpunimi me shoqërinë “Club Med”, e nënshkruar kjo më 20 korrik 2004. Ndërkohë që Këshilli i Zhvillimit të Turizmit më datë 02..03 2004 thotë se ka miratuar kërkesën e subjektit “Club Mediterrane”& “Riviera”, sh.p.k për ndërtimin e fshatit turistik në Kakome. Gjë që mohohet krejtësisht prej zëdhënëses së shtypit të kësaj shoqërie. Por nuk është vetëm ky mashtrimi i vetëm për këtë fshat turistik. Jo vetëm nga dokumentet që disponojnë pronarët e Nivicës por edhe nga ato që janë botuar përgjatë kësaj kohe në shtypin shqiptar duket qartë që dosja që do të diskutojë për miratim sot KRRTRSH-ja është krejtësisht e falsifikuar. Megjithëse këto ditë flitet gjatë për falsifikimet e dokumenteve të Kakomesë duket se këto kanë rënë në vesh të shurdhët. Albano Leka, një nga avokatët e shoqërisë “Riviera” thotë për gazetën “Shekulli” se në mbledhjen e sotme të KRRTRSH-së së kryesuar nga Nano do të diskutojnë pikërisht këtë dosje që ia kanë bërë me dije edhe medias.

Falsifikimet

Më 29.06 2004, Komisioni i Kthimit dhe Kompensimit të Pronave i rrethit të Vlorës i kryesuar nga Anesti Xhaxho i ka kthyer përgjigje “Club Med” dhe shoqërisë “Riviera” sh.p.k mbi të vërtetën e pronësisë së zonës së Kakomesë. Në shkresën me numër Prot. 1126/1 Xhaxho i bën me dije se : “Në zonën e Kakomesë ku është parashikuar ndërtimi i fshatit turistik askujt nuk i është kthyer dhe i kompensuar prona në natyrë Pyll, Tokë pyjore, Livadh ose Kullotë”. Po në këtë shkresë zoti Xhaxho pranon faktin që pranë këtij komisioni është depozituar një kërkesë e banorëve të fshatit Nivicë për njohje, kthim ose kompensim të pronësisë në zonën e Kakomeseë por që sipas tij dosja me nr. 23 nuk përmbush kërkesat ligjore për kthim dhe kompensim prone. Ndërkohë po e njëjta zyrë dhe po i njëjti kryetar tre muaj më parë ka lëshuar dhe vulosur një shkresë e cila i njeh të drejtën e pronësisë mbi zonën e Kakomesë banorëve të fshatit Nivicë. Në një shkresë kthim përgjigje Ministrisë së Bujqësisë dhe Ushqimit, kryetari Anesti Xhaxho thotë se “Në zonën e Kakomesë janë ndarë gjithsej 20 ha tokë bujqësore. Kjo sipërfaqe është ndarë dhe janë plotësuar dhe formularët të cilët ndodhet në arshivën e kadastrës. Sipërfaqja rreth kësaj toke bujqësore është pronë e pretenduar e fshatit Nivicë me sipërfaqe 4315 ha me bashkëpronësinë e 129 aksionerëve. Për këtë pranë komisionit tonë është hapur edhe dosja me nr. 23 me këto dokumente pronësie. Vërtetim i Arkivit të rrethit Sarandë dhe vendimin e gjykatës që i njeh të drejtën e pronësisë së banorëve të fshatit Nivicë mbi këtë pronë.”
Abuzimet e qarkut Vlorës
Kryetari i Këshillit të Qarkut të Vlorës, Theodhori Shia është prononcuar për shoqërinë “Riviera” sh.p.k. se zona e Kakomesë ka qenë në vitin 1991 kullotë shtetërore nën administrimin e Ndërmarjes Pyje-Kullota Sarandë. Po ashtu kryetari i Këshillit të Qarkut të Vlorës e vë në dijeni shoqërinë “Riviera” me vendimin e Këshillit të Rrethit të Sarandës por shton se në zyrën e Administrimit të Mbrojtjes së Tokës Sarandë : “Nuk kemi në arkiv akt marrje toke në përdorim apo në pronësi për këtë sipërfaqe”. Përgjigje zyrtare kjo që i është dhënë shoqërisë “Riviera” më datë 02.04.2004 nga z. Theodhori Shia. Ndërkohë një shkresë zyrtare e po e kësaj zyre, pra e Këshillit të Qarkut Vlorë nëpërmjt një shkrese lëshuar më 15.3.2002 vërtetohet se në Arshivën e Kadastrës Sarandë ekzistojnë dokumente që vërtetojnë pronësinë e kullotës, tokës bujqësore në favor të fshatit Nivicë. Sipas drejtorit të zyrës së Kadastrës së Këshillit të Qarkut Vlorë, Sofokli Dhamo në bazë të dokumentacionit që ekziston në këtë dikaster vërtetohet pronësia e banorëve të fshatit Nivicë. Sipas Sofokli Dhamos në zyrën e Administrimit të Mbrojtjes së Tokës ekzistojnë këto dokumente: Libri për pronarët e prekur kryesisht dhe pjesërisht nga reforma agrare, Procesverbali që vërteton kufijtë administrativë të fshatit në momentin e shtetëzimit, Dokumenti arkivor i Arkivit të Shtetit, Harta e Territorit të fshatit miratuar nga Këshilli i Rrethit, Bashkia Sarandë me institucionet përkatëse, Vendimi i gjykatës Sarandë, si dhe dokumentet e pronësisë që disponojnë fshatarët.

Skandali i Drejtorisë së Pyjeve
Drejtori i Drejtorisë së Shërbimit Pujor Kullota, Feruz Basha në shkresën me nr. protokolli 116/3 datë 9.7.2004 lëshuar shoqërisë së ndërtimit “RIVIERA” sh.p.k thotë se “nuk ka patur ndryshime në gjendjen kadastrale në fondin pyje kullota në gjirin e Kakomesë”. Sipas të njëjtës shkresë, në Drejtorinë e Shërbimit Pyjor nuk ka mbërritur vendimi Nr. 15. dt.14.10.1994 i Këshillit të Rrethit Sarandë, ku njihet kalimi i 20 ha në Kakome në tokë arë. Me anë të kësaj shkrese shoqëria e ndërtimit “Riviera” sh.p.k ka ndërtuar argumentin e saj se zona e Kakomesë është ende kullotë dhe nuk është kthyer në tokë arë. Por, i njëjti institucion me të njëjtin drejtor, Feruz Basha, në po të njëjtën datë, 09.07.2004, në një shkresë vetëm me një numër më parë protokolli të shkresës lëshuar “Rivierës”, duke sqaruar gjendjen kadastrale të zonës ku do të ngrihet fshati turistik i Kakomesë thotë se 20 ha tokë janë jashtë fondit pyjor. Sipas kësaj shkrese, z.Feruz Basho njeh dhe pranon se sipërfaqja prej 20 hektarësh tokë, që është edhe në konflikt me fshatarët e Nivicës, nuk administrohet nga drejtoria e tij, ajo e Shërbimit Pyjor e Kullota. Z. Basho në shkresën dërguar Këshillit të Qarkut Vlorë, pak kohë më parë se të informonte për të kundërtën shoqërinë “Riviera”, (që 20 ha i njeh si pyje dhe kullota), bën të ditur tërë gjendjen kadastrale të sipërfaqes ku është miratuar nga KRRTRSH-ja fshati turistik në gjirin e Kakomesë.
Sipas kësaj shkrese 70 ha ku do të përfshihet ky fshat përbëhet nga 35 ha fond pyjor, 15 fond kullosor, ndërsa 20 ha i pranon se janë jashtë administrimit të drejtorisë së tij. Ndërkohë që z. Feruz Basho pak kohë më vonë, në të njëjtën ditë firmos një shkresë tjetër, në favor të shoqërisë së ndërtimit, duke i kthyer përgjigje kërkesës së saj, se 20 ha tokë figurojnë në gjendje kadastrale si fond pyjor.


Prejardhja e pronës
Dokumenti më i hershëm i të qënit zot i zonës së Kakomesë për fshatarët e Nivicës ekziston që në vitin 1291. Me urdhrin e Vilajetit të Lartë nr. 579 është shitur nga çifligjet mbretërore banorëve të Nivicës sipërfaqe të tëra toke ku ndërmjet të tjerash kullota Hermes, Dardha e Sipërme dhe Dardha e Poshtme të cilat kanë qenë të ndara në 129 pjesë. Ky fakt vërtetohet edhe nga Arkiva e Shtetit lëshuar nga zyra e kadastrës Delvinë më datë 10.10.192 e ndodhur në gjuhën turke. Nga dokumentet e arshivës konfirmohet që është shitur prej qeverisë otomane toka në gjirin e Kakomesë me 129 pjesë. Këto argumente kanë bindur Gjykatën e rrethit Sarandë që t’i njohë pronësinë e ish -pronarëve nga Nivica mbi kullotat Hermes, Dardhë e Sipërme, Dardhë e Poshtme. Në vitin 1947 kohë në të u merret prona nga shteti në regjistrat e asaj kohe është shkruar se pronarët e fshatit Nivicë midis të tjerave kanë patur si pronë kullotë 43247750 metra katrorë. Më datë 14.10 1994 Këshilli i Rrethit Sarandë merr në shqyrtim propozimin e seksionit të Kadastrës mbështetur në kërkesat e fshatarëve të Nivicës, Shën Vasilit, e Lukovës për kalimin e tokave nga kullotë në tokë bujqësore e miratuar kjo edhe në raporte teknike të Drejtorisë së Bujqësisë. Pasi i referohet ligjeve në fuqi Këshilli i Rrethit vendos që të bëhet kalimi i 10 ha tokë në vendin e quajtur “fushë e Kakomesë” nga zëri kadastral “kullotë” në zërin kadastral “arë” me numër kadastral 55 dhe 56. Sipas këtij vendimi thuhet se kjo sipërfaqe prej 10 ha ka kaluar në zërin kadestral “kullotë” në vitin 1989 dhe më parë ka qenë tokë arë. Ndërsa pika dy e këtij vendimi bën me dije kalimin e 10 ha tokë në zërin kadastral “kullotë” në zërin “ullishte në vendin e quajtur “kuora” mbi fushën e Kakomesë.


Avokati Loloçi: Nuk përfaqësoj shoqërinë “Riviera”

Avokati i njohur Krenar Loloçi ka mohuar faktin që është avokat i shoqërisë “Riviera” pas botimit të lajmeve mbi çështjen e Kakomesë. Në një njoftim të firmës “Riviera” sh.p.k., shpërndarë në redaksitë e mediave, emri i avokatit të mirënjohur rezultonte si kryetar i grupit juridik të punës që e përfaqësojnë, sipas këtij njoftimi, shoqërinë “Riviera” sh.p.k.. Por z.Loloçi ka mohuar çdo lidhje me këtë shoqëri ndërtimi. Pretendimi i “Riviera” sh.p.k., se grupi që përfaqëson juridikisht këtë shoqëri, kryesohet apo ka në përbërje të saj, avokat Loloçin, është, sipas avokatit, jo i vërtetë. Ai thotë prerë se “Nuk kryesoj asnjë grup pune të avokatëve të shoqërisë së ndërtimit “Riviera” sh.p.k., dhe as kam firmosur asnjë dokument mbi çështjen e Kakomesë”. Po ashtu av. Krenar Loloçi, ka pranuar se “më kanë kërkuar të bashkëpunoj, por unë e kam refuzuar pjesëmarrjen dhe bashkëpunimin me këtë shoqëri”.
Kështu ka deklaruar dje avokati Krenar Loloçi pas përmendjes së emrit të tij në shkrimin e djeshëm mbi reagimin e banorëve të fshatit të Nivicës. Në dokumentin qe serviri “Riviera” sh.p.k. emri i avokatit rezulton si kryetar i një grupi avokatësh që mbrojnë shoqërinë e ndërtimit për të investuar në gjirin e Kakomesë. Sipas këtyre dokumenteve shoqëria pretendon se në të gjitha institucionet shtetërore është informuar që askund nuk rezultojnë banorët e Nivicës si ish -pronarë të kësaj zone. Fill pas këtij shkrimi ka ardhur edhe reagimi i avokatit, i cili mohon në mënyrë kategorike të ketë përpiluar dhe firmosur dokumente të tilla për shoqërinë “Riviera” sh.p.k..

Vendimi që nuk zbatohet
Më datë 14.10 1994 Këshilli i Rrethit Sarandë merr në shqyrtim propozimin e seksionit të Kadastrës mbështetur në kërkesat e fshatarëve të Nivicës, Shën Vasilit, e Lukovës për kalimin e tokave nga kullotë në tokë bujqësore, e miratuar kjo edhe në raporte teknike të Drejtorisë së Bujqësisë. Pasi i referohet vendimit të Këshillit të Ministrave, Këshilli i Rrethit vendos që të bëhet kalimi i 10 ha tokë në vendin e quajtur “fushë e Kakomesë” nga zëri kadastral “kullotë” në zërin kadastral “arë” me numër kadastral 55 dhe 56. Sipas këtij vendimi thuhet se kjo sipërfaqe prej 10 ha ka kaluar në zërin kadastral “kullotë” në vitin 1989 dhe më parë ka qenë tokë arë. Ndërsa pika dy e këtij vendimi bën me dije kalimin e 10 ha tokë në zërin kadastral “kullotë” në zërin “ullishte në vendin e quajtur “kurora” mbi fushën e Kakomesë. Po sipas këtij vendimi thuhet se më parë kjo sipërfaqe ka qenë ullishte private dhe e vakëfit të Kakomesë.

[StormAngel]

Kristela Baude: Me shoqërinë shqiptare “Riviera” sh.p.k., është nënshkruar një letër vullneti për bashkëpunim

Fino: Për Kakomenë, kërkesa vjen nga “Club Med”


Shekulli

Në mbledhjen e tij të radhës Këshilli i Zhvillimit të Turizmit më datë 02.03.2004 vendosi miratimin e ndërtimit të fshatit turistik në Kakome. Sipas këtij vendimi të firmosur edhe nga ministri Fino thuhet se këshilli i turizmit ka miratuar kërkesën e subjektit “Club Mediterane” & “Riviera” sh.p.k për kryerjen e “veprimtarisë së stimuluar” dhe marrjen titullit “person i stimuluar” në investimin që do të kryejnë në për ndërtimin e fshatit turistik në Kakome për 36 muaj në një vlerë finaciare 4 500 000 euro. Ndërkohë që zëdhënësja e grupit “Club Mediterranée” thotë se Departamenti i Zhvillimit të “Club Med” me shoqërinë shqiptare “Riviera” sh.p.k., ka nënshkruar një letër vullneti për bashkëpunim (Letter of intent), letër kjo që është nënshkruar nga presidenti i kësaj zyre, Julien Renaud- Perret më 20 korrik 2004. Pra katër muaj më parë, kur Këshilli i Zhvillimit të Turizmit thotë se ka miratuar kërkesës e “Club Mediterrane” kjo shoqëri jo vetëm që nuk ka patur asnjë dijeni për ndërtimin e fshatit turistik por nuk ka nënshkruar asnjë dokument zyrtar për investimet në këtë zonë. Zëdhënësja e shoqërisë turistike saktëson se me anë të kësaj letre Departameti i Zhvillimit të “Club Mediterranée”, në kuadrin e kërkimeve që bën në vende të ndryshme të Mesdheut, angazhohet vetëm për të studiuar se cilat janë mundësitë për të shfrytëzuar një fshat turistik në bregdetin shqiptar. Pra kjo shoqëri nuk ka paraqitur kërkesë për të investuar në Ministrinë e Turizmit dhe aq më pak të garantojë investimin prej 4. 500.000 eurosh për ndërtimin e këtij fshati turistik. Gjë të cilën ministri Fino e ka trumbetuar si një sukses të këtij dikasteri në konferencën e tij të shtypit të dhënë më 21 korrik 2004. “Shenjë e intereset që është ngjallur nga jehona e konkursit për bregdetin e jugut është dhe investimi që po planifikohet në gjirin e Kakomesë nga bashkimi i subjekteve shqiptare dhe të huaja, ku ky subjekt është “Club Med””,-tha Fino. Ndërkohë që Kristela Baude thotë se -“ Nëse konkludohet për të bashkëpunuar në një fshat turistik me shoqërinë “Riviera” sh.p.k. në Shqipëri, “Club Mediterrane” do të jetë vetëm qiramarrëse për të bërë menaxhimin e objektit dhe të klientelës”.

[StormAngel]

Kakomeja, pushtimi dhe skandali me “Club Mediteraneo”


KLODIAN RADO

Problemi i ditëve të fundit, në lidhje me konfliktin e pronësisë në Gjirin e Kakomesë, është treguesi i fundit i gjendjes aktuale juridike me pronat në Shqipëri. Por ndryshimi nga konfliktet e tjera të pasurisë, që shtrihen në gjithë territorin e Shqipërisë, është se në këtë rast interesat dhe vlera e këtyre pronave kapin vlerën e disa qindra miliona dollarëve.
Veprimet e drejtuesve më të lartë të shtetit shqiptar, në lidhje me pronat e Gjirit të Kakomesë, juridikisht quhen “pushtim”. Themi “pushtim”, sepse në këtë mënyrë është shprehur edhe Kodi Penal në nenin 200 të tij. Sipas interpretimit juridik të kësaj dispozite nga Dr. Prof. Ismet Elezi, me “pushtim të tokës” kuptohet: kalimi i posedimit dhe nëdorësisë së tokës në mënyrë arbitrare dhe të paligjshme, nga një person në dëm të një personi tjetër, i cili është posedues dhe nëdorës i ligjshëm i saj. Subjekt i këtij veprimi mund të jetë çdo person që ka mbushur moshën për përgjegjësi penale, dhe është i përgjegjshëm, i cili është subjekt i përgjithshëm ose i posaçëm (ku futen personat që kryejnë një funksion shtetëror apo shërbim publik).
*****
Mbi tokat e Gjirit të Kakomesë, ashtu si edhe mbi tokat e tjera në territorin e Republikës së Shqipërisë, ka 2 linja pretenduesish të pronësisë: Të parët janë ish-pronarët, që kanë titull pronësie që në vitet 1800, dhe që janë njohur si të tillë edhe me vendimin e vitit 1996 nga Gjykata e Rrethit Sarandë, të cilët u shpronësuan si gjithë pronarët shqiptarë në vitin 1947. Këta kanë bërë gati dhe kanë paraqitur përpara Komisionit të Kthimit dhe Kompensimit të Pronave të Qarkut Vlorë, gjithë dokumentacionin e nevojshëm për të rimarrë ish-pronat e tyre, por që deri tani nuk iu janë kthyer. Ky komision refuzon pranimin e kërkesave të ish-pronarëve me pretendimin se, sipas VKM (vendimit të Këshillit të Ministrave) Nr.88 të vitit 1993, “ndalohet kthimi i pronave në zonat me përparësi turizmin”, por harron qëllimisht ligjin Nr. 8053 të dt.21.12.1995, i cili sanksionon se, “nuk përjashtohen nga dhënia në pronësi e tokës, familjeve ose individëve që i kanë fituar këto toka bujqësore si bashkëthemelues të ish-kooperativave bujqësore apo ndërmarrjeve bujqësore”. Megjithatë, nga ky komision, deri përpara projektit të ngritjes së fshatit turistik, ish-pronarëve u ishte premtuar se do t’u ktheheshin këto prona, ndërsa në shkresat e mëvonshme konfirmojnë se dosja e paraqitur nuk i përmban të gjithë dokumentet ligjore të nevojshme (!!)
Të dytët janë ish-anëtarët e kooperativës bujqësore të Nivicës, të cilët në bazë të ligjit 7501 “Për Tokën”, kishin të drejtë të merrnin në pronësi tokat bujqësore të kësaj kooperative. Problemi i vetëm ishte se 20 ha që iu ndanë fshatarëve të Nivicës, nuk figuronin në regjistrat kadastralë si “tokë bujqësore”, por ky ndryshim u bë me vendim të Këshillit të Rrethit Sarandë në vitin 1994. Pretendimi i ngritur nga përfaqësuesit ligjorë te “Riviera” sh.p.k. se ky ndryshim nga “kullotë” në “tokë bujqësore” është bërë jo nga organi kompetent, juridikisht këto momente është i pavlerë dhe nuk mund të shërbejë si argument për ta, sepse akti administrativ i nxjerrë nga Këshilli i Rrethit Sarandë, vazhdon të ketë fuqi juridike. Çdo pretendim në lidhje me vlefshmërinë e aktit administrativ që ndryshoi destinacionin e tokës, përderisa nuk është bërë në gjykatë, dhe nuk ka një vendim të formës së prerë që e konstaton apo shpall pavlefshmërinë e atij akti, është i pavlerë. Ai akt vazhdon të ketë fuqi juridke, dhe shërben si fakt mjaft i rëndësishëm, që lejon ish-kooperativistët të jenë sot juridikisht pronarë të 20 ha tokë të ndara nga komisioni i ndarjes së tokave në bazë të ligjit 7501 “Për Tokën”.
T’u shkosh sot këtyre fshatarëve dhe t’u vësh në dyshim ndarjen e tokave të ish-kooperativës së tyre bujqësore, është njëlloj sikur t’u shkosh fshatarëve të fushës së Myzeqesë apo ish-kooperativistëve në gjithë Shqipërinë, dhe t’u thuash që ata s’janë pronarë të tokave që u janë ndarë para më shumë se 10 vjetësh. Për ndarjen e tokave bujqësore që u bë me ligjin 7501, edhe sot ka një konsensus të gjërë politik, me qëllim që efektet e ligjit 7501 të mos cënohen. Edhe projekti i ligjit të tokës që u diskutua kohët e fundit në Kuvend, pranon plotësisht efektet e ardhura nga ndarja e bërë sipas këtij ligji, me qëllim që të shmangë krizat e mëdha sociale që mund të përfshijnë gjithë vendin në rast kontestimi të pronësimeve që u bënë në fillim të viteve ‘90.
*****
Projekti që lejon shoqërinë “Riviera” sh.p.k., për të ngritur një fshat turistik mbi këto prona në Gjrin e Kakomesë, pa marrë parasysh pronësinë e banorëve të zonës mbi këto toka, është papërgjegjshmëria e radhës e drejtuesve të shtetit shqiptar. Në radhë të parë, papërgjegjshmëria është në lidhje me cënimin e të “drejtës për pronë”, që është një e drejtë themelore njerëzore e njohur nga të gjitha aktet ndërkombëtare të të drejtave të njeriut si dhe nga Kushtetuta e Shqipërisë. Të mos njohësh pretendimet e pronarëve aktualë të tokave në Gjrin e Kakomesë, apo të injorosh zërat e tyre vetëm se janë “fshatarët e Nivicës” dhe jo “pushtetarët e Tiranës”, është cënim flagrant i të drejtave themelore të njeriut, dhe i parimit të madh të shtetit të së drejtës, “te gjithë janë të barabartë para ligjit”.
Por deklarata e shoqërisë së njohur turistike “Club Mediteraneo” se ajo ka nënshkruar vetëm një letër vullneti për bashkëpunim me shoqërinë “Riviera” sh.p.k., nxjerr në pah një tjetër skandal. Sipas deklaratës së kësaj shoqërie, në kuadrin e kërkimeve që bën në vende të ndryshme të Mesdheut, angazhohet vetëm për të studiuar se cilat janë mundësitë për të shfrytëzuar një fshat turistik në bregdetin shqiptar. Studime të tilla janë të gjata dhe mund të shkojnë deri në 4-5 vjet. Po ashtu sipas tyre, nëse konkludohet për të bashkëpunuar në një fshat turistik me shoqërinë “Riviera” sh.p.k. në Shqipëri, “Club Mediteraneo” do të jetë vetëm qiramarrëse për të bërë menaxhimin e objektit dhe të klientelës. Grupi “Club Mediteraneo” saktëson po ashtu se nuk ka qenë aspak në dijeni për konfliktet e pronësisë që prekin zonën ku parashikohet të kryhet studimi dhe se studimi i fizibilitetit do të ketë pikërisht për mision të zbardhë të gjitha problemet eventuale teknike, financiare e juridike përpara se “Club Mediteraneo” të angazhohet të nënshkruajë një kontratë përfundimtare.
Ndërsa nga ana tjetër, pala shqiptare në krye të shkresës informative që i drejtohej shtypit, ku ishin radhitur argumentet juridikë nga një grup avokatësh, kishte paraqitur logon e firmës së njohur në fushën e turizmit “Club Mediteraneo”. Kjo ndoshta është bërë për t’i rritur vlerën argumenteve të tyre, apo për të përfituar nga emri i mirë i kësaj shoqërie. Juridikisht kjo përbën mashtrim publik, përderisa ajo shkresë dhe argumentet që do të paraqiten nesër përpara KRRTRSH-së, nuk janë aspak argumente dhe qëndrime të “Club Mediteraneo”-s, por vetëm vlerësime të njëanshme të “Riviera” sh.p.k.. Paraqitja e shkresave te tilla me emrin e një shoqërie tjetër, përbëjnë cënim të emrit të mirë dhe pronësisë industriale të grupit “Club Mediteraneo”, dhe jo vetëm që nuk i shërbejnë zhvillimit të turizmit në Shqipëri, por përkundrazi, ato nxijnë imazhin tonë përpara investitorëve të tillë prestigjiozë. Këto shkresa që përmbajnë vlerësime të njëanshme (subjektive) apo akte korruptive brenda tyre, nuk nxisin investitorët e huaj në Shqipëri, por i shërbejnë vetëm interesave të errëta të disa zyrtarëve të lartë shqiptarë, aq më tepër kur shikon se në deklaratën e bërë nga “Club Mediteraneo” thuhet se, “është Ministria shqiptare e Rregullimit të Territorit dhe e Turizmit që ka dhënë nxitje për nënshkrimin e kësaj letre vullneti bashkëpunimi”.

[Zarathustra.]

Ja letrat që Perret I ka dërguar Ministrisë së Ndërtimit për Kakomenë

lParis, 26 october 2003-Letër e Perret, presidentit të Club Mediterranea në adresë të MRRT, ish-ministrit Dervishi për të konfirmuar interesim qënë bashkëpunim me RIVIERA për dy zona në bregdetin jugor të Shqipërisë

lParis, 19 january 2004-Letër e Perret në adresë të ministrit Fino ku rikujtohet letra e viti të kaluar dhe të caktohet data për të prezantuar studimin e Club Mediterranea për zonën e Kakomesë

l20 June 2004, letër-plan e firmosur dhe vulosur nbga dy presidentët e kompanive RIVIERA dhe Club Mediterranea



Tiranë-Ka qënë kompania "Club Mediterranea" ajo që në datë 26 tetor 2004, I ka dërguar një letër ish-ministrit të Rregullimit të Territorit dhe Turizmit, Besnik Dervishi që nga Parisi për të konfirmuar partneritet me zotin Dritan Çela në investimin që do të bëhet në bregdetin e jugut. "Bashkë me RIVIERA, qëllimi ynë është të zhvillojmë 400 dhoma cift në Shqipëri të lokalizuara në bregdetin e jugut", citohet në letrën e Julin Renaud Perret për ish-ministrin Dervishi. Presidenti I Club Mediterranea Julien Renald Perret në thekson se Club Mediterranea është lidhur me qeverinë për këtë cështje dhe sheh potencial të madh në Shqipëri, qoftë në lidhje me turistët, kombinime të bukur plazhesh, mot të mirë dhe njerëz të talentuar. Ndërsa letra e dytë e Club Mediterranea drejtuar sërisht Ministrisë së Rregullimit të Territorit dhe Turizmit, shënon datën "Paris 19 January 2004". Në këtë letër Presidenti I "Club Mediterranea", Renaud Perret I drejtohet ministrit actual të Rregullimit të Territorit dhe Turizmit, z.Bashkim Fino se në një letër të datës 26 tetor 2003 "Club Mediterranea" konfimoi partneritetin me "Ceo of Riviera), presidenti I së cilës është Dritan Cela për investim në bregun jugor të Shqipërisë, konkretisht në pranë Sarandës dhe në jug të Vlorës. Po në këtë letër Perret, thekson se një takim I rëndësishëm do të zhvillohet në datat 20-25 janar për të prezantuar Studimin e "Club Mediterranea" për zonën e Kakomesë. "Mendoj se një anëtar I Club Mediterranean ë këtë takim do të përshkruajë projektin dhe kompaninë në process". Ndërsa një letër plan shihen qartë dhe firmat e dy presidentëve të kompanive "Club Mediterranea SA" dhe "Riviera" për projektin në bregdetin jugor shënon datën 20 qershor 2004.

Ja vendimi I vitit '93 qe shpall Kakomene nder zonat qe kane perparesi turizmin

Tiranë-E verteta mbi Kakomenë dhe që hedh poshtë shpifjet e të përditshmes "Shekulli", është vetë Vendimi me numër 88 i dt 1.3.1993. "Për miratimin e zonave që kanë përparësi zhvilimin e turizmit". Në bazë të ligjit nr 7665, datë 21.1.1993 "për zhvillimin e zonave që kanë përparësi turizmin, me propozim të Këshillit të Ministrave të atij viti, është vendosur që të miratohen si zona që kanë përparësi zhvillimin e turizmit në disa territore. Në këtë vendim janë miratuar si zona me përparësi zhvillimin e turizmit disa territore në të dy bregdetet, në atë Adriatik dhe në Jon. Në bregdetin e parë është mirartuar, Velipoja në rrethin e Shkodrës, Territoret kufizuese të Gjirit të Drinit në rrethin e Lezhës, territoret kufizuese të Gjirit të Rodonit në rrethin e Lacit, territoret kufizuese të Gjirit të Lalzit në rrethin e Durrësit, territoret kufizuese të Gjirit të Durrësit në rrethet Durrës e Kavajë, Spilleja në rrethin e Kavajës, territoret e Divjakës, duke përfshirë Lagunën e Karavastasë në rrethin e Lushnjës, ato të Pojanit në Plazhin e Semanit në rrethin e Fierit si dhe Territoret nga Pishë Poro në Zvërnec, e ato kufizuese të Gjirit të Vlorës. Ndërsa përsa I përket bregdetit të Jon, në rrethin e Vlorës, zonat e miratuara që kanë përparësi zhvillimin e turizmit janë: Gadishulli I Karaburunit. Plazhi I Gramës, Palasa, Dhërmiu, Jala, Himara, territoret kufizuese të Gjirit të Spillesë, ato të Gjirit të Palermos dhe Qebaroi. Ndërsa në rrethin e Sarandës zona të miratuara janë Borshi, Piqerazi, Lukova, Territoret kufizuese të Gjirit të Kakomesë, territoret kufizuese të Gjirit të Sarandës, Ksamili, territoret kufizuese të Gjirit të Butrintit dhe Kepi I Stillos.

[Zarathustra.]

Riviera shpall aplikimet për vende pune për qytetin e Sarandës dhe zonat përreth
Vlore-

Pas vendimit të fundit që KRRTRSH mori në lidhje me fatin e fshatit turistik në Kakome, duke cilësuar përfundimisht dhe në bazë të dokumentacionit zyrtar se, zona e Kakomesë është pronë shtetërore, Shoqëria e Ndërtimit "Riviera" Sh.p.k shpalli aplikimet për vende pune që do të duhen në këtë fshat turistik, i cili do të ndërtohet për dy vjet, por që të gjithë ata që do të punojnë atje do të trajnohen në shkolla dhe kurse por edhe do të punojnë në bazë të profesioneve që kanë. Presidenti i Shoqërisë së Ndërtimit "Riviera" Sh.p.k zoti Dritan Çela deklaroj sot se, të gjithë të interesuarit nga Saranda dhe zonat përreth që dëshirojnë të punojnë në fshatin turistik të Kakomesë dhe që do të jenë rreth 1000, duhet të aplikojnë pranë kësaj shoqërie në Vlorë për të patur mundësin e një vendi të majmë pune. Çela tha se, fshatit turistik të Kakomesë do ti nevoiten hotelier, guzhunjer, marangoz, garderobist, shofer, economist, elektriçist, mirmbajtës infrastrukture, mirmbajtës terenesh sportive, pishinash, amfitetari, punonjës lavanterie dhe hekurosje, kopështar, magazinier, pastiçier, marinar, historian cicerone, arkitekt, inxhinjer të informatikës, financier, masazhator, aerobist, hidraulik et, etj.

Të gjithë qytetarët e Sarandës dhe të fshatrave përreth që dëshirojnë të punësohen në fshatin turistik të Kakomesë duhet të aplikojnë praën Shoqërisë "Riviera" Sh.p.k me qëllim që të sigurojnë trajnimet speciale dhe të përgatiten për punën që do të bëjnë. Presidenti i Shoqërisë "Riviera" Sh.p.k zoti Dritan Çela deklaroj gjithashtu se, shumë shpejt do të fillojnë punimet për ndërtimin e fshatit turistik në Kakome duke e future Shqipërinë në hartën e interesave të investitorëve potencial. Fshati turistik i Kakomesë do të jetë garancia e fuqishme për të gjithë investitorët e huaj potencial që dëshirojnë të investojnë në këtë vënd dhe një shank më shumë për integrimin e Shqipërisë në familjen e madhe europiane.

Çela tha gjithashtu se, "Club Med" francez është një kompani shumëkombshe që operon në fushën e turizmit në mbi 40 vende të botës dhe Drejtori Ekzekutiv I saj shumë i nderuari zoti Henri Giscard D'Estaing është djali I ish Presidentit Frances të respektuarit Giscard D'Estaing me një reputacion të madh ndërkombëtar. Presidenti Çela tha se, KRRTRSH dha vendimin më të drejt të saj duke u mbështetur fuqimish në zbatimin rigoroz të ligjit dhe për këtë ndjehem i kënaqur. Interesat e mia nuk janë aq të mëdha se sa interesat e Shqipërisë në këtë drejtim. Këtu kemi të bëjmë me imazhin e vendit tonë dhe kompani kaq të fuqishme si Clab Med nuk mund ti kthesh prapa pasi do ti bënim një dëm të madh zhvillimit dhe integrimit të vendit.

Unë në radhë të parë përpara se të jem bizesmen jam vlonjat, jam patriot, jam shqiptar dhe më dhimbset ky vend, të cilin nuk e kam braktisur kurr. Sot bashkpunimi me biznesin e huaj është një garanci më shumë për zhvillimin e vendit dhe ne këtë risk e kemi marrë përsipër kur kemi guxuar që të bashkpunojmë me kompani të tilla prestigjioze siç është Club Med, u shpreh Presidenti Çela. Club Med erdhi edhe në vitin 93 por askush nuk e garantonte për të bashkpunuar pasi në Shqipëri biznesi ishte në hapat e para. Ata u larguan atëhere dhe u rikthyen tani kur gjetën partner vendas serioz dhe një Qeveri të përgjegjshme që nxjerr dhe zbaton ligjet dhe bëhet garante për investimet e huaja në Shqipëri. Në këtë rast të gjithë falsifikatorët dhe manipulatorët dështuan, fitoj drejtsia, u shpreh zoti Dritan Çela President i Shoqërisë së Ndërtimit "Riviera" Sh.p.k me qëndër në Vlorë.


ajme nga Agjensia Telegrafike shqiptare

Departamenti i Informacionit prane Keshillit te Ministrave

Presidenti i Republikes se Shqiperise

Kuvendi i Republikes se Shqiperise

Agjensia e Lajmeve Kosovapress

[Hyllien]

Brravo Fatos, keshtu te do partia.

[Zarathustra.]

Nanos bravo i qofte. Ndoshta ai fut ne xhep por edhe leviz, punon dhe investon jo pak ne sektore strategjike ne shqiperi.

Sigurisht qe para tij eshte PD xhahilo-bajraktare qe kerkon edhe njehere kioskezimin e shqiperise.

Turizmi eshte vertet nje sektor strategjik per shqiperine, por nuk duhet harruar se ky sektor eshte gjithashtu edhe shume konkurues nga vendet perreth. Si mundet te konkurojme ne kur riviera shqiptare u lihet per administrim ca fshatareve injorante e te varfer??

Duket qarte se keta njerez nuk kane asnje te drejte pronesie per token, pasi tokat prane detit nuk jane akorduar kurre per kompesim.

Eshte gjynah nga zoti qe Kakomeja ti lihet ne dore individit te papergjegjshem shqiptar, dhe keshtu te kthehet ne nje Bathore prane detit. Kush do investoje nea te zone per rruge, per ujesjelles, per parkimin e varkave, pishinat apo subjekte te tilla argetimi, fshataret e Kakomese? Te isha une i kalbja te gjithe burg, keta dhe ata ne Kukes qe bllokojne si pa gje te keqe 20 milione dollare invetim.

Shqiperia do konkuroje vetem me ane te invetsimeve te medha dhe te fuqishme, qe mbajne kostot e uleta dhe sigurojne ato qe quhen "economies of scale".

Por sigurisht mentaliteti barbar qe ushqehet edhe nga Sala dhe PD, ai i mospranimit et ligjit, rregullit dhe disiplines, aplikohet edhe nga fshataret koketrashe shqiptare qe sigurisht nuk e kuptojne se nje fshat turistik kaq i madh dhe i fuqishem, eshte edhe ne dobi te tyre.