Prefektja Kodheli bën korrupsionin e fundit

[Brari]

RD

--

Privatizohet brenda datës 27 korrrik 2005 Ndërmarrja Komunale - Banesa 4, asnjë njoftim në Fletoren Zyrtare


Prefektja Kodheli bën korrupsionin e fundit


Prefektura e Tiranës po privatizon pasuritë e saj në kryeqytet, duke i kthyer ato në sheshe ndërtimi. Një gjë e tillë ka ndodhur në këtë ditë ku mbizotëron amullia politike. Prefektura e Tiranës ka shfrytëzuar të gjithë mjegullën e të nxehtit të kësaj vere për të bërë privatizimin e fshehtë të Ndërmarrjes Komunale Banesa nr. 4 në fshat. Kjo ndërmarrje me një sipërfaqje toke prej 1100 metër katror ndodhet në një nga rrugët e mira të Tiranës në atë të "Komunës së Parisit" ku çmimi i një apartamenti shkon nga 600 deri në 900 Euro metër katror .

Ish-punonjësit e kësaj ndërmarrje që kanë denoncuar skandalin, shprehen se privatizmi i objekteve të kësaj ndërmarrje është bërë në mënyrën më të çuditshme.

Privatizimi sipas ish-punonjësve, tashmë të shkarkuar ka nisur të aplikohet që në fillim të vitit 2002. Fillimisht u bë nxjerrja e punonjësve në asistencë dhe me pas inventarizimi i objekteve. Prefektura e Tiranës dhe ish-prefekti i saj në atë kohë zoti Besnik Dervishi, deklaroi se nuk do të privatizohet e gjithë ndërmarrja, objektet e së cilës shtrihen edhe në disa fshatra të Tiranës, por vetëm ajo pjesë e ndërmarrjes që është ngritur pikërisht në atë vend ku mund të thuash se është edhe toka më e shtrenjtë e Tiranës. Grupi i punës për privatizimin e këtij lloji, u ngrit në Korrik të vitit 2004, por ai u shkri menjëherë pas zgjedhjeve të tre korrikut.

Pikërisht jo shumë larg datës 27 korrik 2005, tre punonjësve të këtij grupi pune i është dhënë urdhëri për dorëzimin e çelësave të ndërmarrjes në drejtim të pronarit. Kalimi i pronës nga ajo e Prefekturës në duart e "pronarëve" të rinj që e kanë privatizuar atë, u bë nëpërmjet një grupi të ri pune të emëruar tashmë nga Prefektja e Tiranës ende në detyrë Mimi Kodheli. 10 pronarë të rinj kanë marrë në duar dje objektet e kësaj ndërmarrje, duke deklaruar se kanë privatizuar në vlerën 20 milionë lekë të vjetra të gjithë objektet që shtrihen në 1100 metra katror truall. Ish-punonjësit e grupit të punës tashmë të shkarkuar tregojmë se për gjatë 15 vjetëve asnjë pronar i truallit nuk është interesuar në vite për këtë pronë, ndërkohë që shitja e pashpallur në Fletoren Zyrtare hedh hije dyshime mbi gjithë procesin e privatizimit të objekteve të kësaj ndërmarrje.

"Njoftimi i Agjencisë Kombëtare të Privatizimit për shitjen e kësaj ndërmarrje nuk është shpallur asnjëherë, ndërkohë që edhe vetë vlera e privatizimit të këtij objekti është gati shumë qesharake, dyshojnë se blerësit nuk janë pronarët e tokës, por "pronarët" e shpikur të Prefekturës së Tiranës", thonë punonjësit tashmë të shkarkuar, pjesëtarë të ish-grupit të punës.

Fakti se është një privatizim i pjesshëm dhe jo i tërë që të përfshijë edhe objekte që shtrihen në fshatra të tjera të Tiranës, tregon se ky privatizim është thjeshtë një aferë e radhës e qeverisë së korruptuar që edhe pse në ikje po bën pazaret e fundit.

Po të shëtisësh sot në rrugët e Tiranës do të vësh re me çudi se si kanë mbrirë disa sheshe të reja ndërtimi. Pallate që prishen dhe leje që fillojnë të aplikohen me një shpjetësi marramendëse. Themele që hapen natën dhe fadrona që rrethojë sipërfaqje të tëra të lagjeve.

Një gjë e tillë ka filluar të ndodhë edhe në rrugën Komuna e Parisit ku pallatet dy katëshe që ndodhen në buzë të rrugës po prishen për të zëvendësuar me shumëkatëshe që tashmë nuk zënë vetëm sipërfaqjen e truallit ku ngrihej pallati ekzistues, por edhe tokën përreth tij.


RD


--




Bravo gazetari..





Bisha behet e rrezikshme ne grashmat e fundit.. keshtu dhe Mafia Nano Kodhelo-ramo-socialistokanibale.. ka marr yxhym te gratacielizoje per vehte qoshet e fundit te Tiranes..

[Brari]

G55

--


Data: 28/07/2005, ora

Nano planifikon një KRTRSH të re, për një vjedhje të re tokash
Rama dhe ish-kryeministri përfshihen në një aferë të fundit shpërdorimesh, duke dënuar me vdekje kompleksin sportiv "Dinamo". 17 mijë metra katrorë pranë Liqenit të Tiranës kthehen në truall ndërtimi, përmes një mbledhjeje të paplanifikuar të KRTRSH-së


Nano planifikon një KRTRSH të re, për një vjedhje të re tokash



Rama dhe ish-kryeministri përfshihen në një aferë të fundit shpërdorimesh, duke dënuar me vdekje kompleksin sportiv "Dinamo". 17 mijë metra katrorë pranë Liqenit të Tiranës kthehen në truall ndërtimi, përmes një mbledhjeje të paplanifikuar të KRTRSH-së, e cila sjell miliona dollarë përfitime për Fatos Nanon e Edi Ramën. Është kjo afera e fundit që e detyron Nanon të ndërpresë pushimet e të kthehet së afërmi në atdhe





Toka përballë digës së Liqenit që kap një sipërfaqe për rreth 17 mijë metra katrorë, pronë e familjes Alla, është shitur përmes një kontrate e qytetarit Eduard Helmës( bax.hella), i cili, si palë të tij ka paraqitur në këtë kontratë, zonjën Liri Helmësi.

Zoti Bax.hella, me lidhje të fuqishme me familjen kryeministrore, si dhe me këshilltarin për këto punët e pallateve të Nanos, ka kërkuar që kjo tokë të ndërrojë destinacion, përmes një vendimi të bashkisë. Mirëpo kryetari i Bashkisë, Edi Rama, për shkak të raporteve të tij me zotin Nano, ia ka mbajtur zvarrë dhe peng këtë çështje. Kjo tokë është e destinuar në gjendjen e tanishme për aktivitetet sportive dhe kthimi për ndërtim banesash është një hap, sigurisht shumë i majmë, për të gjitha palët e interesuara. Mirëpo, që Nano ta realizojë këtë, ka shpikur një kontratë tjetër të bërë nga një ndërtues, që burimet nga Bashkia nuk ia citojnë emrin, por që për Edi Ramën nuk është kaq i padashur sa Eduard Helmësi. Atëhere, ndodh kjo çeshtje; që me emrin e ri që firmos një kontratë të re me pronarët Alla, toka mund ta ndryshojë destinacionin. Pra, në të dy rastet, si kryeministri, si kryetari i Bashkisë, nuk e kanë mendjen as tek ligji dhe as tek e vërteta apo interesat publike, por e kanë vetëm tek interesat e tyre dhe të miqve të tyre, pra aty ku u del atyre paraja.

Kjo është arsyeja që Nano do të kthehet për një KRTRSH të fundit. Dhe KRTSH e fundit do marrë në qafë kompleksin "Dinamo" dhe të tjerët.

Vetëm interesat publike nuk janë arsyetuar dhe analizuar këtu. Gjithçka tjetër lëviz sipas interesave financiare që burojnë prej kësaj afere. Në persona të ndryshëm, shijet e Ramës ndryshojnë sipas lezetit të interesit. Kurse Nano ia hedh me po aq marifet, sa ç'ia ka hedhur gjithnjë.

Xhemal Zeraliu