Sot 95 Vjetori i lindjes se Nene Terezes

[km13]

A mund te sjelle dikush, ne rast se ka, aktivitete te kordinuara me kete rast ne Tirane e ne trojet shqiptare ne pergjithesi ne Ballkan?

[Iliriani]

Shume e drejte tema e mesiperme.
Nene Tereza ,Gonxhe Bojaxhiu ka ditlindjen sote ajo qe pushtoi boten me humanizmin e dashurine e saj.

Sipas Top Channel

Ne Tirane nen kujdesin e liderit demokrat Sali Berisha mbasdite do behet nje aktivitet e koncert nga korri i harqeve 'Nene Tereza'.

Ne Prishtine do vihen themelet e Katedrales qe do kete emrin e Nene Terezes

Ne Shkup jane bere aktivitete e kane filluar me nje ceremoni me venien e luleve te permendoria e Nene Terezes.

Shume pak--per kete Nene kaq te madhe.

Megjithate shume pak, kur kujton qe ministrite tona te kultures derdhin miliona per ca festa si festa koperativash te dikurshme qe behen ne Tirane, vetem per politike.

ME SHUME

SHUME ME SHUME

DUHET BERE PER KETE FIGURE TE JASHTEZAKONSHME

Dhe sheshi ne Tirane qe eshte nje zgjedhje shume e mire nuk eshte bere nje monument ne qender i Nene Terezes --ASHTU SIC E KA HIJEN KJO FIGURE GLOBALE NE KRYEQYTETIN E METROPOLIN E VENDIT NGA AJO KA ORIGJINEN.

E TE KRENOHESHIM E TE SHERBENTE SI NJE PIK QE MBLIDHTE TE GJITHE VEMENDJEN per te gjithe ata qe e duan Nene Terezen dhe e dine qe vjen nga Shqiperia qe ka Kryeqytet Tiranen.
Dhe Tirana vete do ngrihej ne nje shkalle te larte si qytet se keto monumente te njerezve qe kane bere histori ngrin larte dhe qytetet perendimore.

Plus statujat e Nene Terezez bere ne metal nuk mendoj se e kap Nene Terezen si figure me teresine e saj.[keshtu jane shume nga ato ne Shqiperi Kosove e Maqedoni]
Metali eshte i mire te shpreh fuqine e mbreterve si ajo e Skenderbeut e me radhe ne gjithe boten.
Po nje figure si Nene Tereza qe u shqua nga BARDHESIA E DRITA E HUMANIZMIT E DASHURISE do nje monument te BARDHE ME GURE TE BARDHE.

Nje monument i till i madh , dhe jo si ai qe kane bere te Sheshi i Universitetit qe tani quhet Sheshi Nene Tereza do qe fantastik e do ta ngrinte me shume Bulevardin Deshmoret e Kombit.

[km13]

Vertete eshte per te ardhur keq sa pak eshte bere ne kete dite. Sa per te lare gojen si i thone.

Ndoshta ne Prishtine dukej dicka me ndryshe. Lajmet tek Alsati pasqyronin aktivitetin e zhvilluar ne Prishtine si dhe ne Shkup. Ne Prishtine eshte dicka me ndryshe, nje tip meshe, Presidentin Rugova qe vuri gurin e katedrales me kete rast; ndersa ne Shkup ca tufa me lule dhe premtimi qe do te ringrihet shtepia e Nene Terezes me rastin e 100 vjetorit te lindjes se saj, pra me 2010. Nga Tirana asgje.
Te pakten kjo ishte c'ka tranmetoi Alsati.

Po te shohesh portalet e lajmeve ne anglisht nga Ballkani ne google ose yahoo, te perseritet njeqind here lajmi qe Macedonia marks 95th anniversary of Mother Teresa. A s'te vjen te cahesh kur e sheh?

Asnje nga shtypi yne i nderuar nuk ishte kujtuar te pakten te bente nje artikull sa per ta kujtuar kete shqiptare te madhe, pale qe dikush te bente nje lajm anglisht e ta shperndante neper portale. Cfare kemi te mira gjithmone do na i marrin te tjeret, s'jemi te zote t'i mbajme.

[Davius]

Maqedonia e shënoi 95 vjetorin e lindjes së Nënën Terezës

Shkup, 14:15

Maqedonia sot e shënoi 95 vjetorin e lindjes së Nënë Terezës me manifestime të pakta në vendlindjen e saj Shkup.

Më shumë se 50 njerëz u mblodhën në qendrën e Shkupit të ndezin qirinj dhe të vendosin lule para bustës dymetërshe të saj, e lindur në Shkup më 26 gusht të vitit 1910. Nënë Tereza ndërroi jetë më 5 shtator të vitit 1997 në Kalkutë

"Nënë Tereza shpesh herë thosht se shërbimi ndaj Zotit dhe dashuria lindin paqe. Parulla e saj "bëni vepra të vogla, por me dashuri", çdoherë do të mbetet në zemrat e njerëzve nëpër tërë botën", tha ipeshkvi katolik Kiril Stojanov gjatë meshës së mbajtur në nder të përkujtimeve të motrës së ndershme, e cila u bë simbol i humanizmit.

E lindur si shqiptare Agnesa Gonxha Bojaxhiu, motra e ndershme u nis prej Ballkanit ne moshën 18 vjeçare, për t'ia përkushtuar jetën të sëmurve dhe të varfërve në Indi. Në vitin 1950 ajo e themeloi organizatën "Misionerët e Mëshirës", e cila i zgjeroi aktivitetet e saj nëpër tërë botën, me ç'rast në vitin 1979 iu nda Çmimi Nobël për paqe.

Papa Gjon Pali i Dytë e shpalli Nënë Terezën për shenjtore në vitin 2003.

Shoqata "Nënë Tereza" e shpërbleu gazetarin Alush Kamberi, i cili njëherit e bëri intervistën e parë me Nënë Terezën, kur ajo erdhi në vendlindjen e saj në Shkup në vitin 1978. /Makfaks/

[Davius]

SHËNOHET 95 VJETORI I LINDJES SË NËNË TEREZËS

Para 95 viteve në Shkup ka lindur humanistja e madhe Gonxha Bojaxhiu dhe nobelistja Nënë Tereza. Nderimet me këtë rast i organizon Asociacioni "Shkupjanja Nëna Tereza" para dhomës-përkujtimore në Kullën feudale në qendër të Shkupit.

Shënimi i përvjetorit të lindjes filloi me vendosjen e luleve para përmendores së Nënë Terezës, ndërsa më vonë për veprën e saj misionare foli ipeshkvi i Shkupit Kiril Stojanov.

"Tërë jeta e Nënë Terezës ishte tentimi që të kthejë dashurinë për dashuri. Duke e dashur më sinqerisht Jezusin spontanisht i është kahëzuar drejt zemrës së Tij të dritshme, e cila paraqet burim për tregimin e dashurisë së saj të thellë ndaj Zotit", theksoi Stojanov.

"Bëni punë të vogla me dashuri të madhe - ndihmoni të sëmurit, zgjateni dorën të pafuqishmive, lexoni fragmente nga gazetat për të verbërit, kaloni një kohë me të vetmuarit", i transmetoi Stojanovi porosit e Nënë Terezës, duke shtuar se me modestinë dhe humanitetin e saj ajo u bë e njohur në tërë Botën, ku si ambasadore më e madhe prezantonte qytetin tonë dhe atdheun tonë.

Për humanitet dhe për angazhim në prezantimin e veprës misionare të humanistes dhe nobelistes, mirënjohje "Nënë Tereza" këtë vit do të marrë Akademia e Shkencave dhe Arteve e Maqedonisë dhe Kiromi Kudo, profesor në Universitetin në Tokio, i cili do ta mbrojë doktoraturën e parë për Nënë Terezën në Fakultetin Filozofik në Shkup.

Plaketë "Nënë Tereza" do t'u ndahen prof. d-r Dimotar Mirçevit, ambasadori i parë i Maqedonisë në Vatikan dhe autor i veprave kushtuar misionit të saj, ndërmarrjes "Butel" dhe Alush Kamberit, gazetar dhe publicist, autor i emisionit të parë televiziv për Nënë Terezën.

Plakatë "25 vite - Nënë Tereza qytetar nderi i Shkupit" do të marrë Nina Markovska, kushërirë e Nënë Terezës, mitropoliti z. Kirili dhe ambasadori Iljaz Sabriu.

Çmimet do t'i marrin më 12 shtator në ASHAM.

Gonxhe Bojaxhiu u lind më 26 gusht të vitit 1910. Në Shkup mbaroi shkollën fillore, gjimnazin dhe mësimin fetar në kishën "Zemra e Jezusit", vendin ku është sot përmendorja e saj dhe ku ajo është pagëzuar.

Mia

Ne foto, busti i Nene Terezes ne Shkup!

[km13]

Nën kujdesin e Prof. Dr. Sali Berisha u përkujtua mbrëmë 95-vjetori i lindjes së Nënë Terezës


Nënë Tereza, krenaria e të gjithë shqiptarëve

http://www.rilindjademokratike.com/

Nën kujdesin e lartë të Prof. Dr. Sali Berisha u përkujtua mbrëmë në Teatrin e Operas dhe Baltetit 95-vjetori i lindjes së Nënë Terezës, shqiptares që ka fituar Çmimin Nobel për paqe. Me këtë rast u dha një koncert i pasur artistik organizuar nga Orkestra Kombëtare e Harqeve "Madre Tereza" të titulluar "Homazh Nënë Terezës në 95-vjetorin e lindjes". Në këtë përvjetor mori pjesë kryetari i PD, Prof. Dr. Sali Berisha, me bashkëshorten, Liri Berisha, nënkryetarja e PD, Jozefina Topalli, Kryetari i Arqipeshkvisë së Tiranës dhe Durrësit, Monsinjor Dom Rrok Mirdita, deputetë të PD dhe mjaft personalitete të artit dhe kulturës.

Fjalën e rastit e mbajti Kryetari i Arqipeshkvisë së Tiranës dhe Durrësit, Monsinjor Dom Rrok Mirdita, i cili i shprehu mirënjohjen Prof.Dr. Sali Berisha për përkujdesjen e veçantë për organizimin e këtij përvjetori për Nënë Terezën. Monsinjor Dom Rrok Mirdita vlerësoi rolin e madh dhe kontributin e Nënë Terezës në të gjithë botën. Ai tha ndër të tjera se Nënë Tereza jo vetëm zbuloi padrejtësitë ku i ka rrënjët dhe e keqja, por ajo luftoi për të gjetur rrugën më të shpejtë për të shëruar plagët. Vepra dhe mirësia e saj botërore e ngriti shumë lart shpirtin shqiptar... Ajo i tregoi botës se sa i çmuar është shpirti dhe geni shqiptar, sa thesare përmban ai shpirt dhe sa kulturë dhjetra-mijëvjeçare përcjell ai gen. Nënë Tereza i gjallëroi zemrat dhe e ngriti krenarinë e shqiptarëve kudo ku janë.

Pas fjalës së rastit të Monsinjor Dom Rrok Mirditës, të pranishmit e shumtë në sallë ndoqën me interes koncertin artistik të organizuar nga Orkestra Kombëtare e Harqeve "Madre Tereza", dirigjent Ylli Leka, koncertmaestër Ibrahim Madhi, dirigjent kori, Oleg Arapi, drejtor artistik Andri Leka, regjisor Nikolin Gurakuqi. Interpretimet e solistëve Mariana Leka, Isak Shehu, Etleva Golemi, Ester Shtishi dhe Eno Seferi u duartrokitën nxehtësisht nga të pranishmit në sallë.

Nënë Tereza, emri i vërtetë i së cilës është Gonxhe Bojaxhiu, lindi më 26 gusht të vitit 1916 në Shkup ku mbaroi shkollën fillore dhe atë të mesme. Mësimet fetare i ndoqi në kishën "Zemra e Jezuit", ku dhe mori vendimin për t'iu kushtuar dhembshurisë dhe në vitin 1928, ajo niset për në Indi. Në vitin 1980, Nënë Tereza fitoi Çmimin Nobel për paqe. Nënë Tereza ndërroi jetë më 5 shtator të vitit 1997, ndërsa në tetor të vitit 2003 Papa Gjon Pali i Dyte e shpalli shenjtore.

R.POLISI