IRA i jep fund zyrtarisht dhunës.

[kolombi]

Grupi paraushtarak republikan, IRA zyrtarisht ka njoftuar dhënien fund të fushatës së dhunës.
IRA e cila njoftoi në 1997 pushim zjarri tha se ishte ende e angazhuar në qëllimin e saj për një Irlandë të bashkuar.

Më shumë se 3 mijë vetë u vranë gjatë tre dekadave dhunë.

IRA ka ndërmarrë më në fund hapin për të kaluar nga dhuna në politikë dhe deklarata e saj është shumë e qartë dhe e fortë, ajo ç'ka qeveritë në Londër dhe Dublin po shpresonin të arrinin.

Të gjitha njësitë e IRA-s janë urdhëruar të hedhin armët. Të gjithë vullnetarët e IRA-s janë urdhëruar të ndihmojnë në zhvillimin e mjeteve vetëm politike.

Në deklaratë gjitashtu flitet për përfshirje në proces për të verifikuar grumbullimin e armëve.

Në prill, Gerry Adams, udhëheqësi i krahut politik të IRA-s, Sinn Fein i kërkoi grupit nëse ishte gati t'i jepte fund dhunës për të përkrahur mjetet demokratike.

Kjo deklaratë i jep përgjigje po asaj pyetjeje.

Gerry Adams më herët tha se deklarata do të jetë një sfidë për qeveritë britanike dhe irlandeze.

Implikimi këtu është se Sinn Fein do që ata të përgjigjen pozitivisht duke rifilliuar procesin paqësor të mbetur në vend.

Refuzimi i IRA-s për t'u çaramtosur tërësisht ka qenë një nga pengesat kryesore për vazhimin e procesit të paqes në Irlandën e Veriut.

Gjatë muajve të fundit ka patur gjithashtu edhe presion në rritje mbi lëvizjen republikane.

Janë shfaqur edhe shenja padurimi nga Londra dhe Dublini, sinjale të qarta se ata nuk kishin dëshirë të toleronin me praninë e vazhdueshme të organizatave paraushtarake.

Partitë kryesore të Unionistëve protestantë janë skeptikë megjithatë. Ata thanë se duan kohë të shohin se këto premtime do të zbatohen dhe ndoshta do të duhen vite para se ata të hyjnë në marrëveshje me Sinn Fein-in.

Por nga rrënjët e republikanëve në Belfast, duket se ky është një ndryshim i vërtetë i drejtimit, një moment përcaktues që nuk duhet nënvlerësuar.


BBC

[Albo]

Krahas efektit te dukshem negativ qe vala e terrorizmit nderkombetar ka sjelle ne keto 2 dekadat e fundit, nje kunderefekt pozitiv po behet gjithmone e me i dukshem. Barbarizmat e akteve te terrorizmit islamik kalojne caqet e cdo forme tjeter terrori qe ka njohur qyteterimi perendimor. Perendimi po perballet me njerez qe jane gati te kryejne akte terroriste duke hedhur veten e tyre ne ere, duke marre jeten e tyre gjate aktit.

Kjo ka bere qe organizata terroriste rajonale si IRA ne Irlande apo ETNA ne Spanje, te dalin ne plan te dyte. Keto organizata terroriste rajonale, duke u perballur edhe me fushaten e luftes kunder terrorizmit qe SHBA dhe vende te tjera aleate kane ndermare, e shoqeruar kjo edhe me nje ndjeshmeri te larte te opinionit boteror ndaj akteve terroriste, ka bere qe keto organizata te kuptojne se ato nuk perballen me vetem me qeverite e vendeve ne te cilat veprojne, por me qeverite e vendeve me te fuqishme ne bote, te cilat i kane renditur keto organizata ne listen e organizatave terroriste. Keshtu qe ngelen dy opsione per to: ose do te braktisin aktet terroriste, ashtu sic ben IRA me lart, ose do te nderpresin cdo lloj aktiviteti terrorist per aq kohe sa lufta kunder terrorizmit eshte ne krye te agjendes boterore.

Efekti i dyte pozitiv qe eshte rezultat direkt i impenjimeve serioze globale ushtarake, politike, ekonomike te SHBA ne shume vende te botes, eshte dorezimi pa kushte edhe i rregjimeve diktatoriale qe mbeshtesin terrorizmin. Rasti me i mire eshte Libia, Siria, Pakistani, India dhe tani se fundmi edhe Korea e Veriut qe ka pranuar te rikthehet ne tavolinen e bisedimeve me 6 vendet e rajonit.

Efekti i trete pozitiv eshte kunderpergjigjia e perbashket dhe ne nje ze qe gjithe Perendimi i jep akteve te tilla. Pavaresisht nga dallimet ne qendrimet e tyre politike, kur vjen fjala tek terrorizmi islamik, te gjithe shtetet ne Perendim apo ne Lindje, e shohin ate si nje kercenim serioz te stabilitetit, sigurise se jetes dhe progresit. Shembulli me i mire per kete eshte bashkepunimi i ngushte SHBA-Rusi dhe SHBA-Pakistan.

Terroristet islamike prisnin qe infedelet te tmerroheshin nga aktet e tyre barbare, te terhiqeshin nga gadishulli arabik, por ne fakt ka ndodhur dhe vazhdon te ndodhi e kunderta. Bota dhe ajo pjese e botes ka ndryshuar ne keto 4 vjet, por nuk ka ndryshuar per mire ne syte e terroristeve, ka ndryshuar per mire ne syte e atyre njerezve ne Afganistan, Irak, Siri, Palestine, qe po shijojne per here te pare lirine.

Vendimi i IRA eshte i lidhur plotesisht me realitetin aktual ne bote dhe ne menyre te vecante me sulmet terroriste ne Londer.

Albo