Kompleksi I Inferioritetit

[~Geri~]

Kompleksi i inferioritetit



Falënderimi i plotë i takon All-llahut, subhanehu ve teala. Paqja dhe mëshira e Tij qofshin mbi Muhammedin, sal-lallahu alejhi ve sel-lem, , mbi familjen e tij të ndershme, mbi shokët e tij fisnik dhe mbi të gjithë ata që e pasojnë rrugën e tyre deri në Ditën e Gjykimit.

Dobësimi i muslimanëve në aspektin e besimit, shtimi i injorancës dhe mëkateve në shoqëritë muslimane, lënja pas dore e Kuranit, Sunnetit dhe menhexhit të Selefit (metodologjisë fetare të muslimanëve të parë) kanë shkaktuar që në mesin e muslimanëve të sotëm të paraqitet një fenomen i cili nuk ka ekzistuar te muslimanët e parë. Ky fenomen është kompleksi i inferioritetit.

Kompleksi i inferioritetit është ndjenja se nuk ke vlerë, se je në një shkallë të ulët dhe status të palakmueshëm.

Ky është realiteti i shumë muslimanëve të sotëm. Ata kanë komplekse të tregojnë se janë musliman, kanë komplekse t’i shfaqin shenjat islame kur janë në publik, kanë komplekse t’i thërrasin njerëzit në fenë e All-llahut, kanë komplekse të urdhërojnë për të mirë dhe të ndalojnë nga e keqja.

Muslimani i tillë ndjehet fajtor para të tjerëve pse është musliman, mundohet që ta arsyeton veten para armiqëve të All-llahut dhe lëshon pe në principet islame.

Për një shoqëri e cila ka synim rizgjimin e islamit dhe kthimin e ligjit të All-llahut kjo dukuri është e papranueshme.

Pa dyshim krenaria i takon All-llahut, subhanehu ve teala, dhe të gjithë atyre që gjenden në anën e All-llahut. Kush është në anën e kundërt do të gjejë nënçmim, poshtërsim, frikësim, përfundim të keq, ringjallje me sy të verbër dhe dënim të dhembshëm.

Krenar është ai i cili e njeh All-llahun, ai i cili e adhuron All-llahun, ai i cili e pason njeriun më të zgjedhur, ai i cili jeton si halife i All-llahut në Tokë, ai i cili shpreson në Xhennet. Kurse i nënçmuar dhe i zhgënjyer është pasuesi i shejtanit, robi i epshit, ai i cili jeton në këtë botë si kafshët apo në mënyrë më të humbur, ai i cili është në rrugën e cila shpie në Xhehennem.

“A nuk e kuptoni se Ne ua shpallëm librin në të cilin gjendet krenaria juaj?” [Enbija: 10].

“Kush e dëshiron krenarinë, e tërë krenaria i takon All-llahut, te Ai ngrihet fjala e mirë (besimi) dhe veprimi i mirë, e Ai i pranon. E ata që përgatitin dredhira të këqija, për ata është një dënim i rëndë dhe dredhia e tyre është e zhdukur.” [Fatir: 10].

“...Ndërsa e tërë krenaria i takon All-llahut, të dërguarit të Tij dhe besimtarëve, por hipokritët këtë nuk e dinë.” [Munafikun: 8].

All-llahu, subhanehu ve teala, i përshkruan njerëzit krenar kështu: “Muhammedi është i dërguar i All-llahut, e ata që janë me të (sahabët) janë të ashpër kundër jobesimtarëve, janë të mëshirshëm ndërmjet vete, ti i sheh kah përulen (në rukuë), duke rënë me fytyrë në tokë (në sexhde), e kërkojnë prej All-llahut që të ketë mëshirë dhe kënaqësinë e Tij ndaj tyre. Në fytyrat e tyre shihen shenjat e gjurmës së sexhdes. Përshkrimi i cilësive të tyre është në Tevrat dhe po ky përshkrim është edhe në Inxhil. Ata janë si një farë e mbjellë ku mbin filizi i vet, e ai trashet, përforcohet dhe qëndron në trungun e vet, ajo e mahnit mbjellësin. (All-llahu i shumoi). Për t'ua shtuar me ta mllefin jobesimtarëve. All-llahu atyre që besuan dhe bënë vepra të mira u premtoi falje të mëkateve dhe shpërblim të madh.” [Fet’h: 29].

Këto janë cilësitë e atyre që ishin krenar me islamin, të cilët e udhëhoqën botën.

Shërimi i sëmundjes mundësohet me gjetjen e shkaktarit të saj. Nëse i dimë shkaqet e kësaj dukurie dhe i menjanojmë nga mesi ynë, atëherë do të përmirësohet gjendja dhe do të largohet kjo dukuri negative.

1. Padituria

Padituria shkakton që muslimani të ndjehet inferior, sepse nuk e di se All-llahu atë e ka bërë superior, nuk e di se përfundimi u takon të devotshmëve, nuk e di se muslimanët janë më të lartit, kurse pabesimtarët më të ultit, pa marrë parasysh numrin, pasurinë dhe fuqinë e tyre. Andaj ai që nuk i di këto, bëhet pre e shejtanit dhe bjen në ndikim e sulmeve të tij dhe pasuesve të tij, e krejt kjo shkakton që të ndjehet inferior.

2. Sprovat e mëdhaja

Shkak tjetër janë sprovat e mëdha, rrethi i keq, shoqëria e degjeneruar, numri i pakët i atyre që i përmbahen dinit të All-llahut, sharjet dhe shpifjet e mëdhaja që bëhen kundër muslimanëve, talljet e ndryshme që i bëjnë me besimtarët dhe propaganda e madhe kundër tyre.

All-llahu, subhanehu ve teala, thotë: “E mos u dobësoni (fizikisht) dhe mos u dëshpëroni (shpirtërisht) derisa ju jeni më të lartit, po qe se jeni besimtarë të sinqertë.” [Ali Imran: 139].

3. Besimi i dobët

Besimi i dobët është një ndër shkaqet kryesore të krejt kësaj. Besimi i dobët si rezultat i paditurisë dhe dështimit para sulmeve të ushtrisë së shejtanit. Prandaj besimtari duhet të kujdeset për besimin e vet, duhet ta shtojë diturinë dhe devotshmërinë, t’u largohet sa më shumë mëkateve dhe veprave të fëlliqura.

4. Shoqërimi me të devijuarit

Pejgamberi, sal-lall-llahu alejhi ve sel-lem, ka thënë: “Njeriu është në fenë e shokut të vetë, andaj le të ketë kujdes me kë shoqërohet.” [transmeton Ebu Davudi dhe Tirmidhiu].

Një njeri i cili shoqërohet me të devijuarit, duke i lënë pas dore të udhëzuarit, së shpejti do të bëhet i kompleksuar para tyre. Do të kompleksohet t’u flas për fenë e All-llahut, t’i thërras në rrugën e drejtë, madje edhe t’u tregojë se e falë namazin.

5. Shikimi i botës me sy materialist

Një njeri i cili ka besim të dobët dhe dituri të cekët kur ta sheh përparimin ekonomik dhe industrial të pabesimtarëve do të ndjehet i kompleksuar dhe në zemrën e tij do të lind madhërimi i armiqëve të All-llahut.

All-llahu, subhanehu ve teala, e cek rastin e Karunit në Kuran që ne të marrim mësim dhe mos ta shohim botën vetëm në aspektin material.

“Karuni ishte nga populli i Musait dhe ai e shtypte atë popull ngase Ne i patëm dhënë aq shumë pasuri saqë një grup i fuqishëm mezi bartnin çelësat e (pasurisë së) tij, e kur populli i vet i tha: “Mos u kreno aq fortë sepse All-llahu nuk i do të shfrenuarit!” [Kasas: 76].

Karuni kishte pasuri të madhe, e njerëzit kur e panë atë u ndanë në dy grupe:

a) Ata që e shihnin botën me sy materialist: “Ai (Karuni) doli para popullit të vet me stolinë e vet, e ata që kishin synim jetën e kësaj bote thanë: “Ah, të kishim pasur edhe ne si i është dhënë Karunit, vërtet ai është fatbardhë!” [Kasas: 79].

b) Besimtarët e vërtetë: “E ata që ishin të zotët e diturisë thanë: “Të mjerët ju, shpërblimi i All-llahut është shumë më i mirë për atë që besoi dhe bëri vepër të mirë, po atë nuk mund ta arrijë kush përveç të durueshmëve!” [Kasas: 80].

Ka edhe shkaqe tjera, mirëpo ne do të mjaftohemi me kaq.

Kompleksi i Inferioritet shfaqet në forma të ndryshme, prej tyre:

1. Mosshfaqja e shenjave fetare, si mjekrra dhe shamia.

2. Përngjasimi me mosbesimtarët në pamjen e tyre, në veshjen e tyre, në festat dhe manifestimet e tyre.

3. Frika prej mosbesimtarëve.

4. Dobësimi fizik dhe dëshprimi.

5. Pesimizmi.

6. Lënia e urdhërimit për të mirë dhe ndalimit nga e keqja, etj.

Kur t’i analizojmë mirë shkaqet dhe shfaqjet e kompleksit të inferioritetit, do ta shohim rrezikun e kësaj dukurie për shoqërinë muslimane në përgjithësi dhe për individin musliman në veçanti.

Lusim All-llahun me emrat e Tij të bukur dhe cilësitë e Tija të larta që të na bëjë prej muslimanëve të vërtetë, krenar me islamin, të kënaqur me All-llahun dhe të Dërguarin e Tij.

[Helianthus]

Geri ti shkruan shume bukur dhe une kam respekt per diturine tende. Kam nje pyetje qe nuk ka te beje direkt me kete teme qe ke hapur ti. Behet fjale per dike qe njoh une, i cili jeton ne tirane ka grua dhe dy femije dhe nuk e vret mendjen te punoje. Ai eshte besimtar dhe falet 5 here ne dite, gruaja eshte e veshur dhe femijet shkojne ne medrese qe te dy. Por ajo qe me shqeteson mua tek ky kusheriri im eshte fakti se nuk i pelqen puna dhe thote se po te besh ibadet zoti ta lehteson rriskun. Kjo me duket absurde. Si te begaton zoti nese ti fle deri ne oren 10 me sebepin se je ngritur heret per te falur sabahun?
Njeher ketij personit ne fjale i ofruan nje pune shume te mire si shites ne nje dyqan me mallra ndertimi dhe nuk pranoi duke thene se une dua te shkoj tre dite ne muaj ne xhemat, dhe nje here ne vit ne nje xhemat qe zgjat 40 dite, dua te falem 5 here e te tjera si keto.
Une u nervozova me keto arsyetime, duke pasur parasysh se familja e tij jeton ne mjerim. Mezi sigurojne buken dhe te mos kishin ndihmen e te afermeve me siguri do ta kishin punen keq.
Si mendon ti Geri eshte dakort zoti me kete lloj ibadeti? Me jep te lutem nje pergjigje te bukur se dua ta printoj dhe tja tregoj keti tipit se cfare mendojne te diturit.

[~Geri~]

Zoti me befte me i mire se jam dhe mi largofte te keqiat qe kam.Dhe here tjeter thuaj mashallah se na ha ne sysh.

Tani sa per pyetjen.

Muslimani ka detyre te punoje per te ushqyer familjen e tij ne mynyre qe mos kete probleme ekonomike brenda familjes .

Ne islam egziston nje mesatare midis punes dhe ibdaetit(adhurimit).

Pikerisht Zoti e ka nda kohen e njeriut me namaze ne formen qe njeriu ta manaxhoje me mire kohen e tij.

Psh eshte e pelqueshme qe njeriu nga Sabahu e deri ne hyle te punoje.Pastaj te bej nje pushim dreke me familjen e tij te fali namazin e drekes dhe pastaj mbas ikindie mund te punoje prape deri per aksham(nese deshiron) Mbas akshamit mund te shkoje te pije nje kafe me shoket ose te lexoje dicka .Pastaj te shkoje per Jaci dhe mbas jacie te shkoje ne familjen e tij.

Kjo eshte nje jete normale qe gjithkush prej muslimaneve do ta deshironte por sesa ka mundesi ta realizoje eshte tjeter gje pastaj.

Sepse njeriu ne jeten e tij ditore ka disa detyra.

Detyra ndaj Zotit.(Kjo dihet besoj) Qe njeriu te gjeje kohe dhe mynyra per te permbushur obligimet ndaj tij.

Ka detyre ndaj familjes , ti ushqeje dhe ti furnizoje ato ekonomikisht dhe njekohesisht te perkujdeset per to .Ka nevoje femija dhe gruaja qe burri te rri me to jashte orarit te punes te bej nje bisede te drekojne bashke e keshtu me rradhe.

Ka detyre ndaj farefisit dhe shoqerise qe ti vizitoj ato dhe te bisedoje me to per ceshtje te ndryshme.

Ka detyre ndaj vetes qe te beje pushim dhe te ushqehet, te fali namazin per te rehatuar shpirtin dhe trupin e tij.


Tani une nuk pretendoj qe secili prej nesh ta bej kete jete sepse vete materialzimi dhe jeta e veshtire nuk ti afron keto kushte.Mirepo per mua kjo do ishte dicka shume e mire dhe do ti ofronte njeriut nje jete komode te thjeshte por te lumtur, perpara faktit te nje jete tjeter ku burri rri gjithe diten ne pune, nuk kujdeset ose rrale here i takon femijet dhe gruan e tij, po keshtu me shoket nuk takohet fare sepse puna e tij nuk ia afron kete mundesi e keshtu me rradhe jete e tensionuar dhe por edhe e shthurur ne konceptin e racionalizimit dhe manaxhimit te saj ne mynyren me te mire.

Meqenese jo cdo kush mund te bej jeten qe permenda pak me lart , nje jete te thjeshte , komode dhe me pak veshtirsi atehere lind si detyre per cdo njeri qe duhet ti pershtatet mjedisit por jo duke u shmangur shume nga rregullsia e tij familjare dhe jetesore.

Nuk eshte mire per muslimanin qe te arsyetohet me rriskun dhe caktimin e Zotit dhe te leje shkaqet per kerkimin e rriskut ose pasurise.

Puna eshte njeri prej shkaqeve dhe Allahu thote ne kuran shpesh here qe muslimanet te kerkojne miresi ne kete bote dhe boten tjeter.Allahu permend ne suren xhuma qe.

9. O ju që besuat, kur bëhet thirrja për namaz, ditën e xhumasë, ecni shpejt për aty ku përmendet All-llahu (dëgjojeni hutben, falnie namazin), e lini shitblerjen, kjo është shumë më e dobishme për ju nëse jeni që e dini.
10. E, kur të kryhet namazi, atëherë shpërndanuni (punoni) në tokë dhe kërkoni begatitë e All-llahut, por edhe përmendnie shpeshherë All-llahun, ashtu që të gjeni shpëtim.(Sure Xhuma)

Ne kete sure Allahu na tregon se muslimani e ka detyre qe diten e xhuma te shkoj ne te fali namazin dhe ta leje punen e tij per kete ai duhet te beje c'eshte e mundur.
Dhe mbas namazit te xhumase vijon ajeti muslimani duhet te shkoje ne pune dhe te punoje ose te kerkoje miresite e Allahut ne toke.

Kjo ishte persa i perket dites se Xhumase.Per ditet e tjera muslimani mund te falet dhe ne vendin e punes.

Une di shume raste .Nje djale musliman kerkonte nga pronari i tij qe te pakten diten e premte te shkonte 1 ore ne xhami duke i mohuar vetes cdo lloj pushimi tjeter gjate diteve te tjera.Mirepo nuk rane dakort.Shkoi tek nje person tjeter dhe ra dakort me ate personin tjeter plus nje rroge me te mire.

Te them te drejten une kam punuar diku dhe me linin per te shkuar per tu falur per Xhuma .Namazet e tjera i falja ne pune.Tani shyqyr Zotit jam ne nje pune qe mi lejon te gjitha kushtet per te shkuar ne xhami .Pra mund te shkoj ne xhami pa problem per cdo namaz, plus qe ka dash Zoti e kam dhe afer punes.

Pra rastet jane te shumta mirepo une po permend rastin e kushuririt tend.

Ai duhet te punoje sepse nese ska mundesi te mbaje familjen , puna per te eshte farz dhe nese nuk e kryen atehere merr gjynah.Kjo per shkakun se muslimani duhet te kete pavarsi ekonomike dhe duhet te jete ne gjendje te mire mundesi keto qe ia shtojne atij graden tek Allahu.

Profeti a.s e ka urryer lypjen pa nevoshmeri.Dhe meqe e ka uureyr lypjen kur ske nevoje dhe pastaj ka thene dora lart eshte me mire se dora poshte (qe nenkupton dora qe jep eshte me e mire se dora qe merr) dhe pastaj na ka treguar ne nje hadith per nje person qe vellai i tij falej dhe ky rrinte tere kohen ne xhami dhe e mbante me leke i vllai.Profeti a.s tha .Qe vellai qe punon dhe mban familjen dhe plus kesaj ndihmonte dhe mbante me ndihme ekonomike dhe te vellain e tij eshte me i mire tek Allahu se vellai i cili rrinte tere diten ne xhami dhe falej ose bente ibadet.

Meqenese u zgjata shume duhet te dije cdo musliman qe jeta e kesaj bote ka nje rregull dhe urtesi hyjnore nga e cila marrim mesim dhe themi qe sistemi qe Allahu e ka krijuar kete bote eshte sistem nga i cili pritet per njeriun te punoje dhe te furnozoje familjen e tij me pasuri dhe te mira materiale.Eshte sistem dyjesor i pershtatur per trupin e njeriut dhe shpirtin e tij.Islami dhe natyra e kesaj bote e kundershton, papunesine dhe mosfaljen.Te dyja keto duhet te gershetohen nese njera eshte ndihme dhe fuqi per trupin tjetra eshte ndihme dhe ushqim per shpirtin.
Islami e kundershton murgerine dhe ndjetjen neper xhamia duke mos punuar dhe arsyetimin qe ma ka caktuar Zoti rriskun dhe nderkohe qe ti nuk punon ose nuk perpiqesh per ta arritur kete rrisk.Kjo vjen me shume argumente qe nder to do mjaftohem vetem me hadithin ku profeti a.s thote.Nese je duke mbjelle nje peme dhe degjon qe do te behet kijameti vazhdo e mbille ate.Pra kjo tregon se puna ne hajer duhet vazhduar pavarsisht kushteve te jetes dhe eshte e ndaluar per nje person qe te mos punoje kur familja e tij kerkon nga ai
furnizmim dhe perkujdesje.

Pra Islami nuk eshte fe e mugerise dhe mbylljes neper xhamia dhe dihet se kjo nuk ka egzistuar asnjehere ne fene islame pervec ne grupet dhe tarikatet te devijuara nga islami i sakta autentik.

Po keshtu Islami eshte kundra sistemit ateisto-materialist qe e kane ktheyr njeriun ne nje vegel pune duke punuar me ore te zgjatura dhe duke ia hequr atij mundesine per tu kujdesur per veten e tij dhe familjen dhe urdherave te Zotit.

Une e Keshilloj kushuririn tend sipas fjaleve qe i thua ti dhe do ishte e mira te degjoja dhe ate ne arsyetim ne mynyre qe te isha i paanshem qe gjej nje pune nga e cila mund te shkosh ne diten e xhuma dhe namazet e tjera ti falesh ne vendin e punes.Nje namaz nuk te ha me shume se 5 minuta kohe dhe mbas 6-8 oresh njeriu ka nevoje per nje shplodhje mendore dhe shpirterore.Prandaj nese pronari ose punedhenesi e lejon qe te shkoje ne diten e Xhuma per te falur namazin e xhumase dhe ne pune ka kushte qe namazet ti fale ne vendin e punes atehere le ta pranoje kete pune.Pra kushti i domosdoshem eshte vetem xhumaja ne xhami namazet e tjera mund ti fale dhe ne vendin e punes.

24:37.
Ata janë njerëz që nuk i pengon as tregtia e largët e as shitblerja në vend për ta përmendur All-llahun, për ta falur namazin dhe për ta dhënë zeqatin, ata i frikësohen një dite kur do të tronditen zemrat dhe shikimet.

Tjeter gje eshte se muslimanet duhet te merren vete me tregti sepse profeti a.s ka thene nga 100 miresi 99 miresi i tregtia.

Allahu thote ne kuran se edhe ne kohen kur je duke bere ibadet mund te punosh ose te merresh me tregti.Kjo per vete faktin se Islami i nderthur te dyja(Punen dhe adhurimin) dhe e harmonizon jeten e njeriut .

2:198.
Nuk është mëkat për ju të kërkoni begati nga Zoti juaj (të bëni ndonjë tregti gjatë haxhit). E kur të derdheni (hiqeni) prej Arafatit, përmendeni All-llahun në vend të shenjtë (Muzdelife), përmendeni Atë, ashtu si u ka udhëzuar Ai, sepse më parë ishit të humbur.


Meqenese vete jeta eshte e veshtire atehere une them qe cdo musliman duhet dhe e ka per detyre te punoje per te mbajtur familjen e tij ne rastet e nevojshmerise dhe duhet qe te vendose ne kontrate me punedhenesin e tij qe diten e xhuma te shkoj ne xhami , kurse namazet e tjera le ti fale ne pune.

Une mendoj qe njeriu nuk duhet te nenvlehtesoje punen por njekohesisht dhe fene e Zotit dhe te behet rob i materies.Fundi i fundit edhe profeti a.s ka punuar po keshtu dhe sahabet e tij.

Me sa me kujtohet nje shok i profetit Muhamed a.s kur muslimanet shkuan dhe emigruan ne Medine.Ensaret banuesit e Medines i haper dyert e shtepive dhe njeri prej tyre i tha.O vllau im musliman.Une e kam nje shtepi a e ndajme pergjys bashke.Kurse muslimani i mekes i tha jo por me thuaj ku eshte tregu.Mbasi ia tregoi muslimani shkoi atje dhe filloi te shese bulmetra derisa Allahu e furnizoi dhe e begatori me pasuri te madhe.Pra kjo tregon se njeriu eshte me mire te punoje se te kerkoje lemoshe .

Puna i jep njeriut dinjitet, pavarsi bollek dhe miresi materiale dhe fetare.

Thuaj ketij vellai se ndoshta i hy ne hak dhe ceshtja nuk eshte e tille.

Qe sahabet benin gara per ne adhurime mirepo disa sahabe shkuan tek profeti a.s dhe i thane .O i derguari i Allahut ato te pasurit na e kaluan neve sepse ato japin pasuri dhe marrin shperblim per te kurse ne skemi cte japim.Profeti .a.s i tha "Kalojeni me permendjen e Allahut.Mirepo te pasurit prape ia kalonin sepse edhe benin dhiker por njekohesisht edhe jepnin pasuri.

Prandaj muslimani duhet te punoje sepse nga puna dhe fitimet e saj ai mund te bleje libra te cilat i duhen per te mesuar fene e tij, mund te theri kurban diten e bajramit dhe tia shperndaje te varferve, mund ti bleje femijeve te tij lodra dhe gjera me ane te cilat mund ti gezoje , mund te bleje rrobe te bukura ku ti tregoj njerzve qe muslimanet jane njerez te moralshme por edhe te bukur.

Pra eshte e lidhur gjithmone puna dhe adhurimi.
Nese e printon kete e ke amanet qe mos heqesh prej saj asgje dhe kete fjalen time te fundit.Vella une gjykova sipas asaj qe mu tha dhe mu tregua.Allahu i ndihmofte muslimanet ne problemet e tyre ekonomike dhe financiare dhe se fundi e mbyll me ajetin e kuranit.

Kështu këshillohet ai që i beson All-llahut dhe ditës së fundit, e kush iu përmbahet dispozitave të All-llahut, atij Ai i hap rrugë, dhe e furnizon atë prej nga nuk e kujton fare. Kush i mbështetet All-llahut, Ai i mjafton atij, All-llahu realizon dëshirën e vet dhe All-llahu çdo gjëje ia ka caktuar kohën (afatin). (Sure Talak)