Gazeta Elektronike: "Futbolli Ndërkombtar" (Nr.3)

[viganv]

Premier Liga

Balack tek Manqesteri!

Sipas së përditshmes "The Sun", Mançesteri është vënë në ndjekje të mesfushorit të Bajernit të Mynihut, Mikael Balak, pas deklaratave të trajnerit Feliks Magat, i cili tha: "Balaku ose të firmosë, ose të largohet." Kapiteni i kombëtares së Gjermanisë ka edhe një vit në kontratë me Bajernin, por nuk ka pranuar të rinovojë kontratën e tij edhe për 4 vitet e ardhshme.

[viganv]

Premier Liga

Hleb zyrtarizon kalimin tek Arsenali

Lojtari i kombëtares së Bjellorusisë arriti një marrëveshje me klubin e Arsenalit gjatë muajit të kaluar, por prezantimi i tij në "Hajburi" u bë vetëm gjatë ditës së djeshme, për shkak se ish-mesfushori i Shtutgartit nuk zotëronte lejen e punës.

[viganv]

Serie A

Milani, 50 ditë pas Stambollit...



Sot Milani do t'i kthehet stërvitjes. 50 ditë pas disfatës së madhe në Stamboll, kuqezinjtë do të kthehen në Milanelo për të përgatitur një sezon të ri. Objektivat janë gjithnjë të njëjtat: kampionati, Liga e Kampioneve. Edhe Kupa e Italisë, sepse s'i dihet kurrë. Plaga djeg ende dhe vetëm sot do të mësohet nëse ajo është mbyllur. Nëse mendja është e qetë. Nëse dëshira është gjithnjë e njëjta. Në orën 14.00, përpara më shumë se pesëdhjetë gazetarësh, operatorësh televizivë dhe fotografësh, Adriano Galiani, me Karlo Ançelotin dhe Paolo Maldinin përkrah, do të prezantojë për të ardhmen dhe njerëzit e rinj. Dëshira e tifozëve që do të rrethojnë qendrën sportive të kuqezinjve, është që t'u jepen garanci për ardhjen e Alberto Xhilardinos. Por do të mendojë Kristian Vieri për ta përthithur vëmendjen. Të gjithë objektivët fotografikë do të jenë të drejtuar nga Bobo, i cili ka ndërruar sërish "lëkurë": fanellën e Milanit, në vend të asaj zikaltër, e cila medoemos do të bëjë shumë përshtypje. Së bashku me të do të jenë edhe Jankulovski, Vogeli dhe Elefteropulos. Më pas, në orën 17.00, do të kryhet stërvitja e parë e sezonit të ri, e cila do të jetë e hapur për tifozët. Në mbrëmje do të jetë edhe darka zyrtare, sikurse është traditë. Në apel pritet të mungojnë vetëm Dida dhe Kakà, të cilëve u janë dhënë disa ditë pushim më tepër, për shkak të pjesëmarrjes në Kupën e Konfederatave. Ata do të mbërrijnë më 4 gusht, kur Milani do të jetë kthyer në Itali nga turneu i parashikuar në Amerikë (nga 22 korriku deri më 1 gusht). Turne në të cilin s'do të marrin pjesë as Inzagi, i cili do të shkojë në ditët e ardhshme në Anversë te profesor Martensi, dhe Jankulovski, i cili është ende në riaftësim e sipër pas operacionit në kaviljen e majtë, që iu nënshtrua në fazën e fundit të sezonit të kaluar. Do të mungojnë shumë kutiza të mozaikut të vjetshëm: Krespo, Pankaro, Abiati, Doraso dhe Broki, ndërsa mes fytyrave të reja do të jetë edhe ajo e Fabio Borielos, njërit prej fituesve të "realty-shoë"-t "Campions": për mbrojtësin e Çervias, çmimi ka qenë grumbullimi me Milanin.

[viganv]

Serie A

Vieri dhe Gatuzo që dje në Milanelo

Kristian Vieri dhe blerjet e reja të kuqezinjve, së bashku me Rino Gatuzon, e kanë kaluar dje ditën e tyre të parë në Milanelo. Vieri, Vogel, Jankulovski dhe portieri Elefteropulos, përfshirë dhe Gatuzon kanë zhvilluar dje analizat në Milan Lab dhe një punë të lehtë në palestër, me streçing dhe ushtrime muskulare. Adresa e Milanit në Internet, sinjalizon që analizat e Jankulovskit dolën shumë mirë, duke parë që çeku vjen pas një dëmtimi të rëndë. Ish-anësori i Udinezes, ka kaluar që dje nga faza mjekësore, në atë atletike dhe tani mund të fillojë të vrapojë. Për t'u parë, mbi bazën e punës së përgatitjes së filluar dje, është periudha e kohës për t'iu bashkur grupit. Bobo Vieri e kaloi dje të gjithë ditën në Milanelo dhe ishte në humor të mirë: "Si e pashë? Entuziazt dhe të gatshëm. Një përshtypje e shkëlqyer", komentoi përgjegjësi i përgatitësve atletikë kuqezi, Daniele Tonjacini.

[viganv]

Serie A

Pankaro në Firence, Lupateli te Parma


Pasi humbi Luka Tonin, që Fiorentina e shihte si përforcimin kryesor për sulmin, skuadra vjollcë ka realizuar gjithsesi dy çështje të rëndësishme në merkato gjatë ditës së djeshme. E para ka të bëjë me Pipo Pankaron: anësorin e Milanit, i cili dje në mëngjes e zgjidhi kontratën me kuqezinjtë dhe shkoi menjëherë në Firence. Ndërkaq, portieri Kristiano Lupateli, i është shitur Parmës. Ndërkohë që duket se hipoteza Toni ka perënduar përfundimisht, skuadra vjollcë tani po mendon të përforcohet në reparte të tjera. Në mëngjesin e djeshëm është zyrtarizuar blerja e Xhiuzepe Pankaros, i cili ka mbërritur me çmimin zero nga Milani, pasi zgjidhi pak orë më parë marrëveshgjen që e lidhte me kuqezinjtë. Menjëherë pas zyrtarizimit, anësori u nis për në Folgaria, ku ndodhet e grumbulluar aktualisht Fiorentina. "Pankaro është një lojtar që ka dëshirë dhe motivim tepër të madh, - tha Prandeli, duke komentuar këtë blerje. - E konsideroj si një blerje të mirë. Përvoja e tij, ndër të tjera, mund të na shërbejë shumë. Nga ana psikologjike, ai u shpreh tepër i gatshëm dhe ky është padyshim një faktor pozitiv. Ai mund të luajë si në të djathtë, ashtu edhe në të majtë, është "jolly" i vërtetë mbrojtës". Pak orë përpara se të shpallej blerja e Pankaros, klubi kishte zyrtarizuar shitjen e portierit Lupateli te Parma, në mënyrë të plotë. Përsa i takon sulmit, me përjashtim ndonjë rikthimi te pista Toni, vjollcët i kanë që tani në mendje alternativat e mundshme: emrat që përmenden gjatë këtyre ditëve, janë ata të Iakuintës dhe Tomasonit, të cilin Milani mund ta shesë sa më parë, sapo të ketë zyrtarizuar blerjen e Xhilardinos nga Parma.

[viganv]

Serie A

Pizarro: Falënderoj Udinezen dhe Interin



"Dua të falënderoj Udinezen dhe Interin për përpjekjet që po bëjnë për të plotësuar dëshirën time." David Pizarro ka qenë i lumtur që të martën në mbrëmje është bërë një futbollist zikaltër. Mungon vetëm lajmërimi zyrtar, që është një çështje detajesh. Sepse, sikurse ka pohuar agjenti i lojtarit, Hidalgo, marrëveshja mes klubit të Rrugës "Durini" dhe kiljanit është arritur tanimë: mbeten vetëm për t'u sqaruar disa pika të marrëveshjes mes klubeve, çmimi që zikaltrit duhet të paguajnë për ta blerë në mënyrë të plotë sezonin e ardhshëm. Sipas disa thashethemesh, friulianët vazhdojnë të kërkojnë 15 milionë euro, një shifër të cilën Morati do të ishte i gatshëm ta mbulonte me rreth nëntë milionë "cash", plus gjysmën e kartonit të Goran Pandevit. Ndërkaq, Pizarro pritet të jetë nën urdhrat e Mançinit ndoshta që sot pasdite.

[viganv]

Serie A

Zyrtare: Makinua te Palermo

Atalanta ka zyrtarizuar shitjen e Stefenn Makinuas te Palermo: lojtari mendohet të jetë paguar rreth 7.5 milionë euro.
Në gjurmët e sulmuesit nigerian ndodheshin edhe Shtutgarti i Xhiovani Trapatonit dhe, deri pak kohë më parë, edhe Interi, që më pas u tërhoq nga bisedimet. Por blerja e Makinuas mund t'u hapë rrugën zikaltërve drejt blerjes së Luka Tonit.

[viganv]

Serie A


Dalmati kalon te Rejsing Santanderi

Rejsing Santanderi ka marrë Stefan Dalmatin. Francezi, kartoni i të cilit zotërohej nga Interi, dhe që sezonin e fundit ka luajtur i dhënë hua te Tuluza, ka nënshkruar një kontratë pesëvjeçare me klubin spanjoll. "Dalmati është galaktiku ynë, ﷓ ka thënë presidenti i Rejsingut, Manuel Huertas, ﷓ me të kemi kryer një blerje të madhe".

[viganv]

Serie A


Udineze: Liverani, pasardhësi i Pizarros?

Ndërkohë që gjatë ditës së sotme pritet zyrtarizimi i kalimit të David Pizarros tek Interi, në kampin bardhezi vazhdohet të mendohet se kush do ta zërë vendin e kiljanit. Serse Kozmi do të preferonte Fabio Liveranin, lojtarin e tij në kohët e Peruxhias. Në frontin e largimeve pritet që Handanoviç të kalojë te Trevizo. Ndërkaq, blerja e re Obodo u është bashkuar shokëve në grumbullimin në Arta Terme.

[viganv]

Serie A


Xhenoa, mbërrin De Ashentis dhe Parisi

Pas Abiatit, i ardhur hua nga Milani, Xhenoa bën edhe dy blerje të tjera. Bëhet fjalë për Masimo Pacin, 26 vjeç, mbrojtësi i marrë në bashkëpronësi nga Ternana dhe Diego De Ashentis, 29 vjeç, i ardhur i lirë nga Torino. Klubi kuqeblu, ka blerë po ashtu edhe Alesandro Parisin në bashkëpronësi të lirë, anësorin e majtë 28-vjeçar i ardhur nga Mesina, i cili ka nënshkruar një kontratë 3-vjeçare.