Gazeta Elektronike: "Futbolli Ndërkombtar" (Nr.3)

[viganv]

Primera Division

Santos gjobit Robinjon, Burtagenjo e thërret te Reali



Sulmuesi brazilian Robinjo është gjobitur nga drejtuesit e Santosit, pasi ka munguar pa arsye në stërvitjen e skuadrës që ishte programuar të premten pasdite. 20-vjeçari nuk është parqitur në klub, pasi mbaroi se sukses aventurën në Kupën e Konfederatave. Trajneri i Santosit, Galo, tha: "Komunikova në telefon me Robinjon në mëngjes dhe më siguroi se do të vinte në stërvitje, por nuk ndodhi kështu. Personalisht e pres edhe në stërvitjen e sotme. Në rast se nuk paraqitet sërisht, atëherë do t'u kërkoj drejtuesve të marrin masa serioze ndaj tij." Robinjo duket se nuk ka ndërmend të qëndrojë më gjatë në Brazil, dhe po pret që të mbyllet marrëveshja për kalimin e tij te Reali. Dje zv.presidenti i "merengesve", Emilio Burtragjeno, i pyetur për këtë çështje tha: "Një futbollist si Robinjo do ta bënte edhe më spektakolare skuadrën tonë. Eshtë vetëm 20-vjeç, dhe për këtë po këmbëngulim kaq gjatë për ta marrë te Reali. Shpresoj që dëshira e tij për të luajur në Spanjë të realizohet sa më shpejt."

[viganv]

Primera Division

Baraha: Valencia do t'ju habisë



Kapiteni i Valencias, Ruben Baraha, vazhdon të riaftëzohet në Holandë, për shkak të një dëmtimi të pësuar në fundin e sezonit të kaluar. Gjithsesi, mesfushori spanjoll do të jetë plotësisht i gatshëm për trajnerin e ri të Valencias, Sançez Flores, në ditën e parë të stërvitjes për sezonin e ardhshëm futbollstik. "Nuk ndiej më dhimbje dhe klima holandeze më ka ndihmuar në një riaftësim të shpejtë. Kam filluar të punoj me topin dhe mendoj se më 16 korrik do të jem gati për stërvitjen e parë." Baraha ka filluar të projektojë edhe strategjinë që duhet të ndjekë skuadra e tij, për t'u rikthyer në majat e futbollit spanjoll dhe evropian: "Në "Metaja" duhet të jemi gjithmonë superiorë. Kemi një skuadër me futbollistë teknikish të aftë dhe qarkullimi i topit duhet të jetë arma jonë më fortë, të paktën në ndeshjen në Valencia." Valencia, pas vitit 2000 ka arritur dy herë në finalen e Championsit dhe ka fituar dy tituj kampion në Spanjë, por sezonin e kaluar u rendit e shtata, dhe sivjet nuk do të luajë në kupat e Europës. Gjithsesi, Baraha është i bindur se skuadra e tij ka nxjerrë mësime nga dështimet e sezonit të kaluar, dhe është e gatshme të habisë. "Duhet ta harrojmë kampionatin e kaluar. Duhet të punojmë shumë, por, mbi të gjitha, duhet ta rigjejmë besimin në vetvete dhe të jemi të përgatitur psikologjikisht për të zgjidhur çdo moment të ndeshjes. Kam besim te kjo skuadër. Do të luajmë për të fituar titullin, dhe ju siguroj se Valencia do t'ju habisë."

[viganv]

Futboll Miks


Siguri e lartë në Singapor


Një operacion i sigurisë së lartë do të ruajë sigurinë e personaliteteve të shumta që do të jenë në Singapor këto ditë, për shkak të votimit për Lojërat Olimpike 2012. Rrugët janë të mbushura plot me policë, në ajër ka helikopterë të shumtë dhe hoteli Raffles, ku do të rrinë anëtarët e Komitetit Olimpik Ndërkombëtar, është i rrethuar nga forca të shumta policie. Presidenti francez Zhak Shirak dhe kryeministri anglez Toni Bler janë politikanët e vetëm, të cilët janë përfaqësues të kandidaturave të qytetve të tyre, përkatësisht Parisit dhe Londrës. Nju-Jorku deklaroi se edhe ish-zonja e parë e ShBA së, Hilari Klinton, do të jetë në Singapor për të përfaqësuar qytetin e saj, duke e shtuar edhe më listën e politikanëve. Por, përveç tyre, në Singapor do të jenë edhe personalitete të fushave të tjera, në përgjithësi të sportit.

[viganv]

Futboll Miks

Magat: Të fitojmë Championsin


Feliks Magat është rikthyer dje në Mynih, pas 21 ditëve pushim në ishujt Karaibe, dha ka filluar të mendojë për sezonin e ardhshëm futbollistik në drejtimin e Bajernit. Ish-trajneri i Shtutgartit, sëbashku me drejtuesit e lartë të skuadrës bavareze, Uli Hënes dhe Karl-Hainz Rumenige, dolën në një konferencë për shtyp përpara gazetarëve japonezë, ku shpjeguan turneun miqësor që Bajerni do të zhvillojë në Japoni. Për herë të parë kampionët e Gjermanisë do të zhvillojnë një pjesë të fazës përgatitore në Azi, ku pritet të përfitojnë shuma të mëdha financiare nga sponsorët. Magat ka qenë shumë i rezevuar dhe i është përgjigjur disa pyetjeve të shkurtra, midis të cilave ajo për objektivat e Bajernit për sezonin e ardhshëm. Trajneri gjerman u shpreh: "Jam ende i zhgënjyer nga eliminimi i pësuar sezonin e kaluar në çerekfinale nga Çelsi. Sezonin e ardhshëm duhet të fitojmë Ligën e Kampioneve. Përveç detyrës sonë për të mbrojtur titullin në Bundesligë, do të kërkojmë me çdo kusht të luajmë në finalen e Championsit në Paris. Kjo skuadër i ka të gjitha mundësitë për t'i vënë vetes objektiva të vështira, dhe për këtë synojmë fitimin e gjithçkaje sezonin e ardhshëm." Bajneri i Mynihut nuk ka bërë një merkato shumë aktive. Ka lejuar largimet e Kufurit dhe Fringsit, ka rinovuar me Lizarazunë, si dhe ka marrë shërbimet e Isamelit dhe Lamit. Bavarezët janë të interesuar edhe për Lukas Podolskin e Këlnit, por më parë duhet të zgjidhin të ardhmen e paraguajanit Rroke Santa Kruz. Herta dhe Parisi kanë kërkuar shërbimet e tij.

[viganv]

Futboll MIks


Kupa Intertoto

Turi 2

(ndeshjet e para)
Dje
Volfsburg (Gjer) Sturm (Aus) 2-2
Kluj (Rum) Bilbao (Spa) 1-0
Slaven (Kro) Bistrita (Rum)
Hamburg (Gjer) Pobeda (Maq)
Liberec (Çek) Beitar (Izr)
Olomouc (Çek) Pogon (Pol)
Gent (Bel) Zlin (Çek)
Ankaraspor (Tur) Dubnica (Sllo)
Varteks (Kro) Inter (Fin)
Lokeren (Bel) Jang Bojs (Zvi)
St.Etiene (Fra) Ksamax (Zvi)
Deportivo (Spa) Budoçnost (Ser)
Sot
(17:00) Zalgiris (Lit) Dinaburg (Let)
(18:00) Tampere (Fin) Sharleroi (Bel)
(18:00) Lens (Fra) Leç (Pol)
(18:00) Lombard (Hun) Goteborg (Sue)

[viganv]

Futboll MIks



Botërori U-20

Ka përfunduar në Holandë kampionati botëror U-20. Pas një muaji intersiv me ndjeshje shpeshherë spektakolare është shpallur edhe kampioni i ri për të rinj. Ja cilat kanë qenë verdiktet e këtij kampionati, pas finaleve të luajtura dje:
Finalja
Argjentinë - Nigeri
Për vendet 3-4
Brazil - Marok

[viganv]

Futboll Miks

Ziko: Pas botërorit, lamturmirë Japoni!


Trajneri i kombëtares japoneze, Ziko, ka deklaruar se pavarësisht nga rezultati që do të arrijë skuadra e tij në botërorin gjerman ai do të largohet nga detyra e trajnerit. Braziliani tha: "Cikli im do të mbyllet me botërorin. Do të ishte e kotë që vazhdoja më tej në Japoni. Nuk e di ç'do të bëj më pas. Brazili? Nuk desha të bëhesha trajner, por oferta e Japonisë më tundoi. Nuk e di ç'mund të ndodhë pas një viti.

[viganv]

Futboll Miks

Olimpiakos kërkon Emil Mpenzan


Pasi Panathinaikosi ka marrë Aloisin, kundërshtarët e tyre historikë nuk mund të qëndrojë pas. Kështu, Olimpikosi është në kërkim të një sulmuesi me përvojë në Europë dhe duket se e ka gjetur te sulmuesi i Hamburgut, Emile Mpenza. Futbollisti 26-vjeçar ka shprehur disa herë dëshirën për t'u larguar nga Hamburgu dhe mund të tundohet nga oferta greke për faktin që do të ketë mundësinë të luajë përkah Rivaldos.

[viganv]

Futboll Miks

Liga 1 starton më 30 korrik


Liga 1 ose ndryshe kampionati francez i futbollisit për sezonin 2005-'06 do të startojë më 30 korrik dhe do të mbyllet më 6 maj, një muaj përpara fillimin të kampionatit botëror në Gjermani. Datat janë përcaktuar pas shpalljes së kalendarit për sezonin e ardhshëm. Ja cilat do të jenë ndeshjet e javës së parë të Ligës 1:
Lë Mansh Lion, Lilë Rëne, Marsejë-Bordo, Nansi-Monako, Nantë-Lens, Nisë-Troua, PSG-Metz, St.Etien-Ajaço, Shosho-Toluzë dhe Stasburg-Okser.

[viganv]

Futboll Miks





Guvu, e ardhmja më 11 korrik


Sulmuesi francez Sidnei Guvu e ka shprehur edhe njëherë dëshirën e tij për t'u larguar nga Lioni, pavarësisht se ka fituar katër tituj kampion radhazi në Francë me këtë skuadër. 25-vjeçari që ka shënuar 15 gola me kombëtaren franceze, tha: "Mbetem ende i mendimit për të luajtur jashtë Francës. Kam filluar bisedimet me disa skuadra, por në rast se nuk do të arrij ndonjë marrëveshje deri më 11 korrik do të luaj për Lionin edhe sezonin e ardhshëm