Gazeta Elektronike: "Futbolli Ndërkombtar" (Nr.3)

[viganv]

Serie A

Atalanta, marrëveshje 2-vjeçare me Ventolën


Nikola Ventola kthehet në Itali dhe do ta rinisë nga Seria B; ai është blerë nga Atalanta. Sulmuesi, pas një sezoni të pafat te Kristal Palasi, ka nënshkruar një kontratë dyvjeçare me skuadrën zikaltër. Ventola, 27-vjeç, do të prezantohet të martën, më 5 korrik, në orën 12, pranë qendrës sportive të Zingonias.

[viganv]

Serie A




"Zonja", tjetër propozim për Pizarron


Juventusi do të kishte bërë një sondazh me Udinezen për David Pizarron; piemontezët do t'u kishin propozuar friulianëve Igor Tudorin ose Enco Mareskën plus paratë për mesfushorin kilian.
Për momentin Udinezja do të kishte kërkuar pak kohë për ta vlerësuar situatën, edhe në pritje për t'u njohur më mirë me të ardhmen e merkatos së Romës, pasi edhe verdhekuqtë, ashtu sikurse edhe Interi, janë shumë të interesuar për organizatorin amerikanojugor.

[viganv]

Serie A

Karaçiolo: Mund të luaj bashkë me Tonin


Dje ka qenë dita e prezantiamit të Andrea Karaçiolos me fanelën e Palermos. Pyetja lidhur me bashkëjetesën e tij me Tonin ka qenë e pashmangshme. "Mund të bashkëjetoj me Tonin. ka shpjeguar sulmuesi 24 vjeçar, Jemi të ngjashëm fizikisht, por kemi mënyra të ndryshme për të luajtur në fushë. Gjithsesi, do të jetë trajneri ai që do të vendosë."

[viganv]

Primera Division

Figo-Luksemburgo, takimi vendimtar


Luis Figo dhe Vanderlei Luksemburgo do të kenë një takim kokë më kokë javën e ardhshme, dhe vetëm më pas portugezi i Realit do të vendosë të ardhmen e tij. Figo, të cilit kontrata i skadon në qershor 2006, mund të lihet i lirë nga "merengesit" e të largohet në rast se Luksemburgo nuk do ta dëshirojë më në skuadër. Menaxheri i futbollistit tha për shtypin spanjoll se vetëm pasi të mësojë dëshirën e trajnerit të Realit, Figo do të fillojë të projektojë vitet e fundit të karrierës së tij futbollsitike.

[viganv]

Primera Division


Betis, Hoakin vlen 40 milionë euro


Drejtuesit e Betisit, skuadrës që u rendit në vendin e katërt në kampionatin e kaluar spanjoll, dhe më saktësisht presidenti i kësaj skuadre, Lopera, ka deklaruar në lidhje me të ardhmen e mesfushorit të talentuar Hoakin: "Nuk kemi pasur asnjë ofertë për Hoakinin, por në rast se dikush do të na kërkojë shërbimet e tij, duhet të paguajë 40 milionë euro që të arrihet marrëveshja. Vitin e ardhshëm luajmë në Champions, dhe nuk na detyron ndokush ta shesim futbollistin tonë kryesor."

[viganv]

Primera Division

Diogo: Reali, një ëndërr për mua


Mbrojtësi 21-vjeçar, i cili të premten firmosi për pesë vjet me Realin e Madridit, u shpreh mjaft i lumtur për arritjen e marrëveshjes: "U realizua një ëndrër. Jam 21-vjeç dhe luaj në skuadrën më të fortë në botë. Nuk jam i trembur dhe po pres me padurim sfidën madrilene. Eshtë normale që do të ndiej emocione kur të stërvitem me Ronaldon, Zidanin, Bekhamin apo Raulin, por jam gati ta shfrytëzoj këtë rast që të jepet rrallë në karrierë."

[viganv]

Primera Division

Malaga kërkon Portijon nga Reali


Skuadra spanjolle e Malagës ka piketuar dy futbollistët e rinj të Realit, Havier Portijo dhe Roberto Soldado. Malaga ka kërkuar huazimin e këtyre dy futbollistëve, por është gati t'i japë Realit katër milionë euro për të blerë gjysmën e pronësisë së dy futbollistëve të lartpërmendur.

[viganv]

Primera Division

Maksi Rodrigez firmos për Atletikon


Sulmuesi argjentinas, Maksi Rodrigez, ka firmosur për Atletikon e Madridit. Lajmin e ka bërë të ditur faqja zyrtare në internet e skuadrës madrilene, ku shkruhej se 24-vjeçari i kishte kaluar me sukses vizitat mjekësore, dhe të hënën do të prezantohet si blerja e dytë e kryeqytetasve, pas Mateja Kezhman. Rodrigez sezonin e kaluar luajti me Espanjolin, dhe shënoi 15 gola në Primera Divizion.

[viganv]

Primera Division



Getafe shënon dy blerjet e para


Getafe ka marrë dy përforcimet e para për sezonin e ardhshëm. David Silva dhe Haime Gavilan nga Tenerife janë dy emrat e rinj në skuadrën që është përgjysmuar pas largimeve të shumta në ditët e para të merkatos. Redondo, Luis Garsia, Paredes, Gonzales, Aguilar, Katalaiud i kanë dhënë lamturmirën skuadrës që pritet të luajë për të dytin vit me radhë Primera Divizion.

[viganv]

Primera Division

Santos gjobit Robinjon, Burtagenjo e thërret te Reali


Sulmuesi brazilian Robinjo është gjobitur nga drejtuesit e Santosit, pasi ka munguar pa arsye në stërvitjen e skuadrës që ishte programuar të premten pasdite. 20-vjeçari nuk është parqitur në klub, pasi mbaroi se sukses aventurën në Kupën e Konfederatave. Trajneri i Santosit, Galo, tha: "Komunikova në telefon me Robinjon në mëngjes dhe më siguroi se do të vinte në stërvitje, por nuk ndodhi kështu. Personalisht e pres edhe në stërvitjen e sotme. Në rast se nuk paraqitet sërisht, atëherë do t'u kërkoj drejtuesve të marrin masa serioze ndaj tij." Robinjo duket se nuk ka ndërmend të qëndrojë më gjatë në Brazil, dhe po pret që të mbyllet marrëveshja për kalimin e tij te Reali. Dje zv.presidenti i "merengesve", Emilio Burtragjeno, i pyetur për këtë çështje tha: "Një futbollist si Robinjo do ta bënte edhe më spektakolare skuadrën tonë. Eshtë vetëm 20-vjeç, dhe për këtë po këmbëngulim kaq gjatë për ta marrë te Reali. Shpresoj që dëshira e tij për të luajur në Spanjë të realizohet sa më shpejt."