Gazeta Elektronike: "Futbolli Ndërkombtar" (Nr.3)

[viganv]

Futboll Miks

Figueroa: S'mund të bënim asgjë


Pas humbjes ndaj Brazilit, sulmuesi argjentinas, Luçiano Figueroa, tha: "Nuk mund të bënim asgjë. Luajtën më mirë se ne dhe për këtë fituam. Ndeshja do të kishte shkuar ndryshe në rast se nuk do të kishim pësuar aq shpejt golat e Brazilit, por ata kanë meritë pikërisht për këtë. Ditën të gjenin momentin e duhur për të na goditur. Gjithsesi, jam i mendimin se për Argjentinën kjo Kupë Konfederatash është shumë e vlefshme dhe shërbeu si test para botërorit.

[viganv]

Futboll Miks

Lavolpe: Në botëror, pretendentë





Trajneri i Meksikës, Lavolpe, u shpreh pas ndeshjes për vendet 3 dhe 4, që skuadra e tij humbi 4-3 ndaj Gjermanisë. Ai tha: "Deshëm t'i tregonim Gjermanisë se jemi edhe ne pretendentë për në kampionatin e ardhshëm botëror. Ky ishte objektivi ynë dhe mendoj se ia dolëm mbanë. U renditëm të katërt, por me pak fat mund të kishim qenë edhe më lart. Dalim me kokën lart nga kjo Kupë Konfederatash."

[viganv]

Premier Liga


Henri: Jam i lumtur tek Arsenali


Sulmuesi francez Tieri Henri insistoi se nuk kishte ndërmend të largohej nga Arsenali, për të kaluar tek ekipi i Barcelonës. 27-vjeçari i kombëtares së Francës pëlqehet shumë nga trajneri Frenk Rajkard dhe nga presidenti i ekipit kampion të Spanjës, Huan Laporta. Megjithatë, Henri u shpreh: "Nuk kam ndërmend të largohem. Këtu jam shumë i lumtur dhe dëshiroj të qëndroj edhe për disa vite".

[viganv]

Premier Liga

Baptista, entuziast për interesimin e Arsenalit


Sulmuesi i ekipit të Sevilias, Hulio Baptista, u shpreh i kënaqur për faktin që Arsenali kishte shprehur interes ndaj tij. Zv.presidenti i Arsenalit, Devid Dein, ka hyrë në bisedime me ekipin e Sevilias, për të vendosur për të ardhmen e sulmuesit brazilian. "Jam shumë i lumtur që Arsenali ka shprehur interes ndaj meje, pasi po flasim për një nga klubet më të mëdha të Europës", - deklaroi Baptista.

[viganv]

Premier Liga

Arsenal, gati oferta e re për Rejesin

Arsenali kërkon "të blindojë" sulmuesin spanjoll Antonio Rejesin, duke i ofruar një kontratë të re, që do ta mbante 23-vjeçarin në ekip deri në vitin 2010. Lojtari i kombëtares së Spanjës ka qenë në qendër të vëmendjes, për shkak të zërave për një kalim të mundshëm drejt ekipit të Realit të Madridit. Menaxheri i lojtarit, Jezus Rodrigez de Moja, konfirmoi dëshirën e Rejesit për të qendruar tek Arsenali: "I takon atij të vendosë; megjithatë ai ndihet i lumtur në Londër".

[viganv]

Premier Liga


Everton kërkon sulmuesin Guerrero


Ekipi anglez i Evertonit i ka ofruar një kontratë 4-vjeçare sulmuesit të ekipit të Rejsing Santanderit, Havi Guerreros. Në dy sezonet e fundit Gurrero ka qenë lojtari kryesor i ekipit të Rejsingut, pasi ka arritur të shënojë 37 gola në 63 ndeshjes. Drejtuesit e ekipit të Evertonit i kanë lënë kohë deri të martën sulmuesit Guerrero për të vendosur mbi të ardhmen e tij.

[viganv]

Premier Liga


Totenhem, 12 milionë euro për Douning


Mesfushori i ekipit të Midëllsboros ka qenë zbulimi i sezonit të kaluar në Premier Ligë. 20-vjeçari pëlqehet shumë nga presidenti i ekipit të Totenhemit, Daniel Levi, i cili është i gatshëm të ofrojë 12 milionë euro për të pasur shërbimet e tij. Totenhemi ka arritur ta ngrejë buxhetin financiar, pas shitjes së Arnesen drejt Çelsit.

[viganv]

Premier Liga

Glazer: Ferguson? Jemi me fat që e kemi!


Presidenti i ri i klubit të Mançester Junajtidit, Xhoel Glazer, gjatë një interviste të dhënë për telezionin "MUTV" komentoi zhvillimet e fundit në klubin e "djajve të kuq", pas emërimit të tij në postin e presidentit. Ja dhe intervita e tij e plotë:
- Sa i pasionuar jeni pas futbollit, dhe si u bëtë një tifoz i Mançesterit?
- Në Nju-Jork kam qenë një tifoz i rregullt i ekipit të Roçesterit, i cili luante në ligën e parë në kampionatin amerikan. Jam bërë një tifoz i Junajtidit, për shkak të historisë së klubit, traditave dhe sukseseve që ka arritur. Në vitet e kaluara kam vizituar shpeshherë "Old Traford"-in.
- Do të jeni i pranishëm në stadium gjatë ndeshjeve të Mançesterit?
- Sigurisht që do të jemi të pranishëm në "Old Traford", për të ndjekur ndeshjet e Mançesterit. Për mua kjo është shumë e rëndësishme.
- Çfarë planesh keni për Mançester Junajtidin?
- Prioriteti kryesor është ta përfundojmë këtë sezon më mirë se ai i kaluari. Qëllimi ynë është ta risjellim Mançesterin në nivelet më të larta të futbollit europian.
- Sa i rëndësishëm është trajneri?
- Ekipi i Mançester Junajtidit është me fat që ka një trajner si Aleks Fergusoni. Nuk mund të përshkruhet me fjalë suksesi i tij në "Old Traford". Ai ka dhënë shumë për këtë klub. Kemi shumë respekt për të dhe shpresojmë të punojmë për shumë vite bashkë. Atij do t'i jepen të gjitha burimet e nevojshme për ta drejtuar ekipin drejt suksesit.
- Çfarë do të ndryshoni te klubi i Mançesterit?
- Nuk kemi ndërmend ta ndryshojmë politikën e klubit, pasi personalisht mendoj se ky klub është një thesar për komunitetin anglez, dhe për të gjithë futbollin botëror.
- Keni ndërmend ta shisni stadiumin "Old Traford"?
- Kjo është qesharake, pasi "Old Traford" është pjesë e këtij klubi. Nuk kemi ndërmend të shesim një pjesë të historisë së Mançester Junajtidit.
- Do të rriten çmimet e biletave në stadium?
- Çmimet do të mbeten konstane me ato të stadiumeve të tjera të Premier Ligës. Tifozët janë të rëndësishëm për klubin, dhe nuk do të ishte një lëvizje e zgjuar nga ana jonë nëse do të nxisnim zemërimin e tyre.
- Çfarë mesazhi keni për tifozët e Mançesterit?
- Askujt nuk i pëlqejnë ndryshimet dhe pasiguritë. I kuptoj shqetësimet e tifozëve, por dua t'i siguroj ata se asgjë nuk do të ndryshojë. Kemi një respekt të jashtëzakonshëm për historinë dhe traditën e Mançester Junajtidit.

[viganv]

Premier Liga

Ferguson, gati oferta për Esienin

Pas aprovimit të Xhoel Glazerit, ekipi i Mançester Junajtidit është vënë në ndjekje të mesfushorit Mikael Esien. Aleks Ferguson është i gatshëm t'i ofrojë Lionit 25 milionë euro për shërbimet e lojtarit 22-vjeçar. Mesfushori ganez pëlqehet edhe nga ekipi i Realit të Madridit, por oferta e Mançesterit ka hedhur poshtë çdo lloj konkurrence, edhe pse presidenti i ekipit të Lionit, Zhan Aulas, ka kërkuar 35 milionë euro për kartonin e Esienit.

[viganv]

Premier Liga

Gonzales edhe më pranë Liverpulit



Mesfushori i ekipit të Albacetes, Mark Gonzales, pohoi se ndihej entuziast për kalimin e tij të mundshëm drejt ekipit të Liverpulit. Drejtuesit e klubit anglez kanë hyrë në bisedime me ekipin e Albacetes, për ta sjellë Gonzalesin në "Anfield Road" në formë huaje për një vit. Nuk është arritur ende asnjë marrëveshje, por 20-vjeçari i kombëtares së Kilit, i cili aktualisht po vuan një dëmtim në gju, shpreson të festojë kalimin e tij tek ekipi kampion i Europës. "E dija që Liverpuli ishte interesuar për mua, por pas dëmtimit mendova se gjërat do të ndryshonin. Të kalosh tek ekipi kampion i Europës, nga një ekip i kategorisë së dytë spanjolle, është si të fitosh llotarinë. Dëmtimi më ka kushtëzuar shumë në këto muaj, por jam i sigurtë se do të arrij të rikuperohem në kohë për fillimin e sezonit të ardhshëm. Negocitat me Liverpulin janë drejt fundit dhe jam i vetëdijshëm që nëse shkoj atje vetëm për një vit, duhet të jap maksimumin. Shpresoj të qëndroj për një kohë të gjatë në Anfield Road", - deklaroi Gonzales.