Gazeta Elektronike: "Futbolli Ndërkombtar" (Nr.3)

[viganv]

Futboll Miks


Adams, trajner në Francë!?



Ish-kapiteni i ekipit të Arsenalit, Toni Adams, u shpreh se do të kishte dëshirë të drejtonte një ekip francez në sezonin e ardhshëm. 38-vjeçari u tërhoq nga futbolli në vitin 2002, pasi zhvilloi 669 ndeshje me fanellën e ekipit të Arsenalit. Që nga largimi i tij, Adamsi ka drejtuar ekipin e kategorisë së tretë, Uaikombin. Tashmë, ish-mbrojtësi i kombëtares së Anglisë po konsideron mundësinë për të drejtuar një ekip të kampionatit francez. "Do të doja të punoja në një ekip europian dhe me lojtarë cilësorë. Kam pasur disa kontakte në Francë dhe për mua nuk ka shumë rëndësi nëse drejtoj një ekip të Ligës 1 apo një ekip të kategorisë së dytë. Dëshira ime është të drejtoj lojtarë të rinj me ambicie. Në muajt e kaluar kam ndjekur shumë ndeshje dhe kam udhëtuar shumë. Kam kaluar shumë kohë pranë Fabio Kapelos dhe kam ndjekur ecurinë e Pol Lë Genit te Lioni. Tani mund të them me siguri se ndihem gati për një eksperiencë në Francë", - deklaroi Adamsi, i cili është drejtori i një klinike të themeluar nga ai vetë. Klinika e "Mundësive të Sportit" shërben për rehabilitimin e futbollistëve që kanë pasur probleme me alkoolin

[viganv]

Futboll Miks


Overat: Gjermanisë i duhen më shumë


Pasi refuzoi për më shumë se dhjetë vjet të merrte postin e presidentit të ekipit të Këlnit, Volfang Overath, ish-lojtari i këtij klubi ndërroi mendim në verën e kaluar dhe për 12 muaj arriti ta risillte ekipin e tij në Bundesligë. Presidenti 61-vjeçar i Këlnit është një figurë e famshme e futbollit gjerman. Në vitin 1974, ai u shpall kampion bote me ekipin e Gjermanisë dhe tashmë kërkon ta risjellë ekipin e Këlnit në nivelet më të larta të futbollit europian. Ja dhe intervista e tij për sitin zyrtar të UEFA-s:
- Si e vlerësoni vitin tuaj të parë si president i ekipit të Këlnit?
- Arritëm të realizonim të gjitha objektivat tona. Kemi arritur të rikthehemi në Bundesligë, por nuk kemi luajtur një futboll të bukur. Në këtë pikëvështrim duhet të përmirësohemi shumë. Këlni është përfshirë nga një eufori e madhe për këtë arritje, por kjo mund të ketë edhe pasoja negative. Po përpiqemi t'i përmbahemi një plani që mund të realizohet pas tre ose katër vjetësh. Hapi i parë ishte rikthimi në Bundesligë. Këtë vit duhet të mundohemi të mos biem përsëri në Bundesligën 2. Më pas do të synojmë të renditemi ndër ekipet më të mira të Gjermanisë. Kjo është ajo që kam në mendje. Nëse do t'i përmbahemi këtij programi, do të arrijmë ta përfundojmë misionin tonë.
- Sulmuesi i Këlnit, Lukas Podolski, bëri një paraqitje të mirë në Kupën e Konfederatave. Çfarë mendimi keni për të?
- Në klubin tonë, të gjithë e dinim që Lukasi është një lojtar i shkëlqyer dhe me shumë premisa për të ardhmnen. Ka një personalitet të fortë dhe shumë aftësi në fushë. Te Këlni, ai është kthyer në benjaminin e tifozëve. Shpresoj vërtet të vazhdojë në këtë rrugë. Ai është një lojtar shumë i ri dhe jemi të kënaqur që luan në ekipin tonë.
- Cilat janë vlerat aktuale të kombëtares së Gjermanisë?
- Në Kupën e Konfederatave ishim ndër tri ekipet më të mira të këtij kompeticioni. Shpresoj të kemi të njëjtin sukses edhe në botërorin e vitit të ardhshëm, pasi lojtarët e rinj do të kenë fituar më shumë eksperiencë. Do të luajmë përballë publikut tonë dhe kemi mundësi të shpallemi sërish kampionë të botës. Nuk mund të them që jemi favoritë, pasi duhet të bëjmë llogaritë për Brazilin, Argjentinën, Anglinë, Holandën dhe Francën. Megjithatë, jam i sigurtë se kombëtarja jonë do të ketë një rol protagonisti në botërorin e vitit të ardhshëm.
- Ju keni qenë sulmues i Gjermanisë që fitoi botërorin në vitin 1974. Çfarë ka ndryshuar nga ajo kohë?
- Shumë gjëra. Kanë ndryshuar mediat dhe futbolli nuk është më i njëjtë. Në 1974-n nuk kishim vetëm një Balak. Kishte shumë lojtarë të tillë me personalitet të fortë. Podolski i ka të gjitha mundësitë për t'u bërë një prej tyre. Nga ana e teknologjisë, futbolli është zhvilluar shumë. Ajo që po ndodh sot, është e pabesueshme. Kupa e Botës 2006 do të jetë një eveniment i paharrueshëm. Nuk lodhem duke përsëritur se gjermanët duhet të falënderojnë Franc Bekenbauerin, i cili bëri të mundur që ky kompeticion të zhvillohet në Gjermani. Për mendimin tim, ky do të jetë evenimenti më i madh sportiv që do të shihet në të gjithë globin. Shpresoj që Gjermania të arrijë të përsërisë suksesin e vitit 1974.

[viganv]

Futboll Miks

Komiteti, më 7 korrik për sezonin e ri



Mbledhja e shumëpritur e komitetit ekzekutiv të FSHF?së do të zhvillohet më 7 korrik. Vendimi është marrë dje nga sekretariati i federatës. Këtë lajm e ka bërë të ditur dje zëdhënësi i shtypit të federatës. Kështu, sipas tij, mbledhja e shumëpritur që ishte lënë pas zgjedhjeve është caktuar të zhvillohet më 7 korrik. "Tashmë është vendosur data se kur do të mblidhet komiteti ekzekutiv. Ashtu siç e kemi deklaruar edhe më parë, takimi i KE?së ishte lënë pas zgjedhjeve për shumë arsye, një nga të cilat edhe marrja pjesë e turneut të Amerikës," ? është shprehur dje zëdhënësi i shtypit në FSHF.
Por cilat do të jenë temat që komiteti ekzkutiv do të diskutojë në mbledhjen e 7 korrikut. Sipas informacioneve në federatë, tema kryesore do të jetë struktura e kampionatit të ardhshëm. Komiteti ekzekutiv pritet ta diskutojë gjatë kërkesën e 7 klubeve shqiptare që kanë nënshkruar një peticion ku kërkojnë që për sezonin 2005?2006 struktura e kategorisë superiore të ndryshojë, duke shtuar numrin e skuadrave në elitën e futbollit shqiptar. Kështu, shumiva e skuadrave kërkojnë që kampionati i ardhshëm të bëhet me 14 ekipe. Ndërkohë, sektori i garave ka pohuar se ndryshimet do të bëhen vetëm pas këtij sezoni. Po kështu, komiteti ekzekutiv pritet që të diskutojë edhe për projektin e kampionatit të ardhshëm, i cili është bërë nga sektori i garave. Komiteti pritet të miratojë datat e sezonit të ri. Shumë ndryshime në rregullore pritet të takojnë në sitën e ekzekutivasve. Një pikë e nxehtë, veç strukturës, pritet të jetë edhe ajo e limitimit të lojtarëve të huaj në kampionatin shqiptar. Shumë klube kanë kërkuar nga federata që këtë sezon institucioni i futbollit të ndërhyjë për limitimin e lojtarëve të huaj. Po kështu, sektori i garave ka propozuar shumë ndryshime në rregulloret e aktivitetit. Madje duke hartuar edhe një kod etike për të gjithë zytarët e klubeve dhe FSHF?së. Po kështu pritet që, ndryshe nga sezonet e mëparshme, këtë herë të ketë 3 periudha federimi. Njëra të jetë në gusht, tjetra në tetor dhe e treta në janar. Ndryshime pritet të ketë edhe te rregulloret e gjyqtarëve, por edhe në strukturën e hedhjes së shortit të bluzave të zeza. Pra, komiteti ekzekutiv, në mbledhjen e radhës pritet të diskutojë gjatë për shumë tema që shqetësojnë futbollin tonë. Vetëm më 7 korrik të gjitha çështjet do të marrin një përgjigje përfundimtare. Deri atëherë futbolli do të vazhdojë të jetë i bllokuar nga politika.

[viganv]

Futboll Miks

Rregulla për dopingun, po analizat...?



Prej tre muajsh, në Shqipërin ekziston edhe ligji për sportin. Kuvendi i mëparshëm, pas shumë debatesh, aprovoi edhe ligjin e ri të sporteve. Në këtë ligj sanksionohen shumë gjëra që federatat e sporteve të ndryshme duhet t'i adoptojnë në rregulloret e tyre. Menjëherë pas miratimit të ligjit, edhe Federata Shqiptare e Futbollit dhe sektori i garave kanë përcaktuar disa nene të ligjit të sportit, që duhet të shtihen në rregulloret e aktivitetit me miratimin e komitetit ekzekutiv. Një nga pikat e ligjit të sportit që pritet të implementohet në rregulloret e FSHF?së, është edhe dopingu. Kështu ligji i ri i sportit ka një kapitull të caktuar për kontrollin mjekësor dhe antidopingun. Për këtë të fundit, ligji i sportit sanksionon se substancat e paligjshme janë të ndaluara të përdoren nga sportistët shqiptarë. Madje në ligj thuhet se kush përdor doping dënohet sipas rregullave në fuqi. Këtë nen të ligjit të sportit, që ka të bëjë edhe me dopingun, pritet ta fusë në rregulloret e saj FSHF?ja. Por duket se do të jetë i pavlerë. Pse themi kështu? Prej kohësh është lakmuar përdorimi i substancave të ndaluara në futboll. Por FSHF?ja hesht dhe merret vetëm me anën ligjore të çështjes, duke shtuar nene të shumta në rregullore për punën e dopingut. Ndërkohë, në Shqipëri, asnjëherë këto ligje nuk do të përdoren si nga FSHF?ja edhe në federata dhe sporte të tjera. Ne sanksionojmë me ligj që kush pi stimulantë, dënohet. Po a mund të bëjmë dot analiza ne në Shqipëri për të vërtetuar këtë fakt dhe për të marrë masat e nevojshme? Nuk diskutohet që s'është e mundur që të zhvillojmë kontrolle antidopingu. Pra, është e kotë të bëjmë gjëra të tilla, duke parashikuar sanksione, kur dihet që nuk mund të bëjmë dot asgjë për kontrollimin e tyre. Përse FSHF?ja të mos marrë përsipër bërjen e disa kontrolleve antidopingu në kampionatin shqiptar të futbollit? Kështu, edhe këto ligje dhe sanksione do të ishin edhe të moralshme. Të gjithë janë dakord që një shoqatë sportive të bëjë ligje të mira, por jo për të thënë se jemi të kompletuar në legjislacion dhe të marrin rregulloret dhe t'i fusim në sirtar. A nuk do të ishte më mirë nëse këto rregulla të kenë edhe efekt dhe të jenë të dobishme për komunitetin sportiv?

[viganv]

Futboll Miks

Klinsman: Arritëm qëllimin tonë


Trajneri gjerman, Jurgen Klinsman, i kënaqur nga vendi i tretë i Kupës së Konfederatave, u shpreh optimist në prag të Botërorit të 2006-s. Gjermania arriti të fitonte me dhjetë lojtarë ndaj ekipit të Meksikës, në ndeshjen për vendin e tretë dhe të katërt. "Iu afruam më tepër nivelit të ekipeve si Argjentina dhe Brazili. Treguam se mund të luajmë sërish në nivelet më të larta të futbollit", - deklaroi Klinsmani. Në renditjen botërore të FIFA-s, Gjermania ndodhet në vend të 21-të, megjithatë ekipi i drejtuar nga Jurgen Klinsman arriti të luante denjësisht ndaj Brazilit, i cili ndodhet në vend të parë, dhe ndaj Argjentinës, e cila ndodhet në vend të tretë të renditjes së FIFA-s. Vendi i tretë në Kupën e Konfederatave u ka dhënë shpresë tifozëve gjermanë për një sukses të mundshëm në botëror, pas eliminimit të shpejtë në europianin e Portugalisë. "Gjatë këtij kompeticioni kemi treguar një shpirt të madh skuadre. Tashmë kemi të gjithë të njëjtin qëllim. Jam i kënaqur për progresin e bërë, megjithatë duhet të përmirësohemi akoma, për të qenë pretendentë për në botëror", - u shpreh Klinsmani. Kupa e Konfederatave ishte mundësia e vetme e Gjermanisë, për të matur forcat e saj me ekipe si Brazili dhe Argjentina. Ata arritën të fitonin kryesimin e grupit, pasi shënuan 15 gola në pesë ndeshje. Megjithatë, mbrojtja gjermane pësoi 11 gola, disa prej tyre si pasojë e gabimeve të mbrojtësve gjermanë. "Edhe pse disa herë gabojmë, rikuperojmë gjithçka në ndeshjen e ardhshme. Kemi akoma shumë punë për të bërë dhe ndihemi të gjithë të motivuar. Duam të zhvillohemi si ekip dhe jam i bindur se do t'ia arrijmë qëllimit", - përfundoi 40-vjeçari Klinsman. Që nga ardhja e trajnerit Klinsman në stolin gjerman, stili i lojës së Gjermanisë ka ndryshuar ndjeshëm, duke u bërë më ofensiv. Publiku dhe tifozët kanë mundur të argëtohen, duke parë një sulm produktiv në Kupën e Konfederatave. Kapiteni i ekipit të Gjermanisë, Mikael Balak, i cili shënoi golin e tij të katërt në këtë kompeticion, pas një goditjeje dënimi në ndeshjen ndaj Meksikës, tha: "Eshtë shumë argëtuese të luash për këtë ekip. Arrijmë të shënojmë shumë dhe merremi vesh të gjithë me njëri-tjetrin."

[viganv]

Futboll Miks

Lavolpe: Meksika e bëri detyrën


Trajneri i Meksikës, Rikardo Lavolpe, ka dalë për herë të fundit përpara gazetarëve në Gjermani, pas humbjes së skuadrës së tij 4-3 ndaj Gjermanisë në finalen e vogël. Midis të tjerave, ai tha se vitin e ardhshëm Meksika do të rikthehej në Gjermani me pretendime: "Skuadra u paraqit shumë mirë gjatë këtij turneu. Mësuam se si mund të kontrollohej ndeshja, kur përballë ke kundërshtarë të klasit të lartë. U mundëm me 11-metërsha ndaj Argjentinës dhe fituam ndaj Brazilit, ndërsa ndaj Gjermanisë u desh koha shtesë, pasi kishim shënuar tre gola. Këto të dhëna tregojnë se vitin e ardhshëm do të pretendojmë. Kam besim te skuadra dhe mënnyra e lojës që po aplikojmë. Largohemi nga Kupa e Konfederatave me vendin e katërt, mund të kishim qenë edhe më lart, por gjithsesi skuadra e bëri deri në fund detyrën e saj."

[viganv]

Futboll Miks

Balak: Brazili e meritoi, por...


Mesfushori i Gjermanisë, Mikael Balak, tha në fundin e Kupës së Konfederatave: "Brazili e meritoi suksesin në këtë veprimtari. Luajtën një futboll të bukur dhe gabuan vetëm ndaj Meksikës. Treguan forcën e tyre, por mendoj se edhe Gjermania u përfaqësua denjësisht dhe tregoi se me mbështetjen e këtij publiku mund t'ia dalë mbanë vitin e ardhshëm."

Kahn: Jam optimist për botërorin


Në ndeshjen ndaj Meksikës, të vlefshme për vendet 3 dhe 4 të Kupës së Konfederatave, Oliver Kahn u rikthye titullar në kombëtaren gjermane. Pas takimit, numri 1 i Bajernit tha: "Ndihem optimist për në botëror. Skuadra tregoi se me disa rregullime të vogla në mbrojtje, mund të luajë si e barabartë ndaj kujtdo kundërshtari. Eshtë e vërtetë që pësova gjashtë gola në dy ndeshje, por me mua titullar, Gjermania i fitoi të dyja takimet.

[viganv]

Futboll Miks

Shtypi brazilian: Drejt botërorit numër 6...


Shtypi brazilian ka bërë një autokritikë të mirëfilltë. Vëmendjen e pakët që i kishte kushtuar Kupës së Konfederatave, e zëvendësoi me elozhe të rralla për Brazilin, pas fitores së "Selesaos" në finale ndaj rivales historike, Argjentinës. Në këtë mënyrë, gazetarët brazilianë u hakmorën ndaj jehonës së gjatë që i bënë kolegët e tyre argjentinas fitores së skuadrës së Pekermanit, një muaj më parë, për eliminatoret e Kupës së Botës. Gazetat sportive në Brazil e krahasonin lojën e "Selesaos" me një vallëzim të mirëfilltë, duke përdoruar terma të ngjashëm me ato të gazetave argjentinase, pas fitores së "çelestëve" 3-1 ndaj Brazilit, më 8 qershor. Edhe përpara ndeshjes, shtypi argjentinas e kishte përkrahur me tituj gjigantë një fitore të mundshme të Argjentinës. "Kishin shkuar për Samba", ishte titulli i së përditshmes "O Globo", e shoqëruar me një fotografi të sulmuesit argjentinas, Luciano Figueroa, i shtrirë në fushë duke qarë pas humbjes. "Ishte një vallëzim", titullohej faqja e parë e gazetës sportive "Lance". "The Jornal dos Sports" kishte si titull kryesor: "Drejt së gjashtës!", duke iu referuar pretendimeve të Brazilit për të fituar botërorin e vitit të ardhshëm në Gjermani. Ndërsa "Esportivo" hapej me: "Mos qaj për mua Argjentina..." Shprehje e marrë nga monologu i heroinës kombëtare të Argjentinës, Evita Perron (Don't cry for me... Argentina). Në komentin e saj, gazeta "Lance" vazhdonte: "Eshtë e pabesueshme që disa futbollistë argjentinas janë ende duke gjetur topin." Një reaksion i rrallë nga shtypi brazilian dhe të mendosh se përpara finales ishte totalisht e kundërta. Brazili u kritikua ashpër për mosimpenjim në humbjen ndaj Meksikës dhe në barazimin me Japoninë. Gabimet e Rroke Zhuniorit dhe çështja "Ronaldo" po e persekutonin skuadrën e Parreiras. Mbrojtësi i Levekursenit në fillim u kritikua ashpër dhe pas finales, "O Globo" e vlerësoi me notën tetë, duke thënë: "U tregua i aftë. Mbroi mirë dhe nuk shkaktoi faulle. Të ishte gjithmonë kështu..." Nga ana tjetër, shtypi argjentinas nuk mund të bënte gjë tjetër, përveç se të përgëzonte futbollistët kundërshtarë. E përditshmja "Klarin" shkuante: "Adriano është një "kafshë e zonës së rreptësisë", që dëshiron të luajë gjithmonë ndaj Argjentinës, sepse e ka gjetur mënyrën për të na e bërë jetën të vështirë." Kjo i referohet tri viteve më parë, kur Adriano i dha Brazilit Kupën e Amerikës, pikërisht në finalen e fituar ndaj Argjentinës. Ndërsa gazeta "Ole", përveç kronikës së ndeshjes, kishte botuar edhe një koment në të cilën mbrohej skuadra e Pekermanit: "Brazili fitoi me meritë, por Argjentina mund ta mundë "Selesaon" sa herë që këto dy skuadra të ndeshen."

[viganv]

Futboll Miks

Gjermani 2005, rekord golash


Ky edicion i Kupës së Konfederatave ka dhuruar një futboll spektakolar dhe ka shënuar një numër rekord, përsa u përket golave të shënuar në 16 takimet e luajtura. Kur Aimari shënoi golin e vetëm për Argjentinën, në humbjen 4-1 ndaj Brazilit, ky ishte goli i 56-të i këtij kompeticioni, duke kaluar kuotën e 55 golave të shënuara në Meksikë në vitin 1999. Ronaldinjo shënoi golin e tij të nëntë në historinë e Kupës së Konfederatave, duke barazuar Kuatemok Blankon e Meksikës. Tashmë Brazili e ka rritur distancën e pikëve të arritura në historinë e Kupës së Konfederatave. Kampionët e botës ndodhen në kuotën e 44 pikëve, 21 më shumë se Meksika e vendit të dytë.

[viganv]

Futboll Miks

Pekerman: Jemi në udhë të mbarë



Hoze Pekerman, trajneri i Argjentinës, një ditë pas humbjes në ndeshjen finale të Kupës së Konfederatave ndaj Brazilit, ka dalë përpara gazetarëve duke analizuar ecurinë e skuadrës së tij në këtë veprimtari. "Të vjen keq të pësosh humbje të tilla, sidomos në ndeshje finale, - tha Pekermani. - Përpara ndeshjes mendoja se ishte plotësisht e mundshme një fitore si ajo e ndeshjeve eliminatore, por ndodhi e kundërta." Trajneri argjentinas analizon më pas ndeshjen në hollësi: "Ata shënuan në 15 minutat e para me dy goditje nga jashtë zone. Kjo ishte shumë për ne, që duhej të mendonim edhe për lodhjen e mbartur nga takimi ndaj Meksikës. Gjithsesi, skuadra u përpoq të futej në lojë pas këtij starti. Pjesa e dytë filloi në të njëjtën mënyrë dhe nuk patëm më shanse." Pekermani flet edhe për Brazilin, si dhe nuk harron të parashikojë të ardhmen: "Ishte një ndeshje shumë e ngjashme me atë që luajtëm pak ditë më parë në Buenos Aires, por me fate të ndryshme për fituesin. Arritëm finalen dhe jemi të kënaqur. Urime Brazilit, fitues me meritë, por vitin e ardhshëm do të jetë një histori tjetër. Ata kanë një skuadër të fortë, por jam i bindur se Argjentina do të jetë më kompetitive dhe mund t'ia dalim mbanë. Skuadra është në udhë të mbarë."