Gazeta Elektronike: "Futbolli Ndërkombtar" (Nr.3)

[viganv]

Borgeti, akoma më pranë Boltonit

Trajneri i ekipit të Boltonit, Sem Alardais, u shpreh optimist për nënshkrimin e sulmuesit meksikan, Jared Borgeti. 31-vjeçari, i cili aktualisht luan për ekipin e Paçukës, mbërriti para disa ditësh në stadiumin "Reebok", për t'iu nënshtruar vizitave mjekësore. "Nuk kemi arritur akoma një marrëveshje, por e rëndësishme është që ai ka pranuar të luajë këtu", - deklaroi Alardaisi.

[viganv]

Kirgiakos refuzon ofertën e Rejnxhërsave

Mbrojtësi grek, Sotirios Kirgiakos, ka refuzuar ofertën e ekipit skocez të Glasgou Rejnxhërsit. 26-vjeçari, i cili luajti gjatë fazës së dytë në "Ibroks", nuk pranoi të firmoste një kontratë permanente me ekipin skocez. Presidenti i Rejnxhërsave, Devid Muarai, deklaroi: "Jemi të habitur për vendimin e tij, por tashmë kjo çështje është e mbyllur".

[viganv]

Terrorizmi prish turneun e Interit


Ngjarjet e rënda që kanë ndodhur kohët e fundit në Londër, të cilat u pasuan edhe nga ato të dy netëve më parë në Sharm El Sheikh, e kanë detyruar Interin ta anulojë turneun e parashikuar nga 25-31 korriku në Angli. Këtë e ka bërë të ditur klubi: "Futbolli bën një hap prapa përbri fakteve gjithnjë e më të rënda, që i prekin të gjithë, - shkruhej në buletinin zyrtar të klubit zikaltër. - Nuk duam t'ua vështirësojmë punën forcave të sigurisë, të cilat janë mjaft të angazhuara në këto momente." Kështu që futbolli ndalet përballë ngjarjeve të rënda, që kohët e fundit kanë tmerruar Londrën, madje edhe vendin turistik në Egjipt, Sharm El Sheikh. Një vendim ai i Interit, për të cilin ishte folur edhe të premten, por që pronari Masimo Morati e kishte përjashtuar (ashtu sikurse Mançini), duke bërë të ditur se Interi duhej të shkonte në Angli për "respekt ndaj popullit anglez". Por pa kaluar as 24 orë, klubi zikaltër bëri një hap prapa, i shtyrë ta marrë këtë vendim edhe pas atentateve të natës mes së premtes dhe së shtunës në Sharm El Sheikh. Interi e kishte bërë të ditur vendimin në faqen zyrtare të klubit në internet: "Futbolli, - shkruhej, ﷓ bën një hap prapa përballë fakteve gjithnjë e më të rënda që prekin ndjeshmërinë e të gjithëve. Për këtë arsye, pasi u verifikua situata, klubi vendosi ta anulojë turneun e skuadrës në Angli, për të mos ua vështirësuar edhe më tepër punën forcave të sigurisë, të cilat janë shumë të angazhuara në këtë moment. Interi, ﷓ përfundonte buletini, ﷓ do ta vazhdojë përgatitjen në Bruniko edhe javën e ardhshme, duke programuar një varg të ri ndeshjesh miqësore." Programi i turit anglez të zikaltërve parashikonte këto data: më 25 korrik Leistër﷓Inter, në Leistër; më 27 korrik në Londër, Kristal Palas﷓Inter; më 29 korrik në Noruiç, Noruiç﷓Inter; më 31 korrik në Portsmuth, Portsmuth﷓Inter. Por në kuadër të programit të ri të përgatitjeve verore, Interi bëri të ditur angazhimet e ardhshme miqësore të skuadrës së Roberto Mançinit, që do ta vazhdojë grumbullimin dhe stërvitjen në Bruniko, deri më 30 korrik. Miqësorja e parë e programit të ri është fiksuar ndaj Majorkës në Vaten, në Austri, pak kilometra larg Insbrukut: të hënën më 25 korrik, në orën 20.00. Angazhimi i dytë i javës së ardhshme do të jetë ndaj Crvena Zvezdës të Zengës në Bolzano: të mërkurën më 27 korrik, ora 20.30. Angazhimi i tretë do të jetë ndaj Trevizos në Bruniko: të premten më 29 korrik, ora 18.00.

[viganv]

Kryebashkiaku i Londrës: Vendimi, një marrëzi

Kryebashkiaku i Londrës, Ken Livingston, e ka komentuar me ashpërsi vendimin e Interit për ta anuluar turneun në Angli, duke pasur parasysh atë që ndodhi në Londër gjatë këtyre ditëve. "Është një gjë me të vërtetë e marrë, ﷓ tha ai. ﷓ Terroristët do të jenë duke festuar në këtë moment. Nuk mund t'u lejojmë sulmeve terroriste të na ndryshojnë mënyrën tonë të jetesës dhe programet tona." Më pas, ai përfundoi: "Nuk ka asnjë vend në botë që është 100% i sigurt."

[viganv]

Këmbim i mundshëm Stankoviç-Kamoranezi


Aksi i merkatos Torino﷓Milano është bërë i nxehtë. Në ditët e kaluara, Moxhi dhe Morati do të ishin takuar për të verifikuar se sa të realizueshme mund të jenë disa këmbime. Bardhezinjtë kanë ofruar Takinardin për Kristiano Zanetin, por zikaltrit do të donin Zambrotën. Me sa duket, në bisedime është përmendur edhe emri i Stankoviçit: për ta lënë të lirë të largohet, Morati do të kishte kërkuar Kamoranezin, por Moxhi këmbëngul për të përfshirë në çështje Mikolin. Kush mendon se Pizarro, Samuel dhe Vieira do të kishin qenë blerjet përfundimtare të Interit dhe Juventusit, gabohet rëndë. Në fakt, sipas zërave të merkatos, dy klubet do të ishin takuar për të folur për këmbimin e mundshëm Takinardi﷓Kristiano Zaneti, por më pas çështja do të kishte mbërritur deri te Stankoviçi, Zambrota dhe Kamoranezi. Pra një diskutim 180-gradësh, që mund t'i sjellë merkatos së fundit të korrikut të papritura të tjera, pas blerjeve të javëve të kaluara. Pika e nisjes, sikurse përmendëm, ka qenë propozimi që i ka bërë Luçiano Moxhi Moratit: këmbimi kokë më kokë Takinardi﷓Kristiano Zaneti. Një perspektivë që s'do ta kishte joshur së tepërmi pronarin zikaltër, i cili do të preferonte ta kapitalizonte më shumë largimin e mundshëm të mesfushorit. Ndaj, ai ka kërkuar Zambrotën. Përgjigjja e Juventusit ka qenë negative, Moxhi ka parashtruar sërish në tryezën e bisedimeve Mikolin, i cili nuk i tundon fantazitë interiste. Dhe në këtë pikë, me sa duket, kanë dalë në skenë dy emra të rinj: Kamoranezi dhe Stankoviç. Argjentinasi nuk është aspak i sigurt për qëndrimin te Juvja, aq më tepër nëse në vend të tij do të mbërrinte serbi. Por ç'mendon vallë Morati për këtë? Duket se ish-presidenti zikaltër po mendohet lidhur me mundësinë për të hequr dorë nga mesfushori, për të cilin bëri një sakrificë të madhe ekonomike në janar të 2004-s, por që rrallëherë ka dhënë rendimentin që pritej prej tij.

[viganv]

Branka: Samuel, situata ende pezull


Ndërkohë, përsa i takon fushatës së përforcimeve, përgjegjësi i sektorit të merkatos, Marko Branka, e ka shtyrë kohën e ardhjes së Valter Samuelit tek Interi. Zyrtari i Interit, i cili ishte i pranishëm në grumbullimin e Riskone di Brunikos, tha: "Ndoshta këto dy javë mund të mos bëhet asgjë. Ndodhemi në situatën klasike, kur ai që shet, përpiqet të përfitojë sa më shumë nga ai që blen, që të shpenzojë sa më pak. Dhe rezultati është gjithnjë, as blihet e as shitet." Ndërsa sipas disa thashethemesh, pritet që nesër të realizohet një takim i ri mes palëve, për të përfunduar kalimin e mbrojtësit argjentinas te zikaltrit. Marko Branka ka folur gjithashtu edhe për situatën e Fraçesko Kokos dhe të Edgar Davidsit: "Nuk janë krijuar ende kushtet për t'i zgjidhur kontratat me ta. Ata kanë nevojë të luajnë dhe të gjejnë një skuadër, ku të aktivizohen me vazhdimësi. Në Angli kanë shumë simpatizues". Flitet për Evertonin për mbrojtësin dhe për Uest Hemin për mesfushorin.

[viganv]

Leisteri: Duam dëmshpërblimin nga Interi

Skuadra e futbollit të Leisterit, ka pohuar që ka ndër mend të hapë një çështje ndaj Interit për dëmet e shkaktuara për anulimin e ndeshjes miqësore të parashikuar të hënën e 25 korrikut. Zikaltrit duhej të zhvillonin një tur në Angli javën e ardhshme, por kanë hequr dorë për shkak të sigurisë. Drejtori i përgjithshëm i Leisterit, Tim Deivis u shpreh, "jashtëzakonisht kundër" këtij vendimi dhe kërkon të hapë një çështje ndaj skuadrës milaneze: "Mund të kërkojmë, - shpjegoi Deivis, - rreth 250 mijë stërlina (360 mijë euro) për biletat e thuajse 30 mijë tifozëve. Pa dyshim do t'ua dorëzojmë paratë tifozëve tanë sa më parë dhe duam të dëmshpërblehemi"

[viganv]

Agjenti: Floro Florez jo tek Lacio

Floro Florez nuk do ta veshë fanellën e Lacios. Është Paolo Palermo, menaxheri i sulmuesit që ka përgënjeshtruar bisedimet e ditëve të fundit për sulmuesin e ri: "Kam marrë shumë oferta, - thotë menaxheri i Floro Florezit, - edhe nga jashtë. Për momentin presim të njohim të ardhmen e Peruxhias. Lacio? Nëse pretendon ta marrë duke afruar vetëm 250 mijë euro në vit, atëherë janë jashtë rruge".