Gazeta Elektronike: "Futbolli Ndërkombtar" (Nr.3)

[viganv]

Primera Division

Ouen, "i burgosur" te Reali

Majkëll Ouen duket se do të kalojë një sezon të vështirë te Reali. Pavarësisht nga mbyllja e shkëlqyer e sezonit të kaluar, sulmuesi anglez nuk ka marrë asnjë garanci nga Luksemburgo në lidhje me aktivizimin e tij te "merengesët". Nuk është asnjë klub në gjendje të paguajë 20 milionë euro për të dhe kësisoj Oueni përgatitet për një sezon "të burgosur" te madrilenët.

[viganv]

Primera Division

Guti: Largohem nëse do Reali...



Mesfushori i Realit, Guti, nuk e ka përcaktuar ende të ardhmen e tij, por gjithsesi pohon se në rast se nuk i vjen ndonjë ofertë e leverdisshme për të dhe Realin, do të jetë i gatshëm të luajë për tri vitet e ardhshme në "Bernabeu". Ja cila ka qenë intervista e mesfushorit që synon të fitojë një vend në kombëtaren spanjolle që synon pjesëmarrjen në botëror:
- Si është situata juaj aktuale?
- Kam edhe tre vjet kontratë me Realin, por nuk e di nëse do të qëndroj deri në fund. Jam gati të jap gjithçka për të fituar tituj të tjerë me këtë fanellë, por në rast se do të vijë ndonjë ofertë e leverdisshme për mua dhe Realin, do të pranoja të largohesha.
- Përse?
- Dua të luaj më shumë dhe të kem mundësi të bind Aragonesin për të më grumbulluar në skuadrën spanjolle, që do të luajë në finalet e Kupës së Botës. Unë do të largohem vetëm në rast se Reali e sheh të arsyeshme diçka të tillë. Po nuk ndodhi kështu, kërkoj garanci.
- Për botërorin mund të lini Realin. A keni pasur kontakte me klube të tjera?
- Jo, kontakte nuk kam pasur dhe kam filluar me impenjim maksimal përgatitjet për sezonin e ri me Realin. Jam një futbollist profesionist dhe si i tillë dua të marr pjesë me çdo kusht në botëror.
- Cilat janë marrëdhëniet tuaja me Luksemburgon?
- Marrëdhënia ime me Luksemburgon është e mirë. Mbi të gjitha jemi profesionistë dhe secili e di detyrën e tij.

[Albi]

Primera Division

Figo: Endrra ime është Liverpuli


Luis Figo u ka kërkuar drejtuesve të Realit, me në krye presidentin Florentino Perez, ta lënë të lirë të luajë te Liverpuli, edicionin e ardhshëm. Mesfushori portugez ka filluar stërvitjen për sezonin e ri me fanellën e Realit, por e ardhmja e tij mbetet ende pezull. Pasi mësoi se drejtuesit e Realit mund ta linin të lirë të largohet me kosto zero, Figo ka filluar të ëndërrojë Liverpulin. Flitet se marrëveshja ndërmjet tij dhe drejtuesve "të kuq" është arritur dhe pritet vetëm aprovimi i Realit. Gjithsesi, "merengesët" duket se kanë ndryshuar mendje dhe kërkojnë para nga Liverpuli, për shërbimet e futbollistit të vitit 2000. Ky i fundit nuk e ka fshehur dëshirën për të luajtur në Premier Ligë dhe ka shprehur haptazi idenë e tij për të kaluar te Liverpuli. "Nuk e kuptoj përse klubi nuk më lejon të largohem. Unë nuk bëj pjesë në planet e tyre dhe është e kotë të qëndroj në Madrid, - tha Figo për shtypin anglez. - Endrra ime është të luaj te Liverpuli, por e di që ëndrrat jo gjithmonë realizohen, për këtë jam ende në pritje dhe e ardhmja e karrierës sime është ende pezull." Gjithsesi, në favor të Figos ka qenë deklarata e djeshme e trajnerit të Realit, Vanderlei Luksemburgo, i cili deklaroi se si Figo, ashtu edhe Oueni me Gutin janë të lirë të largohen, në rast se nuk janë të kënaqur nga situata e tyre. Trajneri brazilian tha se nuk do të pëlqente që këto "yje" të largoheshin nga skuadra e tij, por gjithashtu tha se nuk do të mbante te Reali asnjë futbollist përtej vullnetit të tij. Luksemburgo tha: "Figo dhe Oueni janë futbollistë të Realit, në bazë të kontratave që kanë me klubin. Nëse dëshirojnë, mund të qëndrojnë, në të kundërt janë të lirë të largohen, por më parë duhet të marrin lejen e drejtuesit e klubit." Leje, e cila nëse në rastin e Ouenit nuk është kërkuar, Figo e ka kërkuar publikisht: "Kam marrëdhënie të shkëlqyera me presidentin Perez. Kam biseduar edhe me Luksemburgon dhe ai nuk më ka dhënë garanci për sezonin e ardhshëm. Atëherë mendoj se jam i lirë t'i gjej këto garanci diku gjetkë." Nga ana tjetër, drejtuesit e Liverpulit nuk kanë ndër mend të paguajnë para te Reali dhe, sipas menaxherit të Figos, ata presin vetëm lejen e klubit spanoll për të nënshkruar një kontratë dyvjeçare me mesfushorin portugez. Kësisoj, pritet që javën tjetër, e ardhmja e Luis Figos të marrë një formë përfundimtare.

vigan



Endra ime ishte te behesha futbollist lal po ja qe jeta e solli ndryshe dhe u detyrova e lash futbollin

FIGO
Endren qe ka ka per ta realizuar se i ka te gjitha shanset

[viganv]

Primera Division


Sevilja, Baptista drejt Anglisë

Sulmuesi i Seviljes, Baptista, i cili shënoi 18 gola në kampionatin e kaluar, do të luajë vitin e ardhshëm në Premier Ligë. Presidenti Hoze Maria Del Nido tha: "Arsenali është interesuar për brazilianin dhe ai do të luajë vitin e ardhshëm në Angli, por "topçinjtë" duhet të mposhtin më parë konkurrencën e një tjetër skuadre angleze, emrin e së cilës do ta mësoni në ditët e ardhshme."

[viganv]

Primera Division

Valencia merr uruguajanin Estojanof

Talenti uruguajan, Fabian Estojanof, ka firmosur për pesë sezonet e ardhshme me Valencian. 22-vjeçari më parë ka luajtur për Feniksin në Uruguaji dhe do të prezantohet në "Mestaja" ditën e hënë. Ka të ngjarë që Valencia ta huazojë te Kadizi për një sezon talentin e ri amerikano-jugor, skuadër e cila fitoi vjet të drejtën për të luajtur në Primera Divizion.

[viganv]

Primera Division


Valencia merr uruguajanin Estojanof

Talenti uruguajan, Fabian Estojanof, ka firmosur për pesë sezonet e ardhshme me Valencian. 22-vjeçari më parë ka luajtur për Feniksin në Uruguaji dhe do të prezantohet në "Mestaja" ditën e hënë. Ka të ngjarë që Valencia ta huazojë te Kadizi për një sezon talentin e ri amerikano-jugor, skuadër e cila fitoi vjet të drejtën për të luajtur në Primera Divizion.

[viganv]

Primera Division

Gravesen: Me Garsian, më të fortë

Tomas Gravesen, mesfushori i Realit të Madridit, është shprehur i kënaqur me blerjen e Pablo Garias nga drejtuesit e Realit. Danezi tha: "Në sezonin e ardhshëm do të na duhet të luajmë rreth 70 ndeshje. Për këtë jam i bindur se me ardhjen e Pablo Garias, mesfusha e Realit është përforcuar. Nuk e shoh Pablon si një rival për vendin e titullarit, por e konsideroj një përforcim të rëndësishëm për ne."

[viganv]

Primera Division

Luftë treshe për Havier Saviolën

Deportivo La Korunjo, Real Betis dhe Sevilja janë skuadrat e interesuara për të marrë shërbimet e Havier Saviolës, që kur presidenti i Barcelonës, Laporta, e nxori në shitje sulmuesin argjentinas. Dëshira e futbollistit për të luajtur në Spanjë ka nxjerrë jashtë loje ofertën e Midëllsbrout dhe i ka dhënë startin betejës së tri skuadrave spanjolle. Çmimi i Saviolës është 8 milionë euro.

[viganv]

Primera Division


Everton nënshkruan për Saragozën

Sulmuesi brazilian Everton do të luajë në sezonin e ardhshëm në Primera Divizion, me Saragozën. Kjo, pasi skuadra spanjolle ka blerë kartelën e tij nga Borusian e Dortmundit. 24-vjeçari, pas firmosjes së një kontrate katërvjeçare, tha: "Isha mirë te Borusia, por drejtuesit vendosën të më shisnin dhe Saragoza ishte alternativa më e mirë nga ato që m'u propozuan."

[viganv]

Futboll Miks

Afrika e Jugut mposht 2?1 Meksikën



Afrika e Jugut e nisi në mënyrën më të mirë "Gol Cup"-in, duke mposhtur kampionët në fuqi të Meksikës. Golat e Filip Evans dhe Elrio Van Herden i dhanë fitoren 2-1 ekipit të Afrikës së Jugut, në kompeticionin e përbërë nga 12 ekipe të Amerikës së Veriut dhe nga ekipe të zonës së Karaibeve. Fransisko Rodrigez shënoi golin e vetëm për ekipin e Meksikës, i cili e ka fituar katër herë këtë kompeticion. Kjo ishte fitorja e parë ndaj Meksikës, për ekipin e Afrikës së Jugut, që në katër përballjet e mëparshme ka koleksionuar tri humbje dhe një barazim. Meksika fitoi 4-0 ndaj Afrikës së Jugut në vitin 1996, në miqësoren që u luajt në Los Anxhelos, dhe në shtator të 2000-shit, ekipi i drejtuar nga trajneri Lavolpe arriti të përsëriste suksesin e katër viteve më parë, duke fituar sërish 4-2. Trajneri i Afrikës së Jugut, Stjuart Bakster, pas fitores ndaj Meksikës, tha: "Fitorja ndaj një ekipi të madh si Meksika, ia ka ngritur shumë moralin ekipit tonë." Në ndeshjen e ardhshme, Afrika e Jugut do të luajë ndaj ekipit të Xhamaikës në stadiumin "Memorial" të Los Anxhelosit. Të dielën, ekipi i drejtuar nga trajneri Bakster do të luajë ndaj ekipit të Guatemalës. Ndërkohë, në ndeshjen tjetër të grupit c ka pasur një festival të vërtetë golash. Xhamajka arriti të fitonte 4-3 ndaj ekipit të Guatemalës, në ndeshjen më të bukur të këtij turneu, të luajtur deri tani.