Gazeta Elektronike: "Futbolli Ndërkombtar" (Nr.3)

[viganv]

Premier Liga

Liverpuli merr Sisokon nga Valencia


Trajneri Rafael Benitez arriti të merrte lojtarin e tij ideal në mesfushën e Liverpulit. Momo Sisoko, 20-vjeçari i Valencias, sezonin e ardhshëm do të veshë fanellën e Liverpulit. Ka qenë pikërisht Benitezi ai që e ka zbuluar talentin afrikan, në kohën kur drejtonte ekipin e Valencias. Gjatë ditës së djeshme, drejtuesit e Liverpulit arritën një marrëveshje prej 8 milionë eurosh me drejtuesit spanjollë. Për mesfushorin Sisoko ishte interesuar edhe ekipi i Evertonit, i cili ishte i gatshëm të ofronte 5 milionë euro për shërbimet e tij. Sisoko firmosi një kontratë 5-vjeçare, nga do të përfitojë 2 milionë euro në vit. Gjatë sezonit të kaluar, Sisoko luajti në 18 ndeshje duke shënuar 4 gola. Me këtë blerje, Liverpuli i largohet disi alternativës Figo, i cili i është ofruar personalisht ekipit kampion të Europës. Trajneri Benitez deklaroi: "Jam i lumtur që arritëm një marrëveshje me Valencian për mesfushorin Sisoko. Kam kohë që e ndjek dhe jam i bindur se do të arrijë të mësohet lehtë në kampionatin anglez".

[viganv]

Premier Liga


Ferguson grumbullon ekipin për turin aziatik

Trajneri Aleks Ferguson ka vendosur të grumbullojë Kieran Riçardsonin dhe Klebersonin për turin që Mançesteri do të zhvillojë në Azi, edhe pse e ardhmja e dy lojtarëve në "Old Traford" është në dyshim. Riçardsoni është në kërkim të një vendi në skuadër, pasi luajti për një vit tek ekipi i Uest Bromuiçit. "Do të grumbulloj 21 lojtarë për turin aziatik dhe Kierani do të jetë një prej tyre," - deklaroi Fergusoni.

[viganv]

Premier Liga


Sorensen, i lumtur tek Aston Vila

Portieri i ekipit të Aston Vilës, Tomas Sorensen, ka riafirmuar dëshirën e tij për të qëndruar te klubi i tij aktual edhe për shumë vite të tjera. 29-vjeçari ka edhe 12 muaj në kontratën e tij aktuale me klubin e Aston Vilës, por u shpreh i gatshëm për të hapur bisedimet për rinovimin e kontratës. "Asgjë nuk ka ndryshuar. Jam shumë i lidhur me këtë klub dhe nuk kam ndër mend të largohem", - deklaroi Sorenseni.

[viganv]

Premier Liga

Douning, deri në 2010-n te Midëllsbrou

Mesfushori i ekipit të Midëllsbrout, Stjuart Douning, do të firmosë një kontratë pesëvjeçare me klubin e tij. Menaxheri i 20-vjeçarit pohoi se kishte marrë një ofertë nga ekipi i Totenhemit, por u shpreh se Douningu dëshironte të qëndronte tek ekipi i Midëllbrout. "Arritëm një marrëveshje me klubin dhe Stjuarti do të firmosë një kontratë 5-vjeçare, sapo të kthehet nga Portugalia", - deklaroi menaxheri i lojtarit, Ian Eliot.

[viganv]

Premier Liga

Njukasëlli kërkon Luis Boa Morten

Pas largimit të mesfushorit Darren Ambrose drejt ekipit të Çarltonit, edhe Li Bojer është pranë largimit nga ekipi i Njukasëllt. "Qymyrxhinjtë" janë vënë menjëherë në kërkim të zëvendësuesve. Pas blerjes së Emresë, trajneri Grim Sounes është vënë në ndjekje të mesfushorit të Fulhamit, Luis Boa Mortes. Mesfushori 24-vjeçar ka arritur të zhvillojë një sezon të mirë, duke zënë një vend titullari tek ekipi i Fulhamit.

[viganv]

Premier Liga

Karlton Kol mund të qëndrojë te Çelsi

Portsmuthit mund t'i prishen planet për blerjen e Karlton Kolit, i cili po konsideron mundësinë e qëndrimit të tij tek ekipi i Çelsit. Sezonin e kaluar, Koli luajti në formë huaje tek ekipi i Aston Vilës dhe tashmë është rikthyer në stërvitje në "Stemford Brixh. Koli u shpreh i vendosur të luftonte për një vend në ekipin e drejtuar nga trajneri Hoze Mourinjo. Mandariç, drejtori teknik i Portsmuthit, tha: "Karltoni mund të zgjedhë ekipin tonë, por ai dëshiron të provojë veten tek ekipi i Çelsit".

[viganv]

Serie A

Berluskoni: Xhila ka nënshkruar? Unë s'di gjë



Pronari i Milanit, Berluskoni, ka folur për lëvizjet e fundit të Milanit në merkato. "Kristian Vieri? Jam i bindur se do të paraqitet mirë, ﷓ ka deklaruar kryeministri italian, përpara se të largohej nga një mbledhje pune në Romë. - Nuk na ka kushtuar asgjë dhe duke qenë se na u largua Krespo, na duhej medoemos një zëvendësues për të." Ndërkohë, Berluskoni nuk ka dhënë asnjë konfirmim për firmën e mundshme të golashënuesit të Parmës. "Xhilardino? Kam mbetur i shastisur nga titulli i një gazete, sepse në të vërtetë nuk di asgjë për këtë gjë". Berluskoni i ka thurur elozhe Vierit, i cili do të zërë te Milani vendin e argjentinasit Krespo, i cili u rikthye te Çelsi pas përfundimit të afatit të huadhënies: "Bobo i ka të gjitha karakteristikat e nevojshme teknike për të luajtur në nivelet më të larta," - tha ai. Pronari i klubit kuqezi kujtoi më pas se si ish-sulmuesi zikaltër është marrë me çmimin zero, duke përfituar nga zgjidhja e kontratës së këtij të fundit me Interin. "Vierin nuk e blemë, ﷓ nënvizoi ai dje në mëngjes, në të dalë të pallatit "Gracioli" në Romë. ﷓ Ai mbërriti te Milani dhe ne s'paguam asgjë për ta përvetësuar kartonin e tij. Te Vieri pamë zgjidhjen më të mirë teknike për të zëvendësuar Krespon." Berluskoni më pas komentoi lajmet e shtypit, të cilat e cilësonin si punë të mbaruar kalimin e Xhilardinos te Milani. "Të them të drejtën, mbeta i shastisur nga titulli 'Xhilardino nënshkruan', - delaroi ai, - sepse unë nuk di asgjë për këtë."
Pëshpëritet se do të jetë e nesërmja dita e zyrtarizimit të Alberto Xhilardinos te Milani. Marrëveshja është arritur pas bisedimesh të stërzgjatura ditën e premte, mbi bazën e 28 milionë eurove plus dy lojtarë si shpërblim-shitjeje. Por për të nënshkruar gjithçka zyrtarisht, nevojitet më parë që të japë "ok"-in Ministria e Veprimtarive Prodhuese, pasi Parma është një klub që ndodhet nën administrim të kontrolluar. Me pak fjalë, mungon vetëm shpallja zyrtare dhe pikërisht për këtë, të vetmet siguri kanë të bëjnë me anën ekonomike. Marrëveshja duket se është arritur për një shifër mes 27 dhe 28 milionë eurove, plus "shpërblimin shitje" që lojtari e ka përfshirë si klauzolë në kontratë një vit më parë. Një mekanizëm që parashikon një kuotë që i duhet dhënë atij në rast shitjeje për një shifër më të madhe se njëzetë milionë euro. Ajo që është e sigurt, është se këtë shumë do ta marrë përsipër t'ia shlyejë Milani, por nuk dihet ende saktësisht vlera e shumës, sepse flitet si për 700 mijë euro, ashtu edhe për 2 milionë euro.
Nesër, me shpalljen zyrtare, mund të sqarohen edhe detajet e fundit. Të premten lojtari "zbarkoi" në Milano, zyrtarisht për të zgjidhur disa çështje me marketingun dhe sponsorët, por e vërteta është sepse tanimë bisedimet po shkojnë drejt fundit dhe ndaj është më mirë që të mos të ndodhet shumë larg në momentin kur do t'i duhet të nënshkruajë kontratën. Në mbrëmje, lojtari u kthye në Biela, i gatshëm për një transferim të ri në Milano, që mund të jetë i fundit, përpara se ajo të bëhet shtëpia e tij e re.

[viganv]

Serie A

Torino: Tifozët, në shesh për Serinë A



Tifozët e Torinos nuk janë dakord. Pas mendimit negativ të "Covisoc"﷓ut që e ka pezulluar regjistrimin në Serinë A, në mëngjesin e djeshëm disa qindra përkrahës të Torinos janë mbledhur përpara stadiumit historik "Filadelfia", duke nisur një miting proteste. Në "shënjestër" të ultrasëve ndodheshin edhe lojërat dimërore, për të cilat tifozët kërcënuan se do t'i boikotonin me parullën "Nëse s'ka Torino, s'ka as Lojëra Olimpike." Fakti që u zgjodh stadiumi "Komunale" si vend i grumbullimit, s'ishte aspak i rastësishëm. Në fakt, stadiumi është në ristrukturim e sipër për të pritur ceremoninë e hapjes dhe të mbylljes së Lojërave Olimpike të Torinos 2006, dhe pikërisht lojërat dimërore dukeshin se ishin në "shënjestrën" e tifozëve më të xhindosur: "Nëse s'ka Tornino, atëherë s'ka as Olimpiadë" ishte sllogani që tifozët vendosën përpara satiumit "Komunale", ndërsa shefat e ultrasëve kërcënuan se kanë ndër mend të mobilizohen si ditën, ashtu edhe natën. Gjithsesi, mes objektivave të tifozëve ndodhej edhe pronari i Toros, Franko Çimineli. Ndërkaq, klubi i kuqërremtë, që tani ka të drejtë të paraqesë apelin për vendimin e "Covisoc"﷓ut, do ta mbështesë mbrojtjen e saj mbi faktin se është mashtruar përsa u takon parave që duhej të jepte si garanci për llogaritë e klubit. Në këtë kuadër, prokurori i Torinos, Antonio De Marki, do të marrë në pyetje nesër ish-presidentin e Venecias, Galo, i cili u arrestua të premten në Gjenovë me akuzën për mashtrim.

[viganv]

Serie A

Fiorentina: Toni, të hënën vjollcë



Një goditje e madhe në merkato nga ana e Fiorentinës. Që prej së hënës pritet që sulmuesi i Palermos, Luka Toni, të veshë fanellën vjollcë. Në zgjidhjen e bisedimeve mes dy klubeve ka kontribuar takimi i së enjtes mes Dela Vales dhe Zamparinit, presidentë përkatësisht të toskanëve dhe siçilianëve. Palermo e ka ulur kërkesën nga 15 në 11,5 milionë, kundrejt 10 milionëve të ofruara nga Fiorentina. Shpejt, vjollcët pritet të zyrtarizojnë edhe marrjen e Fiores, i cili do t'i jepet hua nga Valencia.
Dela Vale i ka konfirmuar bisedimet me Zamparinin, duke bërë të ditur se mbyllja e çështjes "Toni" do t'i delegohet drejtorit sportiv Korvino. Rezultati tanimë duket se është përcaktuar: brenda së hënës, Toni, i cili ka shënuar 50 gola në dy sezone me fanellën e Palermos, pritet të vishet vjollcë. Në takimin e së enjtes, presidentët e dy klubeve kanë folur edhe për hipotezën Zakardo, për të cilin Palermo kërkon 6 milionë euro, kurse Fiorentina ofron 4. Nëse do të arrihet në një përfundim pozitiv të bisedimeve, Fiorentina do ta inaguronte sezonin e ri me mundësinë për të aktivizuar dyshe të ndryshme sulmuese, të gjitha të shkëlqyera. Në fakt është çështje ditësh edhe për zyrtarizimin e mesfushorit Fiore, i cili do të mbërrijë hua nga Valencia dhe për të cilin vjollcëve do t'u jepet e drejta e blerjes. Më pas, po me spanjollët, po vazhdojnë bisedimet edhe për Korradin. Kështu që në valle për të luajtur në sulmin e vjollcëve mund të jenë sulmues të kalibirit të Tonit, Bojinovit, Pacinit dhe Korradit.
Nga ana e Korvinos, për Tonin ekziston ende vullneti për t'iu përmbajtur ofertës prej 10 milionë eurosh. "Unë do të takohem me Palermon dhe do t'i mbyll bisedimet vetëm nëse siçilianët e pranojnë ofertën tonë, - ka thënë drejtori sportiv i Fiorentinës. - Nuk kam ndër mend të shpenzoj më shumë se 10 milionë për Tonin. Nëse do të biem dakord për këtë shifër, më pas do të flasim me lojtarin për pagën. Është e qartë se edhe në këtë drejtim, duhet të bisedojmë. Edhe paga duhet të jetë e ekuilibruar."
Federiko Pastorelo, agjent i Fiores, ka lënë të nënkuptohet se bisedimet me vjollcët për huamarrjen e mesfushorit kalabrez, pas aventurës te Valencia, janë mëse të realizueshme.
"Pista Fiorentina është konkrete, ﷓ tha ai. ﷓ Kemi këmbyer disa mendime me Korvinon dhe çështja mund të realizohet. Hëpërhë, situata nuk ka hyrë ende në fazën e saj kulmore, por Stefano dëshiron të kthehet në Itali dhe ne për këtë po punojmë. Duhet të arrijmë një marrëveshje për pretendimet tona ekonomike. Fiorentina ka vendosur një kufi financiar, përtej së cilit nuk ka ndër mend të shkojë. Ne kemi bërë disa hapa prapa, por ka ende disa probleme me tatimet, që gjithsesi nuk ka të bëjë me kalimin te ndonjë skuadër në veçanti. Por ne po punojmë me Valencian për ta zgjidhur dhe skuadra që do ta marrë Stefanon, do të ketë një problem më pak. Në "pole position" mbetet Fiorentina, edhe sepse është klubi i fundit me të cilin kam pasur disi më tepër kontakte."

[viganv]

Serie A

Palermo: Makinua ose Vuçiniç, nëse ikën Toni

Nëse Luka Toni do të kalojë te Fiorentina, Mauricio Zamparini i ka të gatshme që tani alternativat. Bëhet fjalë për Vuçiniçin dhe mbi të gjitha për Makinuan që, sikurse është thënë edhe më parë, mbetet objektivi numër një i siçilianëve: "Vuçiniçi kushton shumë për momentin, kurse Makinua na pëlqen dhe ndodhet në merkato," - ka thënë Zamparini. Nigeriani kushton 7 milionë euro, kurse Leçe kërkon të paktën 15 milionë për sulmuesin serbo﷓malazez.