Gazeta Elektronike: "Futbolli Ndërkombtar" (Nr.3)

[viganv]

Serie A

Zamparini: Dua 15 milionë për Tonin

Luka Toni mund të largohet, por vetëm për 15 milionë euro. Ideja e pronarit të Palermos, Mauricio Zamparini, është e përmbledhur me fjalë. "Nëse Toni do të më kërkojë të largohet, unë do t'ia plotësoj dëshirën. Fiorentina? Po tregohet dinake, Korvino ka qenë gjithnjë dinak, ai kontakton me 20 lojtarë njëherazi. Për mendimin tim bën vetëm shumë zhurmë për hiç gjë. Megjithatë, nëse vjollcët do të na ofronin 15 milionë euro, unë do të mendohesha. Nëse edhe Toni do ta donte këtë, do të blija një sulmues të mirë për ta vendosur përkrah Karaçiolos dhe do ta lija të largohej. Por jo për më pak se 15 milionë, Palermo nuk ka nevojë për para."

[viganv]

Serie A

Shtypi spanjoll, Sheva te Çelsi vitin e ardhshëm
Sipas asaj që bëhej e ditur dje nga shtypi spanjoll, vitin e ardhshëm Milani do të dorëzohet përballë kërkesave të Roman Abramoviçit dhe do ta lërë Andrei Shevçenkon të shkojë te Çelsi. Kurse te kuqezinjtë mund të shkojë Ronaldinjo, ëndrra e kuqezinjve, dhe një trajner i ri. Janë dy mundësitë për stolin milanist: ose Frenk Rajkard (me të mund të mbërrinte edhe Karlos Pujol) ose Marko Van Basten. Silvio Berluskoni do të donte ta zëvendësonte Karlo Ançelotin pas zhgënjimit të humbjes në finalen së Championsit.

[viganv]

Serie A


Kaljari depoziton kontratën e Arrigonit

Pas një mosmarrëveshjeje të gjatë, është depozituar në mëngjesin e djeshëm në federatë, kontrata e Daniele Arrigonit, që është në të gjitha kuptimet, trajneri i ri i Kaljarit. Një lëvizje që nuk do të zgjasë shumë, duke parë që presidenti i klubit sard, Masimo Çelino, do ta shkarkojë Arrigonin për t'ia lënë vendin Atilio Teserit, që në sezonin e fundit në Serinë B, ka shpëtuar Triestinën, duke arritur dhe një marrëveshje për të shkuar në Sardenjë.

[viganv]

Serie A

Abiati: Kam ardhur në një qytet të madh

Kristian Abiati është prezantuar si portieri i ri kuqeblu. "Me Milanin ndihesha i lidhur, do të lë zemrën atje, - tha ai. - Nga ana tjetër, Gjenova është një qytet i madh, ka objektiva dhe një tifozeri të rëndësishme." Mbrojtësi ekstrem ka shpjeguar zgjedhjen e tij: "Kam nevojë të rigjej atmosferën e fushës dhe të tifozëve të tridhjetë ndeshjeve në kampionat. Sezonin e kaluar, këto ndjesi më kanë munguar më shumë se ç'duhet."

[viganv]

Serie A

Palermo, vjen Mondragon nga Gallatasaraji?

Portieri i ardhshëm i Palermos mund të jetë një kolumbian. Klubi siçilian është duke mbyllur bisedimet për Farid Ali Mondragonin, mbrojtësin ekstrem të Gallatasarajit. 34-vjeçari me përvojë ndërkombëtare është një kanakar i vjetër i drejtorit sportiv Foski, i cili duhet të kapërcejë vetëm një pengesë. Kolumbiani ka edhe një vit tjetër kontratë me turqit e Stambollit, me të cilët ka pasur disa mosmarrëveshje lidhur me disa paga që s'ia kanë dhënë.

[viganv]

Serie A

Breshia, Maran, trajneri i ri

Përfundon me "N", por s'është Zeman trajneri i ri i Breshias. Rolando Maran, ish-trajneri i Çitadelës, do të takohet në orët e ardhshme me presidentin Xhino Korioni dhe do të nënshkruajë një kontratë deri në vitin 2006. Marani ka qenë edhe më parë te Breshia si zëvendës i Silvio Baldinit dhe i Nedo Sonetit.

[viganv]

Serie A

Solari është i Interit, Samueli ende jo



Mungon ende firma e lojtarit që pritet sot ose nesër, sapo ai të kthehet nga pushimet për të hedhur të zezë mbi të bardhë për kalimin e Santiago Solarit nga Real Madridi tek Interi. Në orët e vona të mbrëmjes së të hënës, dy klubet i kanë zgjidhur edhe mosmarrëveshjet e fundit: anësori argjentinas do të veshë fanellën zikaltër në tri sezonet e ardhshme. Ndërkohë, për Samuelin ka pasur një frenim: palët nuk po bien dakord lidhur me mënyrën e pagesës. "Për Samuelin dhe Solarin është çështje ditësh." Me këto fjalë e ka komentuar presidenti i Interit, Xhiaçinto Faketi, takimin që kishte pasur mbrëmjen e së hënës me agjentin e FIFA-s, Bronxeti, përfaqësuesi i Real Madridit në bisedime. Në të vërtetë nuk ka më pengesa për transferimin e mesfushorit argjentinas, i cili në orët në vijim do të nënshkruajë një kontratë trivjeçare me klubin e Rrugës "Durini". Pasi është zgjidhur çdo problem ekonomik, Solari do të jetë përforcimi i ri për Roberto Mançinin në krahun e majtë. Sikurse me Kambiason sezonin e kaluar, Interi ka marrë një tjetër përforcim me çmimin zero, edhe pse amerikano-jugorit s'i kishte përfunduar ende kontrata me Realin. Ai ka arritur të përfitojë nga një klauzolë, ku parashikohej se mund të largohej nga "merengesët" në rast aktivizimi të pakët.
Ndërkohë, paraqiten më të ndërlikuara bisedimet që duhet të sjellin Samuelin në Milano. Dy klubet s'do të kishin rënë dakord për vlerën e shitjes së lojtarit (huadhënie për 2 milionë sezonin e parë, më pas Reali do të kërkonte 18 milionë, ndërsa Interi ofron 16) dhe as për mënyrat e shlyerjes (klubi zikaltër synon që ta kryejë shlyerjen e vleftës brenda disa vjetëve, ndërsa spanjollët dëshirojnë që gjithçka të bëhet fakt menjëherë). Do të vazhdohet të flitet, por nuk përjashtohet ndonjë prishje e papritur e bisedimeve. Në atë pikë, zikaltrit do ta zhvendosnin vëmendjen te Kristian Çivuja i Romës, i cili ndodhet në vendin e parë të listës së Roberto Mançinit. Ndërkaq, meqë jemi në repartin mbrojtës, Karlos Alberto Gamarra është larguar nga Pinetina. Paraguajani, të cilit i ka përfunduar kontrata, ka arritur një marrëveshje me brazilianët e Palmeirasit.

[viganv]

Serie A

Zikaltrit, Gamarra: Do të luaj te Palmeirasi

Karlos Alberto Gamarra është larguar nga Interi. Mbrojtësi paraguajan e ka gjetur skuadrën e tij të re: Palmeirasin. Këtë lajm e ka konfirmuar vetë futbollisti i kombëtares paraguajane, përmes një interviste të dhënë për radion braziliane "Radio Globo". "Kam dëgjuar këshillat e Luis Felipe Skolarit, që tani është komisari teknik i Portugalisë, por që ka qenë trajner i Palmeirasit dhe të Fransisko Arses, që më kanë folur shumë mirë për këtë skuadër. Për këtë arsye vendosa ta zgjedh. Është një klub që i trajton shumë mirë lojtarët e tij".

[viganv]

Serie A

Fiorentina, në pritje të Materacit



Është ndalur përballë një shkëmbi ekonomik prej 20 milionë eurosh të kërkuara nga Palermo, sulmi i vjollcëve për të marrë Tonin dhe Zakardon. Toskanëve u është refuzuar një ofertë e përgjithshme prej 15 milionësh. Por ndërkohë që mbeten të hapura shtigjet drejt Udines për Iakuintën dhe në Spanjë për Korradin, është mbrojtja problemi i vërtetë. Problem që mund të zgjidhet me ardhjen e Materacit nga Interi, zgjedhje që do ta kalonte Ujfalushin në krahun e djathtë ose në merkato. Pas blerjes së Gamberinit, Fiorentina vazhdon të mbetet protagoniste në merkato. Problemet e vjollcëve janë në dy fronte të kundërta në sulm, ku është në plan sulmi për Tonin e Palermos dhe me hipotezat Iakuinta (i Udinezes) dhe Korradi (i Valencias) në sfond, si dhe në mbrojtje, e cila po ndërtohet gradualisht me blerjen e portierit të ri Frei, të Paskualit dhe të vetë Gamberinit. Për Tonin, që lidhet me Zakardon, duket se për momentin çështja është ndalur për arsye ekonomike. Në fakt, Fiorentina ka parë që t'u refuzohet nga siçilianët një ofertë e përgjithshme prej 15 milionë eurosh, pasi Palermo pretendon 20 milionë për dy futbollistët. Diferencat e shifrave e ndajnë edhe Iakuintën nga një transferim i mundshëm në Toskanë. Vjollcët ofrojnë 9 milionë euro dhe një lojtar, friulianët s'kanë ndër mend të diskutojnë për më pak se 12 milionë. Edhe Valencia e mbështet gjithçka te vlera e ofertës për qendërsulmuesin senez. Në mbrojtje, klubi i Dela Vales i ka bërë një sondazh terrenit për interistin Marko Materaci. Por mbetet e hapur hipoteza Migel (nga Benfika), ndërkohë që mund të mos vonojë edhe arritja e një marrëveshjeje të mundshme me parmensin Bonera. Në mesfushë, së fundi, ndëshkimet e Romës kanë hapur shpresa në drejtim të Landzatit të Az Alkmarit.

[viganv]

Serie A

Baldini: Më vjen keq, Parma më tërhiqte



Ka qenë i hidhëruar Franko Baldini. Ish-drejtori sportiv i Romës kishte ndër mend të ndërmerrte një sfidë të re të vështirë, por shumë stimuluese për të: ta rindërtonte Parmën së bashku me Zdenek Zemanin. Atij i ka ardhur me të vërtetë shumë keq për dështimin e bisedimeve me shoqërinë e përfaqësuar nga Gaetano Valenca. "Nuk jam as i zhgënjyer e as i befasuar, ﷓ tha ai, ﷓ pasi deri tani kam parë shumë gjëra për t'u shastisur. Mua më është treguar një kontratë shitjeje, e nënshkruar rregullisht me të gjitha detajet. Më pas, m'u tha se pagesa nuk ishte bërë vetëm për shkak të një problemi lidhur me ndërrimin e numrit të llogarisë rrjedhëse. Problem që do të ishte zgjidhur brenda pak kohësh. Kurse tani... Më vjen keq, sepse më ishte propozuar një sfidë tërheqëse, do të bëhesha sërish një drejtues futbolli, pasi kisha luftuar aq shumë në nivelin politik. M'u dha një letër e bardhë dhe isha unë ai që e propozova emrin e Zemanit, i cili më pas u takua me Valencën. S'e di se ç'do të bëjë trajneri. Unë jam i gatshëm, duke qenë se me siguri nuk është se kam ndonjë varg me pretendentë përpara portës së derës".