Gazeta Elektronike: "Futbolli Ndërkombtar" (Nr.3)

[viganv]

Premier Liga

Saha: I lumtur te Mançesteri



Menaxheri i sulmuesit Luis Saha pohoi interesimin e disa klubeve, por u shpreh se sulmuesi francez ndihet mirë në "Old Traford". Saha është vënë nën shënjestrën e disa klubeve, pasi kaloi shumicën e sezonit të kaluar në stolin e Mançesterit. Trajneri Aleks Ferguson ka shprehur gjithmonë admirimin e tij për sulmuesin francez dhe kjo ka qenë arsyeja pse Saha dëshiron të qëndrojë tek ekipi i Mançesterit. Menaxheri i Luis Sahës, Ranko Stojiç, konfirmoi vendimin e lojtarit për të qëndruar edhe në sezonin e ardhshëm në "Old Traford". "Pas bisedimeve të bëra me Aleks Fergusonin, Saha dëshiron të qëndrojë dhe të luftojë për një vend titullari në ekipin e "Djajve të kuq". Ai dëshiron të tregojë vlerat e tij, edhe pse Mançesteri ka sulmues si Uejn Runi dhe Van Nistëlroi. Ai do të largohet vetëm nëse Mançesteri do të marrë një sulmues në merkaton e kësaj vere, pasi nëse do të vinte Majkëll Ouen, Saha do të bëhej zgjedhja e katërt e trajnerit. Trajneri Ferguson e vlerëson shumë Luisin dhe dëshiron që ai të qëndrojë në klub edhe për dy vitet e ardhshme. Stojiç pohoi se katër ekipet që ishin të interesuara për Sahën, ishin: Njukasëlli, Evertoni, Monako dhe Marseja. "Më kanë telefonuar nga Monako, Marseja dhe nga Evertoni, por përgjigjja është jo. Saha do të qëndrojë te Mançester Junajtidi. Ai ka marrëdhënie të shkëlqyera me trajnerin dhe shokët e tij të ekipit. Saha beson shumë te trajneri i tij, kështu që kjo marrëveshje do të bazohet vetëm mbi besimin", - përfundoi Stojiçi.

[viganv]

Premier Liga


Everton, Mojes paralajmëron Artetën

Trajneri i Evertonit, Devid Mojes, i ka kërkuar mesfushorit Mikel Arteta që t'i ulë kërkesat e tij financiare, nëse dëshiron të firmosë një kontratë të përhershme në "Gudison Park". Evertoni arriti një marrëveshje prej 2.8 milionë paundësh me ekipin e Realit të Sociedadit, por nuk po arrin të gjejë një marrëveshje me vetë lojtarin. "Duam të arrijmë një marrëveshje, por kërkesat janë pak të ekzagjeruara," - deklaroi Mojesi.

[viganv]

Premier Liga

Emre kërkon të luajë në Premier Ligë

Mesfushori i ekipit të Interit, Emre Belozoglu, ka shprehur dëshirën e tij për të luajtur në Premier Ligë, edhe pse menaxheri i tij nuk po arrin të gjejë një marrëveshje me ekipin e Njukasëllit. "Dua të luaj në Angli. Nuk dua të kthehem në Turqi, pasi do të ishte një hap pas në karrierën time. Nuk më interesojnë paratë, pasi po të ishte kështu, do të qëndroja tek Interi", - deklaroi Emre.

[viganv]

Premier Liga

Tre mbrojtës të rinj tek Uest Hemi

Ekipi i Uest Hemit po përgatitet për sezonin e ri në Premier Ligë, duke blerë tre mbrojtës të rinj. Drejtuesit e klubit anglez kanë arritur të marrin mbrojtësin e Çarltonit, Pol Konçeski, për 2 milionë stërlina. Gjithashtu, ata kanë arritur të nënshkruajnë një kontratë me dyshen e ekipit të Kardifit, Deni Gebidon dhe Xheims Kolins.

[viganv]

Premier Liga


Arsenali merr Traoren nga Monako

Arsenali ka arritur të nënshkruajë një kontratë me 16-vjeçarin Armand Traore, i cili në sezonin e kaluar bëri një paraqitje të mirë tek ekipi i Monakosë. Trajneri Arsen Venger përdori lidhjet e tij në Francë për ta sjellë Traoren në Londër. Vengeri është vënë në kërkim të lojtarëve të rinj si Traore, i cili nënshkroi një kontratë 4-vjeçare me ekipin e Arsenalit.

[viganv]

Premier Liga

Çelsi, pranë marrëveshjes me Raijt-Filips

Gjatë ditëve të ardhshme pritet që ekipi i Çelsit të arrijë një marrëveshje me ekipin e Mançester Sitit, për sulmuesin e Shon Rajt-Filipsit. Drejtuesit e Man.Sitit janë bindur nga oferta prej 30 milionë eurosh dhe tashmë Rajt-Filips pritet të luajë përkrah Robenit dhe Makeleles në mesfushën e ekipit të Çelsit

[viganv]

Serie A

Milani befason: Vieri vishet kuqezi!



Tifozi interist është përpjekur të mos e besojë idenë deri në momentin e fundit. Përfundimi i historisë mes Kristian Vierit dhe klubit zikaltër ishte jo pak i dhimbshëm në vetvete. Por ja që në orën 15.13 të ditës së djeshme mbërriti edhe lajmi i bujshëm, që, ç'është e vërteta, ishte kallëzuar në formë sekreti, por që s'kishte si t'u shpëtonte kuriozëve. Por gjithsesi, për tifozët zikaltër ka qenë si një goditje me thikë në zemër: "Bobo te Milani!".
Klubi kuqezi ka zyrtarizuar marrjen e ish-qendërsulmuesit zikaltër, i cili ka nënshkruar një kontratë dyvjeçare, me një entuziazëm të dukshëm. Adresa në internet e klubit të Rrugës "Turati" shkruante: "Klubi kuqezi ka blerë shërbimet sportive të kampionit. Kontrata mes Milanit dhe Vierit do të ketë një kohëzgjatje deri më 30 qershor 2007." Në këtë mënyrë, Bobo ka vajtur te kuqezinjtë me çmimin zero, pasi e zgjidhi marrëveshjen që e lidhte me zikaltrit, me një çek prej 9 milinë eurosh. Ka qenë një tjetër kërcim nga njëri spond te tjetri në Milano, pas atyre të Sedorfit, Pirlos, Brokit, Simiçit, sa për të cituar më të fundit. Por pa harruar edhe të madhin Pepino Meaca. Në këtë drejtim kanë pasur shumë vlerë fjalët e Ariedo Braidas, drejtorit të përgjithshëm të Milanit: "Tani është disi e ndërlikuar të shpjegojmë se si mbërritëm te Kristian Vieri, ﷓ ka deklaruar ai pas kryerjes së çështjes. - Besoj se mund të thuhet me të vërtetë se ka një kënaqësi reciproke për arritjen e kësaj marrëveshjeje. Probleme për Bobon? Mos më pyesni mua për këtë, por gjithsesi ai i Vierit s'ka qenë precedenti i parë i këtij lloji, edhe Meaca kaloi nga Interi te Milani." Sulmuesi nga Prato, përpara se të luante gjashtë sezone për Interin, ka milituar te Lacio, Atletiko e Madridit, Juventusi, Atalanta, Venecia, Ravena, Torino, Piza dhe Prato. Në Serinë A ka arritur të shënojë 131 gola (25 në Serinë B), ndërsa në ligën spanjolle ka shënuar 24 gola. Menjëherë "Bobo" ka folur në telefon me Adriano Galiani, duke i shprehur zv.presidentit të tij kënaqësinë e kalimit: "Jam i lumtur", - tha Vieri përmes celularit. Ndërsa Galiani i përcolli: "Mirë se vjen Bobo, pas një jave mund të festosh ditëlindjen tënde të pare me fanellën e Milani". Por edhe pse ka marrë Kristian Vierin, afrimi i Milanit me Alberto Xhilardinon mund të vazhdojë. Klubi kuqezi duket se ka ndër mend ta ngrejë lehtësisht ofertën që u ka paraqitur emilianëve, por megjithatë nuk ka ndër mend të marrë pjesë në ankande, si ai që mund të hapej me ndërhyrjen e Interit (dhe ndoshta të Juves) në ditët e fundit.

[viganv]

Serie A

Morati: Bobo shkoi atje ku donte


Morati nuk mërzitet. Pronari zikaltër e ka përcjellë shumë i qetë lajmin e kalimit të Kristian Vierit te Milani: "Ai shkoi atje ku donte dhe për këtë as gëzohem e as mërzitem." Numri një interist nuk i druhet aspak dyshesh së re sulmuese të kuqezinjve Shevçenko﷓Vieri: "Është një sulm që nuk më tremb. Ne jemi më lartë me dyshen Adriano﷓Martins."

[viganv]

Serie A

Masimo Odo: Milani, maksimumi për mua



Masimo Odo, që ndodhet në Sardenjë, në "Tanka Village" të Vilasimius, po shijon ditët e fundit të pushimit. Lojtari ka bërë një përmbledhje për të tashmen dhe mbi të gjitha për të ardhmen e tij: "Një vit më parë shkruhej kudo: Juve, Juve, Juve. Më pas, në fund, qëndrova te Lacio. Kësaj here duket se jam zhdukur. Të shohim se ç'do të ndodhë. Megjithatë, ndihem i qetë. Dhe më pas, sezoni i fundit është nga ato që kujtohen me krenari, sepse kryem një arritje të madhe. Dhe unë ndihem i lumtur që mora pjesë." Odo ka qenë skeptik lidhur me faktin se Lotito mund të ndërtojë një Lacio më të fortë në krahasim me atë të sezonit të kaluar: "Unë këtu shoh një skuadër me më pak lojtarë, në krahasim me kohët e fundit. Që një vit më parë na u larguan futbollistë të rëndësishëm, përveç trajnerit. Kurse tani Lacio nuk ka më Xhianikedën, Kouton, njerëz kyç si binjakët Filipini si dhe Liveranin, të cilët janë larguar gjithashtu. Me pak fjalë, besoj se shqetësimi im është mëse legjitim. Nëse situata ishte e vështirë në 2004-n, tani është edhe më shumë." Mos vallë bardhekaltrit rrezikojnë ta humbasin edhe Odon? "Unë kam vetëm një siguri, kontratën me Lacion deri në vitin 2008. Nëse më pyesin për përqindjen e së ardhmes sime, unë u them se ajo do të vazhdojë te Lacio, edhe pse mendoj se është e drejta e çdokujt të synojë të luajë në ndonjë klub të madh, si te Milani apo ndonjë skuadër tjetër me emër. Unë kam folur me presidentin dhe ai e di se çfarë mendoj unë. Nuk bëhet fjalë për asnjë çështje ekonomike, bëhet fjalë vetëm për dëshirën për të luajtur në një skuadër të madhe. Milani do të ishte maksimumi për mua. Atje unë kam hedhur hapat e parë dhe kam nisur ngjitjen profesionale. Do të më bëhej qejfi po të kthehesha. Të gjithë këtë, Lotito e di dhe besoj se më kupton."

[viganv]

Serie A

Romano: Kuqezinjtë nuk dorëzohen për "Xhilën"


Pas blerjes së Kristian Vierit, Milani nuk heq dorë as nga Xhilardinoja, që dje ka festuar 23-vjetorin e lindjes. "Për atë që di unë, Milani është ende i interesuar për Xhilardinon", - thotë Françesko Romano, agjenti ndërkombëtar i agjencisë së futbolit, shoqëri që kujdeset për interesat e sulmuesit Parmës. "Sigurisht, - shtoi Romano, - çështja është ngadalësuar disi ditët e fundit, ndoshta për shkak të kalimit të Vierit dhe Parma ishte e përkushtuar me shitjen e klubit. Ndoshta nesër (sot)...".
Ndërkohë po lëkundet interesimi i Fiorentinës për Xhilardinon, siç shpjegon vetë edhe trajneri vjollcë, Prandeli: "Alberto nuk do të vijë, por do të veshë fanellën e një klubi tjetër të përkushtuar në Europë. Besoj se është e vështirë t'ia "rrëmbesh" Milanit, sepse kur lëshohet mbi një lojtar, vështirë se mund t'i ikë".