Premier League dhe fituesi i saj!

[Davius]

Arsenali i Henrisë, bast për të rinjtë

Trajner: Arsen Venger

Për Arsenalin do të jetë thelbësore ripërtëritja e ekipit, i cili u shokua nga largimi i kapitenit Patrik Vieira. Mesfushori francez i dha fund karrierës së tij 9-vjeçare në "Hajburi", duke kaluar tek ekipi i Juventusit dhe duke lënë një boshllëk të pazëvendësueshëm në mesfushën e "topçinjëve". Gjatë këtij sezoni, trajneri francez Arsen Venger do të ketë mbase punën më të vështirë që nga ardhja e tij në "hajburi" në vitin 1996. Trajneri francez njihet për zbulimin e talenteve të reja, por pas dështimit në blerjen e Hulio Baptistas, Arsenali do t'a fillojë sezonin e ri me më pak forca se ai i kaluari, ku arriti të renditej në vend të dytë dhe arriti të fitonte Kupën e Anglisë. Edhe largimi i brazilianit Edu për tek Valencia, kontribuojë në mungesën e lojtarëve cilësorë në mesfushën e Arsenalit.

Nëse Arsenali do të kërkojë të konkurojë rivalët e Çelsit, kjo do të varet vetëm nga aftësitë e spanjollit të ri, Francesk Fabregas, i cili sëbashku me francezin Matjë Flaminim do të luajnë përkrah Zhilbertos dhe bjellorusit Hleb në mesfushën e "topçinjëve". Fredi Ljunberg dhe Robert Pires ka qenë dy nga protagonistët e sukseseve të sezoneve të kaluara dhe këtë vit ata do të jenë sërish pjesë e planeve të trajnerit, Arsen Venger. Garancia e vetme për Arsenalin do të jetë kapiteni i ri i ekipit, Tieri Henri, i cili u shpall vitin e kaluar golashënuesi më i mirë i Premier Ligës. Sulmuesi francez është vetëm katër gola pas legjendës Ian Rajt, i cili është sulmuesi që ka shënuar më shumë gola në historinë e Arsenalit.

Denis Berkamp do të luajë sezonin e tij të fundit me Arsenalin, para se të tërhiqet përfundimisht nga futbolli, ndërsa sulmuesit e rinj, Antonio Rejes, Robin van Persi dhe Kuinsi Abeje, pritet t'i sjellin probleme mbrojtjeve të ekipeve kundërshtare. Gjatë sezonit të kaluar, "topçinjtë" barazuan dy herë ndaj kampionëve të Çelsit, por humbën dy herë ndaj Mançester Junajtidit, duke u shkëputur shumë pikë nga kryesuesit e Premier Ligës. Mbrojtja e Arsenalit, pësoi 36 gola gjatë sezonit të kaluar dhe dobësitë u shfaqën edhe në Superkupën e Anglisë, ku Didie Drogba arriti të shënonte dy herë për ekipin e Çelsit. Sot Arsenali do të ketë pëballë ekipin e revolucionuar të Njukasëllit dhe do të kërkojë tri pikët e para të këtij sezoni.

Lojtari kryesor: Tieri Henri

Për t'u ndjekur: Kuinsi
Të ardhur: Hleb (Shtutgart), Manone (Atalanta), Song (Bastia), Traore (Monako).
Të larguar: Aliadiere (Seltik), Birçall (Mansfield), Edu (Valencia), Fouler, Karbasion (Burnlei), O'Donell (Falkirk), Simek (Shefild W), Skulason (Brentford), Stak (Riding), Svard (Guimares), Tejlor (Aston Vila), Vieira (Juventus), Rajt (Boston).
Blerja më e mirë: Alexander Hleb.

[Davius]

Mançesteri, për lavdinë e humbur

Trajner: Aleks Ferguson

Si do të arrijë Mançesteri të rivalizojë Çeslin gjatë këtij sezoni? Kjo ka qenë pyetja e rradhës, për trajnerin Aleks Ferguson, të cilit do t'i duhet të punoj me pothuajse të njëjtin grup lojtarësht, për të risjellë në "Old Traford" titullin e Premier Ligës. Pas dështimit në sezonin e kaluar, tifozëve të Mançesterit, iu desh të përballonin edhe ardhjen e pronarit të ri, amerikanit Malkom Glazer. Lajmi i mirë për Fergusonin ka qenë rinovimi i kontratës së Rio Ferdinandit, i cili firmosi një kontratë të re me ekipin e "djajve të kuq". Fergusoni pranoi se kishte pasur një mosmarrëveshje me kapitenin e ekipit, Roi Kinin, por çdo gjë ishte sqaruar. Rikthimi në formë i Rud van Nistelroit jep garanci përsa i përket sulmit. Sëbashku me 19-vjeçarin, Uejn Runi, Mançesteri konsiderohet si ekipi me sulmin më të rrezikshëm të Premier Ligës.

Humbja e sezonit të kaluar në finalen e Kupës së Anglisë ndaj Arsenalit, e ka vënë në dyshim postin e trajnerit skocez, i cili nëse nuk edhe në këtë sezon asnjë trofe do të jetë i detyruar t'i japë fund karrierës së tij në "Old Traford". Mançesteri ka arritur të marrë shërbimet e portierit hollandez, Edvin Van der Sar për t'i dhënë fund problemeve në përzgjedhjen e numrit 1 në ekip. Që nga largimi i Piter Shmajkellit, Mançesteri nuk ka arritur të gjejë një zëvendësues të denjë të tij. Edhe pse Tim Hauard u shpall portieri më i mirë i vitit 2003, ai nuk arriti të përsëriste paraqitjen e tij edhe në sezonin e kaluar.

Blerja më e rëndësishme për Mançesterin ka qenë ajo e koreano-jugorit, Park Ji-Sung, i cili tërhoqi vëmendjen e trajnerit Ferguson në ediciopnin e kaluar të Ligës së Kampioneve, ku PSV Eindhoveni arriti deri në gjysmëfinale. Kristiano Ronaldo dhe Uejn Runi nuk janë vetëm dy nga talentet e reja të Europës, por ata hanë dy nga më të mirët. Që të dy arritën të shënonin në ndeshjen e parë të turit të tretë eliminator të Ligës së Kampioneve, ndaj ekipit të Debrecenit. Me vendosjen e tij në qendër të sulmit, Ronaldo pritet të bëhet një golashënues i mirëfilltë tek ekipi i "djajve të kuq". Rajan Gigsm Pol Skols dhe Roi Kin do të përbëjnë 3-shen e mesfushës së Mançesterit. Rikthimi i Ole Gune Solskjaerit ka bërë që tifozët e Mançesterit të shpresojnë në rikthimin e ditëve të lavdishme.

Lojtari kryesor: Uejn Runi
Për t'u ndjekur: Xhuzepe Rosi

Të ardhur: Van der Sar (Fulham), Park Ji sung (PSV Eindhoven),
Të larguar: Foster (Uatford), Nevill (Everton), MekShejn (Brajton), Xhons (Preston), Karol (Uest Hem), Rikardo (Osasunja), Igëlls (Shefild), Spektor (Çarlton), Xhonson (Kreue), Pull (Jeovil), Nardielo (Barnslei), Tiernei (Livingston), Hog (Shreusburi).
Blerja më e mirë: Van der Sar

[Davius]

Çelsi, kampionët pa asnjë dobësi

Trajner: Hoze Mourinjo
Paratë pa talent dhe klas nuk shërbejnë për asgjë, por nëse i ke të dyja, si Çelsi, atëherë titulli i Premier Ligës është një objektiv shumë i lehtë për t'u arritur. Roman Abramoviç nuk është bërë milioner pa pasur siguri mbi investimet e tij dhe këtë ai e tregoi edhe me nënshkrimin e trajnerit portugez, Hoze Mourinjo, i cili arriti të shpallej kampion i Premier Ligës që në sezonin e tij të parë në Angli. Rekordi i pikëve i vendosur në sezonin e kaluar, duket i pamundur për t'u thyer sërish, por të paktën trajneri Mourinjo shpreson t'a përsërisë edhe një herë suksesin e sezonit të kaluar.

Në të gjitha repartet e fushës është e vështirë të gjesh ndodnjë dobësi tek ekipi i Mourinjos. Në portë Petr Çeh nuk ka asnjë rival, ndërsa në mbrojtje, Rikardo Karvalo, Xhon Terri, Uilliam Galas dhe Asier Del Horno, përbëjnë një nga mbrojtjet më të forta të Europës. Në sezonin e kaluar Çelsi humbi vetëm në një ndeshje dhe pësoi vetëm 15 gola në 38 ndeshje të luajtura. Ardhja e Asier Del Hornos për 8 milionë paund nga Atletiko e Bilbaos, ka sjellë më shumë siguri në repartin mbrojtës të ekipit të drejtuar nga Hoze Mourinjo. Edhe ylli i sezonit të kaluar, mesfushori Frenk Lampard, e konsideron të vështirë mbrojtjen e titullit gjatë këtij sezoni.

Tashmë, Lampard nuk është më vetëm një nga talentet e reja të Premier Ligës dhe me largimin e Patrik Vieirasë dhe rënies së formës së Roi Kinit, ai mund të konsiderohet si një nga mesfushorët më të mirë të kampionatit anglez. Përkrah Lampardit, në mesfushë do të luajë edhe Klod Makelele, i cili pavarësisht moshës, mbetet një nga lojtarët më të rëndësishëm të ekipit të Çelsit. Gjatë sezonit të kaluar arritën të impresiononin edhe mesfushorët e rinj, Arjen Roben, Damien Daf dhe Xho Kol, po asnjë prej tyre nuk e ka të garantuar vendin e titullarit në ekipin "shumë-yjesh" të Mourinjos.

Blerja më e rëndësishme e këtij viti ka qenë mesfushori Shon Rajt-filips, i cili ka qenë gjithashtu edhe blerja më e shtrenjtë e kësaj vere në Premier Ligë. Edhe pse është klubi më i pasur në Botë, çelsi nuk ka ende një lojtar simbol në sulmin e ekipit, si van Nistelroi, Runi apo Henri. Megjithatë këtë vit, Edjur Gudjonsen, Didie Drogba dhe Hernan Krespo garantojnë të gjithë një paraqitje të jashtëzakonshme.

Lojtari kryesor: Frenk Lampard
Për t'u ndjekur: Shon Rajt-Filips
Të ardhur: Rajt-Filips (Mançester Siti), Diarra (Le Havre), Del Horno (Atletiko Bilbao), Sincleir (Bristol Rovers).
Të larguar: Smertin (Çarlton), Kezhman (Atletiko Madrid), Kneisl (Burgausen), Parker (Njukasëll), Forsell (Birmingem), Tilen (Brentford).
Blerja më e mirë: Asier Del Horno.

[Davius]

Livepuli, "të kuqtë" me obiektivin titull

Trajner: Rafael Benitez

Liverupli do të marrë pjesë në Premier Ligën e sezonin 2005/06 me obiektiva madhor, pas fitores në edicionin e kaluar të Ligës së Kampioneve. Janë ende të freskëta kujtimet e natës triumfuese në Stamboll, kur kundra ç'do parishikmi, skuadra e Benitezit mposhti Milanin në finale. Trajneri Rafa Benitez synon titullin në Premier Ligë, aty ku dështoi sezonin e kaluar. "Të kuqtë" e mbyllën kampionatin e kaluar në vendin e pestë me 37 pikë më pak se Çelsi. Liverpuli ka mundësi për më shumë dhe duhet të ndryshojë fytyrë në transfertë, ku në kampionatin e kaluar humbi 11 ndeshje. Gjatë merkatos së verës ekipi i "Anfild Road"-it ka qënë mjaft aktiv dhe me blerjen e Piter Krouçi, Benitez synon të zgjidhë problemet e sulmit. Sulmuesi shtatlartë u ble për shtatë milion euro nga Sauthemptoni dhe do të luaj përktrah Morientesit. Alternativa tjetër është Djibril Size.

Francezi do të jetë mjaft i vlefshëm për sezonin e Liverpulit, duke parë edhe një largim mëse të mundshëm në Barrosit, javën e ardhshëm. Me Krounçin dhe Morientiesin në sulm, Benitez do të bazohet te krahët e mesfushës dhe tek topa e gjatë. Kolonisë spanjolle te Liverpuli i është shtuar edhe Hoze Pepe Reina. Ish-portieri i Vilareali, do të marrë vendin e Dudekut, që pavarësisht nga paraqitja në finalen e Stambollit, nuk gëzon besimin e Benitezit dhe të stafit të tij. Janë afruar te kampionët e evropës edhe dy futbollistët e rinj, Antonio Barragan nga Sevilja dhe Mark Gonzales nga Albasete.

Ndërkohë mesfusha është përforcuar me blerjet e Sisokos nga Valencia dhe Zendenit nga Midëllbrou. Gjithsesi, arritja më e madhe e Liverpulit në merkaton e verës ka qënë rinovimi i kontratës me Stiven Xherrardin. "Të kuqtë" kanë "blinduar" kapitenin dhe futbollistin e kombëtares angleze edhe për katër vitet e ardhshme. Xherrard, Kavi Alonso dhe Haman pritet edhe një herë të jenë liderët e mesfushës. Në mbrojtje do të udhëheqë dyshja Hipia-Karrager. Të dy këta futbollistë kanë rinovuar kontratat gjatë muajit korrik. Forca e Liverpulit mund të qëndrojë pikërisht në numrin e madh të futbollistëve që nuk e kanë të sigurtë vendin në kombëtare dhe që përpara kampionatit botëror do të bëjnë të pamundurën për të rënë në sy.

Lojtari kryesor: Stiven Xherrard
Për t'u ndjekur: Mohemad Sisoko
Të ardhur: Sisoko (Valencia), Zenden (Midllësbrou), Krouç (Sauthempton), Reina (Vilareal), Barragan (Sevilja), Hobs (Linkoln).
Të larguar: Le Talek (Sanderland), Nunjez (Selta, Pelegrino (jashtë kontrate), Biskan (Panathinaikos), Vignal (Portsmuth), Otsemobor (Roterhem), Shejrou (Bordo), Kirkland (Uest Bromiç), Diuf (Bolton), Smicer (Bordo), Herrison (jashtë kontrate), Luzi (jashtë kontrate), Partridxh (Shefield U.), Smith (jashtëkontrate)
Blerja më e mirë: Piter Krouç

[Davius]

Sot filloi "beteja" e Premier Ligës

Çelsi u shpall kampion në sezonin e kaluar të Premier Ligës dhe duket, se edhe këtë vit ata janë sërish pretendentët kryesorë, për fitimin e titullit. Çelsit i'u desh të priste 50 vjet, para se të reklamonte titullin e e dytë të Premier Ligës, i cili u bë i mundur falë milionave të Roman Abramoviçit dhe kontributit të pamohueshëm të trajnerit portugez, Hoze Mourinjo. Rekordi i tyre prej 95 pikësh në 38 ndeshje, i la me duar bosh rivalët e tjerë. Arsenali dhe Mançesteri, fituesit e 11 nga 12 titujve të fundit të Premier Ligës, e përfunduan sezonin e kaluar 18 pikë pas kampionëve të Çelsit. Mourinjo, i cili u cilësua si arrogant, kur guxoi të parashikonte suksesin e Çelsit, u shpreh se mbrojtja e titullit do të jetë më e vështirë në këtë sezon.

Megjithatë, problemi aktual i trajnerit portugez mbetet përzgjedhja e 11 lojtarëve titullarë nga 22 yjet e ekipit të tij. Bastexhinjtë anglezë e shohin sërish Çelsin si favoritin kryesor për fititimin e titullit. Në sulm është rikthyer Hernan Krespo, pas një sezoni të shkëlqyeshëm tek Milani, ndërsa Didier Drogba, Edjur Gudjonsen dhe Karton Kol do të plotësojnë listën e repartit ofensiv. Blerja më e shtrenjtë e bluve gjatë verës ka qenë mesfushori, Shon Rajt-Filips, i cili u morr për 21 milionë paund nga Mançester Siti. Kampioni i sezonit 2003-04, Arsenali, duket më i dobët se në sezonin e kaluar, pas largimit të mesfushorit Patrik Vieira.

Zëvendësuesi i tij, bjellorusi Aleksandër Hleb, nuk është ende në formën e tij më të mirë dhe kjo u pa edhe në ndeshjen e Superkupës ndaj Çelsit. Paraqitja e Arsenalit do të varet edhe një herë nga këmbët e sulmuesit, Tieri Henri, i cili në sezonin e kaluar u shpall për herë të dytë golashënuesi më i mirë i Premier Ligës. Edhe Mançesteri ka "kursyer" gjatë kësaj vere, duke sjellë në "Old Traford", vetëm portierin Van der Sar dhe mesfushorin korean Park Ji-Sung. Liverpuli, fituesi i Ligës së Kampioneve, ka qenë klubi më aktiv në merkaton e kësaj vere. Antonio Baragan, Piter Krouç, Mark Gonzales, Hoze Reina, Mohamed Sisoko dhe Bodevin Zenden, përfaqësojnë një investim, prej 20 milionë paundësh.

Bastet
Çelsi 4/6
Arsenal 10/3
Mançester 7/2
Liverpul 14/1
Totenhem 100/1
Njukasëll 125/1
Midëllsboro 200/1
Everton 200/1
Mançester Siti 250/1
Aston Vila 250/1