Gerta Heta.."magnet" per te rinjte

[BvizioN]

Gerta Heta mbase nuk ka nje krijimtari te gjere ne industrine e muzikes, prapseprap zeri i saj tingellues shoqeruar me tingujt e embel ritmik arrin te magnetizoje atmosferen mes te rinjeve Shqiptare.




Vizitoni faqen e saj ne http://www.gaerta.com/

Krijimi i saj i fundit eshte Me ngjan sikur


Ketu do ve nje link ku mund ta shkarkoni,por duhet te keni parasysh se linku eshte efektiv vetem per 7 dite.Pas kesaj kohe nese keni problem me shkarkimin me kontaktoni mua.

http://s45.yousendit.com/d.aspx?id=3...Z31SPJ7BPEQ42U

[BvizioN]

10 PYETJE GAZETARES SHQIPTARE, GERTA HETA, TË “KISS FM”, NJË RADIO HIP-HOP/R&B NË NEW YORK

E mirënjohur për të gjithë shqipëtarët si prezantuesja e “Një këngë për ty” në Top Albania Radio, mbetet zëri më i veçantë radiofonik Shqiptar. Lindur në Tiranë më 15 Gusht 1976, që në moshë të vogël e karakterizon një ambicje e theksuar për të fituar si dhe një dashuri për skenën. Futet në grupin e teatrit në Pallatin e Pionerëve, më pas kalon si recituese për kongreset e atëhershme të partisë dhe dallon në çdo aktivitet të shkollës si prezantuese apo recituese. Ka interpretuar edhe në radiodramatizime tek Radio Tirana madje ka qenë edhe zëri i Lolit tek kartonat e atëhershëm “Coli dhe Loli”.
Ndërkohë që vazhdonte studimet në degën e Mjekësisë Veterinare, në vitin 1996 fillon punë në televizionin e parë privat i cili atëhere trasmetonte vetëm në Durrës;“Shijak TV”, si prezantuese e një Hit Parade Europian.Pas një viti Gertën e gjejmë në radion e parë private Shqiptare Top Albania Radio, ku pasi kalon provën e zërit dhe të prezantimeve para mikrofonit, në mars të vitit 1997, asaj i afrohet të drejtojë emisionin “Një këngë për ty”.Gerta sjell një frymë të re në radio, një mënyrë të re prezantimi,aspak konservatore dhe shumë origjinale, gjë që e veçon atë si karakter unik dhe novator. Më pas ajo sjell edhe emisione me interes për dëgjuesin shqiptar si: “All that’s Jazz” ku ajo drejton së bashku me Fabrizio, një DJ Italian i apasionuar pas muzikës Jazz, si dhe “American Top 20”, përkrah Dwaine një qytetar Amerikan edhe ky i apasionuar pas muzikës.Maji i vitit 2001 e gjen Gertën në SH.B.A. për një kurs në regji televizive, dhe vetëm pas një viti qëndrimi atje Gerta i kthehet sërish mikrofonit të radios, kësaj rradhe një audience të huaj, asaj të KISS FM një radio Hip Hop/R&B në New York të SHBA-së.Përgjegjësi e madhe të drejtosh në një radio të huaj,të mos flasësh në gjuhën tënde, e sërish të pëlqehesh nga dëgjuesit.
Duhet të jetë tepër e vështirë për Gertën, e cila pasi fitoi zemrat e pothuajse çdo Shqiptari me zërin e saj karakteristik, sfidon vetveten dhe kërkon një karrierë në USA duke argëtuar tashmë audiencën amerikane e duke ngritur lart në këtë mënyrë imazhin Shqiptar nëpër botë. Gerta Heta bën pjesë në të paktat artiste Shqiptare që arrijnë të prekin mediat e huaja. Ja se si shprehet ajo në dhjetë pyetje për të:





1-Jeni "magnet" për mjaft të rinj si shpjegohet?
– Komplimenti më pëlqen tejet, shumë.(Dhe ajo qesh,…qesh)
Çfarë shpjegimi të jap unë!?Kyçi I suksesit me dëgjuesin është komunikimi me të dhe unë them se këtë e bëj shumë mirë.Tani nuk po zgjatem më shumë me “ato që di të bëj” se do thuash:”shumë modeste na qenka Gerta”.


2-Zëri juaj apo diçka tjetër ju veçon më shumë karakterin tërheqës?-
Siç e thashë edhe më parë është komunikimi I ngrohtë,trajtimi si mik I dëgjuesit.Së dyti them se është personaliteti para mikrofonit,trasmetimi I asaj që unë jam dhe ç’ndiej, që ngjall simpati dhe së treti, them se është dhurata nga Zoti, zëri.

3-Si e shihni veten para mikrofonit? – E shoh mikrofonin si pjesë të jetës sime tashmë.Kur hyj në studio ndihem si në shtëpi dhe mikrofoni gjithmonë më ngjall emocione.Që këtu kuptohet se unë e dashuroj mikrofonin e radios.




4-Ku ndryshon e përditshmja nga komunikimi me dëgjuesin?
– Dëgjuesi do dhe duhet të dëgjojë një Gertë të lumtur, gjithmonë në formë dhe shumë miqësore.Dëgjuesi e do buzëqeshjen dhe nganjëherë kjo buzëqeshje, për shkak të problemeve të jetës, duhet improvizuar.Pra në një farë mënyre duhet aktruar para mikrofonit për të sjellë gjithmonë të njëjtën energji dhe entuziazëm, e ndërkohë e përditshmja është si e kujtdo; plot probleme, stresse dhe frustrime.

5-Cilin preferoni më shumë në jetë këndin e studios radiofonike apo këndin e një vendi që të harron paksa nga jeta?
– Nqs e kuptova mirë ky këndi që na harron nga jeta është një pushim në një vend larg problemeve apo jo?Do I preferoja të dyja sepse duhet edhe ca pushimi dhe largimi nga stresset,megjithatë po të më vinin te zgjidhja mes të dyja do preferoja atë këndin në studion radiofonike.

6-Në fakt kush është Gerta?- Gerta është një njeri shumë I thjeshtë, shumë e kënaqur nga ato çka jeta I ka dhuruar.Një njeri I çiltër, që dashuron jetën dhe njërëzit.Shumë e ndjeshme dhe jeton me shpresën se një ditë,në njëfarë mënyre do ndihmojë njërëzit e vendit të saj.Një njeri që nxjerr edhe lot kur sheh një kronikë për varfërinë apo fatkeqësinë e dikujt në TV.Me pak fjalë Gerta e ka zemren e madhe.

7-Ç'ndryshim ka për ju radiofonia nga ekrani?
– Radiofonia të jep mundësinë që më pak elemente siç janë zëri dhe karakteri të fitosh simpatinë e njërëzve,të komunikosh me ta, ti bësh të të duan e të të ndjejnë,ndërsa TV ka më shumë elementë ku kryesori është ana vizive.Pra TV detyrimisht do funksionojë,por është me zotësi të fitosh zemra përmes radios sesa përmes TV.Kështu e shoh unë gjithsesi.Pastaj thjesht fakti që kur të njohin vetëm zërin mund të jetosh jetën si çdo njëri I thjeshtë e nuk të duhet të vishesh e të ngjash perfekt në look,vetëm kjo të jep shume liri dhe të bën të ndihesh mirë apo jo?





8-Si e shikoni të ardhmen tuaj?
– Të ardhmen time e shoh të lumtur.Do ta bëj të tillë.Nuk mund ta lë veten time te vuajë.E dua shumë dhe përsëri qesh…
Besoj se nuk do shkëputem nga mikrofoni dhe uroj që Zoti të më shikojë në çdo hap që do marr.Sepse duhet pranuar;në jetë suksesi nuk është vetëm këmbëngulje,pasion,talent dhe dëshirë por edhe fat.Dhe mua ky I fundit nuk më ka munguar deri tani.

9-A veçoni kënd në shtysën drejt këtij pasioni për radion?– Do të të konfesoj, se atëherë kur unë nisa të shkel asfaltin e pasionit tim, radion, nga gjithkush kjo konsiderohej si një humbje kohe, pasi nuk shihej si një mjet për të bërë “Boom” apo karrierë të madhe,por ka qenë këmbëngulja dhe dëshira ime e çmendur,pasioni im,që më shtynë të vazhdoja në këtë rrugë.Nuk kam pasur pengesa por edhe shtytje të madhe nuk kam pasur.

10-Shqip apo në gjuhë tjetër do të ishte më komode studioja për ju?
-Unë I provova të dyja dhe tek të dyja jam komode por nuk ka si komunikimi me njeriun tënd,dhe unë kështu quaj të gjithë Shqipëtarët.Pra le ta lëmë kështu; preferoj të flas SHQIP.

[dodoni]

Gerta eshte shume kengetare e forte por duhet te prodhoje me shume muzike sepse vetem tre kenge ka deri tani.Po mundohet te futet edhe ne tregun amerikan por me kete rryme muzikore (Techno) eshte shume e veshtire sepse ne Amerike nuk degjohet shume kjo rryme. Poashtu, ne Amerike eshte shume e veshtire nga te huajte te futen ne tregun muzikor. Kete gje nuk e kane arritur as 5-10 perqind e kengetareve me te mire europiane.

I urojme edhe me shume suksese Gertes ne te ardhmen

[BvizioN]

Dhjetor 18, 2005



Nga Gentian Minga - Shqip




Sigurisht që ju e njihni emisionin “Një këngë për ty” në Top Albania Radio… Ishte atje që ratë në dashuri me zërin më të veçantë radiofonik shqiptar, atë të Gerta Hetës. Dhe pse sot ajo drejton në një radio prestigjioze në Nju Jork, radio që transmeton muzikë të zezë (R&B dhe Hip Hop) Kiss Fm nuk është kurrsesi e njëjta gjë me Top Albania Radion. “Lidhja me Topin ishte më tepër shpirtërore sesa profesionale. Miqtë e mi dhe vet unë kemi qarë ditën që do të ndahesha për të ardhur këtu në Amerikë”, rrëfen Gerta. Siç thotë ajo, Top Radio i ishte bërë si një shtëpi, kurse në Amerikë me kolegët ka një marrëdhënie të mirë e korrekte, por aspak miqësore sa në Shqipëri. Vajza nga Tirana i ka caktuar ambiciet e veta në një moshë fare të vogël dhe qysh atëherë e karakterizonte një ambicje e theksuar për të fituar dhe pasur sa më tepër suksese në gjithçka që bënte. Spikat tek ajo një dashuri për skenën, çka zbulon natyrën e hapur, të çiltër dhe tipin e saj komunikues. “Kyçi i suksesit me dëgjuesin është komunikimi me të, trajtimi si mik i atyre që kanë vendosur të kalojnë disa orë relaksi me ty”, shprehet Gerta teksa thekson se kjo nuk do të kishte qenë e mjaftueshme nëse nuk do të kishte pasur atë dhuratë nga Zoti, pra zërin.
Heta e nis rrugën e saj drejt karrierës qysh fëmijë, kohë kur ka qenë e angazhuar dhe tepër aktive në Pallatin e Pionerëve. Atje spikat ndër moshatarët e saj për shkathtësinë, ndaj shumë shpejt do ta shihnim si prezantuese dhe interpretuese të talentuar. Pasioni prej fëmije për recitimin, shumë shpejt do t‘i mundësonte asaj të bënte zërin e personazhit të Lolit në radiodramatizimin “Coli dhe Loli”… transmetuar në Radio Tirana. Ndoshta janë këto përvoja të para, premisa për t‘u marrë me aktrimin që e bëjnë Gertën të shprehet kështu: “Të këndoja nuk e kisha menduar kurrë! Ëndërr e kam pasur, por jeta kështu e ka… Tjetër gjë dëshiron dhe tjetër të fal”, shprehet Heta teksa shton se gjithsesi muzikën e deshi që në momentin e parë që “u takua me të”… “Isha në studiot e Top Albanias dhe kolegu im, Aldo kishte përfunduar një këngë në të gjitha elementet e saj, por i mungonte këngëtari. Fillimisht më erdhi për të qeshur, por kur kënga u realizua dhe bëri bujë nuk më shkoi më ndër mend ta lija muzikën”, kështu e filloi Heta rrugën e saj me një hit të dëgjuar siç është “My Love, my treasure”…
Por para se të kalonte tek Top Radio Gerta do të niste kontaktin e parë me median në televizionin e parë privat në Shqipëri, që atëherë transmetonte vetëm në Durrës, “Shijak TV”, ku prezantonte një ‘Hit Parade’ europian. Pas një viti pune në këtë televizion, Gertën e gjejmë në të parën radio private në Shqipëri “Top Albania Radio”. Aty në mars të vitit 1997 i ofrohet të drejtojë emisionin “Një këngë për ty”; Në TAR Gerta sjell një frymë të re në radio, një mënyrë origjinale prezantimi gjë që e veçon si karakter unik. Nëse zërat e rinj, të freskët dhe modernë të kësaj radioje me një stil të padëgjuar më parë do t`i konsideronim një orkestër, Gerta aty ishte pa diskutim violina e parë… Me zërin e saj u identifikua radioja e sapokrijuar! Aq e fortë ka qenë lidhja e saj me këtë radio, saqë ende sot i thërrasin “Gerta e TOP-it”. Në po këtë radio, Gerta do të realizonte në vazhdim emisionet: “All that’s Jazz” ku drejtoi së bashku me Fabrizion, një DJ italian i apasionuar pas muzikës Jazz; “American Top 20” përkrah Dwaine një qytetar amerikan edhe ky i apasionuar pas muzikës. Maji i vitit 2001 e gjen Gertën në SHBA për një kurs në regji televizive. Fatmirësisht, as atje nuk i mungon radioja, sepse pas vetëm një viti qëndrimi në Nju Jork, nis të prezantojë në Kiss Fm një emision me muzikë black (të zezë)… Në Pokipsi asaj nuk i mungojnë fansat dhe dëgjuesit që ia adhurojnë zërin krejt origjinal.
Ambicia më e madhe e saj është tepër gjigante, e denjë për t‘u quajtur një ëndërr: Dëshiron që në USA ku jeton prej disa vitesh të ndërtojë një karrierë të vërtetë me suksese në muzikën ‘dance’. Kjo tingëllon ndoshta e pamundur, dhe për Gertën është paksa e vështirë, gjithsesi ajo e ka nisur punën për të realizuar këtë ambicie. “Mlodha në verën evitit 2004-ës material në Shqipëri, material të cilin dëshiroj ta përkthej në anglisht dhe me këto këngë të arrij të kem “the smash hit” atë hit që do të më bëjë të njohur edhe për amerikanët”, – tregon Gerta për fansët e saj. Kjo ambicie e madhe nuk është vetëm një dëshirë e Gertës, por edhe e gjithë shqiptarëve, sepse sukseset e shqiptarëve nëpër Botë na bëjnë krenarë dhe të lumtur.
Suksesi më i madh i Gertës është biseda me zëvendëspresidentin e SONY BMG-së, shtëpi diskografike shumë e njohur dhe e madhe në Botë… Ai i ka kërkuar Gertës disa këngë për t‘ia dëgjuar dhe nëse ia pëlqen, firmoset një kontratë dhe Gerta arrin famën. Projekti më i afërt është pjesëmarrja e saj në Notafest me “Më ngjan sikur” me tekst të vëllait të saj…
Sa e ndieni afër apo larg veten tuaj nga Shqipëria dhe sa të afërt apo të largët ndiheni me vendin ku jetoni?
Megjithëse fizikisht larg vendit tim, duhet ta pohojë se më afër gjendem me të sesa me Amerikën. Kjo jo për t‘u dukur patriote në këtë intervistë dhe në sy të njerëzve, por kjo është diçka e vërtet. Unë punoj dhe jetoj në Nju Jork, por kokën e kam aty në Shqipërinë time. Aty ku kam familjen, shoqërinë, fansat… Gjithçka! Aty ku kam kaluar fëmijërinë time, pra shpirtin e kam në Shqipëri.

Kontakti me Shqipërinë: I qëndrueshëm, apo për t’u harruar?
Përfundimisht për të mos u harruar. Shkoj dy herë në vit atje…

Cila është gjëja që nuk keni gjetur as në vendin tuaj, as atje ku jetoni tani?
Pyetje mjaft e vështirë e që do kohë për t‘iu përgjigjur. Unë do të thosha se ajo që nuk e kam gjetur as në USA e as në Shqipëri është idealja. Më duket se nuk ekziston fare se u lodha duke e kërkuar sa këtu e sa atje po aha...!

Cila është atëherë ajo gjë që nuk e keni pasur në Shqipëri, por atje e keni gjetur?
Lirinë për të qenë vetvetja, për të bërë e për t‘u sjellë siç dua pa u preokupuar që do të gjykohem nga opinioni.

Do të merreshit sërish me muzikë, po të jetonit në Shqipëri?
Patjetër që do të merresha. Kënga më ofroi një dimension të ri, kënaqësi të reja që radio nuk m‘i kishte ofruar. Pra, do të vazhdoj të nxjerr këngë!

Cili është gjykimi juaj për karrierën tuaj, publikun shqiptar dhe atë të huaj?
Për karrierën time nuk di ç‘të them, kërkoj më shumë dhe besoj e shpresoj se do të marr më shumë prej saj. Ndërsa për publikun shqiptar do të them se për mua është unik, i pazëvendësueshëm ndërsa për publikun e huaj do të thoja se është i sinqertë në vlerësim.

Publiku... Si është ai ku ti jeton krahasuar me të këtushmin?
E thashë edhe më lart, këtu më pëlqen sinqeriteti i publikut, i cili të pëlqen, të duartroket; vjen të bën edhe komplimente. Është gati e njëjta gjë edhe në Shqipëri, por do të flisja me më pak rezerva për kryeqytetin.

Cila është kënga (e kënduar prej jush) që e keni më për zemër dhe që ju lidh më shumë me Shqipërinë?
Pa dyshim, kënga që më hapi dyert e skenës dhe më ofroi kënaqësinë të cilën të jep skena muzikore ishte “My Love”.

Si është të flasësh në një radio të huaj dhe si në një radio shqiptare?
Shumë ndryshe e nuk do të jetë kurrë njësoj, pasi anglishtja sado mirë të përvetësohet, mbetet prapë gjuhë e dytë për mua dhe fjalorin e kam tejet më të pasur në gjuhën shqipe. Megjithatë një gjë është e njëjtë; në të dyja gjuhët po arrite të besh lidhjen me publikun, po komunikove me ta si t‘i kesh përballë, po t‘i konsiderosh të afërt, do të marrësh të njëjtën kënaqësi nga dashuria e tyre.

Cili është tipari pozitiv më i spikatur i shqiptarëve dhe cili është ai tipar apo mentalitet, nga i cili duhet hequr dorë?
Po filloj me tiparin negativ e po e le ëmbëlsirën për në fund. Ne shqiptarët, si në Shqipëri ashtu edhe jashtë saj na karakterizon një ambicie që anon më shumë nga xhelozia. E kjo nuk është ambicie konstruktive, por destruktive. Nuk duam të shohim njeri mirë e në vend që të bëjmë përpjekje të ndërtojmë veten, të bëhemi më mirë nëpërmjet punës, të ecim para, përpiqemi që edhe atë person që është mirë ta shohim keq e t‘i prishim punë në një mënyrë apo në një tjetër. Sa për tiparin pozitiv më të spikatur mendoj se ne shqiptarët jemi njerëz shumë bujarë, gjë që nëpër Botë ka nisur të zbehet mjaft.

Cili është ai projekt që keni në dorë dhe që po përpiqeni me çdo kusht ta realizoni aty ku jetoni?
Po përpiqem të gjej treg për këngët e mia ‘dance’, të cilat i kam edhe në versionet anglisht. Rrugë e gjatë. Fundit nuk i dihet nëse e shohim apo jo, por unë kam hedhur disa grepa e të shohim nëse do të shohim ndonjë peshk… Domethënë, ndonjë kontratë muzikore. Gjithashtu, po punoj edhe për një album të mundshëm për në Shqipëri. Kam disa këngë gati e të shohim kur përfundon e kur do të hidhet në treg. Planet i kam për fillimin e vitit 2006, por nuk dua të nxitoj se nuk dua t`i zhgënjej fansat. Dua të nxjerr produkt të mirë e për më tepër origjinal. Nuk jam pro huazimeve. Tani që po flas me ju i kam gishtat të kryqëzuar, me shpresën që këto projekte të më realizohen.

A do ta sillni atë edhe në Shqipëri?
Kësaj pyetjes iu përgjigja më lart. Patjetër që kam projekte për vendin tim, dhe i pari është albumi muzikor. Nuk dua në asnjë mënyrë të humbas kontaktet me Shqipërinë.

[@rdi@n@]

GERTA
eshte shum YLLLLLLLLLLLLLLLLLLLLLLLLLLLLLLLLLLL

[Kristiano]

Me Pelqen Shuuume Si Kengetare

[100% BRUNE-BABY]

Kjo eshte debile!
Ca kengetareje kjo!

[@rdi@n@]

Kjo eshte debile!
Ca kengetareje kjo!

Debile mund ti thuash ndokujt tjeter se GERTEN e kemi njesh
ok

te arrij dikush sa arriti GERTA
mjafton

[Michaela]

Debile mund ti thuash ndokujt tjeter se GERTEN e kemi njesh
ok

mos e ke komshije ti qe e mbron mi??:P:P
Shaka une as e njof kush eshte mund te ma prezantoj ndonjera shkurtimisht se eshte shume aty siper:P

[BvizioN]

mund te ma prezantoj ndonjeri shkurtimisht se eshte shume aty siper:P

Faqja e saj personale mbase do ishe me informative

Gerta Heta