Harresë dhe heshtje

[Alkimisti]

asnjë kujtim
nuk i kthen ditët e perënduara

asnjë fjalë
s'është më e fuqishme se heshtja

harresë dhe heshtje
epilog i përkryer për një dashuri

[Mjellma]

harresë dhe heshtje
epilog i përkryer për një dashuri

Mjellma

[blue_crystal]

kembanat e heshtjes
kumtojne kobin e radhes
ulerasin, ulerasin
muzike e vesheve te uritur
...ndersa agimet roze kalojne pa me prekur...

[Alkimisti]

në një tjetër kohë
në një ditë sikur kjo sot
do të kisha qenë duke bredhur rrugëve
duke të kërkuar qiellit e tokës
dhe diku ndërmjet
dhe diku përtej

për dy fjalë
që i thonë të gjitha që mund të thuhen
të kuptoje se unë s'jam unë
pa ty

sot
po ato rrugë sërish do t'i bëja
veç të të harroj
veç të të harroj...

[Alkimisti]

kaherë kam vdekur
që më pas
të vdesësh dhe ti në mua

ndryshe s'jetohej

[blue_crystal]

Se vdekja ime prapë s’të mjaftoi
Më ktheve përbindshëm sërish në jetë
Që të shihja qartë dhimbjen në sytë e tu
pendimin, shpresën, dëshirën e marrë e urrejtjen
ndërsa era të këndon në veshë “s’është më pranverë miku im”…


E unë ndihem e vogël… S’e di, para teje apo para vetes?

[blue_crystal]

Prania jote diellore
S’e ngroh më të ftohtin shpirtin tim
Kemi humbur në kohë e hapsirë
Tej në horizont një dorë vjen drejt meje
E shoh të largët, të ftohtë, të huaj…

[Poeti]

kaherë kam vdekur
që më pas
të vdesësh dhe ti në mua

ndryshe s'jetohej

Edhe i vdekur jam me ty
Edhe në botën tjetër për ty mendoj,
Edhe atje në botën e amshuar
Vetëm për ty do të jetoj!

[blue_crystal]

qe vdekja te merrte ngjyren e syve te tu
une prita nje jete pa e ditur
e ndera sa here pritjen ne telat e kujteses e harreses
per te kuptuar se kishte ardhur koha te ngaterroja ngjyrat...

... koha eshte ketu per te na sheruar, ushqyer e rritur... me pas...

[Alkimisti]

kaq e pati
edhe kjo dashuri

e shtrydhëm ende të pabërë
një pikë
të mos i mbetej
pothuajse fare pa e shijuar

kaq e pati
edhe kjo dashuri

tani diç nga brenda
na ndrydh e na shtrydh që të dy
gjer në të fundit pikë
të lotit

kaq e pati
edhe kjo dashuri...