Bomba,tmerr,vdekje edhe ne Egjipt.

[zeus]

-----------------------------------------------------------------

Perseri tragjedi ne Sharm el Sheikh. Ne lokalitetin turistik te Egjiptit kane plasur tre bomba rreth ores nje te nates se kaluar. Te vdekurit llogariten mbi 60 dhe mbi 200 te plagosurit. Viktimat jane turiste te huaj dhe egjiptiane. Nga te dhenat e para nuk duket te kete viktima me shtetesi shqiptare.

-----------------------------------------------------------------

[Toro]

Po per Egjiptin cili eshte justifikimi per venien e bombave? Mos valle dhe Egjipti sulmoi Irakun e Afganistanin? Mos valle politika e jashtme e Egjiptit ( shtet mysliman) po "vret" myslimane te tjere?
Kur do ta kuptojne disa koketrashe ne Evrope e kudo ( dhe koketrashet e forumit gjithashtu) se Islami RADIKAL= Fashizem= Vendosje me dhune te fese islame ne te gjithe boten!

[kolombi]

Sulme vdekjeprurëse në Egjipt



Shpërthimi i makinës bombë shkaktoi dëme të mëdha
Të paktën 88 persona njoftohet se kanë vdekur gjatë një serie sulmesh me bomba në vendpushimin e Detit të Kuq në Egjipt, Sharm El-Sheik.
Shumë të tjerë janë plagosur gjatë shpërthimeve.

Autoritetet thonë se shumica e të vrarëve ishin egjiptianë.

Ministria e turizmit ka konfirmuar se në mes të të vrarëve ndodheshin dhe shtatë shtetas të huaj-dy britanikë, një italian dhe një çek.

Një makinë e mbushur me eksplozivë u përplas në hyrje të Hotelit Kopshtet Razella duke shkaktuar dëmtime të mëdha dhe shumë vdekje.

Një tjetër makinë shpërtheu pranë një vendqëndrimi taksish.

Këto ndodhën 15 minuta pas një shpërthimi në një treg ku u vranë shumë punëtorë egjiptianë që ishin ulur në një kafene jashtë.

Nuk dihet qartë nëse ky shpërthim u shkaktua nga një makinë bombë apo nga një person që kishte eksplozivë.

Autoritetet egjyptiane kanë dërguar ekipe mjekësore shtesë dhe presidenti Hosni Mubarak ka ndërprerë pushimet e tij për të vizituar vendin e ngjarjes.

Ministri i brendshëm tha se ishte shumë shpejt të spekulloje nëse al-Kaida kishte lidhje me sulmet.


Marre nga BBC

[inter_forever]

Dora e Al Qaedas dhe ne kete masaker. E kane marre persiper ''grupi i Al Qaedes ne shtetet e Levantes dhe Egjiptit''
Jane i njejti grup qe ne 7 tetor 2004 goditen hotelin ne kufirin Egjipt -Israel ku vdiqen 34 vete...

Numri i te vdekurve ka arritur ne 90 ....


Goditen zonen turistike Sharm el Sheikh , ose sic njihet ndryshe ''Rimini i Detit te Kuq ''....Nje goditje e forte per Egjiptin dhe turizmin ne zonen me te famshme , ne parajsen turistike ...


Farnesina keshillon italianet :<< Mos shkoni ne Egjipt>>

Jane anulluar 80% e fluturimeve per ne Egjipt nga Italia.

Foto te hotelit para dhe pas masakres....

[zeus]

------------------------------------------------

Sipas burimeve zyrtare bilanci perfundimtar i atentateve qe prishen qetesine e Sharm el Sheikh eshte: 90 te vdekur dhe 200 te plagosur. 32 persona nga te plagosurit jane me nenshtetesi te huaj. Diplomatet shqiptare kane rikonfirmuar se asnje shqiptar nuk eshte demtuar megjithese ne ate zone ndodheshin disa grupe turistesh nga vendi yne.

Shume njerez konsiderohen "te humbur" pasi nuk ka akoma asnje lajm per vendndodhjen e tyre.
Policia egjiptiane ka filluar arrestimet e para per te gjetur pergjegjesit e kesaj tragjedie.

------------------------------------------------

[Xhuxhumaku]

Tre shpërthime bombash në Sharm el-Sheik, një nga vendet turistike më të populluara në Detin e Kuq

Terrorizmi godet Egjiptin 88 të vdekur, 200 të plagosur


Eva Kushova

Të paktën 88 vetë janë vrarë dhe 200 të tjerë janë plagosur, kur dy makina-bombë shpërthyen në një zonë me dyqane dhe hotele, në një prej vendeve më të bukura turistike të Detit të Kuq, në Sharm el-Sheik. Ky është sulmi më i rëndë në Egjipt, që nga viti 1981, ndërkohë që, zona ku ndodhi shpërthimi është më të frekuentuarat nga turistët këto vitet e fundit. Dëshmitarët në vendin e ngjarjes, thanë se bëhej fjalë për një masakër të vërtetë: kudo copëra trupash, njerëz që rënkonin të zhytur në gjak e që kërkonin ndihmë, veshje dhe orendi të ndryshme të hedhura gjithandej, makina të djegura, ndërtesa të shkatërruara. Njerëzit ulërinin dhe sirenat e ambulancave dhe mjeteve të policisë ushtonin. Turistët të alarmuar rrëfyen për mediat e ndryshme atë që kishin parë, dhe një pjesë e tyre rrëmbyen bagazhet për t’u kthyer menjëherë prej nga kishin ardhur. Bashkiaku i rajonit tha se dy makina bombë dhe ndoshta një valixhe bombë, kishin shkaktuar gjithë shpërthimin. Një prej shpërthimeve rrëzoi gati plotësisht pjesën ballore të Hotelit “Ghazala Gardens” në Naama Bay, vendi ku ndodhen dhe hotelet më lukzoze të gjithë bregdetit. Ky shpërthim u shkaktua nga njëra prej makinave bombë që kishte hyrë brenda kompleksit të hotelit dhe kishte shpërthyer pas disa çastesh përballë ndërtesës kryesore. Shpërthimet e tjera ndodhën në qytetin e vjetër “Bazar”, dhe një tjetër në afërsi të hotelit “Moevenpick”.
Kreu i shërbimit të ambulancave në Sharm el-Sheik, Said Abdel Fattah, tha se shërbimet e emergjencës kishin arritur të mblidhnin 62 trupa të plotë, dhe pjesë trupash të gati 21 personave të tjerë. Gati 17 kufoma janë të karbonizuara, dhe thuajse të paidentifikueshme. Ndërkohë që burimet bëjnë të ditur se 23 vetë janë në gjendje shumë të rëndë shëndetësore, nga 35 që janë marrë për trajtim të veçantë në Kajro, kryeqytetin e Egjiptit. Shumica e viktimave ishin egjiptianë, por zëdhënësi i Ministrisë së Turizmit, tha se 7 jo egjiptianë janë mes të vdekurve, përfshi dhe një italian e një çek. Ndërkohë, 20 të huaj të tjerë janë mes të plagosurve, nga të cilët, nëntë italianë, pesë sauditë, tre britanikë, një rus, një ukrainas dhe arabo-izraelit. Ndërkohë Ministria e Jashtme Britanike, thotë se ndodhen tetë britanikë mes të plagosurve. Sharm el- Sheik, e quajtur ndryshe si “qyteti i paqes në Egjipt”, frekuentohet kryesisht nga turistë evropianë, por edhe diplomatë nga vende të ndryshme të botës. Ndaj, autoritetet presin që numri i viktimave të huaja të jetë më i madh. Ndërkohë një zyrtar i shërbimeve të emergjencës, tha se shumica e të plagosurve ishin punëtorë egjiptianë të mbledhur në një kafene përballë marketit të vjetër.

Dëshmitë
Shpërthimi ndodhi në orën 1 pas mesnate, sipas orës lokale. Në atë orë, shumë turistë ishin në bare dhe markete, në bregdetin e populluar dhe të konsideruar tepër të sigurt. Ahmed Mustafa, një kamarier në një kafene që ndodhej pranë vendit ku ndodhi shpërthimi i parë, tha se një lëmsh i zjarrtë doli nga një makinë e parkuar në një supermarket në qytetin e Sharm-el-Sheikh. Shpërthimi e ktheu makinën në një skelet metali, rrëzoi muret e ndërtesave të afërta dhe theu xhamat e dritareve deri në 100 metra rreth e qark. Ndërkohë, një tjetër dëshmitar tha se kishte parë një burrë që kishte ecur mes turmës, me një çantë të madhe udhëtimi dhe kishte njoftuar në gjuhën arabo-egjiptiane: “Unë kam një bombë. Disa njerëz u shmangën tej, ndërsa të tjerë menduan se ai po bënte shaka”,- rrefen dëshmitari. Dy minuta më vonë ndodhi shpërthimi. “Unë pashë një makinë që fluturonte në ajër, dhe njerëzit që vraponin”, thotë një tjetër pronar restoranti aty pranë, Yehya Mohammed. Presidenti egjiptian, Hosni Mubarak, ndërpreu pushimet në Mesdhe dhe fluturoi menjëherë për në Sharm el-Sheikh. Ndërkohë, policia ka arrestuar 35 vetë në zonën e Sharm el-Sheikh, edhe pse nuk dihet ende se me kë kanë lidhje të dyshuarit.
Ministri i Turizmit, Ahmed el-Maghrabi, tha: “Këto incidente kanë një efekt afatshkurtër në turizëm”. Ai tha se turistët janë sulmuar edhe herë të tjera në Egjipt. Por kjo nuk e ka ndalur turizmin. Turizmi është një nga burimet kryesore të fitimit dhe të punësimit në Egjipt, pasi krijon rreth 650 000 vende pune në vit, për popullsinë në moshë të re.


Përgjegjësia
Një degë e Al-Kaedas pranon fajin, egjiptianët akuzojnë Izraelin
Përgjegjësinë për sulmin e ka marrë një grup që ka lidhje me organizatën terroriste Al Kaeda. Grupi në fjalë, nëpërmjet një deklarate në internet, ka thënë se e kreu këtë sulm në shenjë hakmarrje ndaj “krimeve të kryera kundër myslimanëve”. Deklarata nënshkruhej nga Brigadat e “Abdullah al-Azzam”, që konsiderohet si degë e Al Kaedas në Egjipt. Megjithatë, askush nuk mund ta vërtetojë origjinalitetin e deklaratës dhe ekzistencën e grupit në fjalë. Është bërë e zakonshme që kohët e fundit, sulmet terroriste merren përsipër nga organizata të panjohura, dhe kjo përgjegjësi shprehet vetëm në disa rreshta në gjuhën islamike në faqe të ndryshme të internetit, të cilat konsiderohen burime të pabesueshme. Megjithatë, Ministri i Brendshëm i Egjiptit, Habib el-Adli, tha se është ende shumë herët të thuash nëse Al-Kaedea apo ndonjë grup tjetër islamik ka patur lidhje me bombat, por shtoi se ka shumë mundësi që ky sulm të ketë lidhje me atë të tetorit, vitin e kaluar, që ndodhi pak më në veri se sulmi aktual. Për sulmin e tetorit të 2004, u akuzua një grup palestinez, pasi, mes të vrarëve, kishte edhe disa izraelitë. Por, për sulmin e djeshëm në Egjipt, autoritetet egjiptianë akuzojnë Izraelin. Kjo, pasi shumica e të vrarëve janë egjiptianë dhe marrëdhëniet e Egjiptit me izraelin kanë qenë vazhdimisht disi të tendosura. Analistë të ndryshëm egjiptianë, duke folur për televizionin satelitor arab, me seli në Katar, Al-Jazeera, thanë se Izraeli është përgjegjës për sulmet e fundit, pasi shumë prej tyre kanë hyrë pa u kontrolluar në vendet turistike egjiptiane. Shërbimet e sigurisë thonë se njëra prej makinave që shpërthyen dje, kishte targa speciale që tregonin se makina vinte nga Taba, në gadishullin e Sinait, në kufi me Izraelin. Disa analistë thonë se Egjipti ka tërhequr vizitorë ekstra, këtë vit pas tsunamit që goditi Azinë Juglindore. Një tjetër fakt që dyshohet mbi Izraelin, është se muajin e fundit qeveria izraelite ka parlajmëruar qyetarët e saj në Egjipt, se ekziston rreziku i një sulmi tjetër të mundshëm.

Viktimat e djeshme
88 të vdekur, shumica egjiptianë
222 të plagosur, shumica egjiptianë
Të huaj vdekur: gjithsej 7, prej të cilëve 1 italian, 1 çek
Të huaj të plagosur: 9 italianë, 5 sauditë, tre britanikë, 1 rus, një ukrainas, 1 arabo izraelit. Flitet se ka edhe spanjollë, holandezë, francezë, kuvajtjanë dhe nga Katari



24/07/2005
KATEGORIA: Bota

[Xhuxhumaku]

Ambasadori shqiptar në Egjipt, Viktor Kalemi, thotë se nuk ka asnjë informacion për viktima mes turistëve shqiptarë

42 shqiptarë në Sharm el-Sheikh, asnjë viktimë

Agjencitë: 12 shqiptarë me pushime në vendin e ngjarjes. 30 gazetarë shqiptarë, 1 orë larg Sharm el-Sheikh

Shekulli

Të paktën 42 shqiptarë, janë ndodhur pranë zonës turistike Sharm El-Sheikh, që u godit nga një seri bombash në orët e para të mëngjesit të djeshëm. 12 prej tyre janë nisur për pushime nëpërmjet agjencive shqiptare të udhëtimeve, ndërsa 30 të tjerë, janë një grup gazetarësh që kanë shkuar për të marrë pjesë në një seminar për mediat. Megjithatë, pavarësisht nga numri i madh i shqiptarëve të pranishëm, rreth vendit ku ndodhën sulmet, ambasadori shqiptar në Egjipt, Viktor Kalemi, thotë se nuk ka asnjë viktimë në radhët e tyre. “Nuk kam asnjë njoftim zyrtar apo jo zyrtar, për viktima midis turistëve që ndodhen aktualisht në Sharm el-Sheikh”, - ka thënë Kalemi, për News 24. Ai theksoi se është fakt, që vitet e fundit, zona turistike Sharm el-Sheikh, është frekuentuar shpesh nga shqiptarët, numri i të cilëve ka arritur edhe në 3000 vetë në vit. Duke qenë se ky numër turistësh është i madh, Kalemi thotë se “nuk përjashtohet fakti që mund të ketë viktima”, por se zyrtarisht ai nuk ka marrë asnjë njoftim për përfshirjen e shqiptarëve mes të vrarëve apo të plagosurve. Ndërkohë, Kalemi konfirmon se në Egjipt ndodhet një grup gazetarësh prej 30 vetash nga Shqipëria, të cilët gjatë ditës së djeshme janë zhvendosur në një qytet tjetër, larg vendit të shpërthimit. “Është e vërtetë se këtu ndodhet një grup gazetarësh prej 30 vetash, por që dje kanë shkuar për fundjavë në një qytet tjetër, që është shumë larg,… ku nuk ka ndodhur asnjë atentat…”,- thotë Kalemi. Ndërkohë, njëri prej gazetarëve shqiptarë që ndodhet mes këtij grupi, Ben Andoni, thotë për News 24, se qyteti ku ata ndodhen është rreth një orë larg me anije nga Sharm el-Sheikh. Por pavarësisht nga kjo, Andoni thotë se shqiptarët e kanë përjetuar me frikë gjendjen e krijuar pas sulmeve në Sharm el-Sheikh. “Të themi të drejtën, sot e kemi përjetuar pak si të frikësuar situatën në Sharm el-Sheikh, por gjithsesi, ka qenë një situatë që ka kaluar shpejt për shkak të indiferencës së vendasve, por edhe për shkak të masave të sigurimit që kishin marrë autoritetet këtu”, - thotë Andoni. Ai shton se, të gjithë turistët kanë qenë të shoqëruar nga forca sigurimi. “…Gjithë grupet e turistëve që para ardhjes këtu, janë të shoqëruara nga forcat speciale të policisë turistike, siç i quajnë, si dhe të forcave ekstra të sigurimit privat. Ne, gjithashtu, kemi qenë shumë të siguruar”. Andoni thotë se gjithsesi vendasit janë munduar që të mos trembin turistët, duke mos u dhënë informacion për atë që ka ndodhur. “Të themi të drejtën, këtu në Ukarta, njerëzit kanë qenë disi të dyzuar. Sidomos ne shqiptarët, lajmin e parë e kemi marrë nëpërmjet kërkimeve në agjencitë e huaja, për shkak se vendasit kanë mbajtur një “blackout” informacioni ndaj nesh. Po kështu edhe ndaj turistëve të tjerë, me të cilët kur kemi kontaktuar, të cilët kanë qenë fare të panjohur me situatën. Njerëzit janë pak të dyzuar këtu, sidomos të huajt, për shkak të numrit në rritje të viktimave, aq më tepër kur thuhet se midis tyre ka 17 ose 18 që nuk identifikohen. Vendasit thonë se janë marrë masa ekstreme sigurimi dhe po mundohen të mbajnë një lloj indiference ndaj ne të gjithëve. Por gjithsesi, tek të huajt këtu ka një lloj mëdyshje për t’u larguar. Ndërsa ne jemi të sigurtë, falë masave ekstra të sigurisë”, ka përfunduar rrëfimin e tij Andoni, nga qyteti që ndodhet 1 orë larg vendit ku gjetën vdekjen mbi 88 vetë.
Agjencitë: 12 shqiptarë me pushime në Sharm el-Sheikh
Agjencitë shqiptare të udhëtimeve, konfirmojnë se aktualisht ndodhen të paktën 12 turistë shqiptarë në Sharm El Sheikh për të kaluar pushimet. 8 turistë janë nisur në Egjipt nga agjencia turistike “Albania Ekspres” dhe 4 prej tyre nga agjencia “Jona Travel”, e cila ka edhe ekskluzivitetin për Egjiptin. Përfaqësues të “Jona Travel” thane dje, se menjëherë pas shpërthimeve, kanë kontaktuar me 4 turistët shqiptarë dhe ata kanë pohuar se janë shumë mirë. Sipas “Jona Travel”, hoteli ku janë akomoduar shqiptarët, ndodhet larg zonës së shpërthimeve. Përfaqësuesit e agjencisë, theksuan se ata mbajnë kontakte të herë pas hershme me turistët që nisen nga kjo agjenci. Ndërkohë, “Jona Travel” njofton se 4 persona të tjerë që kishin planifikuar për t’u nisur dje për pushime në Sharm-El Sheikh, janë dërguar në vende të tjera si Turqi apo Tunizi. Po kështu, kanë ndërruar destinacionet e tyre dhe për 7 turistë të tjerë që kishin planifikuar pushimet për Sharm el-Sheikh për dy ditët e ardhshme.
Ndërkohë, agjencia “Albania Ekspres” shprehet se nuk ka kontaktuar me 8 turistët shqiptarë që ndodhen në Sharm El Sheikh, por do të përpiqet të kontaktojë me ta, edhe pse detyrë e tyre është të përgjigjen vetëm për udhëtimin e turistëve. 12 agjenci të tjera turistike që operojnë në Tiranë, shprehen se nuk ka patur asnjë prenotim për në Egjipt dhe se nga agjencitë e tyre nuk është nisur asnjë turist shqiptar në Egjipt, për këtë sezon veror. Vetëm në agjencinë “Uno”, mësohet se nje çift ka prenotuar udhëtimin dhe hotelin në “Sharm El Sheikh” për në 7 gusht.




24/07/2005
KATEGORIA: Bota. Shekulli.

[Xhuxhumaku]

Bota dënon masakrën në Egjipt


Eva Kushova

Liderët e botës, ende të tronditur nga sulmet e këtij muaji në Londër, kanë shprehur dje zemërimin e tyre në lidhje me bombat në bregdetin turistik Sharm el-Sheikh. Sekretarja amerikane e shtetit Condoleezza Rice, u shpreh: “I dënoj bombardimet e tmerrshme terroriste në Sharm el-Sheikh, mendimet dhe lutjet tona janë familjet e viktimave të pafajshme nga shumë kombe që vuajtën këtë sulm të pakuptimtë”, tha Rice pak para vizitës në Bregun Perëndimor. “Në këtë moment të vështirë, SHBA i qëndron pranë mikut të saj dhe aleatit Egjipt. Së bashku, ne do të përballojmë dhe do të mposhtim këtë sëmundje që nuk njeh kufi dhe respekt”. Sekretari i Përgjithshëm i OKB-ve, Kofi Anan, shprehu gjithashtu “keqardhjen dhe zemërimin e tij” me këto bombardime. “Edhe një herë, në këtë muaj tragjik, Anan dënon përdorimin e terrorit dhe dhunës, që nuk bën asnjë dallim mes civilëve, të cilën asnjë shkak apo besim nuk mund ta justifikojë”, thuhet në një deklaratë të zëdhënësit të OKB-së.
Sekretari i Jashtëm Britanik, Jack Straëëëëë e quajti ngjarjen në Egjipt “një tjetër masakër të tmerrshme terroriste”. “Unë fola këtë mëngjes me kolegun tim, ministrin e jashtëm egjiptian, për t’i garantuar mbëshetjen dhe solidaritetin tonë të plotë. Lufta e tyre është edhe e jona. Lufta jonë është dhe e tyrja”. Edhe izraeli ofroi ngushëllimet e tij, si dhe një ekip emergjence në bregdetin e Detit të Kuq, për të ndihmuar në mbledhjen e kufomave. “Dënojmë këto akte johumane terroriste dhe ushtria jonë është gati të ndihmojë fqinjët tanë egjiptianë, nëse ata kanë nevojë”, thuhej në një dekalratë të qeverisë izraelite, cituar nga AFP. Irani gjithashtu, dënoi ashpër sulmet dhe i bëri thirrje SHBA-ve që të ndryshojë taktikë në luftën kundër terrorit. I kërkojmë vendeve perëndimore të mos vënë kufizime ndaj myslimanëve, pasi këto sulme nuk kanë të bëjnë me myslimanët dhe se kufizimet ndaj myslimanëve, janë mënyra më e mirë për të ndihmuar terroristët”, thuhej në një deklaratë të Ministrisë së Jashtme Iraniane. Rusia dhe Japonia, po kështu dënuan bombat në Egjipt. “Ne dënojmë këto akte kriminale dhe shpresojmë se terroristët do të kapen dhe do të dënohen ashpër”, thuhej në një deklaratë të Ministrisë së Jashtme Ruse. Ndërsa qeveria e Tokios në një deklaratë shprehej: “Terrorizmi nuk mund të justifikohet për asnjë arsye, dhe se qeveria e Japonisë dënon ashpër terrorizmin e egër, që viktimizon shumë njerëz të pafajshëm”.

Precedentët e fundit
Në Egjipt
- Më 30 prill të këtij viti, dy gra të mbuluara, hapën zjarr në një autobus me turistë në Kajro, pastaj vranë veten. Si pasojë e këtij sulmi, gjetën vdekjen 7 vetë, katër prej të cilëve turistë.
- Më 7 prill 2005, një kamikaz vret veten dhe tre të huaj, dy francezë e një amerikan në tregun Khan al-Khalili
- Më 7 tetor 2004 të paktën 34 vetë gjetën vdekjen, shumica e të cilëve në Taba Hilton në kufi me Izraelin.10 prej viktimave ishin izraelitë.
- 17 nëntor 1997, militantët islamikë vrasin 58 turistë dhe katër egjiptianë në Tempullin e Faraonëve në Hatshepsut në jug të Egjiptit. Policia vret të 6 sulmuesit.
- 18 shtator ‘97, dy njerëz të armatosur vrasin 9 turistë gjermanë dhe shoferin e tyre, në një sulm jashtë muzeut egjiptian në qendër të Kajros.
- Më 18 prill 1996, 4 militantë islamikë hapin zjarr ndaj turistëve grekë, duke vrarë 18 prej tyre jashtë hotelit “Europa” në Kajro.
- Më 4 mars 1994, militantët islamikë hapën zjarr në një anije në Sidfa, në jug të Egjiptit, duke vrarë një grua gjermane.
- Më 26 gusht ‘94, një djalë 13-vjeçar spanjoll vritet dhe tre të tjerë plagosen, kur militantët hapën zjarr në një autobus me turistë ne jug të Egjiptit.
- Shtator ‘94, dy turistë gjermanë dhe dy egjiptianë vriten nga një militant në bregdetin e Detit të Kuq.
- 26 shkurt 93, një bombë shpërthen në një kafene në qendër të Kajros, duke vrarë një suedez, një turk dhe një egjiptian
- 26 tetor ‘93, një person i armatosur vret 2 amerikanë dhe një francez në një hotel të Kajros
- Në vitin 1981 një seri sulmesh goditën një seli të forcave të sigurimit në qytetin jugor të Egjiptit në Assiut duke vrarë të paktën 120 policë
Në Evropë
- Dy seri sulmesh goditën Londrën këtë muaj: katër shpërthime në metro, më 7 korrik ku gjetën vdekjen 56 vetë dhe katër shpërthime më 21 korrik, ku nuk pati viktima. Përgjegjësinë e ka marrë një degë e Al Kaedas
- Shpërthim në Turqi më 10 korrik, ku mbetën të plagosur të paktën 20 vetë. Përgjegjësinë e kanë marrë rebelët kurdë
- Vitin e kaluar më 11 mars 2004, të paktën 191 vetë gjetën vdekjen nga një seri sulmesh në trenat e Madridit. Sulmin e mori përsipër një degë e Al Kaedas.

Shpërthim bombe në Spanjë, asnjë viktimë
Një bombë ka shpëthyer dje në një qendër pelegrinazhi në Spanjë, por pa shkaktuar asnjë viktimë. Policia rrethoi zonën disa minuta më vonë. Bomba ishte vendosur në një parkim makinash nëntokë, në qendër të qytetit Santiago de Compostela, në jug të Spanjës. Menjëherë, akuza e parë drejtohet nga organizatës separatiste baske ETA, e cila kryen sulme të shpeshta të këtij lloji. Megjithatë, ETA në përgjithësi, paralajmëron para se të kryejë sulmin. ETA ka vendosur një bombë në këtë qytet, në gusht të vitit të kaluar. ETA ka vrarë gjithsej 850 vetë që nga viti 1968, kur ka nisur fushata për të krijuar një shtet të pavarur bask në jug të Spanjës dhe veriperëndim të Francës. Në qytetin ku ndodhi sulmi i djeshëm, vijnë për vizitë mijëra pelegrinë kristianë çdo vit, pas besohet se në këtë vend ndodhet dhe varri i apostullit Shën Xhejms.



24/07/2005
KATEGORIA: Bota

[Dito]

Kjo loje bombash po behet e padurueshme dhe pikerisht nepermjet kesaj loje qe sjell jo vetem viktima por edhe gjendje ankthi dhe pasigurie totale duan te perfitojne qarqe te caktuara qe kane lidhje shpesh me marketingun. Nuk e shoh llogjike qe Al-Qaeda te sulmoje nje vend si Egjipti pasi per hir te se vertetes opinoini egjiptian nuk ka asgje kunder Al-Qaeda-s perkundrazi ata po e shikojne kete organizate si nje mbrojtje te islamizmit ne bote(gjykim i gabuar). Loja e bombave tashme po perdoret mjaft mire edhe nga shtete te caktuara dhe ky e ka emrin terrorizem shteteror, (Ketu kam parasysh kurdet te cilet financohen totalisht nga Greqia dhe dihet arsyeja perse e bejne greket dicka te tille).

Nese vertet nuk i vihet fre kesaj loje vrastare shume shpejt bota do ndjehet krejt e pasigurte dhe do marre shkas per nje apokalips qe largqofte.

Dito.

Ps, Ngushellimet e mia familjeve te viktimave dhe te te lenduar-eve.

[Toro]

Kjo loje bombash po behet e padurueshme dhe pikerisht nepermjet kesaj loje qe sjell jo vetem viktima por edhe gjendje ankthi dhe pasigurie totale duan te perfitojne qarqe te caktuara qe kane lidhje shpesh me marketingun. Nuk e shoh llogjike qe Al-Qaeda te sulmoje nje vend si Egjipti pasi per hir te se vertetes opinoini egjiptian nuk ka asgje kunder Al-Qaeda-s perkundrazi ata po e shikojne kete organizate si nje mbrojtje te islamizmit ne bote(gjykim i gabuar). Loja e bombave tashme po perdoret mjaft mire edhe nga shtete te caktuara dhe ky e ka emrin terrorizem shteteror, (Ketu kam parasysh kurdet te cilet financohen totalisht nga Greqia dhe dihet arsyeja perse e bejne greket dicka te tille).

Nese vertet nuk i vihet fre kesaj loje vrastare shume shpejt bota do ndjehet krejt e pasigurte dhe do marre shkas per nje apokalips qe largqofte.

Dito.

Ps, Ngushellimet e mia familjeve te viktimave dhe te te lenduar-eve.

Akoma ke dyshimi ti Odeon? Edhe tani qe ata e kane pranuar vete se e beri Al Qaeda sepse Egjipti dergoi ambasador ne Irak? Pra ambasadorit ia prene koken, Egjiptit iu vune bomba ku u vrane shumica egjiptiane, iu sabotua ekonomia e turizmit qe i sjell te ardhura per cfare? Dhe nga kush?
Sepse guxoi te njihte qeverine irakiane ( e ardhur kjo me zgjedhje nga populli)! Nga kafshe qe njohin vetem gjuhen e dhunes e te vdekjes! Pra nje shteti disa dhjetera milionesh, i imponohet politika e jashtme nga nje qen calaman si Zarkaui dhe denohet ne kete fare menyre nese nuk ben ashtu sic duan terroristet.


Eshte qesharake me disa ketu. Jo me ty personalisht, por me ata qe ne tema te tjera rrine e na filozofojne se sa e padrejte eshte demokracia perendimore sepse 51% i kundervihet 49% te popullsise dhe se si kjo gje nuk mund te funksionoje ne realitet, a eshte direkte apo jo , a ngjan me demokracine e Athines apo jo, por nderkohe qe heshtin kur nje apo 100 individe qe jane vecse kriminele ordinere, te veteshpallur mbrojtes te Islamit, qe nuk i ka zgjedhur askush ,as nuk i ka autorizuar askush , perpiqen ti imponojne politiken e jashtme nje shteti, te cilit as nuk i jane fare qytetare, ne lidhje me nje shtet tjeter, as te te cilit nuk jane qytetare! Faktikisht Zarkaui eshte jordanez, ndersa Bin Laden jemeno-arabo-saudit. Megjithate sipas disave ketu ata kane te drejte jo vetem te nderhyjne atje ku nuk u takon, por madje te marrin dhe masa te rrepta dhe te japin denime!

Prit zoteri, se sot mora vesh u kap dhe ambasadori algjerian nga "rezistenca" "irakiane" e Zarkauit. Dhe pasi ti pritet dhe ketij koka, do te shperblehet dhe Algjeria me te njejten monedhe si Egjipti!