"Gafa" që bllokoi titullin për Janullatos

[Xhuxhumaku]

Edi Rama propozon për Qytetar Nderi të Tiranës krerët e besimeve fetare

Gafa që bllokoi titullin për Janullatos


Përfaqësuesit opozitarë të Këshillit Bashkiak hedhin poshtë kërkesën e kryebashkiakut Edi Rama për të shpallur Qytetar Nderi katër drejtuesit e komuniteteve fetare në Shqipëri. Më konkretisht, ata janë kundër shpalljes si Qytetar Nderi të Tiranës të kryepeshkopit Janullatos nën argumentimin se "greku duhet të largohet prej leckash nga Shqipëria". Ngjarja ka ndodhur dy ditë më parë gjatë mbledhjes së Këshillit Bashkiak të Tiranës, ku diskutohej propozimi i Ramës për të shpallur këto personalitete fetare si "Qytetarë Nderi". Si rezultat i refuzimit të opozitarëve, Këshilli nuk vendosi asgjë, duke e shtyrë marrjen e vendimit "në një mbledhje të ardhshme". Është hera e parë që drejtuesit e komuniteteve fetare në Shqipëri trajtohen me një "fjalor" të tillë, në kohën kur vetë krerët më të lartë të shtetit, Presidenti dhe kryeministri, kanë vlerësuar mjaft punën e bërë nga drejtuesit e këtyre komuniteteve për harmoninë fetare në vend. Por legalisti Murat Basha, një ndër njerëzit që kundërshtoi më ashpër këtë ide e përforcon më tepër kërkesën për të mos i dhënë titullin e nderit, kryepeshkopit Janullatos. "Ai nuk është qytetar shqiptar dhe mbi të gjitha nuk ka bërë asnjë të mirë për Shqipërinë dhe shqiptarët. Unë kam të dokumentuar me fotografi mbledhjet e disa organizatave vorioepirote në krye të të cilave qëndron Janullatos dhe dihet mirë se këto lloj organizatash kanë karakter tendencioz për territorin shqiptar" shprehet Basha. Në të njëjtën linjë ka qenë edhe përfaqësuesja e PD në këtë këshill Nermin Basha, nënkryetare e degës së PD të Tiranës, e cila edhe pse e papërgatitur, tregon në mbledhje se nga ky propozim "iu ngritën flokët përpjetë". Pak më racionale është treguar Blegina Agolli, (në profesion gazetare, e propozuar nga PD në Këshill), e cila ka kërkuar që më parë të ketë një konsultë dhe më vonë të merret një vendim.Ky është reagimi i parë negativ i ndonjë institucioni, siç është edhe Këshilli Bashkiak, karshi këtyre personaliteteve fetare në Shqipëri. Ndërkohë që dihet roli konstruktiv që kanë luajtur këto komunitete fetare, sidomos në fenomene sociale në vend, ku më së fundi, vlen të përmendet mesazhi i dhënë prej tyre me rastin e shtimit të vetëvrasjeve të fëmijëve. Reagimi negativ ka ardhur unanimisht nga ana e përfaqësuesve të opozitës në Këshillin Bashkiak, duke lënë të kuptohet se nuk është një vendim i paorganizuar apo i paarsyetuar më parë. Aq më tepër që relacionet e mbledhjeve të Këshillit Bashkiak, u propozohen anëtarëve të Këshillit disa ditë përpara mbledhjes. Më poshtë po botojmë një pjesë të debatit të zhvilluar në mbledhjen e këshillit bashkiak dy ditë më parë. Murat Basha: Ky propozim së pari është shkelje për dinjitetin e shqiptarëve, së dyti është shkelje e statusit të Kishës Autoqefale Shqiptare Ortodokse që Janullatosit t'i jepet titulli "Qytetar Nderi" i Tiranës. Ai është grek dhe të marri rrobat dhe të shkojë në Athinë dhe ne mundësisht të zgjedhim një prift shqiptar, ata që dinë vetë punët e tyre. Por ne s'kemi pse hyjmë më thellë në një veprim të paligjshëm që ka filluar që në 1992 dhe vazhdon deri sot. Unë për veten time jam kundër.Nermin Basha: E mbështes mendimin e zotërisë me thënë të drejtën jam e papregatitur, por që tani sa e pashë emrin mu ngritën flokët përpjetë. Ç'ne Janullatosi të shpallet Qytetar Nderi i Tiranës. Janullatosi, mirë thotë zotëria, të marrë leckat e veta dhe të shkojë në Greqi. Jam e papregatitur, por gjithsesi menjeherë këto dy fjalë mund të them. Blegina Agolli: Zoti Kryetar, më falni, megjithëse unë mendoj që kjo mund të kërkojë njëfarë konsulte përpara, sigurisht ai është një personalitet në fushën e vet, nuk mund të themi as të marrë leckat, as rrobat. Është grek, a është turk, është një personalitet që nuk mund të zgjidhet me një ngritje kartoni. Unë mendoj se kërkon një konsultë, e fyejmë edhe nëse do ta miratojmë atë personalitet, pavarësisht nëse ka problem ose jo, Kisha Autoqefale Shqiptare nuk është objekt i Këshillit Bashkiak. Kjo kërkon konsultë.M. Tase: Nuk mund të bëhemi si Robespieri që donte të prishte kisha.Luan Shahollari: Propozimi është racional ta shqyrtojmë edhe një herë dhe ta diskutojmë në mbledhjen e ardhshme.Marrë nga mbledhja e Këshillit Bashkiak, dt???Mustafaj: Basha ka folur në emër të sajPartia Demokratike distoancohet nga qendrimi i ashpër i mbajtur nga këshilltarja demokrate Nermin Basha në bashkinë e Tiranës, ndaj porpozimit për dhënien e titullit "Qytetar Nderi i Tiranës" kryepeshkopit Anastas Janullatos. Sekretari për marrëdhëniet diplomatike në PD Besnik Mustafaj në prononcimin për Gazetën u shpreh se Basha ka folur ne emër të saj dhe aspak në emër të PD-së. "Megjithëse unë nuk kam dijeni për këtë mbledhje po ju them se Nermin Basha ka folur vetëm në emër të vet, pasi unë dua t'ju siguroj se Partia Demokratike nuk ka asnjë kundërshtim që hirësisë së tij Janullatos t'i bëhen të gjitha nderet nga vendi ynë", tha Mustafaj.Kisha Ortodokse: Në pritje të zyrtarizimit të "incidentit""Ne nuk kemi informacion për një debat të tillë. Dimë vetëm që kjo çështje është diskutuar në mbledhjen e fundit të Këshilli Bashkiak, por nuk jemi njoftuar për një zhvillim të tillë të diskutimeve. Në këto rrethana, kur nuk kemi ende një njoftim zyrtar, çdo përgjigje e jona do të ishte e nxituar". Dhjakon Asti Bakallbasha pranë metropolisë së Kishës Ortodokse iu përgjigj në këtë mënyrë reagimit të Gazetës për atë çfarë kishte ndodhur në mbledhjen e Këshillit Bashkiak tri ditë më parë. Ai dhe përfaqësues të tjerë të Kishës nuk pranuan të komentojnë të dhënat e Gazetës mbi polemikat e ashpra që kishte ngjallur propozimi për të nderuar kryepeshkopin Janullatos, duke preferuar të ruajnë respek dhe të përgëzojnë Bashkinë e Tiranës për propozimin, pa komentuar për ngjarjet e mëtejshme ende jozyrtare.

Gazeta Shqiptare.

[Xhuxhumaku]

Flet drejtoresha e Kulturës në Bashki, Anxhela Paparizo

"Vendimi i të djathtëve, për të ardhur keq"


Odeta HaliliAnxhela Paparizo, Drejtoreshë e Kulturës, Rinisë dhe Sporteve në Bashkinë e Tiranës sqaron në një intervistë për Gazetën refuzimin nga ana e këshilltarëve opozitarë në Këshillin Bashkiak të Tiranës për shpalljen qytetar Nderi të kryeqytetit të Kryepeshkopit Janullatos. Propozimi për marrjen e këtij vendimi nga ana e kryetarit të Bashkisë Edi Rama për Këshillin Bashkiak është bërë që në 29 qershor të këtij viti. Kryebashkiaku Rama i propozon Këshillit që të shpallen qytetar Nderi të kryeqytetit, drejtuesit e komuniteteve fetare, Hafiz Sabri Koçi (komuniteti musliman) pas vdekjes, Anastas Janullatos (kryepeshkop), Imzot Rrok Mirdita (Arqipeshkv i metropolit Tiranë-Durrës) dhe Baba Reshat Bardhi (komuniteti bektashi). Sipas relacionit "të katër këta klerikë kanë bashkëpunuar mes tyre duke i krijuar qytetit vijueshmërinë shekullore të harmonisë fetare që e ka karakterizuar dhe njëkohësisht duke u bërë model i mirëkuptimit dhe harmonisë në komunitetet që ata drejtojnë. Ata kanë qenë kurdoherë përçues të tolerancës fetare, moralit qytetar, dhe shpirtit human, ndaj dhe është në nderin e Këshillit Bashkiak që ti shpallë këta klerikë të shquar "Qytetar Nderi të Tiranës".Zonja Paparizo, mund të na sqaroni si është e mundur që disa anëtarë të Këshillit Bashkiak nuk kanë marrë parasysh kërkesën tuaj për shpalljen qytetar nderi të Janullatusit?- Është për të ardhur keq që disa anëtarë të opozitës, konkretisht të Partisë Demokratike dhe të Partisë së Legalitetit, u shprehën kundër vendimit për të bërë qytetar Nderi Prof.Dr. Anastas Janullatos, kryepeshkopin e Tiranës, Durrësit dhe të gjithë Shqipërisë. Shkaku sipas tyre ishte se Prof.Dr.Anastas Janullatos, është grek dhe ai jo vetëm që nuk duhet shpallur Qytetar Nderi, por "duhet marrë prej leckash". Po në fakt, cila është arsyeja që ju propozoni për të shpallur Qytetar Nderi të Tiranës, një drejtues të një nga besimeve fetare në vend dhe si lindi një ide e tillë?- Arsyeja që ne propozojmë për qytetar Nderi Prof.Dr.Anastas Janullatos ka të bëjë me faktin se ai përfaqëson një nga promotorët dhe mbrojtësit e harmonisë fetare në Shqipëri. Eshtë shumë e rëndësishme për Tiranën që ta ketë e ta çmojë lart harmoninë ndërfetare si një vlerë të rrallë të qytetërimit tonë, ndaj dhe kryebashkiaku Edi Rama i propozoi Këshillit Bashkiak të shpallë Qytetar Nderi të gjithë krerët e komuniteteve fetare për kontributin e dhënë në këtë drejtim, ndër të cilët do të kujtoja me respekt të thellë, të ndjerin Hafiz Sabri Koçi. - Për të shpallur një qytetar nderi, në fakt duhet të kesh disa kontribute për qytetin që e jep një titull të tillë. Nisur nga rrethanat kur kryhet një propozim i tillë, ka ndodhur diçka më shumë në marrëdhëniet mes Bashkisë së Tiranës dhe Kryepeshkopit Janullatos, ndryshe nga sa dihet deri tani?- Kontributi i Prof.Dr. Anastas Janullatos ka qenë i madh jo vetëm brenda Kishës dhe besimit të tij ortodoks, por ai ka pasur impakt edhe tek të gjithë shqiptarët. Mund të përmendim vitet e vështira të 1997, kur ai së bashku me tre klerikët e tjerë drejtues të komuniteteve muslimane, katolike dhe bektashiane qenë anëtar të Komitetit Qytetar dhe dhanë kontributin e tyre të madh në stabilizimin e situatës. Gjithashtu edhe gjatë viteve të krizës kosovare ndihma e prof.dr.Anastas Janullatos dhe komunitetit që ai përfaqëson ka qenë e madhe në ndihma, ushqime, kampingje, mbështetje morale e logjistike të kosovarëve nëpër familjet besimtare. Bashkëpunimi i katër drejtuesve të këtyre feve kryesore me Bashkinë e Tiranës dhe kontributi i tyre për qytetin e Tiranës, është aktiv dhe i prekshëm.Janullatos në krye të kishës shqiptare prej vitit 1993Në vitin 1993 Patriakana ortodokse e Stambollit emëroi kryepeshkop të kishës autoqefale të Shqipërisë, Janullatosin. Ai u pranua të qëndrojë në krye të kishës shqiptare dhe menjehërë nisi rindërtimin e saj e cila sipas vetë kishës ortodokse "ishte relativisht jo aktive në misionarizëm". Në biografitë për të thuhët se Anastasi, u bë i njohur si mbështetës dhe drejtues i misionarizmit në vitet që pasuan. Ai i nxiste besimtarët orthodhoksë të rigjenin kuptimin e pastër të "një Kishe të Shenjtë, të Përgjithshme dhe Apostolike". Madje ai shpresonte të ngrinte një lloj qendre misionare orthodhokse të jashtme. Megjithatë entuziazmi i tij u vu në lojë prej shumicës së qarqeve orthodhokse, si qëllim jo realist. Emri i kreut të kishës autoqefale shqiptare është përmendur si një drejtues i ardhshëm i kishës ortodokse në Greqi. Ai u përmend ndërsa kisha e Greqisë u fut në një përplasje me partiakanën ortodokse të Stambollit që është edhe autoriteti më i lartë i kishave ortodokse në botë. Gjithsesi Janullatos vazhdon të kryejë misionin e tij në Shqipëri.Flet Kryetari i Komitetit të KulteveIlir Kulla: Ky është një turp dhe skandalKryetari i komitetit shtetëror të Kulteve Ilir Kulla ka reaguar ashpër dje ndaj qëndrimit që është mbajtur nga disa anëtarë të këshillit bashkiak të Tiranës, kundër dhënies së titullit qytetar nderi kryepeshkopit Janullatos. "Eshtë një turp dhe skandal që për një nga krerët e komuniteteve tradicionale të Shqipërisë, për hirësinë e tij Anastasi, është përdorur një gjuhë e tillë urretje karshi vlerësimit maksimal që kryetari i bashkisë së Tiranë ka bërë për kreun e besimit ortodoks". Ai shton se komuniteti ortodoks i Shqipërisë meriton më shumë se kaq dhe ky është minimumi i falenderimit që rreth mbas 100 vjetësh ne mund të japim për pasardhësit e komunitetit të at Fan Stilian Nolit. "Shpresoj që emocionet politike të cilido qofshin, të mos jenë dominuese. Në ka një vlerë për të cilën ne shqiptarët duhet të jemi krenarë dhe për cilën unë si kryetari i komitetit shtetëror të kulteve jam krenar, është bashkëjetesa fetare", thotë Kulla. Sipas tij komunitet tradicionale fetare të Shqipërië kanë treguar seriozitetin e tyre edhe nëpërmjet lidershipit ditën e nënshkrimit të deklaratës së angazhimit të tyre të përbashkët për bashkjetesën tradicionale fetare të Shqipërisë në muajin prill të këtij viti. "Personalisht mendoj se kryepeshkopi i Shqipërisë ka një rol të pazëvendësueshëm për ringritjen e aktivitetit shpirtëror dhe fizik të kishës autoqefale të Shqipërisë", u shpreh Kulla.Qytetaret e Nderit1. Konti Galeacio Ciani (Ministër i Jashtëm i Italisë) 19382. Nikita Sergejeviç Hrushov (Sekretar i Parë i Komitetit të Partisë Komuniste të BRSS) 19593. Mohathir Bin Mohamed (Kryeministër i Malajzisë) 19934. Norman Wisdom, Pitkini (aktor komik anglez) 19955. WolGang Schussel (Kancelar i Austrisë) 19966. Ibrahim Kodra (piktor) 19967. Osman Kazazi (veprimtar shoqëror) 19988. Azem Hajdari (politikan demokrat, deputet) 19999. Hans-Peter Furrer (Drejtor Politik në Kongresin e Autoriteteve Lokale dhe Rajonale të Këshillit të Evropës) 199910. Shefqet Ndroqi (mjek i shquar dhe veprimtar shoqëror) 199911.Ismail Kadare (shkrimtar i shquar) 199912. Hysen Kazazi (kurues ortoped popullor) 200013. Sadik Kaceli (piktor i shquar) 200014. Dritëro Agolli (shkrimtar i shquar) 200215. Robert Shvarc (përkthyes me origjinë hebre) 2002.

Gazeta Shqiptare.

[Xhuxhumaku]

E Diele, 24 Korrik 2005


PD: "PO. JANULLATOS QYTETAR NDERI"

Oli Xhilaga

Partia Demokratike konfirmoi ne menyre te menjehershme qendrimin e saj pro shpalljes si Qytetar Nderi te Tiranes te kryepeshkopit Janullatos. Propozimi i kreut te Bashkise se Tiranes per dhenien e ketij titulli kryepeshkopit Janullatos, u shoqerua me krijimin e nje atmosfere jo te kendshme gjate mbledhjes se Keshillit Bashkiak. Kundershtimi qe erdhi nga perfaqesuesit opozitare ndaj ketij propozimi, jo vetem qe bllokoi kete mbledhje, por propozimi per dhenien e ketij titulli dhe per drejtues te tjere te komuniteteve fetare ne vend te mos miratohej, i kalua per nje tjeter takim. Nga ana e saj, selia blu duke mos qene dakort me qendrimin e perfaqesues se saj ne kete keshill Nermin Basha, e cilesoi veprimin e saj si krejtesisht personal. Gjate nje komunikimi me mediat, nje nga zedhenesit e Partise Demokratike te Tiranes Aleksander Biberaj, vuri ne dukje se "Partia Demokratike ka vleresuar dhe vlereson lart kontributin jashtezakonisht te cmuar te hiresise se tij Anastas Janullatos "Krypeshkop i Kishes Autoqefale Shqiptare) si dhe te udheheqesve te tjere te komuniteteve fetare ne ndertimin e infrastruktures shpirterore te kombit tone, si dhe te mirekuptimit te shkelqyer, te harmonise dhe tolerances fetare".

PD: "Basha nuk eshte n/kryetare e PD-se Tirane"

Gjithashtu, ne deklaraten e saj per shtyp, selia blu lidhur me qendrimin e Nermin Bashes ne mbledhjen e fundit te Keshillit Bashkiak te Tiranes ndaj propozimit per shpalljen "Qytetar Nderi te Tiranes" te kater udheheqesve te komuniteteve fetare te Shqiperise ben me dije se, "Basha nuk eshte n/Kryetare e deges se Partise Demokratike Tirane, pasi mandati i saj ka mbaruar me thirrjen e Kuvendit te fundit te PD-se Tirane ne muajin prill te ketij viti". Nderkaq, qendrimi i mbajtur nga Basha ne kete mbledhjen, sipas deklarates, eshte nje qendrim personal dhe totalisht i papranueshem nga PD-ja. Por nga ana tjeter, selia blu garantoi se grupi i keshilltareve te PD-se ne Bashkine e Tiranes do te mbeshtese pa rezerva propozimin per dhenien e "Qytetarise se Nderit te Tiranes" udheheqesve te komuniteteve fetare ne Shqiperi. Gjate zhvillimit te kesaj mbledhje, perfaqesuesit opozitare jo vetem qe ishin kunder shpalljes si Qytetar Nderi te Tiranes te kryepeshkopit Janullatos, por qendrimin e tyre e mbeshteten ne nje argument te tille, si "greku duhet te largohet prej leckash nga Shqiperia".

Koha Jone.

[thorgal]

Edi Rama propozon për Qytetar Nderi të Tiranës krerët e besimeve fetare

Gafa që bllokoi titullin për Janullatos


Përfaqësuesit opozitarë të Këshillit Bashkiak hedhin poshtë kërkesën e kryebashkiakut Edi Rama për të shpallur Qytetar Nderi katër drejtuesit e komuniteteve fetare në Shqipëri. Më konkretisht, ata janë kundër shpalljes si Qytetar Nderi të Tiranës të kryepeshkopit Janullatos nën argumentimin se "greku duhet të largohet prej leckash nga Shqipëria". Ngjarja ka ndodhur dy ditë më parë gjatë mbledhjes së Këshillit Bashkiak të Tiranës, ku diskutohej propozimi i Ramës për të shpallur këto personalitete fetare si "Qytetarë Nderi". Si rezultat i refuzimit të opozitarëve, Këshilli nuk vendosi asgjë, duke e shtyrë marrjen e vendimit "në një mbledhje të ardhshme". Është hera e parë që drejtuesit e komuniteteve fetare në Shqipëri trajtohen me një "fjalor" të tillë, në kohën kur vetë krerët më të lartë të shtetit, Presidenti dhe kryeministri, kanë vlerësuar mjaft punën e bërë nga drejtuesit e këtyre komuniteteve për harmoninë fetare në vend. Por legalisti Murat Basha, një ndër njerëzit që kundërshtoi më ashpër këtë ide e përforcon më tepër kërkesën për të mos i dhënë titullin e nderit, kryepeshkopit Janullatos. "Ai nuk është qytetar shqiptar dhe mbi të gjitha nuk ka bërë asnjë të mirë për Shqipërinë dhe shqiptarët. Unë kam të dokumentuar me fotografi mbledhjet e disa organizatave vorioepirote në krye të të cilave qëndron Janullatos dhe dihet mirë se këto lloj organizatash kanë karakter tendencioz për territorin shqiptar" shprehet Basha. Në të njëjtën linjë ka qenë edhe përfaqësuesja e PD në këtë këshill Nermin Basha, nënkryetare e degës së PD të Tiranës, e cila edhe pse e papërgatitur, tregon në mbledhje se nga ky propozim "iu ngritën flokët përpjetë". Pak më racionale është treguar Blegina Agolli, (në profesion gazetare, e propozuar nga PD në Këshill), e cila ka kërkuar që më parë të ketë një konsultë dhe më vonë të merret një vendim.,
Gazeta Shqiptare.

faleminderit zoti Murat Basha dhe znj Nermin Basha

Ne ate grumbull te erret kembelepirsash mashtruesish hajdutesh e tradhetaresh qe kemi per politikane ju jeni nje rreze drite qe na jepe pakez shprese e na ben te besojme se jo te gjithe politikanet mendojne vec per ndonje vend te majme ne dogane a ministri por ka qe mendojne edhe per Shqiperine

[karaburuni]

PD distancohet nga qëndrimi i anëtares së Këshillit Bashkiak të Tiranës, Nermin Basha


PD, pro shpalljes "Qytetar nderi të Tiranës" të Janullatosit



Partia Demokratike është distancuar nga qëndrimi i anëtares së Këshillit Bashkiak të Tiranës, Nermin Basha, ndaj propozimit për shpalljen "Qytetar nderi të Tiranës", të Hirësisë së tij Janullatos, duke e vlerësuar atë "një qëndrim personal dhe totalisht të papranueshëm nga ana e PD-së".

Anëtari i Kryesisë së PD-së, Aleksandër Biberaj, tha dje gjatë një konference shtypi se "lidhur me shkrimin e sotshëm të "Gazetës Shqiptare" për qëndrimin e zonjës Nermin Basha në mbledhjen e fundit të Këshillit Bashkiak të Tiranës ndaj propozimit për shpalljen "Qytetar nderi të Tiranës", të katër udhëheqësve të komuniteteve fetare të Shqipërisë sqarojmë se, "zonja Nermin Basha nuk është nënkryetare e Partisë Demokratike Tiranë, pasi mandati i saj ka mbaruar me thirrjen e Kuvendit të fundit të PD-së Tiranë në muajin prill të këtij viti".

Siç tha ai, "qëndrimi i mbajtur nga zonja Basha në mbledhjen e Këshillit Bashkiak të Tiranës është një qëndrim personal dhe totalisht i papranueshëm nga ana e PD-së".

Biberaj u shpreh në vazhdim se, "Partia Demokratike ka vlerësuar dhe vlerëson lart kontributin jashtëzakonisht të çmuar të hirësisë së tij zotit Anastas Janullatos (Kryepeshkop i Kishës Autoqefale Shqiptare), si dhe të udhëheqësve të tjerë të komuniteteve fetare në ndërtimin e infrastrukturës shpirtërore të kombit tonë si dhe të mirëkuptimit të shkëlqyer, harmonisë dhe tolerancës fetare". Ai siguroi në fund se "grupi i këshilltarëve të PD-së, në Bashkinë e Tiranës do të mbështesë pa rezerva propozimin për dhënien e "Qytetarisë së nderit të Tiranës" udhëheqësve të komuniteteve fetare në Shqipëri".

RD

[karaburuni]

***

Dhe PD-ja faqe ndërron,
dje shante, sot lëvdon,
fryn bulçitë e trumbeton
se katrani zbardhëllon...

[Xhuxhumaku]

Reagon selia blu pas incidentit në Këshillin Bashkiak të Tiranës

PD: Do votojmë titullin e nderit për Janullatosin
"Nermin Basha, qëndrim të papranueshëm"

Artemida Çollaku

Partia Demokratike reagon ndaj qendrimit të mbajtur nga këshilltarja e kësaj partie në mbledhjen e Këshillit Bashkiak për propozimin e bërë për shpalljen "Qyetar Nderi të Tiranës", katër udhëheqësve të komuniteteve fetare në vendin tonë. Anëtari i kryesisë së PD-së Aleksandër Biberaj deklaroi dje se për Partinë Demokratike qendrimi mbajtur nga këshilltarja Basha "është personal dhe totalisht i papranueshmëm".

LAJMI

Anëtari i kryesisë së PD Aleksandër Biberaj ka dalë dje në një konferencë për shtyp, duke marrë shkas nga shkrimi i djeshëm i "Gazeta Shqiptare". Biberaj tha dje se në lidhje me qëndrimin e zonjës Nermin Basha në mbledhjen e fundit të Këshillit Bashkiak të Tiranës ndaj propozimit për shpalljen "Qytetar Nderi të Tiranës" të katër udhëheqësve të komuniteteve fetare të Shqipërisë, ai sqaron se znj.Nermin Basha nuk është nënkryetare e PD-së Tiranë, pasi mandati i saj ka mbaruar me thirrjen e Kuvendit të fundit të PD-së Tiranë në muajin prill të këtij viti. "Qëndrimi i mbajtur nga zonja Basha në mbledhjen e këshillit bashkiak të Tiranës është një qëndrim personal dhe totalisht i papranueshëm nga PD', tha Biberaj dje. Sipas tij Partia demokratike ka vlerësuar dhe vlerëson lart kontributin jashtëzakonisht të çmuar të hirësisë së tij Anastas Janullatos si dhe të udhëheqësve të tjerë të komuniteteve fetare në ndërtimin e infrastrukturës shpirtërore të kombit tonë si dhe të mirëkuptimit të shkëlqyer, harmonisë dhe tolerancës fetare. Më pas Aleksandër Biberaj njoftoi se grupi i këshilltarëve të PD-së në Bashkinë e Tiranës do të mbështesë pa rezerva propozimin për dhënien e qytetarisë së nderit të Tiranës udhëheqësve të komuniteteve fetare në Shqipëri.

Incidenti

"Janullatos duhet të largohet prej leckash", këto ishin fjalët që u dëgjuan në mbledhjen e Këshillit Bashkiak të Tiranës dy ditë më parë kur u propozua dhënia e titullit Qytetar Nderi të drejtuesve të komuniteteve fetare në Shqipëri, mes tyre edhe të kryepeshkopit Janullatos. Kjo deklaratë i përket këshilltares së PD-së Nermin Basha në këtë Këshill Bashkiak. Reagim i ngjashëm ka ardhur edhe nga këshilltari i PLL Murat Basha, i cili ka kundërshtuar dhënien e këtij titulli për kreun e komunitetit ortodoks në Shqipëri. Ja çfarë u tha në mbledhjen e këshillit bashkiak dy ditë më parë. Ndaj këtij qëndrimi të dy këshilltarëve të PD dhe PLL, Nermin Basha dhe Murat Basha, kanë reaguar kundër përfaqësues të shumë forcave politike por edhe institucioneve shtetërore. I pari që dënoi këtë qëndrim dhe e cilësoi si një qëndrim personal të tyre ishte dy ditë më parë sekretari për marrdhëniet ndërkombëtare në PD Besnik Mustafaj. Ndërsa më pas ishte edhe kryetari i Komitetit Shtetëror të Kulteve Ilir Kulla i cili tha se ky veprim ishte një turp dhe një skandal. Ai vlerësoi qëndrimin e mbajtur nga Bashkia e Tiranës që propozoi dhënien e titullit "Qytetar Nderi i Tiranës" për katër drejtuesit e komuniteteve fetare në Shqipëri. Pavarësisht kësaj qëndrimi i dy anëtarëve të këshillit bashkiak bënë që vendimi për dhënien e këtij titulli të shtyhet disa ditë deri në mbledhjen e ardhshme të këshillit bashkiak. PD njoftoi dje se pas kësaj grupi i këshilltarëve të saj në bashki nuk do të kundërshtojë më dhënien e këtij titulli nderi për klerikun e njohur.


Reagimi i PBDNJ për incidentin në Këshillin Bashkiak

"Skandali me Janullatos?Mbështesim qëndrimin e PD"

Partia Bashkimi për të Drejtat e Njeriut që përkrah kryesisht minoritetin grek në vendin tonë e ka konsideruar si një incident deklaratën e Nermin Bashës kundër kryepeshkopit Janullatus. Megjithatë kjo parti mbështet pa rezerva qëndrimin e Partisë Demokratike, e cila u distancua nga deklaratat e Bashës dhe vlerësoi rolin e kryepeshkopit grek në krye të Kishës Ortodokse Autoqefale Shqiptare. Nënkryetari i PBDNJ-së Kristo Goçi tha dje për Gazetën Shqiptare se "nuk e di çfarë niveli kulturor ka anëtarja e Këshillit Bashkiak Nermin Basha, e cila flet me një gjuhë të tillë për Janullatos". Por Goçi uron që ky incident të jetë i lokalizuar tek ky person i vetëm. Sipas tij e rëndësishme është që PD-ja ka mbajtur distancë dhe ka dënuar këtë deklaratë. "PBDNJ si parti e mbrojtjes së të drejtave të njeriut bashkohet me qëndrimin e PD-së, i cili ishte një qëndrim e serioz dhe korrekt", tha ai. Nga ana tjetër PBDNJ vlerëson shumë propozimin e bërë nga Bashkia e Tiranës për shpalljen qytetarë nderi të krerëve fetarë shqiptarë.


PDR: Janullatos, figurë e shquar

Nënkryetari i Partisë Demokrate të Re, Tritan Shehu deklaroi se kryepeskopi Anastas Janullatos e meriton titullin "Qytetar Nderi i Tioranës". Sipas tij ky është një qëndrim, i cili bazohet në veprimtarinë e tij mjaft të mirë të dhënë në ndihmë të harmonisë fetare në vendin tonë. Ai u shpreh se kjo do të ishte një shenjë mirënjohje nga vendi ynë. Ai është një nga figurat më të shquara që drejton Kishën Autoqefale dhe është një figurë me vlera të jashtëzakonëshme. Mendoj se Këshilli Bashkiak duhet ta japë vendimin e tij për dhënien e titullit të nderit ndaj tij. Edhe nënkryetari i PBDNJ ka mbështetur dje në këtë mënyrë propozimin e paraqitur nga kryebashkiaku i Tiranës si dhe që ka gjetur mirëkuptim edhe mes disa partive të tjera përfshi edhe PD, megjithëse këshilltarja bashkiake e kësaj partie e kundërshtoi ashpër dhënien e këtij titulli.

[Xhuxhumaku]

INTERVISTE/ Flet këshilltarja demokrate në Këshillin Bashkiak të Tiranës Nermin Basha

Basha: I bindem PD për Janullatos

"Të shprehej kundër ndërrimit të emrave të shqiptarëve"

Artemida Çollaku

Këshilltarja e Partisë Demokratike Nermin Basha e cila gjatë mbledhjes së Këshillit Bashkiak të Tiranës mbajti një qëndrim të ashpër ndaj dhënies së titullit "Qytetar Nderi i Tiranës" kryepeskopit Janullatos, gjatë një interviste për Gazetën shprehet se i qendron atij mendimi të shprehur si qytetare, ndërsa nënvizon se si përfaqësues politike, do t'i bindet qëndrimit të partisë që përfaqëson. Basha deklaron edhe arsyet për të cilat për të cilat ajo ka mbajtur atë qëndrim ndaj propozimit të bërë nga kryetari i bashkisë.

Zonja Basha a ka ndryshuar qendrimi juaj në lidhje me dhënien e titullit "Qytetar Nderi i Tiranës" kryepeskopit Janullatos?
Gazeta juaj ka bërë një skup mediatik, pasi ka disa gjëra që janë të pavërteta edhe në pasqyrimin e qëndrimit të këshilltarëve të tjerë. Por unë do të thoja se jam një qytetare e lirë, që jetoj në një shtet demokratik dhe kam një mendim timin personal që e kam shprehur. Ky mendim kurrsesi nuk mund të etiketohej si gafë e PD-së pasi ai ishte një mendimi i imi dhe jo qëndrim i partisë që unë përfaqësoj. Gazetari që ka shkruar ka bërë gabim që ka ngatërruar personin tim me PD. Ndoshta ai e ndjek vazhdimisht mbledhjet e Këshillit Bashkiak dhe e di që si grupi i krahut të majtë ashtu edhe grupi i djathtë, ka një kryetar i cili ka për detyrë që të shprehë mendimin politik të grupit që kryeson, mendim të cilit edhe unë jam e detyruar ti bindem. Se çfarë qendrimi unë do të mbaj kur ky vendim të hidhet për votim, është një çështje që mbetet për t'u parë pasi të bëhen diskutimet përfundimtare. Ka disa të pavërteta në shkrimin tuaj. Unë atë ditë kam marrë pjesë për herë të parë në mbledhjen e Këshillit Bashkiak dhe mendoj se gazetari e ka parë betimin tim para Këshillit, prandaj e quaj si tendecioz. E dyta, materiali që do të diskutohet në mbledhjen e këshillit shkon një javë më parë, ndërsa atë ditë kanë qenë 4 materiale që kishin ardhur në momentin e fundit.

Pse është kaq i ashpër qendrimi juaj ndaj Kryepeshkopit Janullatos?
Unë do të doja që shumë i ndrituri Janullatos të kishte mbajtur dhe shprehur një qendrim të tijin, kur me qindra qytetarë të Tiranës kërkojnë të ndryshojnë emrat në bashkinë e Tiranës, pasi në vendlindjen e tij, në Greqi, ku punojnë me qindra shqiptarë dhe që kanë kontribuuar për ngritjen e të ardhurat ekonomike të Greqisë nuk pranohen me emrat e tyre. Ai duhet të kishte luajtur një rol pasi është një personalitet i tillë që me kulturën, me intelektin e tij, do të kishte luajtur një rol pavarësisht sesa do t'i shkonte fjala. Unë nuk jam e re në Këshillin Bashkiak unë jam e re për këtë mandat dhe gjatë asaj periudhe të mëparshme kanë qenë me dhjetra qytetarët të sëmurë që kërkonin që të ndërronin emrat e tyre, pasi qendrat spitalore të Greqisë nuk i pranonin kur u shihnin emrat. Unë nuk e kam parë që ky njeri të shprehë mendimin e tij për këto fakte. Pavarësisht nëse i shkon apo jo fjala, ai duhet të ishte shprehur. Dhe së dyti komunitetet fetare në Shqipëri nuk kanë pasur asnjëherë probleme.

Si e konsideroni deklaratën e PD-së e cila distancohet nga qendrimi i mbajtur prej jush në atë mbledhje?
Unë e thashë edhe më përpara se jam një qytetare e lirë, që kam mendimin tim dhe ne jemi në një shtet demokratik, ku të gjithë mund të thonë mendimin e tyre. Ajo që është thënë në konferencën e shtypit nga zoti Biberaj si dhe nga zoti Mustafaj në prononcimin e dhënë për gazetën tuaj, është e vërtetë. Qendrimi im është personal dhe nuk ka lidhje me qëndrimin e PD-së. E përsëris që ka një kryetar grupi i cili shpreh qendrimin e grupit.

Ju vazhdoni ta mbani postin e nënkryetares së degës së PD-së për Tiranën?
Jo. Unë nuk e mbaj më këtë post që nga mbajtja e kongresit i cili u pasua edhe me rizgjedhje të strukturave të reja drejtuese, vazhdoj të jem anëtare e PD-së.

PD-ja ka deklaruar votën e saj pro dhënines së titullit "Qytetar Nderit të Tiranës" Kryepeshkopit Janullatos. Cila do të jetë vota juaj?
Unë kam shprehur mendimin tim personal. Në mbledhjen e ardhshme të Këshillit Bashkiak do të shprehet edhe mendimi politik i grupit tonë dhe unë do të mbaj qendrimin e grupit të PD-së, pasi kjo është një tjetër gjë.

Gazeta Shqiptare.

[kurkushi]

Edi Rama propozon për Qytetar Nderi të Tiranës krerët e besimeve fetare

Gafa që bllokoi titullin për Janullatos


Përfaqësuesit opozitarë të Këshillit Bashkiak hedhin poshtë kërkesën e kryebashkiakut Edi Rama për të shpallur Qytetar Nderi katër drejtuesit e komuniteteve fetare në Shqipëri. Më konkretisht, ata janë kundër shpalljes si Qytetar Nderi të Tiranës të kryepeshkopit Janullatos nën argumentimin se "greku duhet të largohet prej leckash nga Shqipëria". Ngjarja ka ndodhur dy ditë më parë gjatë mbledhjes së Këshillit Bashkiak të Tiranës, ku diskutohej propozimi i Ramës për të shpallur këto personalitete fetare si "Qytetarë Nderi". Si rezultat i refuzimit të opozitarëve, Këshilli nuk vendosi asgjë, duke e shtyrë marrjen e vendimit "në një mbledhje të ardhshme". Është hera e parë që drejtuesit e komuniteteve fetare në Shqipëri trajtohen me një "fjalor" të tillë, në kohën kur vetë krerët më të lartë të shtetit, Presidenti dhe kryeministri, kanë vlerësuar mjaft punën e bërë nga drejtuesit e këtyre komuniteteve për harmoninë fetare në vend. Por legalisti Murat Basha, një ndër njerëzit që kundërshtoi më ashpër këtë ide e përforcon më tepër kërkesën për të mos i dhënë titullin e nderit, kryepeshkopit Janullatos. "Ai nuk është qytetar shqiptar dhe mbi të gjitha nuk ka bërë asnjë të mirë për Shqipërinë dhe shqiptarët. Unë kam të dokumentuar me fotografi mbledhjet e disa organizatave vorioepirote në krye të të cilave qëndron Janullatos dhe dihet mirë se këto lloj organizatash kanë karakter tendencioz për territorin shqiptar" shprehet Basha. Në të njëjtën linjë ka qenë edhe përfaqësuesja e PD në këtë këshill Nermin Basha, nënkryetare e degës së PD të Tiranës, e cila edhe pse e papërgatitur, tregon në mbledhje se nga ky propozim "iu ngritën flokët përpjetë". Pak më racionale është treguar Blegina Agolli, (në profesion gazetare, e propozuar nga PD në Këshill), e cila ka kërkuar që më parë të ketë një konsultë dhe më vonë të merret një vendim.Ky është reagimi i parë negativ i ndonjë institucioni, siç është edhe Këshilli Bashkiak, karshi këtyre personaliteteve fetare në Shqipëri. Ndërkohë që dihet roli konstruktiv që kanë luajtur këto komunitete fetare, sidomos në fenomene sociale në vend, ku më së fundi, vlen të përmendet mesazhi i dhënë prej tyre me rastin e shtimit të vetëvrasjeve të fëmijëve. Reagimi negativ ka ardhur unanimisht nga ana e përfaqësuesve të opozitës në Këshillin Bashkiak, duke lënë të kuptohet se nuk është një vendim i paorganizuar apo i paarsyetuar më parë. Aq më tepër që relacionet e mbledhjeve të Këshillit Bashkiak, u propozohen anëtarëve të Këshillit disa ditë përpara mbledhjes. Më poshtë po botojmë një pjesë të debatit të zhvilluar në mbledhjen e këshillit bashkiak dy ditë më parë. Murat Basha: Ky propozim së pari është shkelje për dinjitetin e shqiptarëve, së dyti është shkelje e statusit të Kishës Autoqefale Shqiptare Ortodokse që Janullatosit t'i jepet titulli "Qytetar Nderi" i Tiranës. Ai është grek dhe të marri rrobat dhe të shkojë në Athinë dhe ne mundësisht të zgjedhim një prift shqiptar, ata që dinë vetë punët e tyre. Por ne s'kemi pse hyjmë më thellë në një veprim të paligjshëm që ka filluar që në 1992 dhe vazhdon deri sot. Unë për veten time jam kundër.Nermin Basha: E mbështes mendimin e zotërisë me thënë të drejtën jam e papregatitur, por që tani sa e pashë emrin mu ngritën flokët përpjetë. Ç'ne Janullatosi të shpallet Qytetar Nderi i Tiranës. Janullatosi, mirë thotë zotëria, të marrë leckat e veta dhe të shkojë në Greqi. Jam e papregatitur, por gjithsesi menjeherë këto dy fjalë mund të them. Blegina Agolli: Zoti Kryetar, më falni, megjithëse unë mendoj që kjo mund të kërkojë njëfarë konsulte përpara, sigurisht ai është një personalitet në fushën e vet, nuk mund të themi as të marrë leckat, as rrobat. Është grek, a është turk, është një personalitet që nuk mund të zgjidhet me një ngritje kartoni. Unë mendoj se kërkon një konsultë, e fyejmë edhe nëse do ta miratojmë atë personalitet, pavarësisht nëse ka problem ose jo, Kisha Autoqefale Shqiptare nuk është objekt i Këshillit Bashkiak. Kjo kërkon konsultë.M. Tase: Nuk mund të bëhemi si Robespieri që donte të prishte kisha.Luan Shahollari: Propozimi është racional ta shqyrtojmë edhe një herë dhe ta diskutojmë në mbledhjen e ardhshme.Marrë nga mbledhja e Këshillit Bashkiak, dt???Mustafaj: Basha ka folur në emër të sajPartia Demokratike distoancohet nga qendrimi i ashpër i mbajtur nga këshilltarja demokrate Nermin Basha në bashkinë e Tiranës, ndaj porpozimit për dhënien e titullit "Qytetar Nderi i Tiranës" kryepeshkopit Anastas Janullatos. Sekretari për marrëdhëniet diplomatike në PD Besnik Mustafaj në prononcimin për Gazetën u shpreh se Basha ka folur ne emër të saj dhe aspak në emër të PD-së. "Megjithëse unë nuk kam dijeni për këtë mbledhje po ju them se Nermin Basha ka folur vetëm në emër të vet, pasi unë dua t'ju siguroj se Partia Demokratike nuk ka asnjë kundërshtim që hirësisë së tij Janullatos t'i bëhen të gjitha nderet nga vendi ynë", tha Mustafaj.Kisha Ortodokse: Në pritje të zyrtarizimit të "incidentit""Ne nuk kemi informacion për një debat të tillë. Dimë vetëm që kjo çështje është diskutuar në mbledhjen e fundit të Këshilli Bashkiak, por nuk jemi njoftuar për një zhvillim të tillë të diskutimeve. Në këto rrethana, kur nuk kemi ende një njoftim zyrtar, çdo përgjigje e jona do të ishte e nxituar". Dhjakon Asti Bakallbasha pranë metropolisë së Kishës Ortodokse iu përgjigj në këtë mënyrë reagimit të Gazetës për atë çfarë kishte ndodhur në mbledhjen e Këshillit Bashkiak tri ditë më parë. Ai dhe përfaqësues të tjerë të Kishës nuk pranuan të komentojnë të dhënat e Gazetës mbi polemikat e ashpra që kishte ngjallur propozimi për të nderuar kryepeshkopin Janullatos, duke preferuar të ruajnë respek dhe të përgëzojnë Bashkinë e Tiranës për propozimin, pa komentuar për ngjarjet e mëtejshme ende jozyrtare.

Gazeta Shqiptare.

Nëse shqiptarët janë deklaruar kundër Janullatosit që është pa asnjë dyshim kryesuesi dhe ekzekutuesi i çdo urdhëri shkatrrues dhe përqarës në shqipëri,duke iu falënderuar Lopës(Sali Berisha)që e solli dhe pranoi në shqipëri këtë kriminel të një kishe kriminele orthodokse Greke që është kisha më reaksionare dhe më e fëlliqtë në botë ,më keq se ajo serbe dhe ruse,e arthmja e shqipërisë ka mundësi të pritet më e mirë se ç`ishte gjer më sot!
Por çudija prap mbetet:
Shqipëtarët kanë fenë e Grekut,(Serbit,Rusit,Malazezit,Maqedonit),Turkut ,Arabit...Iranit,Irakut(shehlerët-shiitët),të Romës-Vatikanit dhe prap duan të mbeten shqiptarë me një shtet të pavarur kombëtar ...
Kjo ngjanë njëlloj sikurse pavarësia e kalit që mbartë në shpinë kalorësin!...
Rroftë Janullatosi dhe të gjithë grekët,shkijet,dhe sllavët tjerë në shqipëri që po e udhëheqin shqipërinë qe 14 vite në demokraci!

[Xhuxhumaku]

E Diele, 31 Korrik 2005

SI U NGRIT KURTHI ME EMRIN E JANULLATOSIT?

Nga Dalip Greca

Fitoi apo humbi helenizmi kete here perballe atdhetarizmit te ngrire te shqiptareve, qe nuk ua mbajti t'i frynin atij (zjarri(? Shtypi grek pohoi se ne zgjedhjet e 3 korrikut helenizmi ishte nje nga fituesit e medhenj. Nuk eshte e ketij mendimi Omonia, e cila priste me shume dhe ka dhene alarmin se komuniteti grek qenkesh ne graden e mjerimit te plote pasi qe nga zgjedhjet e para parlamentare te Shqiperise zhvilluar ne vitin 1921, keto te tanishmet paskeshin shenuar rezultatin me te ulet! Gazeta greke (Kathemirini( qe shpalli dy te medhenjte e fitores; njeri helenizmi dhe tjetri Berisha, duket sikur provokon me nacionalizmin
e deridjeshem te kryetarit te Partise Demokratike, kryeministrit te ardhshem te Shqiperise. Komenti i Kathemirinit duket ca dashakeq, kur shkruan se (Berisha, i mirenjohur per ndjenjat e tij anti-greke ne te kaluaren, ka ndryshuar radikalisht pikepamjet e tij mbi Greqine dhe minoritetin grek qe jeton ne Shqiperi. Kjo kthese 180-gradeshe nuk ndodhi kot se koti. Kthesa eshte rezultat i perpjekjeve eficente te diplomateve greke ne Tirane.( Keshtu komentoi e perditshmja greke (Kathemirini(, e cila aludon se doktori e ka marre kthesen nga puna qe paskan bere me te diplomacia greke dhe jo nga misioni qe ai ka marre persiper ne rolin e kryeministrit te Shqiperise qe tenton te bashkoje shqiptaret, qofshin dhe minoritare!

Provokimi: Kompromentimi qe duan t'i bejne Berishes

Pikerisht ketu qendron provokimi: tek kompromentimi qe perpiqet t'i beje Berishes gazeta greke. Ne sfond, lexuesi con ndermend edhe ecejaket e Geixhit ne Tirane, edhe takimet me Berishen, edhe kandidimin e Gramoz Pashkos jashte deshirave te elektoratit te Partise Demokrarike, packa se ai kishte deshtuar edhe ne votimin per te zene nje vend ne forumet e Partise Demokratike. As me pak dhe as me shume, Kathemirini kerkon qe t'i heqe Berishes nje nder armet e tij ndaj rivalit te tij socialist, ate te atdhetarizmt. Eshte e vertete se Berisha ka qene i matur dhe eshte treguar i kujdesshem, pas ikjes nga pushteti me 1997, ne marrdheniet me greket hapat i ka matur mire. Arsyeja eshte e kuptueshme, duket se fqinjet jugore kane qene faktor ne humbjen e tij para tete vjetesh, ndoshta dhe kater vite te shkuara. Berisha e kuptoi se nuk mund t'ia linte Nanos miqesine me fqinjin
problematik jugor, aq me shume qe atje jetojne me shume se 500 mije emigrante shqiptare, qe jane dominante ne marrdheniet mes dy vendeve. Kur Berisha mendoi se kete here fqinjet s'kishin ku e kapnin, si rrufe ne qiell te kthjellet erdhi kurthi, ku rane keshilltaret e Partise se tij ne Bashkine e kryeqytetit, kurth te cilit iu shmang shume shpejt vete Berisha duke nxjerre para medias per ta ndrequr (gabimin( qe mund t'u kushtonte, ne kete kohe delikate, ku nuk kane dale perfundimisht as rezultatet e zgjedhjeve, dhe kandidati per kryeminister nuk eshte ulur ende ne karrigen e Nanos.

Historia me Janullatosin, i ka kushtuar jo pak PD-se

Historia me Janullatosin i ka kushtuar kryetarit te Partise Demokratike jo pak. Fillimisht, ai u perpoq qe t'ia faturonte presidentit komunist te gjithe fajin per (ngecjen( e Janullatosit ne krye te Kishes Ortodokse shqiptare, por kur faktet dolen hapur se mbanin firmen e tij, ai deklaroi se Fortlumturia ishte i perkohshem ne Shqiperi dhe me pas dihet se c'ndodhi; reagimi i kreut te Kishes Ortokse ishte filozofik: Te gjithe te perkohshem jemi ne kete bote ... Mirepo serish doli ceshtja Janullatos, e cila duket qe nuk ka qene e rastesishme, por e mirellogaritur. Ishte tamam nje kurth, te cilin po ta kishte ngrene Berisha, mund t'i kriste keqazi marrdheniet e qelqta me Greqine. C'ndodhi ne keshillin bashkiak te Tiranes? Nermin Basha ka kundershtuar ashper projektvendimin e paraqitur nga kryetari i bashkise Edi Rama, qe ne radhen e kryeklerikeve fetare per t'u shpallur qytetare nderi te Tiranes, te ishte edhe emri i Fortlumuturise se tij Anasatas Janullatos. Keshilltarja bashkiake jo vetem qe ka kundershtuar, por ajo ka perdorur edhe nje fjalor te ashper kunder kreut te Kishes Ortodokse shqiptare, duke thene se (ai duhet te qerohet me gjithe recka nga Shqiperia(. Komentet qe u bene me pas nga politikane, klerike, analiste, ishte ne teresi pro Janullatos, ndersa diskutimi i keshilltares u epitetua si skandal! Zot na ruaj, njeriu eshte i lire te shfaq ate qe mendon. Nje nder pyetjet qe mund t'i linde njeriut kur e meson nje fakt te tille mund te jete edhe kjo: Mos valle keshilltarja e PD-se u ndodh e pa pergatitur perballe propozimit te kryebashkiakut socialist, apo ajo ashtu do te reagonte edhe po t'ia vinin per votim kete propozim edhe ne rrethana te tjera? Besoj se Basha ka qene vertete ne rrethana te befta perballe propozimit, ose thene me shqip: ka qene padyshim perballe nje kurthi te ndertuar mjeshterisht, i perpiluar si vendim me 29 qershor, fare pak dite para 3 korrikut te zgjedhjeve, per ta pasur si gure rezerve nen dore, por ne cfaredo rrethanash qe te ishte ajo nuk do te reagonte ndryshe. E shpreh me kaq siguri kete hamendje sepse motivi qe keshilltarja dha per shtypin se perse e mbajti ate qendrim te ashper, ishte me shume bindje se sa emocion i castit. Veta ajo eshte shprehur se: (Perse Fortlumturia e Tij, prof.dr. Anasta Janullatos nuk drejtoi asnjehere ndonje mesazh
drejt vendit te lindjes, kur u ndryshonin emrat shqiptareve si kusht per t'u punesuar ne Greqi? Cfare beri ne '97-en Janullatosi kur Shqiperia e Jugut digjej ne flaket e anarkise dhe nga burgjet greke mesyne kontigjente te rremujes? Po kur Greqia organizonte operacionet e famshme (fshesa(? Megjithate Basha ndryshoi nga pozicioni i pare kur e pa se te gjithe u ngriten kunder saj dhe keshilltarit legalist Murat Basha; ajo e mori kthesen kur Partia e saj, i doli kunder dhe e cilesoi personal kundershtimin. Atehere ajo tha se ishte dakort ashtu sic te thoshte Partia le te behej!

Reagimi i befte nga PD-ja

Pra Janullatosi le te behej nderi i Tiranes! Kishim 15 vjet qe nuk e degjonim me shprehjen: C'thote Partia ben populli! Atyre qe e ngriten kete kurth dhelprash, iu shkreh carku ne dore, nga qe Berisha nuk shkeli ne te. Nga selia blu doli menjehere ne konference shtypi z. Aleksander Biberaj, i cili praqiti mendimin e partise, te kundert me ate te keshilltares: (PD vlereson figuren e hiresise Janullatos per kontributin e tij si udheheqes fetar dhe ne ndikimin e madh per bashkejetesen fetare ne vend(. Keshtu ka reaguar Partia Demokratike me ane te shefit te marredhenieve me publikun, Aleksander Biberaj ne lidhje me kundershtimin qe beri nenkryetarja e PD Nermin Basha, per shpalljen (Qytetar Nderi( te kater klerikeve, nder ta dhe kreu i Kishes Ortodokse Shqiptare. Sipas Biberajt, PD e mbeshtet propozimin e Bashkise se kryeqytetit per shpalljen e Janullatosit (Qytetar Nderi te Tiranes(. Biberaj ka shtuar se qendrimi i Bashes eshte personal dhe i papranueshem nga PD. Me pas u numeruan te gjitha vlerat qe mbartte Janullatosi. Propozimin e Bashkise per dhenien e titullit per Janullatosin e ka pershendetur edhe nenkryetari i PDR, Tritan Shehu dhe kreret e partive te tjera.. Ndersa Partia Per Mbrojtjen e Te Drejatve te Njeriut, ka nxituar te pershendese Partine Demokratike, e cila korrigjoi gabimin e keshilltareve te saj ne bashki.

Pse pikerisht tani propozimi per Janullatosin?

Nje tjeter pyetje qe mund te linde ne kete rast: Perse u paraqit tani propozimi per shpalljen qytetar nderi te kater klerikeve te nderuar qe jane krye te besimeve fetare ne Shqiperi? Perse nuk u paraqit ky propozim, ta zeme menjehere pasi u nda nga jeta kreu i besimit musliman Hafiz Sabri Koci? Nderohej i vdekuri, por
kujtoheshin edhe te gjallet, bashke me ta dhe fortlumturia! Atehere do te kishte nje arsye me shume. Mund te ishte bere ky propozim edhe pese muaj te shkuara, ne fillim te marsit, kur kreret fetare, perfshi dhe Fortlumturine e tij Janullatos ndermoren paktin e pajtimit kombetar? Pyetjet jane te shumta, por pergjiegjet mbeten retorike. Atyre qe u interesonte e deshen tani ne prag te zgjedhjeve qe te ndodhte ndonje e papritur. Po t'i riktehhemi edhe nje here komentit te Kathemirinit per fituesin numer dy te zgjedhjeve shqiptare, te helenizmit, zbulojme strategjine qe ka pase ndertuar helenizmi ne keto zgjedhje. Duke perfituar nga dyluftimi PD-PS,askush nuk e ka pasur mendjen tek Helenizmi, greket kane ndertuar planin e tyre, duke synuar qe ne keto zgjedhje te konsolidohej helenizmi dhe ia kane arritur deri diku qellimit.

Koha Jone.