Plazmë

[Agim Doçi]

Lotë e vajzë u bënë qerrshi...
Pikuan gjak.
Unë rashë në dashuri
ajo më thithte pak nga pak.

[diamant abrashi]

Dikush pëlqeu orën që
më fale ti

Dikush trupin që
skalite ti

Dikujt i pëlqeu
ngjyra e passaportit
që mbaja në xhep

Dikush u dashurua
në bebzat e mia
nga të cilat
memzi fluturove ti...

[diamant abrashi]

Ajo
zgjodhi të brendshmet e saja
me kujdes
me kujdes zgjodhi dhe
garderobën e saj,
shkoi plot vullnet
te pasqyra
tek mikesha e saj e vetme,
hoqi makiazhin sipri
rrudhave në fytyrë
fshehu dhe thinjat
e parakohshme në flokë
dhe zbriti shkallët
duke lëvizur menderen
me kujdes.

Doli në bulevard
piu birrën e saj
dhe u kthye sërish
në shtëpi
ndezi televizorin
dhe mes këmbëve ndjeu lagështi.

Nuk ish spermë
ishin pika loti
për jetën e saj gri.

[D&G Feminine]

Vështirësi gramatikore

Gramatika e dashurisë
asnjëherë
nuk më ka mësuar
ta zgjedhoj foljen
"të dua"
në kohën e kryer
të thjeshtë!


[...

Qenka shume elokente kjo veshtiresia gramatikore

[diamant abrashi]

Qenka shume elokente kjo veshtiresia gramatikore

E dashura D&G Feminine,
poezia si tharm i kulturës dhe i artit pa elokuencën e duhur do të shëndrrohej në debate tavernash të pista. Faleminderit për vlerësimin dhe të premtoj se do të vazhdoj ta kuroj me kujdes fjalën e shkruar dhe të thënë publikisht.

[Agim Doçi]

.

TE JESH POET

Kur vargjet bëhen kangjella burgu
dhe vehten ndjen që je poet
bën jetë të vuajtur siç vuan murgu
vuan çdo ditë...thinjesh në net...

në shtrat të ndjenjës kur skllavërohem
vargonjt e mallit më lidhin mua
dhe kur e ndjej që dashurohem
kelthas...e çirrem: - SA SHUME TE DUA.

Pastaj qendroj si udhëtari,
që vetëm pret në një stacion
në horizont ku fshihet malli
një tren fantazëm zë fishkëllon...

dhe vu vu vu, era memece
lë pas në vesh nje fishkellimë
kur je poet ke mijëra "vese"
por një VIRTYT...veç DASHURINE!

[diamant abrashi]

Me carcafin e skuqur
te virgjerise tende
nuserore
mbulova epitafin
e monumentit
tim te fundit...

[mister-i]

Edhe diamanti më i bukur
po të shikohet
në tehun e thyer
të pasqyrës sonë të shpirtit
jep reflekse zvarranikësh...

[Agim Doçi]

koha e reptileve ka humbur
ne thellesine e moteve
ne vargje shpesh jane futur
diamantet e loteve

[diamant abrashi]

Në natën e Shën Lorencos
nganjëherë,
kur yjtë i kemi afër
dhe duam t'i ndrydhim
na ngelen në duar
si poça të ndezur elektrikë...