Plazmë

[diamant abrashi]

Dimensioni i ri

Dimensioni i ri
nuk të lë dallosh
ku fillon dashuria
e ku dhimbja...

ku fillon prehja
e ku dyshimi

ku fillon Ti
e ku tjetri Ti

në fund,
e dashur
ne padashur
bëhemi një...

[Agim Doçi]

Aritmetika e dashurisë
më ka mësuar!
Në Klasën e saj të çmendurisë
Kurr s'kam munguar.

Në plantacionin e dhimbsurisë
unë mbeta vlagë...
Në pus të thellë të lumturisë
morra shumë...plagë

[macia_blu]

ku fillon Ti
e ku tjetri Ti

në fund,
e dashur
ne padashur
bëhemi një...


me kenaqen keto vargje.

[diamant abrashi]

Planetet janë
si shpirtërat

nganjëherë
tërhiqen

nganjëherë
largohen

shpesh
shtiren të ftohtë
më shpesh akoma
përcëllojnë

kur janë afër
gravitacioni plazmatik
si lë të shqiten më...

[diamant abrashi]

Aritmetika e dashurisë
më ka mësuar!
Në Klasën e saj të çmendurisë
Kurr s'kam munguar.

Në plantacionin e dhimbsurisë
unë mbeta vlagë...
Në pus të thellë të lumturisë
morra shumë...plagë

Edhe tragjika e ka bukurinë e saj...! Me shëndet plagët Agim nëse e ke ndonjë!

[diamant abrashi]

ku fillon Ti
e ku tjetri Ti

në fund,
e dashur
ne padashur
bëhemi një...


me kenaqen keto vargje.

E nderuara Macia_blu,

gëzohem që të pëlqyen në kohën kur gjithcka po zvetnohet!

Mbrëmje të mirë!
Diamanti

[diamant abrashi]

Sonte
në Durrës
ka më shumë yje
se zakonisht...

...jo,
janë
zjarr' i syve të mi
që ethshëm kërkon
shpirtin tënd të brishtë
përcëlluar nga dielli,
rrahur nga shiu...

Planeti im i vetëm
ngelet në udhëkryqin
e paqenë...

[diamant abrashi]

Vështirësi gramatikore

Gramatika e dashurisë
asnjëherë
nuk më ka mësuar
ta zgjedhoj foljen
"të dua"
në kohën e kryer
të thjeshtë!


Postrefleks

Përkohshmëria e bukur
është djepi
ku janë përkundur
gjithmonë
seritë e gjata
e të zeza
të dështimeve të mëdha
dhe të vërtetat trishtuese...

Kurvë e gjallë

Dashuria është
kurva më e bukur
dhe e vetmja
që më ka qëndruar
gjithnjë pranë.

Aq pranë
sa të dukemi plazmë...

[Agim Doçi]

Une dhe dashuria jemi orgazmë
Ti dhe xhelozia jeni masturbim
Une dhe optimizmi jemi plazmë
Ti dhe pesimizmi jeni tërbim...

[diamant abrashi]

Unë dhe dashuria
jemi plazmë
orgazma është
qershia që sipri rri...