Klubi FC Bayern München

[bavarezi5]

Viktoria Aschaffenburg - FC Bayern 3:10 (1:6)


Ottl
Makaay
Dos Santos
Guerreo (2x)
Scholl (2x)
Pizarro (2x)
Autogol

[bavarezi5]

Rumenige bën ironi me Hamburgun

Hamburgu është vënë së fundi në qendër të kritikave pas dështimit që në ndeshjen e parë të fazës së dytë kundër Nurenbergut, që për pasojë e nxorri edhe atë nga lufta direkte për titull me Bajernin e Mynihut. Në median gjermane vazhdon të përflitet shumë jo vetëm për Hamburgun, por në veçanti edhe për dy blerjet e reja të kësaj skuadre, Ailton dhe de Jong, që nuk është se bënë ndonjë gjë të madhe në ndeshjen e humbur 2 1. Normalisht që pas takimit, trajneri Dol ka mbetur i shokuar. "Nuk arrij dot ta kuptoj. Megjithëse ne ishim në avantazh, kundërshtari ishte më agresiv se ne dhe për këtë fitoi me meritë," - citohet të ketë thënë Doli për faqen e klubit në internet. Sulmuesi i ri Ailton, në 23 kontakte që pati me topin arriti të gjuajë vetëm një herë në portë. "Ishte e rëndësishme për mua që të ambientohesha me lojën e lojtarëve të tjerë të skuadrës në këtë ndeshje të parë. Tani është e rëndësishme që ne të përqendrohemi te takimi në fushën tonë me Arminia Bielefeldin," - shprehet braziliani, që me pak fjalë ka kërkuar kohë. Por në fakt, koha nuk ka sesi të jetë e mjaftueshme për Hamburgun, që tani e shikon veten nëntë pikë larg Bajernit kryesues. Për një fakt të tillë, Karl Hainc Rumenige ka gjetur kohë të bëjë edhe humor e të shpotisë Hamburgun, në një prononcim të tij për gazetën "Bild": "Ndoshta Hamburgu blen që tani edhe ndonjë lojtar tjetër," - citohet të ketë thënë shefi i klubit të Bajernit. I menjëhershëm reagimi i menaxherit të Hamburgut, Baiersdorfer: "Ajo që paguajnë ata, neve s'na intereson. Për këtë, ata duhet të merren vetëm me punët e tyre." Drejtuesi i lartë i Hamburgut ka mbrojtur ndër të tjera dy lojtarët e rinj, duke u shprehur: "Fajin nuk e kishin individë të veçantë. Të gjithë ishin larg formës së tyre të fazës së parë," - ka përfunduar Baiersdorferi.

[bavarezi5]

Magat: Lufta për titull është e hapur

"Edhe pse kryesojmë me një diferencë pikësh ndaj ndjekësve, përsëri lufta për titull vazhdon të jetë shumë e hapur. Për mua, skuadra si Verder Bremeni, Shalke 04, Shtutgarti, por edhe Hamburgu, duhen marrë gjithmonë parasysh si kundërshtarë seriozë."

Bajerni i tij udhëheq kampionatin me një diferencë prej tetë pikësh nga ndjekësi më i afërt, Verder Bremeni, megjithatë trajneri Feliks Magat nuk pranon ta konsiderojë të mbyllur që tani luftën për titull. I pyetur për një paralele me Juventusin në Itali, i cili udhëheq Serinë A me një diferencë të njëjtë me Interin ndjekës, tekniku bavarez shprehet se kampionatet europiane gjithmonë ndryshojnë nga njëri tjetri. Në këtë intervistë, Magati flet për gjendjen aktuale në skuadrën e tij, për sfidën e ardhshme europiane me Milanin, për problemin evident të kontratës së Mikael Balakut, por edhe për gjëra të tjera.

- Zoti Magat, pas suksesit në Kupën e Gjermanisë, tashmë edhe një fillim i suksesshëm i fazës së dytë të kampionatit. A jeni i kënaqur me këtë Bajern?

- Sigurisht që rezultatet në fushë janë shumë të rëndësishme, në rastin tonë, përcaktuese, por gjithsesi them se ka ende vend për përmirësime. I referohem këtu sidomos paraqitjes në kupë, kundër Maincit. Në rast se do të paraqiteshim ashtu kundër një skuadre tjetër, më të fortë, edhe mund të ishim ndëshkuar.

- E keni fjalën këtu për sfidat e ardhshme europiane që e presin Bajernin, apo për rivalët e kampionatit?

- Flas fillimisht për rivalët në kampionat, pasi, edhe pse kryesojmë me një diferencë pikësh ndaj ndjekësve, përsëri lufta për titull vazhdon të jetë shumë e hapur. Për mua, skuadra si Verder Bremeni, Shalke 04, Shtutgarti, por edhe Hamburgu, duhen marrë gjithmonë parasysh si kundërshtarë seriozë. Madje në rrethin e këtyre skuadrave do të fusja edhe Dortmundin, që po bën një paraqitje shumë të mirë. Për sa u përket sfidave europiane, mendoj se në përballjen tonë të ardhshme me Milanin, duhet të paraqitemi në formën tonë më të mirë.

- Duke iu referuar edhe formës së shfaqur nga Milani në ndeshjet e kampionatit të tij, a mendoni se Bajerni ka shanse për ta kaluar me sukses një rival të tillë?

- Ne do të bëjmë lojën tonë. Nuk dua t'i referohem aspak formës së Milanit në kampionatin italian, pasi kur vjen puna te ndeshje të tilla, kaq të mëdha, skuadrat karikohen gjithmonë maksimalisht dhe luftojnë për maksimumin në fushë. Unë them se mbështetja e publikut vendës në ndeshjen e parë duhet të përbëjë një plus të madh për ne, por sigurisht që takimi i kthimit në Itali paraqitet tepër i vështirë.

- Bajerni afroi vetëm një lojtar të ri, Hulio dos Santosin, në merkaton e dimrit. Nuk e ndieni nevojën e përforcimeve, apo çfarë?

- E kam shprehur dhe dua ta ripërsëris, që skuadra ka nevojë për përforcime, ashtu si edhe çdo klub tjetër i madh. Madje, them se te Bajerni duhet të vijë një emër, një lojtar që të mbajë përgjegjësi mbi supe, pak a shumë një lider si Terri i Çelsit apo lojtarë të këtij kalibri. Megjithatë, për momentin, jemi të kënaqur me grupin e lojtarëve aktualë.

- Një periudhë e ngarkuar me rinovime kontratash ajo e muajve të fundit te
Bajerni. Tashmë shumë lojtarë kanë premtuar vazhdimësi të bashkëpunimit, ndërkohë që s'dihet asgjë për Mikael Balakun.

- Eshtë shumë e rëndësishme për ne që lojtarë si Oliver Kahn, Sebastian Daizler, Klaudio Pizarro apo së fundmi edhe Vili Sanjol, të cilët praktikisht përbëjnë bërthamën e Bajernit, vendosën të qëndrojnë në Mynih. Kemi krijuar një grup të suksesshëm lojtarësh, që merren vesh dhe shkojnë shumë mirë me njëri tjetrin, jo vetëm në fushën e lojës, por, ajo që është e rëndësishme, edhe jashtë saj. Për sa i përket problemit "Balak", ne e kemi lënë të lirë të mendojë dhe të marrë vetë një vendim për të ardhmen, edhe pse sigurisht që dëshira jonë është që ai të qëndrojë.

- A mendoni se e ardhmja pezull e Mikael Balakut do të ndikojë në paraqitjet e tij në fushë?

- Unë mendoj se Balaku, duke qenë se është një lojtar profesionist, nuk do të lejojë që problemet e tij personale, t'i reflektojë te paraqitjet e tij në fushë. Tek e fundit, ky është një vit shumë i rëndësishëm për të, pasi mund të fitojë shumë. Aktualisht, ai luan bashkë me Bajernin për tre tituj, ndërkohë që në fund ka mundësinë për të synuar edhe maksimumin, kur të luajë me Gjermaninë në botëror.

- Po përflitet shumë për një largim të mundshëm të Balakut. Cila do të ishte lëvizja e radhës e Bajernit?

- E përsëris edhe një herë që ne s'do ta uronim një gjë të tillë, por sigurisht që jeta te Bajerni do të vazhdojë, pasi klubi është më i rëndësishëm se çdo lojtar, trajner, apo edhe drejtues.

- A ka në mendje Bajerni një emër konkret për të marrë rolin e pasardhësit të Balakut, në rastin e largimit të tij?

- Te Bajerni ka shumë lojtarë cilësorë, që për më tepër janë të rinj, por edhe shumë të talentuar.

- Në gjysmëfinalen e Kupës së Gjermanisë do të përballeni me St. Paulin, skuadrën që eliminoi Verder Bremenin.

- St. Pauli ka realizuar vërtet një surprizë të madhe, edhe pse duhet të them se kushtet në të cilat u zhvillua takimi, nuk ishin nga më të mirat. Gjithsesi, skuadra të tilla, edhe pse luajnë në liga inferiore, nuk duhen nënvleftësuar. Ne do të luajmë me angazhim maksimal, ashtu siç bëjmë në të gjitha ndeshjet. Duhet pasur parasysh se përderisa ka ardhur deri në gjysmëfinale, skuadra e St. Paulit nuk është më një rastësi.

- A kanë ndryshuar objektivat e Bajernit në këtë sezon?

- Aspak, e kam thënë që në fillim se do të luftojmë për të shkuar sa më larg në të trija kompeticionet. Sigurisht që arritja më e madhe për ne do të ishte Liga e Kampioneve, por edhe kampionati përbën një titull tepër të rëndësishëm.

- Eshtë përfolur së fundmi për një kontratë pa afat. Si e shikon vetë trajneri Magat të ardhmen e tij me Bajernin?

- Për momentin ndihem shumë mirë te Bajerni. Kam arritur të krijoj bashkë me stafin një grup të unifikuar lojtarësh, që aktualisht po ecin mirë edhe në arenën europiane. Sigurisht që synimi im është një qëndrim sa më i gjatë në Mynih, por për këtë duhet të diskutoj dhe të bie dakord edhe me drejtuesit e klubit.
- Përballja e radhës me Bajer Leverkusenin në "Allianz Arena". Si e parashikoni këtë sfidë?

- Ndeshje të tilla kanë qenë gjithmonë të hapura dhe me shumë rivalitet. Pak rëndësi ka nëse Leverkuseni vjen në këtë sfidë në një formë jo shumë të mirë. Në një takim të tillë, angazhimi është gjithmonë maksimal nga ana e të dyja skuadrave. Ne duhet të hyjmë në fushë pa mbajtur presion mbi vete dhe sigurisht të kërkojmë ta fitojmë takimin, për të vazhduar ecurinë tonë pozitive, aq më tepër që do të luajmë edhe në fushën tonë.

[bavarezi5]

Fc Bayern renditet ne vendin e 3 ne ranglistet e historise se futbollit dhe statistikes per lojet ne grupe ne Champions League


1. FC Liverpool 319 pike
2. Inter Mailand 309 pike
3. Bayern 297 pike
4. Milan 267 pike

[bavarezi5]

Magat: Balaku qëndron në Mynih!

E ardhmja sportive e Mikael Balakut vazhdon të qëndrojë në ajër, por megjithatë, trajneri i Bajernit të Mynihut, Feliks Magat, beson se kapiteni i Kombëtares gjermane do të qëndrojë me skuadrën e tij. "Ai është i mirëpritur dhe unë do të gëzohesha shumë, nëse ai do të rinovonte kontratën me ne. Dhe aktualisht, unë vazhdoj të jem i bindur se ai do ta bëjë një gjë të tillë dhe do të qëndrojë në Mynih",- shprehet Magati, në një prononcim për mediat gjermane. Për këtë, sipas trajnerit të Bajernit "nuk ekziston asnjë plan B. Nuk ka asnjë lojtar, të cilin unë do të doja ta kisha në skuadër për momentin". Me pak fjalë, trajneri Magat i bën thirrje lojtarit, të mendohet mirë për zgjedhjen që do bëjë, duke konfirmuar se ai vazhdon të jetë i rëndësishëm për Bajernin. Një deklaratë që vjen pas ashpërsimit të toneve, nga ana e menaxherit Uli Hënes, por edhe zëvendëspresidentit Rumenige. Një deklaratë që kërkon të qetësojë disi gjendjen, pasi aktualisht, për të ardhmen e lojtarit po spekullohet shumë, sidomos në median gjermane. Agjenti i Balakut, Mikael Beker, ka mohuar ndërkohë, ekzistencën e tratativave me Interin. "Në nëntë muajt e fundit, nuk kemi patur asnjë kontakt me Interin",- shprehet Bekeri për gjermanen "Kicker". Së fundmi, presidenti i Interit, Masimo Morati, citohet të ketë thënë disa herë për mediat italiane se "transferta e Balakut ishte vetëm një gjë formale". Edhe në lidhje me listën e publikuar së fundmi nga spanjollja "AS", për lojtarët e preferuar të Real Madridit, aty ku mungonte emri i Balakut, agjenti Beker ka reaguar me shumë qetësi. "Nesër do të dalë një gazetë me një listë tjetër". Sipas Bekerit, Reali duhet të gjejë njëherë trajnerin, e më pas ai të përcaktojë edhe politikën e blerjeve. Në fakt, për këtë moment pret edhe vetë Balaku. Në anën tjetër, agjenti i lojtarit, nuk duket se e ka shumë problem ultimatumin e paravendosur nga menaxheri Hënes, që duhet të skadojë në fund të marsit. Në anën tjetër, Magati mendon që të vazhdojë për një kohë të gjatë bashkëpunimin e tij personal me Bajernin. "Unë ndihem mirë në Mynih dhe pres që të jem trajner i Bajernit, deri në vitin 2020",- shprehet Magati, por duke shtuar në të njëjtën kohë se "një trajner është gjithmonë i lidhur me skuadrën". Sipas Magatit, "në rast se nuk do të ecte më, atëherë do të ishte e kotë, që unë të vazhdoja me insistim punën këtu".

[bavarezi5]

Fc Bayern po avancon me golin e Ballakut ne min. 36 kunder Bayer L.

Forca Bayern............

[bavarezi5]

Fc Bayern Munchen [1 - 0] Bayer Leverkuse

36' [1 - 0] M. Ballack

[bavarezi5]

Bajern, në Berlin për testin e fundit!

Drejtuesit e Bajernit të Mynihut, vazhdojnë të shpresojnë që Mikael Balak mos të largohet nga skuadra, por për këtë periudhë, në të cilën mediat janë shumë të fokusuara te e ardhmja e tij, drejtuesit e skuadrës gjermane kanë deklaruar se, dëshirojnë që paraqitjet e mira të futbollistit në fushën e lojës, të flasin me zë më të lartë se fjalët e tepërta për të ardhmen e tij. Bajerni synon që të fitojë titullin e 20-të në Bundesligë dhe kanë shumë nevojë për shërbimet e mesfushorit të tyre. Në ndeshjen e ditës së mërkurë, ata duhet të vazhdojnë serinë e mirë të rezultateve, edhe pse do të kenë një sfidë të vështirë, kur do të udhëtojnë për në Berlin, për tu përballur me Hertën. Kapiteni i Kombëtares së Gjermanisë, të cilit i përfundon kontrata me Bajernin në fund të sezonit, kishte kërkuar që të mos flitej më për të ardhmen e tij, pasi kërkonte qetësi për të marrë një vendim, por në fakt, kanë filluar hipotezat që ai ka shumë mundësi që edhe mos të ike nga ekipi, edhe pas Kupës së Botës. Paraqitjet që ka bërë mesfushori 29-vjeçar në dy ndeshjet e fundit të Bajernit, i kanë bërë mediat që të mendojnë shumë gjëra tani. Ndërkohë, nga ana e vet, skuadra gjermane është gati t'i ofrojë atij një kontratë që do të ishte e vështirë për tu refuzuar. Balak shënoi një gol me godtije dënimi, në fitoren 3-1 në transfertë ndaj Borusia Mynsheglbah dhe shënoi golin e vetëm që i dha përsëri tre pikët skuadrës së tij, në ndeshjen e së shtunës kundër Bajer Leverkusenit. "Unë jam thjesht i përqëndruar te futbolli. Nuk mund të mendoj shumë për situatën. Nuk po më vë shumë në presion, pasi dua që vetëm të luaj mirë për momentin", - tha Balak. Bajerni kryeson renditjen në kampionat me tetë pikë avantazh nga vendi i dytë, që mbahet nga Verder Bremeni. Në ndeshjen ndaj Hertës, skuadra bavareze mund të rrisë avantazhin, nëse arrin të fitojë ndaj Hertës, pasi do të vërë nën presion Verderin, që do të ndeshet 24 orë më vonë ndaj Shtutgartit. Mbrojtësi, Vili Sanjol pritet të mos jetë as në ndeshjen e kampionatit dhe as në Ligën e Kampioneve, për shkak një dëmtimi, ndërkohë, mesfushori Sebastian Daisler, do të jetë i gatshëm për herë të parë në vitin 2006. Herta e Berlinit ka marrë dy barazime 1-1, në dy ndeshjet e fundit dhe në fakt, renditet në vendin e pestë në kampionat me 28 pikë, 22 më pak se Bajerni. Ndërkohë, Verderi arriti të zhvillojë një ndeshje vërtet spektakolare të shtunën, kundër Mainzit. Në fillim gjendeshin në disavantazh 0-2, por më pas, skuadra e Tomas Shaf arriti të shënojë katër gola. Edhe pse ishte pa sulmuesin kryesor Miroslav Klose, Nelson Valdez e zëvendësoi shumë mirë atë, duke qënë edhe autor i dy golave. Gjithsesi, në përballjen kundër Shtutgartit, Bremeni do ta ketë të vështirë. Ekipi i Xhovani Trapatonit, ka treguar dobësi në repartin sulmues gjatë gjithë sezonit, gjithsesi në mbrojtje është shumë mirë.



Drejtuesit e Bajernit të Mynihut, vazhdojnë të shpresojnë që Mikael Balak mos të largohet nga skuadra, por për këtë periudhë, në të cilën mediat janë shumë të fokusuara te e ardhmja e tij, drejtuesit e skuadrës gjermane kanë deklaruar se, dëshirojnë që paraqitjet e mira të futbollistit në fushën e lojës, të flasin me zë më të lartë se fjalët e tepërta për të ardhmen e tij. Bajerni synon që të fitojë titullin e 20-të në Bundesligë dhe kanë shumë nevojë për shërbimet e mesfushorit të tyre. Në ndeshjen e ditës së mërkurë, ata duhet të vazhdojnë serinë e mirë të rezultateve, edhe pse do të kenë një sfidë të vështirë, kur do të udhëtojnë për në Berlin, për tu përballur me Hertën. Kapiteni i Kombëtares së Gjermanisë, të cilit i përfundon kontrata me Bajernin në fund të sezonit, kishte kërkuar që të mos flitej më për të ardhmen e tij, pasi kërkonte qetësi për të marrë një vendim, por në fakt, kanë filluar hipotezat që ai ka shumë mundësi që edhe mos të ike nga ekipi, edhe pas Kupës së Botës. Paraqitjet që ka bërë mesfushori 29-vjeçar në dy ndeshjet e fundit të Bajernit, i kanë bërë mediat që të mendojnë shumë gjëra tani. Ndërkohë, nga ana e vet, skuadra gjermane është gati t'i ofrojë atij një kontratë që do të ishte e vështirë për tu refuzuar. Balak shënoi një gol me godtije dënimi, në fitoren 3-1 në transfertë ndaj Borusia Mynsheglbah dhe shënoi golin e vetëm që i dha përsëri tre pikët skuadrës së tij, në ndeshjen e së shtunës kundër Bajer Leverkusenit. "Unë jam thjesht i përqëndruar te futbolli. Nuk mund të mendoj shumë për situatën. Nuk po më vë shumë në presion, pasi dua që vetëm të luaj mirë për momentin", - tha Balak. Bajerni kryeson renditjen në kampionat me tetë pikë avantazh nga vendi i dytë, që mbahet nga Verder Bremeni. Në ndeshjen ndaj Hertës, skuadra bavareze mund të rrisë avantazhin, nëse arrin të fitojë ndaj Hertës, pasi do të vërë nën presion Verderin, që do të ndeshet 24 orë më vonë ndaj Shtutgartit. Mbrojtësi, Vili Sanjol pritet të mos jetë as në ndeshjen e kampionatit dhe as në Ligën e Kampioneve, për shkak një dëmtimi, ndërkohë, mesfushori Sebastian Daisler, do të jetë i gatshëm për herë të parë në vitin 2006. Herta e Berlinit ka marrë dy barazime 1-1, në dy ndeshjet e fundit dhe në fakt, renditet në vendin e pestë në kampionat me 28 pikë, 22 më pak se Bajerni. Ndërkohë, Verderi arriti të zhvillojë një ndeshje vërtet spektakolare të shtunën, kundër Mainzit. Në fillim gjendeshin në disavantazh 0-2, por më pas, skuadra e Tomas Shaf arriti të shënojë katër gola. Edhe pse ishte pa sulmuesin kryesor Miroslav Klose, Nelson Valdez e zëvendësoi shumë mirë atë, duke qënë edhe autor i dy golave. Gjithsesi, në përballjen kundër Shtutgartit, Bremeni do ta ketë të vështirë. Ekipi i Xhovani Trapatonit, ka treguar dobësi në repartin sulmues gjatë gjithë sezonit, gjithsesi në mbrojtje është shumë mirë.

[bavarezi5]

FC Bayern [2:1] Nunmberg



27'[1 - 0] R. Makaay



36' [1 - 1] R. Vittek



54' [2 - 1] M. Ballack

[SaNdoKaN]

Mir se ju gjeta bavarez

Ajde t'ja shtypim morrat fshatarve te Milanit