Klubi FC Bayern München

[bayern]

Tamom, po hyni ne loje Reali as Abromovichi s'bo mo fajde. Ne fakt ballack ne nje interviste ka deklaruar se e afashinon ideja te luaje ne Itali edhe Angli, Spanjen nuk e permendi fare, keshtu qe si dihet.
Mgth edhe po iku nuk eshe ndonje humbje e madhe fare, se gati kemi Van Der Vartin nga Hamburgu.
Thuj ne kete moment do preforoja te zgjidhte Interin mbi Juven. Jo vetem qe mos te shkoje te Juvja por ama edhe me te vertetu ty teorine time qe te fitoni scudetton ju duhen ca Gjermane.

[bavarezi5]

Mateus: Balaku, një rrezik për Bajernin


Kapiteni i kombëtares gjermane, Mikael Balak, luan te Bajerni që nga viti 2002. Kontrata e tij aktuale skadon në verë dhe mosrinovimi i saj ka sjellë shumë probleme mes tij dhe klubit. Bajerni vazhdon të stërvitet në Dubai, por gjithçka rrotullohet rreth telenovelës së rinovimit të yllit të mesfushës. Natyrshëm lind pyetja: edhe sa do të vazhdojë ky "teatër"? "Nuk duhet të vazhdojë shumë". Të paktën sipas Lotar Mateusit, legjendës së Bajernit dhe kombëtares gjermane. "Balaku duhet të vendosë shpejt se ç'do të bëjë. Kjo është e rëndësishme për të, për Bajernin, por edhe për kombëtaren dhe botërorin!" Mateusi shton më tej: "Problemet që kanë të bëjnë me kontratën, sjellin mungesë qetësie, së pari te vetë lojtari. Një gjë e tillë ndikon në paraqitjet e tij dhe për pasojë edhe te suksesi i të gjithë skuadrës." Ish lojtari i kombëtares dhe specialisti i futbollit gjerman shkon edhe më tej, duke e këshilluar Balakun: "Për një lojtar si Balaku, në një sezon të tillë ka shumë gjëra në tavë. Kampionati, Kupa, Liga e Kampioneve si dhe Botërori. Ky mund të jetë sezoni i tij. Por në rast se ai e kthen të ardhmen e tij në një fjalëkryq, një gjë e tillë do ta dëmtojë shumë." Mateusi e di shumë mirë se për çfarë flet. Kontrata e tij e re me kombëtaren hungareze duhet të jetë deri në vitin 2007. Por momentalisht askush nuk e di se çfarë do të bëhet me Mateusin, për shkak të kontradiktave mes drejtuesve brenda Federatës Hungareze të Futbollit. Në lidhje me mundësinë e një angazhimi te klubi brazilian i Atletiko Paranaenses, Mateusi konfirmon: "Do të ishte një nder që të punoje si gjermani i parë në tokën e kampionëve të botës."

[bavarezi5]

Magat: Na duhet një si Xhon Terri


Pas fillimit të fazës 10 ditore përgatitore të Bajernit në Dubai, trajneri Feliks Magat ka kërkuar një zëvendësues, në rast se Mikael Balak do të largohej nga klubi në përfundim të këtij sezoni. "Në një rast të tillë, ne kemi nevojë për një lojtar që të shikojë përpara," - është shprehur 52 vjeçari. Sipas tij, është e rëndësishme që skuadra të kishte një personalitet, që të marrë përsipër përgjegjësi më të mëdha. Aktualisht, gjithçka mbetet e hapur në lidhje me mundësitë e një largimi ose jo të kapitenit të kombëtares gjermane.
"Dos Santosi s'mund të jetë si Balak"
Si shembull për tipin e liderit që kërkon, trajneri Magat ka përmendur mbrojtësin e kombëtares angleze dhe të Çelsit, Xhon Terri. "Ai është një lojtar që me angazhimin dhe dëshirën e tij, ka figurën e liderit tipik në skuadër," - ka komentuar trajneri i Bajernit.

[bavarezi5]

Balak mohon marrëveshjen me Juven


"Pokeri" i merkatos për Mikael Balakun vazhdon. Pasi mediat italiane kishin publikuar të hënën se kapiteni i kombëtares gjermane kishte rënë dakord me Juventusin për një bashkëpunim, duke filluar nga sezoni i ardhshëm, lojtari i Bajernit nuk ka vonuar ta përgënjeshtrojë menjëherë një fakt të tillë. "Nuk ka ndodhur asgjë, në të kundërt do të isha shprehur," - thotë Balaku nga kampi stërvitor i Bajernit në Dubai. Dhe agjenti i lojtarit, Mikael Beker, i pyetur nga Agjencia Gjermane e Sportit (SID), shprehet se "nuk ka gjë të vërtetë në këtë histori. Ne as nuk kemi folur me Juventusin dhe as nuk kemi nënshkruar ndonjë kontratë." Në lidhje me gjendjen aktuale të negociatave, Bekeri nuk ka pranuar të prononcohet, por gjithsesi ka sqaruar: "Ne nuk lejojmë të vendosemi nën presion nga asnjëra palë. Kjo është kontrata më e rëndësishme në karrierën e Mikaelit. Nuk bëhet fjalë vetëm për gjëra financiare, por në plan të parë për çështje sportive. Një gjë e tillë është tepër e rëndësishme për Mikaelin, prandaj ai s'ka vendosur ende." Afati më i fundit për qartësimin e kësaj çështjeje është gjithsesi fillimi i përgatitjeve për kampionatin botëror (9 qershor deri në 9 korrik). Por sipas agjentit të lojtarit, ka shumë mundësi që e ardhmja e Mikaelit të sqarohet edhe që përpara sfidave të ardhshme në Ligën e Kampioneve. Bajerni do ta ketë ndeshjen e parë të këtij viti në "klasin mbretëror" kundër Milanit, më 21 shkurt. Ashtu si edhe më përpara, Real Madridi vlen si zgjedhja e parë e Balakut, në rastin e një transferimi jashtë Gjermanisë. Por "galaktikët" nuk kanë zgjedhur ende trajnerin e tyre të ri, që gjithsesi mendohet të ndikojë direkt në një transferim ose jo të gjermanit të mesfushës në Madrid. Por sipas një shkrimi të publikuar nga gazeta italiane "Corriere dello Sport", Balaku duhet të ketë hyrë në tratativa konkrete me Juventusin. Gjithnjë sipas medias, bëhet fjalë për një kontratë 5 vjeçare, me përfitime neto prej 5 milionë eurosh. Në anën tjetër, edhe ish trajneri i kombëtares, Rudi Fëler, citohet të ketë thënë për gazetën italiane "Corriere dello Sport", se Balaku do t'i shkonte për shtat Juventusit. "Mikaeli do të ishte një lojtar i përshtatshëm për Juven. Për të do të ishte ideale të luante në Torino. Unë nuk shikoj në Europë një mesfushor tjetër që luan aq mirë sa ai. Me një transferim te Juventusi, ai do t'i jepte karrierës një kthesë përcaktuese," - citohet të ketë thënë Fëleri për gazetën italiane.

[bavarezi5]

Bojinov te Fc Bayern?

Bojinov, sulmuesi bullgar i Fiorentinës, ka shfaqur hapur interesimin e tij për një lëvizje te Bajerni i Mynihut. Bojinovi ka konfirmuar ndër të tjera edhe interesin e Hamburgut për shërbimet e tij, duke thënë se agjenti po punon për një transferim në Bundesligë.

[bayern]

Ne fakt Bojinov e kerkojne edhe Manchester City edhe Liverpool, megjithate vete Bojinov ka kerkuar te transferohet tek Bayerni ku midis te tjerash ka deklaruar.

'' Bayerni eshte ekip qe fiton trofe c'do sezon edhe te luaj ne Bundeslige eshte nje enderr e imja''

[^|EsCoBaR|^]

Tamom, po hyni ne loje Reali as Abromovichi s'bo mo fajde. Ne fakt ballack ne nje interviste ka deklaruar se e afashinon ideja te luaje ne Itali edhe Angli, Spanjen nuk e permendi fare, keshtu qe si dihet.
Mgth edhe po iku nuk eshe ndonje humbje e madhe fare, se gati kemi Van Der Vartin nga Hamburgu.
Thuj ne kete moment do preforoja te zgjidhte Interin mbi Juven. Jo vetem qe mos te shkoje te Juvja por ama edhe me te vertetu ty teorine time qe te fitoni scudetton ju duhen ca Gjermane.

Ke shume te drejte sepse interi epoken e arit e ka pas me gjermanet e famshem si Klinsman ose matheus e hasler etj....KAm e une shume deshire ta shoh nje dite bavarezin te Interi por veshtire qe te iki nga bayerni..

PO me milanin care do bej bayern mer.Do e haj me dhemb apo do e lej kshu kot..
Se per tu kualifiku jam i sigurte qe do kualifikohet
Germany & Bayern & Inter =>Three That Are Like 100

[inter_forever]

Filloi loja e merkatos per ti rrit cmimin lojtarit . Shifni me vemendje si do fillojne deklaratat rresht te Bojinov , prokuratorit , trajnerit te Fiorentines e presidentit Della Valle . Gjithcka behet per ta shit te pakten aq sa e moren , pra 13 milion euro .
Nese Bayern ofron 13 milion e ka te marre padiskutim , sepse Bojinov ka pakenaqesi tek Fiorentina se po rri ne stol , ngaqe titullar eshte Toni dhe Pazini .

Me thene te drejten bullgari shkelqeu me Zeman kur ishte ke Lecce .Po te kesh trajner Zeman edhe Tare ben nga 20 gola ne vit , se loz pa mbrojtje e te gjithe ne sulm . Ndaj akoma nuk ma ka mbush mendjen ky bullgari se cfare eshte ne gjendje te beje .

Escobar ...do na beje nder te madh Bayern ne champions sikur ti fuse ndonje dajak trimave te berluskonit . Te shlodhur do jene qafirat , se jane duke bere plazh akoma , se kishin nje rruge per te bere andej nga shkretetirat e Arabise ...

[bavarezi5]

Kahn: Dua të fitoj gjithçka

Në përgatitje për fillimin e pjesës së dytë të sezonit, asaj më decizives, Oliver Kahni kërkon shumë më tepër nga vetja, sesa ajo që dha në gjysmën e parë, dhe synon të fitojë gjithçka në këtë vit 2006. "Duket qartë që ne kemi përpara gjëra të mëdha, - është shprehur Kahni. - Lojtarët që luajnë njëkohësisht te Bajerni dhe te kombëtarja gjermane, kanë mundësinë që këtë vit të fitojnë katër tituj." Sipas portierit, natyrisht që "fitimi i kampionatit, kupës, Ligës së Kampioneve dhe në fund të botërorit është një objektiv tepër i madh", por një gjë e tillë do të lehtësonte, sipas tij, punën e madhe në stërvitje, "pasi në muajt e ardhshëm do të jemi gjithmonë të motivuar dhe do ta dimë gjithmonë se për çfarë do të shkojnë përpjekjet tona në stërvitje." Dhe Kahni, një lojtar që shpesh mund ta gjesh të vetëkënaqur, paraqitet këtë herë me ndjesi pozitive, duke vlerësuar sigurisht gjendjen e mirë të formacionit të Bajernit. "Unë mendoj se këtu po zhvillohet bashkarisht një skuadër shumë e fortë," - shprehet portieri, që e krahason formacionin aktual me atë të vitit 2001, kur Bajerni fitoi kampionatin dhe Ligën e Kampioneve. "Por mendoj se ne na mungon paksa një fije disipline, që për mua është tepër e rëndësishme për të luajtur në nivele të larta. Një ndeshje si ajo e jona me Juventusin në Ligën e Kampioneve, them për atë të Torinos, kur pësuam në fund golin e disfatës 2 1, duhet të merret si shembull i keq, pasi raste të tilla nuk duhet të përsëriten më," - shprehet njëshi i portës së Bajernit të Mynihut. Kahni, i cili së fundmi ka rinovuar kontratën e tij me Bajernin deri në vitin 2008, shprehet se e ndien veten në formë dhe se aktualisht ai është njëshi i portierëve në Gjermani. "Unë jam i mendimit se ndodhem në një formë shumë të mirë aktualisht dhe shumë pak më ndan nga arritja e një niveli tepër të lartë dhe konstant në futboll. Them se për momentin jam njëshi i portierëve në Gjermani," - shprehet Kahni.

[bavarezi5]

FC Bayern humbet Balakun dhe miqësoren

Trajneri Magat: As vetë Mikaeli nuk e di se nga i vijnë problemet. Ai kishte dhimbje të lehta në këmbë, por mjeku nuk arriti të nxjerrë asgjë.
Sigurisht që dëmtimi i Mikael Balakut ka qenë lajmi më i rëndë për Bajernin, akoma edhe më i rëndë sesa humbja në ndeshjen miqësore me zviceranët e Zyrihut. Mesfushori i Bajernit dhe kapiteni i kombëtares gjermane është detyruar të ndërpresë seancën e fundit stërvitore, për shkak të një problemi në kavilje. 29 vjeçari, i shfaqur i lodhur edhe në takimin miqësor me Zyrihun, nuk ka mundur të bëjë dot asgjë për të evituar humbjen 4 2 të skuadrës së tij përballë një skuadre sigurisht më pak potente se Bajerni. Ndër të tjera, përveç debutimit jo shumë spektakolar të të ardhurit të ri, Hulio dos Santosit, edhe Sebastian Daizleri është detyruar të largohet në mënyrë të parakohshme nga fusha, për shkak të një dëmtimi. Kështu, dy ditë pas suksesit 2 1 në Iran, kundër Persepolis Teheran, bavarezët arritën ta mbyllnin pjesën e parë në avantazh me Zyrihun, me gola të shënuar nga Paolo Guerrero dhe Klaudio Pizarro, por në 45 minutat e dyta, formacioni i Magatit, në një formë fizike që linte shumë për të dëshiruar, u shkatërrua nga zviceranët, që shënuan tre gola për ta përmbysur rezultatin në favor të tyre. Në rastin e Balakut, trajneri Magat ka lëshuar edhe një paralajmërim, edhe pse analizat e para nuk treguan shkaqet e dëmtimit të mesfushorit. "Mikaeli nuk e di vetë se nga i vijnë problemet. Ai kishte dhimbje të lehta në këmbë, por mjeku nuk arriti të nxjerrë asgjë," - është shprehur Magati. Trajneri është duke marrë në konsideratë edhe faktin e një mungese të mundshme të lojtarit në ndeshjen e parë të vitit 2006, atë kundër Maincit në kupë. Kështu, përpara takimit çerekfinal të kupës me Maincin dhe ndeshjeve të ardhshme të kampionatit, kampi bavarez paraqitet optimist. "Unë jam i sigurt se do të zhvillojmë një fazë të dytë shumë të mirë," - është shprehur Magati pas disa javëve stërvitje të lodhshme në Dubai. Edhe menaxheri Hënes e ka përkufizuar udhëtimin e tretë bavarez në Dubai, si diçka të arrirë. "Harmonia dhe gatishmëria për t'i dhënë gjithçka kësaj skuadre multi kulturore, më ka argëtuar shumë. Lojtarët kanë dhënë gjithmonë maksimumin, edhe në stërvitje," - është shprehur Hënesi. Pas rikthimit në Mynih fillon edhe beteja e vërtetë. "Një gjë është e qartë; nuk do ta kemi aspak të lehtë dhe duhet të punojmë fort," - është shprehur Hënesi. Gjithsesi, lojtari "fitues" i kësaj faze përgatitore është padyshim sulmuesi Roi Makai, i cili pas një faze të parë jo shumë të mirë e shikon veten në një formë të shkëlqyer në vitin e botërorit. "Ai ka punuar shumë mirë këtu. Ai ka treguar se është rikthyer në top formë," - konfirmon trajneri Magat.