Maqedonia, me 9 nentor, prova e BE

Shkruan "Komisioni Evropian (KE) me 9 nentor do ta jape mendimin e vet per kerkesen e Maqedonise per anetaresim te plote ne Bashkimin Europian, por nderkohe, vendi doemos duhet te perparoje ne reformat, deklaroi komisioneri europian per zgjerimin Oli Ren. .....................

"Data e kontraktuar per prezantimin e dosjes eshte 9 nentori", beri te ditur Ren ne konferencen e perbashket ne Bruksel me shefen e diplomacise se Maqedonise, Ilinka Mitreva.

Por, Ren i paralajmeroi autoritetet e Maqedonise se mendimi qe do te jape Komisioni varet nga "stabiliteti politik" ne Maqedoni dhe nga perparimi qe vendi e realizon ne reformat ne gjyqesor dhe ekonomi. Ai, sic lajmeruan agjencite, u beri thirrje autoriteteve te Maqedonise qe ta forcojne edhe luften kunder korrupsionit dhe ta zhvillojne shtetin juridik. Mendimi i KE-se per kerkesen e Maqedonise per anetaresim, do te mund te lajmerohej po ate dite kur do te njoftohen edhe vleresimet vjetore te Komisionit per situaten ne vendet ballkanike, si ne Shqiperi, Serbi e Mal te Zi dhe Bosnje e Hercegovine, te cilat perspektiven e tyre e shikojne si anetare te plotefuqishme te Bashkimit.

Pranimin e Maqedonise ne Bashkimin Evropian (BE) e mbeshtesin 43 per qind te qytetareve te vendeve anetare te Bashkimit, duke u radhitur ne vendin e kater, krahasuar me mbeshtetjen e vendeve tjera te rajonit dhe Turqise. Keto jane rezultatet nga hulumtimi i mendimit publik te "Eurobarometrit", te zbatuar mbi rreth 24 mije persona, ne maj dhe qershor te ketij viti.

Mbeshtetje me te madhe per hyrje ne familjen europiane ka Kroacia, perkatesisht 52 per qind te qytetareve te Bashkimit, perderisa perqindja me e vogel jane shprehur per Turqine, 35 per qind e te anketuarve. Sipas te dhenave te "Eurobarometrit", ne vendin e dyte radhitet Bullgaria, me mbeshtetje prej 50 per qind, pas saj vjen Rumania, me mbeshtetje prej 45 per qind. Pas Maqedonise, ne listen e "Eurobarometrit" jane Bosnja e Hercegovina (BeH) me 42 per qind dhe Serbia e Mali i Zi (SMZ) me mbeshtetje prej 40 per qind, me te cilen ky vend gezon mbeshtetjen me te vogel se te gjitha vendet e ish-Jugosllavise. Anetaresimin e Shqiperise ne BE e mbeshtesin 36 per qind e te anketuarve, ndersa te Turqise 35 per qind, behet e ditur ne rezultatet nga anketa.

Gjysma e popullates se BE-se mbeshtet zgjerimin e metejshem te bashkesise, qe eshte per tre per qind me pak krahasuar me tetorin e vitit te kaluar, tregojne rezultatet nga anketa e "Eurobarometrit".