Fejton: Biografia e sportistëve

[viganv]

Ketu do te shkruaj per biografite e sportisteve me te mire ne bote

Michael Shumacher




Michael Shumacher, kampion i shumëfisht i Formulës1, është i lindur më 3 Janar 1969 në Kerpen, Gjermani. Vëllai i tij Ralf Schumacher poashtu është një vozitës i sukseshëm i Formulës1.
Në moshën 15 vjeçare, ai bëhet kampion i Gjermanisë në carting në kategorinë e juniorëve, ai këtë titull e mbron edhe vitin e ardshëm. Deri sa ishte 16 vjeçar merr pjesënëkampionatin botërorë të carting-ut. Fillimi i karijerës së tij lidhet me formulën Koing, të cilën e ka vozitur në vitin 1986. Shumë shpejt filloi të vozis formulën Ford, ku rivali i tij më i madh ishte Mika Salo. Në moshën 18 vjeçare, kalon në Formulën 3 të Gjermanisë, ku arrin suksese të mëdha. Në vitin 1990 bëhet kampion i Formulës 3. Për herë të parë në Formula 1 është paraqitur në garën e Belgjikës në vitin 1991 si vozitës i ekipit të Jordan-it. Tri vite ka vozitur për Benetton dhe në vitin 1996 kalon në Ferrari ku është edhe sot. Ky vozitës ka numrin më të madh të fitoreve në historinë e Formula 1. Një numër i madh i aksidenteve të rënda që e kanë percjellë atë gjatë karierës së tij nuk e kanë ndalur atë të jetë vozitës i sukseshëm edhe sot.
Vozitësi gjerman është i gjatë 174cm dhe ka 74kg. Është i martuar dhe ka dy fëmijë.

Ne numrin e neserm:Biografia e Ronaldos

[viganv]

Pjesa e dyte

Biografia e Ronaldos

Ronaldo

Brazili në vitin 1994 në lojtarin 17 vjeçar që luante për klubin Brazilian Cruzeiro, Ronaldon e ka konsideruar si pasardhës i Peles legjendar. Ronaldo Luiz Nazaro da Lima në kampionatin e parë botërorë të mbajtur në Amerikë, ka shkuar si Pele si 17 vjeçar, edhe pse ai gjithë kohës ka qëndruar në bankinë.
Që nga ajo kohë, kariera e tij ka filluar me një shpejtësi të madhe, dhe sezonat e kaluara në PSV, Barcelonë dhe Inter i kanë sjellë atij këpucën e artë dhe një imixh të lojtarit më të mirë në botë.
Loja e tij e dobët në kampionatin botërorë në Francë ishte për të si një hyrje për vitet e ardshme.
Në pauzën ndërmjet dy kampionateve botërore 1998 dhe 2002 ai ka lujatur vetëm 66 ndeshje. Këmbën e kishte operuar disa herë, ku dhe shumica i ka prognozuar fundin e karierës së tij, mirëpo Kampionati Botërorë i vitit 2002 pa dyshim e ka dematuar këtë gjë.
Ronaldo ka lindur në vitin 1976 në Rio de Janeiro. Si 14 vjeçar ai ka luajtur në Flamengo dhe si 16 vjeçar është ftuar të luaj në Cruzeiro. Titujt të cilët i ka fituar është vështirë të numërohen: Kampionatin e Brazilit, Holandës, Spanjës, Kupën e Holandës, Kupën e Amerikës, Kupën Botërore dy herë, dy herë lojtari më i mirë i FIFA dhe një herë këpucën e artë nga UEFA. Ishte lojtari më i mirë i kampionatit botërorë.
Ai sot luan për Realin e Madridit dhe jeton me gruan, djalin Ronaldo dhe nënën Sonia. Është adhurues i madh i Formula 1 dhe mik i madh i Michael Schumacherit.
Për lëndimet e Ronaldos, Brazilianët edhe sot fajësojnë Ligën Italiane.


Ne numrin e neserm:Biografia e Oliver Kahnit

[viganv]

Pjesa e trete

Biografia e Oliver Kahnit

Oliver Kahn është i lindur më 15 qershor 1969 në Gjermani. Sot, sipas mendimit të shumicës së profesionistëve është portieri më i mirë në botë, gjë që tregon edhe zgjedhjen e tij nga ekipet
më të mira. Oliver Kahn ka filluar të luaj futboll qysh si fëmijë dhe shumë gjatë ka ëndërruar të jetë lojëtar në ndonjë ekip të njohur. Kur ka qenë në grupin e të rinjëve në klubet lokale në Gjermani
ka lujtur në pozitën e fundorit. Ai nuk ishte i kënaqur me lojën e tij dhe vendosi që të bëhet portier që ka konsderuar se do t'i ndalojë golshenuesit që të shenojnë gola. Ai gjithmonë ka thëne se golëshenuesi më së miri e din se si duhet ndalur ata që të shënojnë gol.
Pas këtij ndërrimi drastik në pozitën e tij në ekip, ju ka nevojitur një kohë e gjatë për t'u pregatitur, dhe kjo e ka detyrar atë që të qëndrojë shumë në bankën e rezervistëve. Kjo nuk e demoralizoi Kahn-in por i dha më shumë kurajo për të vazhduar më tutje. Në Bayern Munchen ka ardhur si portieri i tretë, por me pak fat dhe mund doli i dyti dhe më vonë i pari.
Aftësitë e tija i ka treguar në Ligën e Shampionëve të vitit 2001, kur edhe u shpall si portieri më i mirë në Evropë. Selektorja e Gjermanisë ka qenë ankth për sulmuesit e selektoreve tjera.
Në Kampionatin Botëror në Japoni dhe Korenë Jugore të vitit 2002 u zgjodh portier për ekipin e endrrave (Dream Team).
Sa i përket trofeve ka fituar "vetëm" dy kampionate të Gjermanisë, poashtu ka marrë pjesë në finalen e Ligës së Shampionëve dhe në finalen e Kampionatit botëror.

Ne numrin e neserm:Biografia e Gabriel Batistutes

[viganv]

Jeta e Gabriel Batistutes

Gabriel Omar Batistuta ka lindur me 2 janar 1969 në Santa Fe në Argjentinë, dhe sot është njëri ndër futbollistët më të kërkuar nga bota femërore. Me futboll filloi të merret që nga fëmijëria e hershme, çka është karakteritikë për shumë fëmijë të Argjentinës.
Ai gjatë karierës së tij kishte shumë suksese dhe mossuksese. Klubi i tij i parë profesional ishte New Old Boys. Ai aty fitonte rreth 20.000 dollartë më muaj, ku më vonë kjo shumë kthehet në pagë ditore. Ai shumë shpejt ndërroi klube në Amerikën e Jugut dhe deri sa erdhi në Itali ai kishte luajtur për River Plate dhe Boca Juniors.
Ai debitoi për reprezentacionin e Argjentinës për herë të parë me 27 mars 1991 në ndeshje miqësore me Brazilin. Që nga atherë e deri më sot ai ka luajtur rregullisht për reprezentacionin e Argjentinës. Ai kulminacionin e karierës e arriti kur erdhi të luaj në klubet Italiane. Në fillim vitet e para luajti për Fiorentinën, ku më pas kalon në ekipin e Romës.
Popullaritet të madh ai arriti tek bota femërore pas inçizimit të disa reklamave.
Është i martuar dhe ka dy fëmijë.

Ne numrin e neserm:Biografia e Rubens Barichello

[viganv]

Pjesa e peste

Jeta e Rubens Barichello

Njëri ndër vozitësit më të mirë të Formula 1 të ditës së sotshme, ka lindur me 23 maj 1972 në Sao Paolo në Brazil. Është njëri nga vozitësit i cili kaloi shumë shpejt fazat dhe garat tjera dhe ka arritur sukses në vozitjen e “cirkusit më të shpejtë në botë”.
Kur i kishte nëntë vjet ai voziste karting, dhe kur i mbushi 17 ishte kamion i pesëfishtë në kampionatin nacional në Brazil, dhe si 19 vjeç ai ishte kampion i Formula 3.
Në Formula 1 u paraqir në vitin 1993 me ekipin e Jordan. Në këtë ekip ai ishte 3 vjet dhe 1997 kalon në ekipin e Stewart.
Në ekipin e sotshëm, Ferrari, erdhi ne vitin 2000. Sezonin e parë për këtë ekip ai zuri vendin e katërt, të dytin në tretin, kurse në sezonën e kaluar 2002 ishte në vendin e dytë. Edhe pse në ekip nuk ka ndonjë tretmanin e më të mirit, sepse M.Schumacher është vozitësi i parë, ai në këtë ekip arriti sukseset e tija më të mëdha. Disa herë ka qenë fitues i çmimeve të mëdha. Deri tani ka vozitur mbi 150 gara në Formula 1.
Braziliani atraktiv është i martuar.


Ne numrin e neserm:Biografia e Diego Armando Maradona

[viganv]

Pjesa e gjashte

Biografia e Diego Armando Maradones





Diego Armando Maradona > Futbollisti madh Diego Armando Maradona ka lindur në Buenos Aires me 30 tetor 1960. Me futboll filloi të merret qysh kur ishte i vogël, kurse në ekipet lokale për të rinj filloi të luaj ende pa i mbushur 5 vite. Karierën e tij ai e ndërtoi relativisht shpejt, por ajo ishte me shumë ndodhi të cilat nuk janë të zakonshme për një futbollist të thjeshtë.
Karierën e tij profesionale ai e filloi në klubet Argentinos Juniors dhe Boca Juniors. Ai në këto klube për një kohë të shkurtë shenoi shumë gola dhe fitoi një pozicion standard ne ekipin e parë.
Në kulmin e karierës së tij, Maradona vjen nëEuropë, ku në fillim luan për Barcelonën spanjolle, pastaj për Napolin e Italisë. Me një gjatësi 168 cm, ishte një problem i pazgjidhur për mbrojtjet e shumë klubeve si dhe kombtareve të ndryshme. Pvrveç asaj që mbahet në mend si një futbollist dhe golëshënuesi më i mirë në historinë e futbollit, karierën e tij e shenuan edhe shumë incidente. Njohësve të futbollit iu është e njohur kur Maradona shenon gol me dorë, dhe referi atë nuk e kishte vërejtur dhe kishte gjykuar një gol. Ai kishte dhe shumë incidente rreth konsumimit të drogës. Një herë ishte burgosur për shkak të posedimit të heroinës, kurse një goditje e fortë për reprezentacionin e Argjentinës ishte kur u eliminua për shak të testit pozitiv të dopingut.
Para se të pvrfundojë karierën, maradona kthehet në klubet e Argjentinës, së pari në Newell’s Old Boys e më pastaj në Boca Juniors. Një herë ishte ftuar të komentojë ndeshjen e Argjentinë gjatë kampionatit botërorë në Francë dhe për këtë ai kishte fituar një milionë dollarë. “Më duket se është më mirë të jesh komentator se sa lojtar” kishte komentuar ai pas ndeshjes.

Ne numrin e neserm:Biografia e Mike Tysonit

[viganv]

Pjesa e shtate

Biografia e Mike Tysonit

Mike Tyson (Michael Gerrard Tyson) është i lindur më 30 qershor 1966 në New York. Babi i tij u largua nga shtëpia kur Mike ishte vetëm 2 vjeçar. Si fëmijë ishte në shoqëri me bandat e rrugëve, shumë herë ka pasur probleme me ligjin. Në moshën 12 vjeçare u arrestua pasi kishte marrur pjesë në një vjedhje të armatosur dhe ishte dërguar në një shtëpi përmirësuese në arfërsi të New York-ut.
Nga shtëpia përmirësuese u lëshua në moshen 14 vjeçare dhe u kthye përsëri në shkollë. Profesori i edukatës fizike i vërejti aftësistë e Mike-ut dhe e dërgoi atë te treneri legjendarë Kus Damato. Nëna i vdiq deri sa ai ishte 16 vjeçarë. Dhe Damato bëhet mbikqyrësi i tij. Tyson përsëri u gjend në një shtëpi përmirësuese në vitin 1983 pasi e kishte dhunuar një vajzë 12 vjeçare.
Duke pasur parasysh sukseset e tij si amator ai në vitin 1984 provon që të futet në ekipin olimpik të Amerikës, por nuk ka sukses. Po në këtë vit edhe fillon kariera profesionale e Mike Tyson-it. Në vitin 1985 për herë të parë Mike Tyson bokson në një ring profesional. Në vitin e parë të tij si bokser profesional fiton 15 lufta pa asnjë humbje. Shumë kritikë të boksit thonin se Damato kishte formuar një bokser të përsosur. Por për fat të keq ai nuk mundi ta sheh nxënësin e tij me titullin e kampionit pasi ai vdiq në vitin 1985.
Vitin e ardhshëm Tyson bëhet kampioni më i ri në kategorinë super të rëndë. Po atë vit fitoi tri tituj WBC, WBA dhe IBF. Ishte pa konkurencë.
Problemet e para me ligjin pasi u bë bokser profesionist, i pati në martesë. Gruaja e tij e atëhershme, Robin Givens, e akuzoi për përdorim të dhunës në familje. Tyson u shpall fajtor, u nda nga gruaja e tij dhe pagoi një denim.
Tjetri skandal i Tysonit ishte përdhunimi i një vajze 18 vjeçare në vitin 1992, për të cilën u gjykua për 6 vjet burgim, por u lirua pas tri viteve. Pas daljes nga burgu tha se është njeri i ri dhe do t'i marrë titujt e tij të humbur. Gjatë qëndrimit në burg e ndërroi fenë dhe kaloi në fenë islame. Ai poashtu u bë edhe përkrahës i komunizmit pasi në dorë e kishte vendosur tatuazhën e Mao Ce Tung.
Luftat e reja të Tyson-it i kanë sjellë atij më shumë para se më herët. Për tri fitore të lehte pas daljes nga burgu i fitoi 65 milion dollarë.
Por, lufta me Holyfildin ishte një ndalesë për atë sepse e pësoi disfatën e parë në karierën profesioniste. Lufta kthyese u mbajt pas disa muajsh dhe ishte e pazakonshme pasi ai i kafshoi veshin Holyfildit. Atë ditë ai u desht të paguaj një dëm të madhë dhe iu anulua liçenca për të boksuar në shtetin e Nevadas.
Në vitin 1998, Tyson martohet për herë të dytë. Deri më sot ka boksuar vetëm jashtë shtetit të Nevadas, por mind të thuhet se kariera e tij është në rënje. Lufta e fundit ishte kundër Lenox Lewisit ku u nokautua në raundin e tetë.
Në vitin 2000 u nda nga gruaja e tij e dytë dhe tash jeton në New York dhe pregatitet për titullin e kampionit.

Ne numrin e neserm:Biografia e Jarno Trullit

[viganv]

Pjesa e tete



Jarno Trulli ka lindur më 13 korrik 1974 në Peskara të Italisë. Është për të përmendur se ai një kohë të gjatë ka vozitur në Karting. Ai ka filluar qysh në moshën 9 vjeçare dhe aty mbeti deri kur i mbushi 21 vjet. Kishte sukses në shumë gara dhe dy herë ka qenë kampion botërorë në Karting. Në vitin 1995 miku i tij dhe Flavio Briatore i ndihmoi të hyjë në Formula 3 Gjermane, në të cilën vozit dy vitet e ardshme. Në sezonin 1996/1997 ai bëhet kampion në këtë kategori.
Në vitin 1997 ai kalon në Formula 1 dhe përsëri duke i faleminderuar Briatores ai kishte marrë përparësi ndaj brazilianit Markes. Gara e parë e tij ishte ajo për çmimin e madh të Australisë dhe voziti për ekipin Minardi. Në mes të sezonit kalon në ekipin Prost, pas garës së Kandasë ku ishte lënduar Olivier Panis. Në këtë ekip kishte mbetur edhe dy vite, por pa ndonjë suskes të madh. Në vitin 2000 dhe 2001 vozit për ekipin Jordan ku më pastaj kalon në Renault ku është shef Flavio Briatore.
Suksesi më i madh i tij i parë shte vendi i parë në vitin 2003 si dhe gara e 100 e tij.

Ne numrin e neserm:Biografia e David Coulthard

[viganv]

Biografia e David Coulthard

David Coulthard ka lindur me 27 mars 1971 në Skoci. Ky vozitës i Formulës 1 ka filluar të vozit karting qysh kur i kishte 10 vjet në kampionatin e Juniorëve në Skoci. Ai ishte kampion i trefishtë në vitin 1986, 1987 dhe 1988.
Në vitin 1989 kalon në Formula Ford të Britanisë, ku si debitant fiton titullin kampion. Vitin e ardhshëm ai vozit në Formula Vauxhall dhe në vitin 1991 kalon në Formula 3, dhe qysh në vitin e parë ai u bë nënkampion.
Në vitin 1992 ai kalon në Formula 3000 pvr dy vite. Sukses më të madh ai e kishte në këtë kategori me vendin e tretë në fund të sezonit 1993.
Coulthard kalon në Formula 1 në vitin 1994. Du sezonat e para ai ka vozitur për ekipin e Williams, dhe që nga viti 1996 ai gjendet në ekipin e McLaren Mercedes.
Suksesin më të madh në Formula 1 e ka pasur vitin 2001 kur ishte nënkampion.

Ne numrin e neserm:Biografia e Shaquille O'Neal

[viganv]

Pjesa e 10

Shaquille Rashaun O’Neal ka lindur me 06 mars 1972 në New Jersey, si fëmijë jashtë martese. Emri i tij në arabisht do të thotë luftëtari i vogël.
Me basketboll filloi te merret në Universitetin në Luziana kur i kishte 17 vjet. I njohur me nofkën Shek (Shaq), sipas shumicës ka trashëguar Michael Jordan si basketbollist më i madh në NBA.
I gjatë 220 centimetra dhe rreth 150 kilogram me vite është i pakapshëm në qendër –pozicion. Edhe pse në parket është shumë agresiv, në jetën private ai është shumë i matur dhe i qetë. Ai basketbollin e përdori edhe për shkaqe komerciale. Prodhimi i kukullave dhe parfumit “Shaq” çdo vit i sjell shuma të mëdha të hollash.
Ai gjithashtu merret me Rap muzikë, por edhe ka pasur rol në filma. Albumi i tij i parë Rap në Amerikë është shitur me miliona. Momentalisht është basketbollisti më i paguar në basketbollin profesional. Ka marrë shumë çmime si ato me klubin po ashtu edhe individuale.
Është e njohur se ka një fëmi, edhe pse nëpër intervista ka thënë se ka më shumë fëmijë, ku në asnjë rast nuk përmendet gruaja e tij.

Fund