SK Tirana -CSKA Sofie

[Duke_Of_Arberia]

Di njeri ne çfare websiti mund ta ndjekim ndeshjen e Tirones???

[Eve]

ju lutum a e din kush ku mund ta ndjekim ndeshjen e tiranes.... a di kush ndonje websit nqs di ju lutem na thoni se ku flm. tirana do kualifikohet sonte dhe eshte e vertete 3me 1 per tiranen forca shqiperija.

[Duke_Of_Arberia]

Ervisa me duket se e gjeta shiko te www.medialb.com
Duhet te marresh programin e tyre qe ta ndjekesh ndeshjen. Kaq info kam tani per tani.

[inter_forever]

CSKA - TIRANA 2 - 0

Pashe 30 minutat e fundit ....
Tirana ka loz dobet .
Golat... ne minuten e 3 me koke i lire ne zone gjuan shenon.... dhe si gjithmone ne fund te ndeshjes goli dyte ...

Kishte nje rast flagrant Rraklli , ku portieri tyre doli si debil nga porta , por nuk u be gje...


Me sa pashe Tirana po lozte per mos tu rrah thelle dhe me shpresen tek apeli i UEFA ......
Ne fushe CSKA meritoi kualifikimin ...ndersa ne tavolinat e UEFA te shofim ...shpresojme...

[Pasiqe]

Kryeqytetasit presin një përgjigje nga UEFA, për shkak të aktivizivimit të Sakaliev 30-07-2005

Tirana, tani me sy e veshë nga UEFA

Aranit MURAÇI


Tirana duhet të kalojë turin e dytë, që të përballet në të tretin me kampionen e Europës në fuqi, Liverpulin e madh. Bardheblutë i kanë shumë të pakta shanset për të përmbysur rezultatin e ndeshjes së parë. Megjithatë, gjatë dy ditëve të fundit është shfaqur një front i ri që i ka shtuar ndjeshëm shpresat, pasi CSKA-ja mund të ndëshkohet rëndë nga UEFA. Sipas shefit të klubit Tirana, Shkëlqim Muça, në zyrat e UEFA-s është dërguar një kërkesë zyrtare për të rishikuar çështjen e lojtarit në fjalë dhe në rast se rezulton e tillë, ndeshja jepet në tavolinë 3-0. Kësisoj, Tirana do të ketë fatin e madh të luajë në turin e tretë me Liverpulin që fitoi kurorën e Ligës së Kampionëve vetëm pak kohë më parë. "Kemi dërguar në UEFA një kërkesë zyrtare dhe presim përgjigje për këtë çështje. Ndërkohë UEFA nëpërmjet një faksi na ka njohur me shqyrtimin e problemit të lojtarit, ashtu sikurse i ka dërguar një faks edhe ekipit bullgar të CSKA-së së Sofjes. Presim të jepet verdikti përfundimtar," - shprehet Muça.
Në fakt lajmi është publikuar fillimisht në mediat bullgare. Më pas ka sjellë interesimin e palës kryeqytetase, që nisur nga i njëjti preçedent që i ndodhi Bashkiminit të Kumanovës, shpreson të zhvillojë ndeshjen e kthimit jo në disfavor 0-2, por me një ndeshje të dhuruar në tavolinë, me rezultatin 3-0. Në një situatë të tillë bardheblutë do të mund ta kenë mjaft të realizueshëm ëndrrën e tyre, të jenë në turin e tretë paraeliminator. Pretendohet se CSKA-ja ka aktivizuar lojtarin Stojko Sakaliev, i cili është aktivizuar më parë me ekipin e PFC Nafteks dhe në "Qemal Stafa" ka mbajtur numrin 21 mbi fanellë. Nëse vërtetohet nga UEFA se lojtari me numër 21 që luajti kundër Tiranës nuk është pronë e CSKA-së, ndeshja do t'i jepet Tiranës në tavolinë me rezultatin 3-0. UEFA është duke mbledhur informacionin e nevojshëm nga të tre klubet, për të dhënë verdiktin e saj përfundimtar këtë të hënë.


Sekretari bardheblu, pas përgjigjes së parë negative, thotë se Tirana po e apelon çështjen më lart 02-08-2005

Tirana: Tani e ka fjalën Apeli në UEFA


Aranit MURAÇI



Komisioni i disiplinës, i mbledhur dje për të analizuar mes të tjerash ndeshjen Tirana-CSKA, për sa i përket aktivizimit të lojtarit Sakaljev, ka dhënë vendimin, që ka mbërritur menjëherë në zyrat e klubit "Tirana" nëpërmjet një faksi. Shefi i klubit bardheblu, Shkëlqim Muça, bëri të ditur për "Sportin shqiptar" se përgjigjja e parë nuk e ka dhënë ndeshjen në tavolinë. "Kemi marrë përgjigjen e parë nga komisioni i disiplinës, i mbledhur dje për këtë problem, e cila është negative. Pra, jemi njoftuar midis të tjerave se për pamjaftueshmëri provash, rezultati i ndeshjes së parë mbetet në fuqi dhe Tirana nuk e fiton në tavolinë ndeshjen. Pra, komisioni i disiplinës në UEFA nuk ka mundur dot të vërtetojë nëse Sakaljev është apo jo lojtar i rregullt i CSKA-së."
Kështu, Tirana, me të mësuar lajmin negativ, është interesuar edhe lidhur me palën bullgare të Nafteksit të Burgasit, në Bullgari, që ka marrë të njëjtën përgjigje. Mirëpo me kërkesë të palës sonë, klubi bullgar i Burgasit i ka dërguar tërë dokumantacionin e nevojshëm Tiranës, e cila e ka përpiluar në moment. "Ne si klub mendojmë se tani e kemi siguruar tërë dokumentacionin zyrtar, që vërteton se Sakaljevi është lojtar i Nafteksit deri në qershor të vitit 2006. Kur kundërshtari ynë, CSKA, ka bërë federimin e lojtarëve dhe e ka fshehur faktin që për çështjen "Sakaljev" e ka humbur gjyqin e shkallës së parë me ekipin e Nafteksit. Ky fakt vërtëton se lojtari në fjalë nuk ka qenë ende futbollist i CSKA-së. Ne kemi siguruar rreth 12 faqe material të shkruar rreth këtij problemi dhe jemi duke e kthyer në anglisht për ta nisur më pas drejt zyrave të UEFA-s," - shpjegon shefi i klubit bardheblu.
Ndërkaq, një komision tjetër në UEFA, ai i apelit, do të japë përgjigje për këtë çështje. Komisioni ka të drejtë të mblidhet edhe pas datës 3 gusht, ndërsa Tirana po bën përgatitjet e saj për të rifituar të drejtën e rezultatit në tavolinë.
Gjatë ditës së djeshme, me përgatitjen e dokumantacionit që po përgatitej për në apel janë marrë edhe persona kompetentë nga klubi bardheblu. "Ne me tërë dokumentacionin që kemi siguruar jemi mjaft optimistë se do ta fitojmë ndeshjen në tavolinë. Tëra procedurat janë drejt përfundimit dhe do t'i niset edhe një herë UEFA-s, për t'u rishqyrtuar nga apeli. Vendimi nuk është i thënë të jepet para ndeshjes së kthimit. Ai mund të merret edhe pas ndeshjes, pasi rezultati që jepet është standard dhe dihet. Pastaj bëhet bilanci i rezultateve edhe me ndeshjen e dytë," - përfundon sekretari i përgjithshëm i Tiranës, Muça.

[Pasiqe]

Nese ka akoma drejtesi, Tirana do shkoje per here te pare ne turin e trete te Kupes se Kampioneve.