*U prish Jarania ra Qeveria*

[gimche]

*U prish Jarania ra Qeveria*


Shkruan: Dr. Shefqet Krasniqi


Eshte shum interesant sesi ky njeri si krijese sociale ka nevoje per tjetrin , bile eshte e pa imagjinuar jeta pa tjetrin, pa shoke dhe miq, pa shoqëri nga të cilët merr dhe jep, përfitojnë nga ti dhe përfiton nga ta , me ta shoqërohesh e forcohesh, me ta ndërtohet shoqëria e formohet shteti . Këtë urtësi e ka cekur I madhi Allah në Kuran ku thotë; “O ju njerëz Ne ju kemi krijuar nga një mashkull dhe një femër pastaj ju kemi bërë popuj dhe fise në mënyrë që të njiheni mes veti” (Huxhurat:13).

Në mënyrë që të njiheni mes veti, ti ndihmoni njeri tjetrit, ti shkembeni aftësitë dhe njohurit e juaja, ashtu që të krijoni një shoqëri dhe të ndërtoni shtet. Sepse është e pa mundur që një njeri të këtë njohuri te të gjitha lëmive, por secili me atë që ia ka dhën Zoti kontribon dhe i ndihmon tjetrit, secili e plotëson tjetrin. Për këtë arsye Pejgmberi a.s. nxitë shumë muslimanët që ta plotësojnë e forcojnë njeri tjetrin, bile këtë forcim e përgjan me tjegullat e murit të cilat e lidhin njëra tjetrën, e forcojnë dhe në fund behet muri. Ashtu që sado që të jetë tjegulla e mirë dhe e fortë, ajo prapë mbetët tjegull, nuk bën muri. Thotë Pejgmberi a.s. “ Besimtari për besimtarin është sikurse një muri (tjegullat e të cilit e lidhin –forcojnë) njëra tjetrën)”. E tjegulla është individi ndërsa muri është shoqëria. E sa më të mira tjegullat aq më i mirë dhe i fortë muri, e sa më i mirë muri aq më e mirë shoqëria, e shoqëria e mirë formon shtetin e mirë. Ky është një nga vizionet e islamit dhe idealet e njerezimit që moti. Për këtë arsye njerëzimi ka shfaq interesim dhe ka bërë përpjekje, e në veçanti njerëzit e medhënj të atij populli që ta krijojnë një shoqeri sa më të shëndoshë e sa më të mirë dhe gradual të vijnë deri të formimi i një shteti i cili do të udhëhiqet nga njerëzit e mirë e të shëndoshë. Këtë ideal e kemi pasur edhe ne si popull, me gjenerata kemi ëndërruar t'a kemi një shtet i cili do të udhëhiqet nga një qeveri e dalur prej shoqërisë sonë, prej popullit tonë.

Nuk e di a mos jemi ngutur pak, nuk mendoj në formimin e shtetit dhe shpalljen e pavarësisë, por në 'dallashimin' e hapave ngase kemi vrapuar më shumë pas shtetit sesa pas individit dhe shoqërisë dhe ja shtetin e formuam dhe atë po e udheheq një pjesë e shoqërisë sonë, por si po e udhëheq! Kemi pas cekur me herët në njërin nga artikujt tanë të kësaj gazete se: “nuk është me rëndësi ndërtimi i shtetit sa është me rëndësi ndërtimi i shoqërisë dhe të punuarit për shtet”. Kush do ta kishte besuar se do vij koha që Kosova të shpallet shtet, të udhëhiqet nga bijtë e saj, e pastaj ata të punojnë kundër saj! La ilahe ilAllah sa fjalë e idhët është kjo, por mjerisht e vërtetë! Nuk është lehtë me kuptuar e aq më pak me pranuar për një njeri të rëndomt me natyrshmëri të shëndoshë sesi ka mundësi që njeriu të punoj kundër vetvetës së tij, ngase ai që punon kundër shtetit të tij, ai në realitet ka punuar kundër vetës se tij.

Të kthehemi në temë e mos të zgjerohemi shumë. Kur po i shënoi këta rreshta gjindem në Medinen e ndriquar në xhaminë e Pejgamberit a.s. ku pasi falum sabahun, ngrehum tesbih, u luta për vete, familje shoqëri dhe shtet, pastaj lexova pak Kuran fillova të meditoi, mora nje fletore e laps dhe vendosa ti shkruaj keta rreshta për populin tim, për shoqërinë time, per shtetin tim të cilin e dua shumë dhe për të cilin jam në gjendje ta jap jetën. Duke qendruar me haxhinjet e Kosovës këtu në Medine na erdhi lajmi se qeveria ka ra, e pse ka ra? Sepse u prish koalicioni. E pse u prish koalicioni? Sepse u prish shoqëria, u prish jarania. E pse u prish ajo shoqëri e jarani kur deri dje ishin bashkë, hanin e pinin bashkë, u krenonin se kanë një shoqëri të fortë e më pas edhe një qeveri stabile, mbronin njëri tjetrin, ndërsa sot u ndanë dhe u përçanë, filluan akuzat ndaj njëri tjetrit, ra qeveria u prish jarania.

A nuk po pajtoheni me mua se ajo jarani e miqësi nuk ka qenë e ndërtuar në baza të shëndosha, siç thotë populli: “nuk e kanë pasur per riza të Zotit”, por për interesa të vogla qofshin ato individuale a partiake, e jo sa duhet për interesa shoqërore dhe shtetërore. Çdo shoqëri, çdo jarani e cila nuk është e ndërtuar mbi baza të shëndosha ajo sado që duket nga jashtë se është e fortë, ajo brenda është e dobët, ajo shoqëri e jarani nuk ka mundesi të zgjas shumë.

A nuk ka ardhur koha që shoqëria jonë të vetdijësohet, që liderët tanë të kthehen drejt popullit, të mishërohen me shoqëri, ta jetojnë jetën e tyre, ti përjetojnë ndjenjat e tyre, të vëllazërohen me ta, ashtu që të përmirësohet shoqëria, të jetë njeti (qëllimi) i pastërt e të forcohet shteti. Allahu të gjithëve na drejtoftë e na udhëzoftë e na bashkoftë në punë të mira e të hajrit, e shtetin tonë na forcoftë, amin dhe deri javen e ardhshme me një temë tjetër selam alejkum.

Epoka e Re

[Ummu_Linah]

Hallall i koft, sa mirë e ka shkru këtë Dr. Krasniqi!
Allahu ja pranoft lutjet e Tij dhe të cdo besimtari që lutet me sinqeritet për atë e cila sjell hajr tek shteti dhe "jarania" fisebilillah!