Lajmet e fundit nga Shqiperia

[BvizioN]

Korrik 26, 2005 - 18:33

Vlorë

Kërcënohet me jetë nëpërmjet telefonit, prokurorja e rrethit të Vlorës, Liljana Gjonmema. Sipas burimeve nga prokuroria e Vlorës mësohet se prokurorja është kërcënuar pak ditë më parë, nga telefoni i zyrës. Ziles së telefonit mësohet se i është përgjigjur sekretarja e prokurores Gjonmema, e cila ka kontaktuar me kërcënuesin. Ky i fundit mësohet se ka kërkuar të flasë me Gjonmemën, ndërkohë që sekretarja i ka pohuar atij se prokurorja nuk ndodhej në zyrë. "Thuaji prokurores se ajo na ka një borxh shumë të madh. Ne do t´ia nxijmë jetën, ka për ta parë",-mësohet të ketë thënë kërcënuesi, duke shtuar më pas dhe fjalë fyese. Burime nga prokuroria pohojnë se kërcënuesi ende i paidentifikuar i prokurores ka aluduar për një kasetë të filmuar që implikon Gjonmemën, e që sipas tij do të shfaqet shumë shpejt në publik.
Kërcënimi
Ky kërcënim nëpërmjet telefonit është marrë shumë seriozisht nga institucioni ky punon Liljana Gjonmema, pasi kjo e fundit ka denoncuar mesazhin e marrë nga sekretarja e saj. "Kemi vënë nën përgjim të gjithë telefonat e prokurorisë së Vlorës. Për këtë çështje ka nisur një procedim penal, pasi sipas nesh, problemi është shumë serioz",-pohoi për "Shekullin" kreu i prokurorisë së Vlorës, Petrit Çano. Sipas tij, mësohet se kanë filluar hetimet intensive për të zbuluar autorin e telefonatës kërcënuese, në adresë të prokurores Gjonmema. "Prokurorja Gjonmema ka bërë një kallëzim penal për këtë çështje, konform ligjeve. Ndërsa unë jam i bindur që do ta ngushtojmë rrethin e hetimeve, derisa të identifikojmë autorin e kësaj telefonate kërcënuese",-shtoi Çano.
Prokurorja
Liljana Gjonmema, prokurore e çështjeve penale, ka reputacion të mirë në rrethin e juristëve të Vlorës, ndërsa mësohet se nuk ka konflikte personale apo hasmëri. Kjo gjë ka sjellë edhe klasifikimin e kësaj çështjeje si kërcënim për shkak të detyrës. Sipas kreut të prokurorisë së Vlorës, Gjonmema është kërcënuar për shkak të punës së saj si prokurore në rrethin e Vlorës. Tashmë, hetimet për zbardhjen e këtij kërcënimi vazhdojnë prej ditësh, ndërsa mësohet se është arritur në disa dyshime konkrete, por ende nuk është bërë identifikimi i telefonuesit, që kërcënoi me jetë prokuroren. Ky është rasti i parë i kërcënimit të drejtpërdrejtë të një njeriu të drejtësisë në rrethin e Vlorës, ngjarje kjo që sipas zyrtarëve pritet të zbardhet shumë shpejt.

Shekulli

[Prototype]

BBC
korrik 2005 -


PD dhe aleatët gati për qeverinë
Partia demokratike dhe aleatët e saj të ftuar si partnerë në qeverinë e ardhshme të Shqipërisë, thonë se janë gati të shpallin qeverinë e re dhe janë në pritje të thirrjes nga presidenti i vendit të kryeministrit të deklaruar prej tyre, Sali Berisha.

Sekretari i përgjithshëm i PD-së, Ridvan Bode pas një takimi me aleatët e tij të djathtë ka deklauar se shumica e gjërave në qeverinë e re, bashkë me emrat, janë vendosur.

"Edhe aleatët e PD-së janë të mendimit se tashmë duhet bërë hapi nga presidenti për të thirrur kryeministrin e ri, pasi sipas tyre dhe kushtetuta e e lejon një gjë të tillë, diktuar nga apatia e qeverisë aktuale."

Ndërkohë, procesi zgjedhor ende nuk është certifikuar plotësisht dhe pa këtë akt nga institucionet përkatëse edhe socialistët nuk kanë bërë njohje zyrtare të rezultatit të zgjedhjeve.

Nga zyra e presidentit, Alfred Moisiu është paralajmëruar se sipas ligjeve në fuqi, parlamenti nuk mund të mblidhet para datës 10 gusht.

Në fakt, procesi zgjedhor po shkon drejt një maratone të pafund, kjo e diktuar nga ankesat e shumta të kandidatëve dhe subjekteve politike, që kanë kontestuar rezultatet e e KZZ-ve.

Brenda javës, KQZ-ka paralajmëruar se do të përfundojë dhe shqyrtimi i ankesës së fundit.

Por të pakënaqurit i drejtohen dhe Kolegjit Zgjedhor.

Rezultati përfundimtar pritet të dalë në fund të gushtit, ose në fillim të shtatorit, kur do të rivotohet dhe në 2 zonat e kontestuara.

[EXODUS]

03/08/05

ATENTAT MAFIOZ, VRITET I RIU I "5 DYQANEVE"

Korce - Vrasje mafioze ne qytetin e Korces. Ekzekutohet ne mes te dites sportisti i njohur si banor i "5 dyqaneve", ndersa luante tavull. Klajdi Jaho, banor i qytetit, ka humbur jeten si pasoje e nje atentati te paramenduar. Vetem pak dite para largimit ne Amerike, nderkohe qe te afermit kane akuzuar shtetin per indiference dhe favorizim te krimineleve. Krimi i rende ndodhi rreth ores 14.00 te dites se marte, ne rrugen "Rexhep Telhaj", jashte ne veranden e nje lokali lojrash elektronike. Nje person ende i paidentifikuar nga policia dhe qe qarkullonte pa makine, ka zbrazur 5 plumba pistolete ndaj te riut Jaho, nga te cilat nje predhe ka qene vdekjeprurese. Kjo vrasje, sipas policies, pa asnje dyshim lidhet me ekzekutimin e dy basketbollisteve ne daten 3 Shtator te vitit te kaluar, tek pallati i sportit ne qytetin e Korces. Ngjarja erdhi si pasoje e nje grindjeje te vjeter, qe solli atentate zinxhir.


Atentati

Sipas hetimeve te policise, 28-vjecari Klajdi Jaho ka qene duke luajtur tavell me nje te njohurin e tij, ne ballkonin e nje lokali lojrash elektronike. Ne piskun e vapes, rreth ores 14.00, kur kishte shume pak levizje ne rruge, nje person i pamaskuar eshte afruar tek Jaho dhe ka zbrazur pistoleten thuajse me te gjithe plumbat e karikatorit. Pese plumba qelluan ne trupin e 28-vjecarit, nga te cilet tre pas shpie, nje ne shpatull dhe nje e goditi ne pjesen e siperme te kembes. Rreth 30 metra larg vendngjarjes, policia ka gjetur edhe nje gezhoje pistolete, kalibri i se ciles ndryshon prej armes qe vrau Klajdi Jahon. Kjo zbrazje arme, mendohet se eshte kryer nga nje person i dyte, qe mbronte atentatorin duke krijuar nje situate paniku per largim. Ne nje kthese pas pallatesh, rezulton qe autorin ta kete pritur nje autoveture tip "Benz" e bardhe. Me urgjence, i riu u dergua ne spitalin e Korces, por 5 plumbat qe ai mori ne trup kishin pasoja vdekjeprurese. Policia fillimisht ka shoqeruar per hetime personin me te cilin viktima luante tavell, si nje deshmimtar okular. Deri ne oret e mbremjes, nuk pati te dhena qe te konfirmonin arrestimin e autorit, apo autoreve te mundeshem te ketij atentati. Ne lagjen ku banonte, Klajdi Jaho ndihej me i sigurte nga ata te cilet e kishin shenjestruar per hakmarrje, por gjithcka ka ndodhur atje ku ai nuk e priste. Madje ne te njejten rruge ku disa vite me pare u qellua me arme shoku i tij, ish-basketbollisti i njohur Sokol Jahollari, qe u vra vitin e kaluar.

- Koha jone

[ardi_truss]

prape po vazhdojne keta te 5 dyqaneve?akoma skane vdekur?le tju japin nga nje vize aman te zhduken nga korca.

[Henri]

Për shkrimin e parë: "...e cila dënohet me gjobë ose me burgim gjer në një vit për kryerjen e marrëdhënieve seksuale me dhunë me të rritura, në bashkëpunim...."

Hajde ligje hajde! Një vit për përdhunim!?!