Berisha: Do t'i arrestoj bosët e mafies shqiptare

[Brari]

Policia rrugore në Durrës, në sulm ndaj aktivistëve të PD pas fitores së 3 korrikut

RD
--

Gjoba "hakmarrëse" ndaj drejtuesve të automjeteve


Të tërbuar nga humbja e thellë në zgjedhjet e 3 korrikut, militantët e PS në radhët e policisë së Durrësit nisin revanshin ndaj aktivistësve të PD. Njëri nga punonjësit e policisë rrugore, që njihet si militant i thekur i PS, u vë gjoba drejtuesve të mjeteve, të cilët janë të njohur si militantë apo përkrahës të PD. Polici Fiqiri Gjoka, i veshur polic pasi vodhi votat për kandidatin e PS në zgjedhjet parlamentare të vitit 2001, ka dalë hapur kundër njerëzve të PD që kanë automjete, sidomos të atyre që bënë fushatë për kandidatët e PD që fituan thellë në zgjedhjet e 3 korrikut kundrejt kandidatëve të PS. Polici Gjoka shprehet hapur nëpër kafene se ka bërë aq para, sa e ka siguruar jetën, ndaj shprehet publikisht se do të hakmerret ndaj të gjithë atyre që i kanë hequr "riskun" nga goja, që ka të bëjë me gjobat që ky polic ka vënë gjatë viteve, duke ndërtuar biznese dhe godina luksoze.

Fiqiri Gjoka, që kanë qenë brigadier foragjeresh, por u vesh polic rrugor pas meritës së vjedhjeve të votave dhe që tentoi të vjedhë përsëri votat në zgjedhjet e 3 korrikut në favor të Emin Barçit, por që nuk ia arriti qëllimit, ka nisur të gjobisë të gjithë ata që mbështetën kandidatin e PD në Sukth, Sami Gjergji, i cili fitoi kundër Barçit me një diferencë mbi 3 mijë vota. Fiqiri Gjoka, duke patur edhe mbështetje nga lart në policinë e Durrësit, ndalon makina dhe prezantohet si "Stalini i autostradës". Rasti i fundit i "Stalinit të autostradës" është marrja e patentës në kundërshtimin me ligjin të njërit prej aktivistëve të Sami Gjergjit. Ndalimi i makinës nga "Stalini i autostradës" apo siç e quajnë kolegët "Stalini i Armothit" është bërë pa asnjë shkak dhe drejtuesi i automjetit i ka kërkuar motivin. Ardian Hilla, banor i Durrësit, por që ka kontribuar në stafin e Sami Gjergjit, është shprehur se në vend të përgjigjes ligjore ka marrë një përgjigje të një njeriu që vetëm polic nuk mund të jetë. "Dua të të marr patentën se kështu e kam urdhrin. Të gjithë ata që janë demokratë dhe punuan për fitoren, që kanë makina, do të gjobiten. Unë e di që do të iki nga puna për tre javë, por do t'iu nxjerr ujin e zi të gjithë demokratëve që kanë makina", ka qenë komunikimi i policit të shtetit, i cili ka marrë kurajon që për një muaj të fyejë jo vetëm subjektet politike dhe mbështetësit e saj, por edhe organizmat e huaja.

Polici në fjalë është denoncuar vetëm pak muaj më parë nga media, si i vetmi militant i PS me uniformë, i cili gjobiti një nga automjetet e UNOPS-it, vetëm se ishin të organizmave të huaja dhe i quante si shoqata që duan të shkatërrojnë Shqipërinë. Por skandali Gjoka nuk qëndon vetëm këtu. Një fletë gjobë e plotësuar tek mbikalimi i plepave është adresuar vetëm pak orë më pas ndaj punonjësit të UNOPS-it tek mbikalimi i Sukthit. Botimi i dokumentit të gjobës në një gazetë të përditshme nuk shqetësoi askënd në polici, edhe pse është një nga rastet më skandaloze. Fiqiri Gjoka mësohet se ka një dosje, e cila e implikom atë jo vetëm si një polic të korruptuar, por edhe si një dhunues të procesit zgjedhor. Këtë dosje e bëjnë më të vërtetë edhe veprimet e fundit të "Stalinit të autostradës", i cili ka deklaruar se do të marrë patentat e të gjithë atyre që kanë kontribuar për fitoren e PD.

Genc AGOLLI

[drenicaku]

ME PAS DIT BERISHA PARA 97-ES JA KISH HUP RASADIN NANOSIT
Tani duhet te jet shum i matur te mos perlyhet me ate kriminel sepse po te burgosej bota e civilizuar nuk do te pajtohej me nje gje te till.Kurse bosset tjer te krimit duhet dergu atje ku e kan venin(burg)ne planin kombetar ai me diplomacin qe ka do ta perkrah edhe kosoven siq e ka ber edhe me par.Tani me padurim po e presum edhe viziten e tij ne kosove.Kur ishte nanosi ne kosove shqiptarve ju duk si me ardhe millosheviqi.