Berisha: Do t'i arrestoj bosët e mafies shqiptare

[mani]

Athue a mundet sala me ba budallallekete e vjetra prap???
A mund te bisedohet ne kete teme.Mendoj se po se ky nuk ka ndryshuar fare e nana e shtie kah do kete sikur kalin.

Berisha: Nuk do e arrestoj Nanon, synimi im, pas 5 vjetesh hyjme ne BE

TIRANE (19 Korrik) -"Do te arrestoj te gjithe boset e mafias", thote Berisha ne nje interviste per revisten e perjavshme gjermane "Der Spiegel" por jo Fatos Nanon. Ne nje nga angazhimet kryesore te tij si kryeminister i ardhshem i Shqiperise Berisha tregon se nje nga hapat kryesore eshte goditja e krimit te organizuar dhe vecanerisht te boseve te mafies. Nje nga synimet teper ambicioze qe Berisha deklaron ne kete interviste dhene mediave gjermane eshte: anetaresimi i Shqiperise pas 5 vjetesh ne bashkimin Europian. Pak dite me pare gjate nje takimi me anetaret e Komitetit te Orientimit te Politikave prane PD, Berisha paraqiti "goditjen e grupeve te njohura kriminale" si nje nga detyrat kryesore te punes se tij ne 100 ditet e para te qeverisjes. Kete ide te tij ai e permend edhe ne intervisten e dhene per revisten e njohur gjermane duke precizuar tashme se ka ndermend te arrestoje boset e mafias, pavaresisht se sa do te jete cmimi "une do ta paguaj ate", thote Berisha per mediat gjermane. Gjate kesaj interviste ai shpjegon arsyet e largimit te tij nga pushteti. "Ne vitin 1997 dhashe doreheqjen, sepse toleruam sistemin e priamidave, qe i joshte njereit me interesa te larta dhe se shumica e njerezve besonin, qe qeveria ime kish qene pasuruar me to. Sot eshte deshmuar qe asnje funksionar i larte i Partise Demokratike nuk ka qene i involvuar ne keto biznese," deklaron Berisha ne numrin e djeshem te revistes gjermane te perjavshme "Der Spiegel". Fituesi i zgjedhjeve parlamentare te 3 korrikut zotohet, se brenda dy-tre vjetesh do ta ule korrupsionin ne nje "nivel te pranueshem". Berisha thote se nuk ka nder mend te arrestoje kryeministrin aktual dhe njekohesisht liderin e Partise Socialiste, Fatos Nanon: "Nuk le pershtypje te mire, kur arreston udheheqesin e ardhshem te opozites, megjithese Nano mezi sa s'pret te marre rolin e martirit." Berisha thote, se ka nder mend t'i arrestoje te gjithe boset e mafias, pavaresisht se sa i larte do te jete cmimi: "Une do ta paguaj ate," premton kryetari i Partise Demokratike. Programi qeverises i 100 diteve te para parashikon pikerisht kete. Goditjen e kriminalitetit te organizuar. Deri me tani Berisha ka sulmuar ashper socialistet per mbeshtetje dhe bashkepunim me krimin e organizuar. S'ka mbetur minister socialiste qe te mos kete marre etiketimet, mafioz, i korruptuar, i lidhur me krimin. Akuzat per trafik droge, bashkepunim me mafien nderkombetare u bene mese te zakonshme ne politiken shqiptare. Nje nga objektivat e tij eshte anetaresimi sa me i shpejte i Shqiperise ne Bashkimin Europian. Pa dhene shume shpjegime se si do te arrihet ky hap kaq i madh, Berisha megjithate thote se objektivi i tij eshte pikerisht anetaresimi brenda ketij afati. Gjate fushates elektorale Berisha asnjehere nuk ka dhene nje afat te prere se cila do te jete koha e anetaresimit te Shqiperise ne BE, sipas projekteve te tij. Kjo eshte hera e pare qe ai precizon nje date te qarte megjithese deklarimin e ben ne nje media te huaj. db/db (GazetaShqiptare/BalkanWeb)

[RTP]

S. Berisha: Shqiptarët e Kosovës duhet ta kenë shtetin e tyre


Berlin, 18 korrik 2005 /TN /QIK - Shqiptarët e Kosovës duhet ta kenë shtetin e tyre dhe se kjo është zgjidhja më e mirë, tha fituesi i zgjedhjeve në Shqipëri Sali Berisha.

"Deri në fillim të viteve 80 të bashkimi ka qenë synimi i madh i të gjithë shqiptarëve. Ndërkohë kanë ndryshuar kushtet si në Tiranë, ashtu dhe në Prishtinë.

Besoj, se bashkatdhetarët tanë atje (në Kosovë) preferojnë të kenë shtetin e vet. Për momentin kjo është edhe zgjidhja më e mirë", ka deklaruar kandidati për kryeministër të Shqipërisë, Sali Berisha, në një intervistë për të përjavshmen gjermane "Shpigël".

Ndërkaq, Berisha si objektiv të tij thekson antarësimin e Shqipërisë në Bashkimin Evropian pas pesë vjetësh.

Në planin e brendshëm Sali Berisha planifikon të ulë korrupsionin në nivel të pranueshëm dhe të arrestojë të gjithë bosët e mafias.

Ai thotë se nuk ka ndër mbend të arrestojë kryeministrin aktual Fatos Nano, duke thënë se "nuk lë përshtypje të mirë, kur arreston udhëheqësin e ardhshëm të opozitës, megjithëse Nano mezi sa s'pret të marrë rolin e martirit", është shprehur Berisha për këtë gazetë autoritative gjermane.




-----------------

Nje pergjigje si kjo ndegjohet vetem nga njerez te medhenje e sidomos nga ata qe e deshirojne nje te ardhme te mire!

[mani]

Pretendenti per kryeminister ne Shqiperi, Berisha: Qendrimi i Prishtines e Tiranes per bashkim ka ndryshuar


TIRANE (19 Korrik) -Lidhur me nje bashkim te mundshem te Shqiperise me Kosoven, Kreu i PD, e njekohesisht pretendi shqiptar per kryeminister, Sali Berisha ne interviste me revisten e perjavshme gjermane, Der SPIEGEL eshte shprehur se ky synim i shqiptareve tashme ka ndryshuar. "Deri ne fillim te viteve 80-te bashkimi ka qene synimi i madh i te gjithe shqiptareve. Nderkohe kane ndryshuar kushtet si ne Tirane, ashtu dhe ne Prishtine. Besoj, se bashkatdhetaret tane atje preferojne te kene shtetin e vet. Per momentin kjo eshte edhe zgjidhja me e mire," shprehet Berisha, per Der SPIEGEL. db/db(DeutscheWelle/Balkanweb)

[ALBA]

Kryetari i PD-së thotë për revistën gjermane “Der Spiegel” se, Shqipëria mund të anëtarësohet në BE për 5 vjet

Berisha: Do t’i arrestoj bosët e mafies

“Nuk mund të shkojë më, që rritja jonë ekonomike, të varet nga tregtia me drogën”

Shekulli

Fituesi i zgjedhjeve parlamentare në Shqipëri, Sali Berisha, flet për korrupsionin, luftën kundër baronëve të drogës si dhe shtetin e Kosovës
SPIEGEL: Ju ishit President i Shqipërisë nga viti 1992 deri në vitin 1997 dhe atbotë, ju kishte dalë zëri si një tiran. Tash jeni duke festuar kthimin - si demokrat?
Berisha: Në vitin 1997, unë kam dhënë dorëheqjen sepse, ne toleruam sistemin piramidal të dhënies së parave me kredi që kishin një kamatë të lartë gjë kjo, e cila e bëri popullsinë të fitonte bindjen që qeveria ime ishte pasuruar me këtë rast. Sot është dëshmuar që as edhe një prej funksionarëve të lartë të Partisë Demokratike, nuk ishte i implikuar në këto biznese. Fituesit e mëdhenj ishin ish - punëtorë të Sigurimit dhe anëtarë të Partisë Socialiste.
SPIEGEL: Si kryeministër i ardhshëm, brengat tuaja nuk do të duhej të jenë aspak më të vogla. Korrupsioni është mëse i përhapur, Shqipëria vlerësohet në Evropë si qendër e tregtisë me drogë dhe çerdhe e kriminalitetit të organizuar
Berisha: Që nga viti 1997, korrupsioni është shtuar masivisht. Për dy deri në tre vite, do ta ul atë në një nivel të pranueshëm dhe për këtë duhen ligje të reja. Pushteti nuk guxon më të përdoret që të pasurohesh brenda një nate; Ministrat duhet që t'i shesin firmat e tyre. Ne do të shpërndajmë në Shqipëri monopole të rëndësishme, të cilat ishin krijuar me përkujdesjen dhe vënë nën mbrojtjen e qeverisë.
SPIEGEL: A duhet që, nëse dalin të vërteta akuzat, të fillonit më së pari me kryeministrin, që posa humbi zgjedhjet, Fatos Nanon? Atë e keni akuzuar që ai ka shndërruar korrupsionin në një sistem shtetëror
Berisha: Nuk do të linte një përshtypje të mirë po qe se udhëheqësin e ardhshëm të opozitës, duhet ta dërgonim në burg, edhe pse Nano nuk do të dëshironte gjë më shumë, sesa këtë rol të martirit. Që ai ishte koka e një sistemi të korruptuar me përmasa vendore, këtë gjë e di çdokush. Sepse, prej nga ka ardhur gjithë pasuria e tij përrallore? Si do të mund të jepte ai ato dhjetëra dhe qindra Euro në Kazino? Nano ka një ndërmarrje private që merret me shitjen e helikopterëve, ndërmarrje kjo, e cila blerësit kryesorë i ka killerët më namëzi të Shqipërisë. Ata transportojnë heroinën dhe kokainën përmes Shqipërisë në Kukës, dhe prej atje në vendet fqinje.
SPIEGEL: Këtë gjë e keni pohuar edhe në fushatën paraelektorale?
Berisha: Vendi ynë është duke u shkatërruar nga droga. Në vitin 2004, në kufirin me Italinë janë konfiskuar mëse 10 tonelata me heroinë dhe kokainë nga Shqipëria. Dhe tashti, duhet të jemi realistë: Shqipëria mundi që të bëhet në këto tetë vitet e shkuara, në një Eldorado për heroinë dhe kokainë, sepse shteti qëndronte prapa saj.
SPIEGEL: Një e treta e drogës së konsumuar sipas të dhënave të Europolit, kalon përmes Shqipërisë. A do t'i arrestoni bosët e mafias?
Berisha: Të gjithë. Çfarëdo që të jetë çmimi, unë do ta paguaj atë.
SPIEGEL: Mirëpo do t'ju duhen bodyguardë të mirë?
Berisha: Natyrisht që këta narko-bossët janë mëse brutalë. Edhe vetë ministrat kërcënohen përmes SMS-ve. Kërcënojnë, që do të merren si pengje nëse pengojnë biznesin e drogës. Mirëpo, nuk mund të shkojë më kështu, që rritja jonë ekonomike të jetë e varur nga tregtia me drogën. Ne duam që të jemi një vend i sigurtë, në mënyrë që investitorëve të huaj, sidomos për infrastrukturën tonë, e cila është në nivel të Botës së Tretë, t'ua mundësojmë që të vijnë dhe të jemi të pranueshëm për BE-në.
SPIEGEL: Para vitit 2015, vështirë që keni një shans për anëtarësim në BE apo jo?
Berisha: Caku im është: Anëtarësim në BE për pesë vite. Vitin që vjen ne duam që të jemi anëtarë fuqiplotë të NATO-s.
SPIEGEL: Për fitoren tuaj duhet t'u jeni mirënjohës edhe Këshilltarëve tuaj amerikanë. A e shihni tek SHBA-të edhe më tej, faktorin vendimtar për të ardhmen e Ballkanit?
Berisha: Amerikanët nuk ka dyshim që janë miqtë tanë specialë dhe, ne kemi obligime të veçanta kundrejt SHBA-ve që kanë çliruar edhe Kosovën.
SPIEGEL: A shpresoni që në afat të gjatë do të vije deri tek bashkimi mes Shqipërisë dhe Kosovës?
Berisha: Deri në fillim të viteve ’80, bashkimi ishte një cak i madh për të gjithë shqiptarët. Ndërkohë, në Tiranë dhe në Prishtinë, ekzistojnë rrethana të ndryshme. Unë mendoj që bashkëkombasit tanë atje, preferojnë të kenë shtetin e tyre. Dhe në këtë moment, kjo edhe është zgjedhja më e mirë.
Marrë nga “Der Spiegel”,
Përktheu Enver Robelli




shekulli

[Qerim]

Kryetari i PD-së thotë për revistën gjermane “Der Spiegel” se, Shqipëria mund të anëtarësohet në BE për 5 vjet


Lajm shume i mire !

Nuk di si ta kuptoj. Eshte thjesht deshire e liderit tone, apo bazohet ne fakte konkrete ??

Nese eshte genjeshter e rradhes, atehere mendoj se nuk eshte mire per ne.I ngjan atyre premtimeve per te ngrene me luge frorini apo, per cekun e bardhe.

Nse pranohemi pas 5 vjetesh, duhet qe kete vit ose vitin qe vjen te na hiqen vizat per ne hapesiren Shengel, gje qe e dyshoj.

[Zarathustra.]

Hej cfare trapi ngeli ky Sala O ZOT.

Pa ardhur mire ne pushtet dhe e ka mendjen per arrestime. Xhahil shtate lekure.
Boset e mafies shqiptare per Salen jane Argon Duka, Angjeli, Xhoana Nano etj, etj.

Agron Duka puneson sot ne shqiperi mbi 500 punetore direkt dhe 1100 indirekt, si dhe eshte nje nga eksportuesit me te medhenj shqiptare. Angjeli, apo firma qe ka me te vellane rreth 178 puntore, firma e Xhoanes mbi 50 te tille dhe te gjithe keta kotriubojne ne rritjen e funksionalitetit te ekonomise shqiptare me bizneset e tyre.

Pra te futesh ne burg keta ne Shqiperi eshte njesoj si te arrestosh Dick Cheney-n apo Bill Gates ne amerike, apo Berluskonin ne Itali. Nuk ka asnje shoqeri ne kete bote ku ai qe ka pushtetin ekonomik mposhtet nga ai qe perkohesisht gezon ate politik, pervecse ne komunizem.
Berisha mund te bej nje riorganizim ekonomik ne shqiperi ku tu jape shance me te barabarta te gjitheve per te konkuruar, perfshi ketu edhe ata me siper, por po filloi te luftoje njerezit me te pasur ne vend, sidomos kur i lufton ata me nje grup fukarenjsh nga pas, ai fluturon per zverku nga karrigia shume shpejt. Dhe ne qoftese nuk do te zbrese nga kali edhe kete here, zgjidhja dihet - eka thene Namik Hoti ......... plumbi.

Ky sigurish nuk eshte urmimi im por kjo ka qene rrjedha organike e ngjarjeve ne gjithe historine e njerezimit, pushteti ekonomik nuk ngacmohet, dhe po e ngacmove ai te heq qafe. Asgje personale, vetem biznes. Keshtu qe Berisha ka per ti ardhur verdalle te gjitheve. Shume shume ai mund te arrestoj ndonje alabak e ta paraqese si anetar te PS, apo mik i ngushte i ketij e atij, por peshqit e medhenj Berisha nuk i prek, sidomos kur konsideron edhe faktin qe ne keto zgjedhje e djathta ne voten popullore kishte 5% me pak se e majta, dhe se PD mezi i ben numrat per te qeverisur.

Mllefi i madh qe shqiptaret kane ne teresi per njerezit e pasur eshte vertet nje pasqyrim i qarte i mentalitetit te tyre cingun bolsheviko-proletar. Shqiptaret e duan kapitalizmin por nuk i durojne dot rrjedhojat e tij. Nuk e durojne dot diferencimin qe ai sjell. Nuk mund ta pranojne dot se gruaja e kryeministrit psh mund te jete edhe nje bisnesmene e zonja dhe e suksesshme - jo patjeter qe ajo ka vjedhur dhe patjeter qe ajo duhet te jete putane. Cfare mentaliteti prej skllavi dhe llumi. Shqiptaret kerkojne qe pasuria te jete dicka qe vihet pa hile, kopilllek dhe korrupsion. Nje vizion fshatar dhe provincial ky. Ne gjithe boten kapitalistet me te pasur kane vene ne pune aftesite e tyre prej hileqari dhe degjenerate duke ndikuar edhe pushtetin politik, qe ata vete e kontrollojne. Mjafton ti hidhni nje sy amerikes. Shqiptaret jane kaq magjype saqe kujtojne se nje dite do udhehiqen nga njerez qe mendojne vetem per popullin, edhe pse vete jane cope-cope. Mga njerez qe do rregullojne shqiperine pa rregulluar veten me pare. Cfare derdimenesh.

[Xhixhua]

Hej cfare trapi ngeli ky Sala O ZOT.

Pa ardhur mire ne pushtet dhe e ka mendjen per arrestime. Xhahil shtate lekure.
Boset e mafies shqiptare per Salen jane Argon Duka, Angjeli, Xhoana Nano etj, etj.

Agron Duka puneson sot ne shqiperi mbi 500 punetore direkt dhe 1100 indirekt, si dhe eshte nje nga eksportuesit me te medhenj shqiptare. Angjeli, apo firma qe ka me te vellane rreth 178 puntore, firma e Xhoanes mbi 50 te tille dhe te gjithe keta kotriubojne ne rritjen e funksionalitetit te ekonomise shqiptare me bizneset e tyre.

Pra te futesh ne burg keta ne Shqiperi eshte njesoj si te arrestosh Dick Cheney-n apo Bill Gates ne amerike, apo Berluskonin ne Itali.

s'bashkohem fare me ty me keto lart... per menimin tim ti arrestoje dhe ti shuaje fare me ca kan fis e farefis. Ka nje qellim qe e ben kete dhe i lumte. Duhet tu kthehet besimi njerezve dhe respekti per shtetin. Duke bere shembuj keta ata qe vijne pas ketyre e pyesin mire para se te bejne gili vili me postet e tyre. Hallall ja befte zoti se ja ka nisur per se mbari. Ta rrenoje fare edhe ate qafirin e madh qe llogaritet te kete mbi 280 million euro pasuri pare te thate. Hajde milet... ka ca ka sala ca gjona i ka te sakta ai. Nuk ka vjedh i here nuk ka vjedh.
Si thu ti , shyqyr qe ka vone leke dhe puneso 500 veta ? po si do kish qene po mos kish vjedh ky , mase do ishte ma mire per 400000 mije veta. Fene ti luje edhe breket e grave tu mori. Dhe shembullin e amerikes...as mos ti rreje menja nanjonit se ka miliona e miliarda dhe e le njeri. Po pat rob ti provoje batakcilliqet e chenneyt ose bushit dhe ti konkretizoje me fakte shife ti se ca i bojne ... pa nji pa dy e qisin ka qeveria dhe e prosecutojne. Pune tjeter qe s'ja nxjerr dot te palamet. Kta ishin duke heq Clintonin per nji gojore , qe funi funit ishin punet e veta personale. Vetem ne amerike nuk ke kshu gjonash. Te krrejne koken dynjoja tak fap....pranej ecin para amerikonet.
hajt me te mira

[Zarathustra.]

Po cfare thua o mavria ti.

Po Agron Duka, dhe ANgjeli ishin nga biznesmenet me te suksesshem qe ne kohen e Sales o Xhixho. Kur Sali xhahili i ushqente shqiptaret me mentalitetin parazit te fajdeve, te bingove dhe kafeneve, kur shqiptaret investonin ne "Gjigandet ekonomike" - sic i quante Sala- te kokelopeve Alimucaj me shoke, Agron Duka dhe Angjeli investonin ne magazina e frigorifere moderne, ne makineri bashkohore per prodhimin e vezeve dhe ne biznese qe kishin substanca ekonomike. Keta individe arriten te shikonin pertej joshjes parazite te piramidave, te kafeneve dhe bingove dhe investuan qysh atehere ne nje vizion te suksesshem biznesi.

Po ku di ti nga keto. Shqiptaret kane nje antipati te papare per kapitalistin e pasur, per ate qe ka me shume, qe eshte me i afte dhe me i zoti se ata. Patjeter keta duhet te jene te korruptuar dhe hajdute.

Por keshtu eshte kur mentaliteti i skllavit zapton nje shoqeri te tere.

Agron Duka dhe Angjeli jane te pasur SE JANE NJEREZ TE AFTE. Ata ishin ne krye ne periudhen komuniste, ata ishin kapitalistet me te suksesshem gjate 92-97, dhe perseri jane kapitalistet me te fuqishem sot. Natyra dhe aftesia e tyre i ben ata te jene gjithmone te paret, dhe me te miret ne cdo sistem e ambient qe jetojne, me apo pa mbeshtetje politike. Kurse tipa si zotrote qe akoma joshen nga mentaliteti bajraktaro kanunoro evgjit, plot deshire per hakmarrje edhe pse jeni bythegrisur, plot mllef e zili edhe pse jeni te paafte dhe te pazote, jane te destinuar te luajne rolin e qurrashit ne shoqerine shqiptare. Njeriu i kotit dhe i hicit ngelet i tille ne cdo sistem politik.

Agron Duka, Angjeli e kopmani gezojne ne menyre organike poziten e luanit ne shoqerine shqiptare, te fuqishem e dominante. Kur delja ti imponoje luanit vullnetin e saj, atehere ndoshta edhe zotrote ke nje fije shprese per te dale si "garip" - apo levend i shoqerise shqipatre. Pra kur natyra te kthehet ne nje sistem pervert ku me i paafti, me i mjeruari, me i humburi te komandoje me te fuqishmin, me te pasurin dhe me te suksesshmin, atehere edhe ti ndoshta ke pak shprese per ti kthyer endrat ne realitet. Deri atehere ...... fluturo fluturo

[mani]

Berisha, prokurori me duar të pastra


--------------------------------------------------------------------------------

Nga Filip ÇAKULI


Nuk do të arrestoj FatosNanon... megjithëse ai është kryemafioz". Këtë deklaratë Berisha e bëri në një revistë prestigjioze gjermane. Po nuk ka rëndësi se ku e bëri. I rëndësishëm është mesazhi që jep një pohim i tillë publik. Që Kryeministri i një vendi, d.m.th. i Shqipërisë, ka në dorë edhe arrestimet. Me fjalë të tjera, është njëkohësisht edhe prokuror, edhe gjykatës ,dhe dënon me burg kë të dojë. Them kë të dojë, sepse Fatos Nanon nuk do ta arrestojë. Pavarësisht se Nano mund të përballet me drejtësinë dhe të meritojë dënimin, Kryeministri i ardhshëm i vendit tonë, sipas deklaratës së bërë, do të ndërhyjë në gjykatë dhe prokurori për ta lënë ish-Kryeministrin të lirë.
Ndërkohë që dimë se Berisha gjatë fushatës fitoi me sloganin "Me duar të pastra". Dhe kjo nënkupton që nuk do të tolerojë asnjë trafikant, mafioz, hajdut e të korruptuar, qoftë ky edhe ish-Kryeministri. Ky i fundit, sipas tij, është "koka e një sistemi qeverisës të korruptuar", që "zotëron një kompani transporti me helikopterë, klientë të së cilës janë trafikantët më të mëdhenj të drogës në Shqipëri, që transportojnë kokainë dhe heroinë nga Kukësi në vendet fqinje…". Këto janë fjalët e Kryeministrit të ardhshëm për ish-Kryeministrin, në ligjëratë të drejtë. Nuk ka nevojë të shtosh këtu ato që janë thënë gjatë fushatës për Nanon, si kryebandit, kapo të mafies, si edhe ato që janë thënë në kohë më të qetë, para fushatës, ku u cilësua vrasës e kriminel ordiner.
Pra, sipas Berishës, Nano qenka edhe vrasës, edhe mafioz, edhe hajdut, edhe bandit, edhe transportues droge. E megjithatë, po sipas Berishës, ky nuk do të arrestohet, sepse qenka shefi i opozitës. Dhe sipas kësaj logjike shefi i opozitës mund të bëjë çfarë të dojë, të transportojë edhe kokainë dhe heroinë, nuk preket. Në vend të tij do të dënohen magazinierët dhe hamallët që ngarkojnë helikopterët.
Bukuri! Po ku janë duart e pastra të Berishës? Ku është shteti ligjor që pritet të ngrejë ai me partinë që përfaqëson? Në një shtet ligjor Kryeministri as arreston, as liron njeri nga burgu. Ai vetëm denoncon me fakte dhe janë organet përkatëse që hetojnë dhe vendosin arrestimin. Nuk ka asnjë të drejtë që një Kryeministër të deklarojë publikisht se do të fusë në burg filanin, apo më keq akoma, të lërë të lirë mafiozë që paskan imunitet.
Nuk e di me ç'guxim deklaron në një revistë të huaj se aksh person që transporton drogë të pastër nuk do të përballet me drejtësinë. A thua se e ke ti në dorë drejtësinë, prokurorinë dhe gjykatën? Po edhe sikur ta kishe ti në dorë, do të ishte faj i rëndë nëse ti shmang nga gjykimi një njeri, për të cilin ti vetë deklaron se është transportues droge dhe vrasës. Gjithsesi, deklarata e bërë veçanërisht në një revistë të huaj, është anormale për një Kryeministër që vjen të qeverisë me duar të pastra dhe të ndërtojë një shtet ligjor.
Natyrisht mendësia komuniste që shpreh Berisha nuk besoj se do ta udhëheqë atë në veprimtarinë konkrete të përditshme si drejtues i qeverisë së re. Se pushteti gjyqësor është, me nder me thënë, i pavarur dhe si i tillë mundet të mos i bindet Berishës për të prangosur mafiozët. Realiteti i deritanishëm e ka dëshmuar këtë. Ç'do të bëjë Sali Berisha nëse ky pushtet, domethënë gjyqësori, nuk respekton ligjin? Do të bëjë reforma?! Vetëm kaq. Se duhet të hyjë në lojë edhe Presidenti ynë i nderuar, i cili, duhet pranuar, se deri tani ka qenë vërtet një arbitër i paanshëm, një mbrojtës i Kushtetutës dhe një njeri që ka reflektuar paqe dhe mirësi në këtë lukuni politike. Presidenti Moisiu është më i kujdesshëm në ato që thotë dhe në ato që bën. Ai asnjëherë nuk ka tejkaluar kompetencat kushtetuese, ndërsa Berisha e ka treguar se i ka dhënë vetes kompetenca më tepër gjatë mandatit të tij presidencial. Ndaj është fat që kemi një president si Moisiu, që vjen nga një familje qytetare fisnikësh e me emër dhe që do të shërbejë si shembull se si duhet të jetë një President i këtij vendi.
I prirur të besoj në një ndryshim të Berishës, nga koha kur ka qenë President, besoj se deklaratat e nxituara dhe të pamenduara mund të jenë thjesht një shprehje tipike e karakterit të tij impulsiv dhe e entuziazmit që e ka përfshirë, por që çuditërisht nuk transmetohet tek militantët, çka do të përbënte një rrezikshmëri për stabilitetin dhe qetësinë publike. Them çuditërisht, sepse shumë mendarë pas fitores së Berishës prisnin një rrëmujë ose një festim me kallashnikovë. Gjë që nuk ndodhi dhe ky është një ogur i mirë, por duke përjashtuar deklaratat e tipit "ky është mafioz e kryebandit", por "unë nuk e arrestoj". Se pastaj natyrshëm lind pyetja: kush je ti, more trim, që edhe akuzon, edhe arreston, edhe liron nga burgu?!

[ALBA]

Po cfare thua o mavria ti.

Po Agron Duka, dhe ANgjeli ishin nga biznesmenet me te suksesshem qe ne kohen e Sales o Xhixho. Kur Sali xhahili i ushqente shqiptaret me mentalitetin parazit te fajdeve, te bingove dhe kafeneve, kur shqiptaret investonin ne "Gjigandet ekonomike" - sic i quante Sala- te kokelopeve Alimucaj me shoke, Agron Duka dhe Angjeli investonin ne magazina e frigorifere moderne, ne makineri bashkohore per prodhimin e vezeve dhe ne biznese qe kishin substanca ekonomike. Keta individe arriten te shikonin pertej joshjes parazite te piramidave, te kafeneve dhe bingove dhe investuan qysh atehere ne nje vizion te suksesshem biznesi.

Po ku di ti nga keto. Shqiptaret kane nje antipati te papare per kapitalistin e pasur, per ate qe ka me shume, qe eshte me i afte dhe me i zoti se ata. Patjeter keta duhet te jene te korruptuar dhe hajdute.

Por keshtu eshte kur mentaliteti i skllavit zapton nje shoqeri te tere.

Agron Duka dhe Angjeli jane te pasur SE JANE NJEREZ TE AFTE. Ata ishin ne krye ne periudhen komuniste, ata ishin kapitalistet me te suksesshem gjate 92-97, dhe perseri jane kapitalistet me te fuqishem sot. Natyra dhe aftesia e tyre i ben ata te jene gjithmone te paret, dhe me te miret ne cdo sistem e ambient qe jetojne, me apo pa mbeshtetje politike. Kurse tipa si zotrote qe akoma joshen nga mentaliteti bajraktaro kanunoro evgjit, plot deshire per hakmarrje edhe pse jeni bythegrisur, plot mllef e zili edhe pse jeni te paafte dhe te pazote, jane te destinuar te luajne rolin e qurrashit ne shoqerine shqiptare. Njeriu i kotit dhe i hicit ngelet i tille ne cdo sistem politik.

Agron Duka, Angjeli e kopmani gezojne ne menyre organike poziten e luanit ne shoqerine shqiptare, te fuqishem e dominante. Kur delja ti imponoje luanit vullnetin e saj, atehere ndoshta edhe zotrote ke nje fije shprese per te dale si "garip" - apo levend i shoqerise shqipatre. Pra kur natyra te kthehet ne nje sistem pervert ku me i paafti, me i mjeruari, me i humburi te komandoje me te fuqishmin, me te pasurin dhe me te suksesshmin, atehere edhe ti ndoshta ke pak shprese per ti kthyer endrat ne realitet. Deri atehere ...... fluturo fluturo

Mesazhet e tuaja me duken shume qesharake . Je i vetmi njeri ne kete forum , qe mbron disa persona te kuruptuarr dhe mafioze , dhe ul poshte nje popull te tere duke i vene epitete si "bythegrisur" "bajraktaro" " kanunoro " "evgjit te paafte dhe te pazote "qurrash" etj etj . A nuk te duket vetja se flet pa llogjik dhe gabohesh ?

Me thuj se cili eshte ai sistem ne politikat boterore qe nuk denancon korrupsionin ?
Me thuaj se cili popull qenka pro hajduteve politikane , qe sipas teje qenka vetem populli Shqiptar . Apo i gjithe populli te duket ty katunar dhe evgjit , pervec klienteve te tu Naniste , qe je i vetmi avokat qe i mbron ne cdo teme ?

Populli thote ku eshte me ze nuk eshte pa gje .

Ai Angjeli qe ty te duket si njeri i afte dhe i forte per te vjedhur , e pame se kush ishte ne debatin pango -Angjeli qe shante ne nje gjuhe te neveritshme ne mes te gjygjin , kundershtarin e tij me epitete si "vagabond etj etj .

Po pse mos ta merr mendje se nje egoist te tille meriton populli une ne krye .

Jo jo Leshator , kot lodhesh me mesazhe e me sharje kunder popullit tend .



Harroje me ate krenarin e dikushme neper tema , ku flitshe kunder partise demokratike e Berishes .

Tani ka ardh koha qe gjithkush te paguaj mekatet e tij kundra ketij populli .

Te gjith do marrin denimin qe meritojn .

Alba