Learton Vathi, komisioneri i vrarë në qendrën e votimit Tiranë

[Brari]

Do mbetet e paharruar egersia e PS-se qe dhe ne mes te Tiranes ne diten e Votimit brenda ne qendren e Votimit vrau..

Huliganet e PS-se vrane Learton Vathi-n .

Ja cfar thote gazeta :

--


Familjarët e vëzhguesit:

Të ndëshkohen vrasësit e
Learton Vathit

Familja e Learton Vathit, përmes një deklarate për
shtyp, ka akuzuar dje vëllain e kryetarit të
minibashkisë 3, Ilir Kokona, për pjesëmarrje në
vrasjen e vëzhguesit të Partisë Republikane në
zgjedhjet e tre korrikut.
“Kjo ngjarje e rëndë ka ndodhur në prani të kryetarit
të minibashkisë Ilir Kokona, vëllai i të cilit është
bashkëpunëtor dhe pjesëmarrës në vrasje, pasi ka
ndihmuar autorin e krimit të largohet nga vendi i
ngjarjes. Ky krim i tipit mafioz ka ndodhur në të
njëjtën kohë kur forcat e policisë kanë qenë prezent
në qendrën e votimit”, thuhet në deklaratën e familjes
Vathi.
Kjo familje i kërkon Partisë Demokratike, si forca e
re qeverisëse, që të zbardhë menjëherë autorët e kësaj
vrasjeje. “Të dënosh autorin e një krimi të tillë
politik është ligjërisht e drejtë dhe moralisht e
domosdoshme. Duke qenë se Partia Demokratike tashmë
fituese e zgjedhjeve 2005 ka denoncuar publikisht këtë
ngjarje të shëmtuar, kërkojmë që kjo ngjarje të mos
mbetet në heshtje dhe shija e fitores të mos bëjë që
premtimet të harrohen”, thuhet më tej në deklaratë.
Familja Vathi e konsideron këtë si një ngjarje
tërësisht politike.

--



..


Me vrasje vijne ne pushtet e me vrasje ikin nga pushteti barbaret me nickun "socialiste"..

[Antimafia]

Luan Ceka përfundon misionin me vrasjen e komisionerit të PR


Igli Toska, pasi e përdori shefin e komisariatit nr.4, Luan Ceka, për të përgjakur zgjedhjet në zonën nr.37 në Tiranë e zëvendësoi atë nga kjo detyrë, duke emëruar në një post tjetër në polici. Luan Ceka u emërua nga Toska në krye të komisariatit nr. 4 vetëm katër javët e fushatës elektorale për të bërë raprezalje gjatë fushatës dhe ditën e zgjedhjeve të 3 korrikut ku edhe u ekzekutua komisioneri i opozitës, Learton Vathi. Kryepolici Ceka në vend që të pushohej nga puna për ngjarjen e rëndë që ndodhi në zonën që mbulon komisariati nr.4, ai u muar në mbrojtje nga Toska, duke u qarkulluar në detyrë. Kështu, Luan Ceka nga shef i Komisariatit të Policisë nr.4, u emërua nga vetë Toska në detyrën e Specialistit në Seksionin e Analizës dhe Koordinimit për Krimet e Hapura, në Sektorin e Luftës Kundër Akteve Terroriste dhe Krimeve të Hapura, në Drejtorinë e Policisë së Qarkut Tiranë.

Toska e emëroi Luan Cekën në krye të komisariatit nr.4 në Tiranë disa ditë para fillimit të fushatës elektorale me ndërhyrje nga segmentet e PS, pasi Ceka është djali i tezes së kryetarit të Njësisë Bashkiake nr.3 në Tiranë, Ilir Kokona. Duke ditur se në këtë zonë kandidati i PS, njeriu më i korruptuar i Tatimeve dhe Doganave, Shpëtim Idrizi, e kishte të sigurtë humbjen, Toska emëroi në krye të komisariatit Luan Cekën, i cili jo vetëm që nuk mori masa për sigurimin e rendit gjatë fushatës dhe sidomos gjatë ditës së zgjedhjeve, por mblodhi kriminelët dhe u dha udhëzime për të ushtruar terror dhe presion tek zgjedhësit në mënyrë që të dilte fitues kandidati i PS. Kryepolici Ceka, gjatë fushatës elektorale ka takuar edhe vëllain e Nehat Kullës dhe disa elementë të tjerë të inkriminuar, të cilët i ka angazhuar në fushatën e PS.

Gjatë ditës së votimit më 3 korrik, Ceka, është parë disa herë në qendrën e votimit në zonën nr.37 ku edhe u krye vrasja e komisionerit të opozitës nga vëllai i Nehat Kullës. Gjatë kryerjes së vrasjes në vendngjarje ka qenë edhe kryetari i Njësisë Bashkiake nr.3, Ilir Kokona si dhe disa policë, por ata nuk kanë ndërhyrë për të ndaluar kriminelin që kreu vrasjen. Ndërsa vëllai i Ilir Kokonës ka ndihmuar autorin e vrasjes, duke e hipur në një motorr dhe duke e larguar nga vendi i ngjarjes. Megjithatë, nëse policia do të kishte ndërhyrë, autori i vrasjes së komisionerit të opozitës do të ishte kapur menjëherë, por policia nuk ndërhyri. Për këtë përgjegjësinë më të madhe e mban Luan Ceka, i cili ishte në krye të komisariatit nr.4.

Prokuroria e Tiranës deklaroi para tre ditësh se vrasja e komisionerit të opozitës, Learton Vathi, është kryer për shkak të procesit zgjedhor. Mirëpo në vend që Luan Ceka të pushohej nga detyra dhe të vihej para drejtësisë për vrasjen e komisionerit të opozitës, ai qarkullohet në detyrë nga Toska, duke u emëruar në një post tjetër të rëndësishëm në polici. Përgjegjësi për vrasjen e komisionerit mban edhe Ilir Kokona si dhe Shpëtim Idrizi, të cilët kishin lidhje të ngushta me autorin e vrasjes dhe janë shoqëruar me të edhe gjatë ditës së votimit më 3 korrik kur ndodhi krimi i rëndë.

Komisioneri i PR, Learton Vathi, u ekzekutua ditën e zgjedhjeve, më 3 korrik nga komisioneri i PS, Bashkim Kulla, në oborrin e qendrës së votimit në prani të punonjësve të policisë, që kishin ardhur aty pas një njoftimi për konfliktin. Komisioneri i opozitës u vra pranë Qendrës së Votimit të zonës nr. 37 në Tiranë, ku kandidonin për deputetë Edi Paloka i PD dhe Shpëtim Idrizi i PS. Vrasja u krye pas një debati për përdorimin e çertifikatave falco nga socialistët në votime. Në debatin për përdorimin e çertifikatave falco ka qenë i pranishëm edhe kryetari i Njësisë Bashkiake nr.3 në Tiranë, Ilir Kokona, dhe vëllai i tij. Vathi i ka kërkuar kryetarit të minibashkisë se përse lejohet përdorimi i çertifikatave falco në votime, por në debat e sipër është afruar komisioneri i PS, Bashkim Kulla, dhe e ka qëlluar me pistoletë komisionerin e PR, duke e lënë të shtrirë përtokë. Pas krimit, vëllai i Nehat Kullës është larguar nga vendi i ngjarjes nga vëllai i kryetarit të Minibashkisë nr.3, i cili e ka marrë në motorr vrasësin dhe e ka fshehur.