Fillojne punimet per ndertesen TID ne kryeqytet

[FЯODO]

Nisin punimet për kullën belge te Drini
Pas ish-Milenium-it, si po transformohet qendra e Tiranës


TIRANE

Pas sheshit te ish-kinema Milenium një tjetër hapësirë po përgatitet për një ndërtim të ri në qendër të Tiranës. Pranë monumentit të "Ushtarit të Panjohur" prej dy ditësh kanë nisur punimet. Me të cilat po hidhet një hap drejt konkretizimit të projekteve për qendrën e Tiranës, projekte të seleksionuara nga një varg konkursesh ndërkombëtare.

Projekti
Duam të ndryshojmë qytetin. Duam të hedhim një hap ambicioz për një mjedis më cilësor për jetesën". Kjo ishte deklarata e arkitektëve të studios belge "51N4E" e shpallur fituese për ndërtimin e kullës pranë hotel Drinit. Dy ditë më parë u hodhën themelet e projektit të tyre në pronën e familjes së Toptanasve. Sheshi pranë Ushtarit të Panjohur po përgatitet për ndërtimin madhështor, ku firma belge nuk ka neglizhuar dhe kujdesin për Varrin e Kapllan Pashës që është dhe monument kulture. Në konkursin që zgjodhi fituese studion "51N4E" morën pjesë dhe 3 studio të tjera arkitekture, studioja shqiptare "ATELIER 4", studioja franceze "ARCHITECTURE STUDIO" dhe studioja sllovene "SADAR VUGA". Por sigurisht, ajo që ne do të shohim pas pak kohësh do të jetë sipas përshkrimit të mëposhtëm. Juria përzgjodhi fituese pas prezantimit pikërisht studion belge që premtoi ta sjellë kullën në lartësi "të harmonishme" edhe me Palltin e Kulturës që do të jetë pas saj.



Detajet
Ndërtesa e paraqitur nga studioja fituese është projektuar në formë rrethi, sipër drejtkëndësh për të shfrytëzuar të gjithë metrat katrorë të mundshëm. Kulla do të ketë një pamje ballore nga Unaza e Vogël. Rruga përpara saj është konceptuar si një oborr. Godina mund të shihet që nga parku, si një skenografi, ndërsa u propozua që baza të jetë gur. Qendra e dyqaneve do të ketë një hapësirë boshe nga ku hyn në godinë. Në pjesën e sipërme të godinës së ulët do të ketë dhe një restorant panoramik në përkujtim të asaj që ka bërë Sulejman Pasha. Fasada është konceptuar të ndërtohet me material bazë terrakotën; belgët e kishin zgjedhur të tillë, pasi, siç shprehën një alternativë tjetër e mundshme do të qe e papërballueshme për ata që do ta lartonin kullën e tyre ende në letër. Materiali i xhamtë ishte i kushtueshëm.

Masa edhe për ndotjen
Ndërtesa do të ketë ventilim natyral optimal, i domosdoshëm po të kihet parasysh ndotja problematike e Tiranës. Ajri me pluhur ishte përshtypja e parë e pakëndshme që arkitektët morën sapo zbritën në kryeqytet. Ndërtesa, gjithashtu sipas belgëve, do të jetë me kondicionim. Për sa i takon kompleksit urban të lidhur me kullën, Studimi i Qendrës së Tiranës, përcakton një lartësi maksimale prej 18.8 dhe 12 metrash. Lartësia prej 18.8 metrash duhet të mbahet e njëjtë me lartësinë e Pallatit të Kulturës - Teatri i Operas dhe Baletit.

[RTP]

Pamje e shemtueme....
Nuk me pelqen `as te nji pike`!

[FЯODO]

Ndertesa belge TID u vleresua shume pozitivisht nga juria nderkombetare qe votoi per te.
Eshte nje krijim teper unik me vlera ne arkitekturen moderne.
Kam folur me njohes te arkitektures dhe jane mahnitur nga ky projekt.

[BvizioN]

Pershendetje


Personalisht nuk me pelqen fare ky lloj projekti! Mendoj se qendra e Tiranes meriton dicka me figurative dhe me moderne nga ana e paraqitjes.Shumica e gradacelave apo ndertesave mesatarisht te larta ne kete kohe ndertohen te xhamta.Ndersa kjo te krijon me shume pershtypjen e nje godine industriale.Mbase jam gabim dhe kjo eshte thjesht pershtypja ime, dhe tek e fundit nga akitektura nuk di shume gjera.

Sidoqofte shpresoj te duket me bukur pas ndertimit.

[Dito]

Kjo ndertese qe paraqitet ne kete foto me shume i perngjan nje Obelisku apo edhe Lapidari perkujtimor, mbase kur ta shohim realisht mund te duket dicka krejt tjeter mbase... Per momentin pamja nuk eshte mbreslenese.


Dito.

[PINK]

Eww sikur kisha pare ca foto te " bukura " per tironen une ?


Ajo ndertesa aty ... shume e shemtuar !!

Apo nuk shkon shume me ato lodrat dhe makinat ne qender papapapa ... (i vetmi qytet ne bote qe i ka ato lodrat e shemtuara ne qender )

[kacaku basket]

Kulla eshte dicka e bukur dhe dicka moderne.Por vendi ne te cilen kane vendosur ta ndertojne eshte i papershtatshem.Nje kulle e tille do kerkonte edhe hapsire te gjelber rreth saj.
Fakti eshte qe ne qoftese duam ta veme aty duhet te shembim cdo gje qe e rrethone dhe te leme vetem xhamine dhe Pallatin e Kultures (nqs e mbaj mend mire qe quhet keshtu)

Per mendimin tim ky projekt do falimentoje per mungese dekoracioni dhe hapsire.

klodi

[Prototype]

LOL nuk eshte e shemtuar kulla por ben shume kontrast me ndertesat e tjera aty , te duket sikur po perzihet lindja me perendimin ; )...

ishalla eshte e qendrueshme , se nga pamja te merrka ne qafe po te jete dhe funksionale do ishte akoma me mire , megjithate kam besim per faktin qe s'qenka firme Shqiptare :D

[FЯODO]

Por vendi ne te cilen kane vendosur ta ndertojne eshte i papershtatshem.Nje kulle e tille do kerkonte edhe hapsire te gjelber rreth saj.
Fakti eshte qe ne qoftese duam ta veme aty duhet te shembim cdo gje qe e rrethone dhe te leme vetem xhamine dhe Pallatin e Kultures (nqs e mbaj mend mire qe quhet keshtu)

Per mendimin tim ky projekt do falimentoje per mungese dekoracioni dhe hapsire.

Pse eshte i papershtatshem?
A nuk reflekton mire me projektin danez qe do kete ne krah te kundert?
Hapesira e gjelber do krijohet besoj por mesa duket ti pretendon per nje park:D
Jam dakort qe duhen shembur te gjitha ndertesat perreth e ne vecanti ai pallati i shemtuar ne ngjyre kafe.
Besoj se fotoja e zmadhuar dhe sigurisht kontrasti i dobet i figures te japin pershtypje te gabuar por une mendoj se ky eshte nje projekt i arrire.

[RTP]

O Jost

Objekti duhet ti pershtatet rrethines ku do ngritet,
jo e kunderta !

[FЯODO]

O Jost

Objekti duhet ti pershtatet rrethines ku do ngritet,
jo e kunderta !

Pse nuk i pershtatet rrethines ky objekt?

[BvizioN]

Kete projekt to me pelqente te shikoja ne vend te asaj,ZiM Project Looooool :D

E meriton TIRONA

[Ozzy]

katet e para do te jene me siguri te tosit , katet e messit te rames dhe ato te fundit te sales me arqiten

[DYDRINAS]

Projekti i vertete eshte ky ne fakt.








Di ndonjeri te na tregoje se cila firme ndertimi po zbaton punimet aty?

[BvizioN]

Projekti fillestar ka qene ai ne postat e para, por eshte ndryshuar.

Punimet ne kete kulle tash me kane filluar dhe jane ne zhvillim e siper. Eshte nje nga 10 kullat qe jane desanjuar ne perputhje me masterplanin francez te qendres se Tiranes.

Fotoja e meposhtme tregon zhvillimin e punimeve ne TID.Fotoja eshte punim i Andrew (anetar forumi ne Urbania21) dhe te drejtat e autorit i perkasin atij.

[ajzberg]

Ndoshta ben kontrast me ambientin ne foton e pare ,ndertesa mu duk si nje ene guzhine qe quhet rende.Ndertesat e larta ne Tirane nuk shkojne me dekorin qe ka ajo ne lindje.
Gjithsesi mendimi im eshte qe ne Tiranen e tanishme nuk mund te behet asgje .Ky qytet duhesh lene sic ishte dhe ndertimet e reja madje dhe ministrite dhe objektet social kulturore duhet te ndertoheshin ne perendim ne drejtim te Durresit.

[OO7]

Tek pamja e pare projekti duket shumeeeeeeeeeeeeee i shemtuar per shkak te kontrastit. Me e shemtuar edhe edhe se projekti i ZiM :D Ndersa ke kjo pamja tjeter duket packa me mire. Gjithesesi ne 2080 ka per te mbaruar ky projekt si gjithe te tjeret kshu qe mos e vrisni mendjen :D

[unforgiven II]

Sa e veshtire eshte ta besh te bukur nje gje qe tashme eshte shemtuar, eshte si puna e shtepise se vjeter qe hedh pare e mundohesh ta riparosh por prapseprap nuk eshte kurre si shtepia e re dhe ne fund po t'ja vesh vizen per te shikuar totalin, shpenzimet tek shtepia e vjeter jane me te medha se tek e reja por prapseprap rezultati nuk eshte i njejti.
Keshtu jane edhe keto ndertesat e reja, qe sado qe jane te bukura, gjithe ato ndertime te tjera pa planifikim e lloj lloj ngjyrash rreth tyre ja heqin gjysmen e bukurise. Sidoqofte ishalla ngadale ngadale do rregullohemi edhe ne.

[BvizioN]

Gjithesesi ne 2080 ka per te mbaruar ky projekt

Projekti mbaron mbrenda 2 vitesh. Edhe pse ky egzistone si projekt, deri kohet e fundit nuk kish drite jeshile per te vazhduar punimet. Burokracia ne organet qe merren me gjera te tilla arrin kulmin ne Shqiperi, dhe shume projekte perjetojne gjume letragjik neper sirtare dhe i mbulon pluhuri.

Sipas te dhenave, jane plotesuar 3 katet e nendheshme te TID dhe ndertimet mbitokesore behen teper shpejt. Sipas fjales se dikujt qe punon ne kete veper, duhet nje muaj per perfundimin e struktures se nje kati.

PS: Ajo projekt ZiM ishe shaka e para 3 viteve, mos e merrni shume seriozisht ;)

[BvizioN]

Disa foto te tjetra nga kjo kulle, qe nga nisja (tre katet nentoksore) e deri ne ngritje mbi shtresen e tokes. Fotografite i perkasin anetarit Johan (nga Urbania21)