Kontestohet kadidatura e Rufi Osmanit!

[Modesti]

Osmani:Vendim tendencioz

12.02. 2009


Rufi Osmani e quajn tendencioz interpretimin e Kodit Zgjedhor nga Komisioni Komunal Zgjedhor të Gostivarit në bazë të cilit është hedhur poshtë kandidaturën e tij për kryetar të kësaj komune.

KOmisioni Komunal Zgjedhor këtë vendim për të refuzuar kandidaturën e Rufi Osmanin e bazon në nenin 7 të paragrafi 2 të Kodit Zgjedhor në të cilin thuhet se Të drejtë për tu zgjedhur për deputet, anëtarë këshilli dhe kryetar komune ka cdo shtetas i Maqedonisë nëse nuk është I dënuar me vendim të plotëfuqishëm gjyqësor me burg pa kusht mbi 6 muaj. Pavarsishtë nga kjo Rufi Osmani konsideron se plotëson të gjitha kushtet për tu bërë kandidat zyrtar përfshirë këtu edhe atë që parashoifet me nenin 7 nga Kodi Zgjedhor, pasi nga Gjykata Themelore në Gostivar më 16.09.1997 ka qenë i dënuar me burg për veprim politik, të cilin dënim e ka vuajtur deri në miratimin e Ligjit për amnesti të sjellur më 05.02.1999, me të cilin lirohet nga burgu, ndërsa sipas nenit 113 të Kodit Penal janë fshirë edhe pasojat juridike të dënimit.

"Jemi në pritje të vendimit, argumentet janë në anën tonë. Do të kisha thënë se ka shumë raste tjera më drastike të cilëve u janë pranuar kandidaturat siç është rasti i kryebashkiakut aktual të Strumicës, Zaevit, i deputetit aktual Amdi Bajram dhe i kandidatit potencial Lubo Boshkovskit të cilët ndeshen me ligjin në fjalë dhe kandidaturat e tyre janë pranuar. Ndërsa në rastin tim konkret nuk ka kurfarë ndeshje ligjore", deklaroi Rufi Osmani, kandidat i për kryetar të komunës së Gostivarit.

Gjykata administrative në afat prej 24 orëve duhet të prononcohet rreth ankesës së Rufi Osmanit. Ai thotë se pavarësisht se cka do të ndodhë nuk do të heq dorë nga idea për të themeluar subjekt politik .
"Këtë çështje që ju e adresoni është çështje që i takon të ardhmes dhe me siguri se do të ndodhë në një të ardhme të afërt. Mirëpo ne jemi të interesuar që kjo çështje të tejkalohet dhe llogarisim në një përkrahje të fuqishme të komunitetit ndërkombëtar në drejtim të vetëdijesimit dhe respektimit të shtetit juridik dhe të drejtës demokratike që çdo qytetar e ka në Maqedoni për të nominuar veten dhe për tu kandiduar", shtoi Rufi Osmani.

Ndryshe Rufi Osmani në vitin 97 për ngjarjet e njohura të Gostivarit dhe refuzimit të tij për të hequr flamurin kombëtar nga ndërtesa e komunës u dënua me 13 e tetë muaj burg. AI qëndroi në burg për 9 muaj ndërsa më pas u amnistua nga presidenti I atëhershëm tani I ndjerë Boris Trajkovski.

Melihate Rustemi

[Modesti]

Refuzohet kandidatura e Rufi Osmanit për Gostivarin

12/02/2009


Dënimi në vitin 1997 për shkak të ngjarjeve të Gostivarit ka bllokuar kandidaturën e ish-kryetarit Rufi Osmani për t`u kandiduar për kryetar komune.

Komisioni Zgjedhor Komunal (KZK) ka refuzuar kandidaturën e ish-kryetarit të komunës së Gostivarit, Rufi Osmani për t`u kandiduar në zgjedhjet vendore të 22 marsit për komunën e Gostivarit. KZK tha se është bazuar në Kodin zgjedhor, gjegjësisht nenin 7 të tij alineja 2 në të cilin thuhet se “të drejtë për tu zgjedhur edhe për kryetar komune ka çdo shtetas i Maqedonisë nëse nuk është i dënuar me vendim të plotfuqishëm gjyqësor me burg pa kusht mbi 6 muaj”.

Osmani pas këtij vendimi të Komisionit Komunal Zgjedhor ka paraqitur ankesën e tij deri tek gjykata administrative e cila në afat prej 24 orëve duhet të prononcohet rreth këtij vendimi të Komisionit. Ai ka thënë se i plotëson të gjitha kushtet për qenë kandidat zyrtar, pasi që dënimi i tij politik është anuluar me miratimin e Ligjit për amnisti të sjellë më 05.02.1999, me të cilin lirohet nga burgu. Gjykata administrative në afat prej 24 orëve duhet të prononcohet rreth ankesës së Rufi Osmanit, ish-kryetarit të Gostivarit, i cili në vitin 1997 ishte dënuar me 13 vjet e 8 muaj burg për shkak të refuzimit të tij për të hequr flamurin kombëtar nga komuna e Gostivarit. (INA)

[Alex731]

Kote e kane se si zore do arine ate qe deshirojne.

[Nuri Bajrami]

NJOFTIM - REAGIM

Përskaj të gjitha premtimeve dhe demagogjisë institucionale dhe politike nga ana e faktorëve relevant të vendit dhe përskaj rekomadimeve dhe sugjerimeve serioze nga ana e faktorëve diplomatikë të akredituar në Maqedoni, për zgjedhje fer dhe demokratike, në Gostivar tani më që në fillim të këtij procesi, nga ana e Komisionit Komunal Zgjedhor, ndodhi shkelja më flagrante institucionale e rregullave juridike për kandidim për zgjedhjet lokale të Marsit 2009.
Komisioni Komunal Zgjedhor në Gostivar në mledhjen e mbajtur më 11.02.2009 në përbërje: Berat Abazi – kryetar, Sofija Janevska – nënkryetare, Zhivko Stepanovski, Fadil Asani dhe Liljana Josifoska – anëtarë, duke u thirrur në nenin 7 paragrafi 2 alineja 4 të Kodit Zgjedhor (Gazeta Zyrtare e RM nr.40/06), solli aktvendim me të cilin hidhet poshtë lista për kandidat për kryetar të komunës së Gostivarit të parashtruar nga grupi i zgjedhësve, më të cilën kandidat i mundshëm për kryetar komune propozohet Prof.Dr.Rufi Osmani, profesor universitar me NVAQ 200896473017.
Në nenin 7 paragrafi 2 alineja 4 të Kodit Zgjedhor në mënyre shprehimore thuhet: të drejtë për t`u zgjedhur deputet, anëtarë këshilli dhe kryetar komune ka çdo qytetar i Republikës së Maqedonisë nëse: i ka mbushur 18 vjet, posedon aftësi veprimi, nuk gjendet në vuajtje të dënimit me burg për vepër të kryer penale dhe nëse me vendim të plotëfuqishëm gjyqësor nuk i është shqiptuar dënim aktual me burg, në kohëzgjatje prej së paku 6 muajsh.
Kandidati i mundshëm për kryetar të komunës së Gostivarit Prof.Dr.Rufi Osmani i plotëson të gjitha kushtet që i kërkon neni 7 paragrafi 2 alineja 4 të Kodit Zgjedhor, pasi nga Gjykata Themelore në Gostivar më 16.09.1997 ka qenë i dënuar me burg për veprim politik, të cilin dënim e ka vuajtur deri në miratimin e Ligjit për amnesti të sjellur më 05.02.1999, me të cilin lirohet nga burgu, ndërsa sipas nenit 113 të Kodit Penal janë fshirë edhe pasojat juridike të dënimit.
Prej asaj kohe kanë kaluar 12 vite kështu ndaj kandidatit të mundshëm për kryetar të komunës së Gostivarit Prof.Dr.Rufi Osmani, nuk është ngritur asnjë procedurë tjetër gjyqësore dhe as që ka ndonjë akt juridik akuzues apo dënues që është aktualisht në fuqi.
Sa i përket zotësisë së veprimit përveç zotësisë standarde ai posedon edhe zotësinë shkencore dhe akademike të veprimit, pasi ushtroni punën e profesorit universitar pranë UEJL në Tetovë..
Komisioni Komunal Zgjedhor në Gostivar në vendimin e datës 11.02.2009 i cili nuk i plotëson as rregullat elementare të formës dhe përmbajtjes juridike, bën një interpretim tendencioz dhe të shtrembëruar juridik të nenit 7 paragrafi 2 alineja 4 të Kodit Zgjedhor dhe me këtë bën të njohur faktin së është nën diktat të qartë politik.
Ndaj këtij vendimi të Komisionit Komunal Zgjedhor në Gostivar Grupi i Pavarur i zgjedhësve në mbështetje të kandidaturës së Prof.Dr.Rufi Osmanit ka ushtruar padi deri te Gjykata Administrative me seli në Shkup, e cila duhet të vendosë brenda 24 orëve dhe presim që të korigjojë këtë shkelje flagrante juridike të komisionit në fjalë.
Se organet zgjedhore nuk janë të pavarura në punën e tyre dëshmon edhe fakti që sipas Kodit Zgjedhor Komisionet Komunale zgjidhen në përbërje dhe mandat prej katë vitesh ndërsa që prej vitit 2006 e deri tani përbërja e Komisionit Komunal Zgjedhor në Gostivar ka pësuar tre herë ndryshime.
Jemi të indinjuar thellë nga këto veprime të ulta dhe të gabueshme institucionale të organeve zgjedhore që nuk çojnë drejt zgjedhjeve të lira dhe demokratike, andaj apelojmë deri te të gjithë faktorët relevantë që të ndërhyjnë në parandalimin e këtyre veprimeve antiligjore dhe antinjerëzore, se kjo nuk shkon në dobi të askujt.

12. 02 . 2009 Gostivar
Nga Grupi i zgjedhësve në mbështetje të kandidaturës së pavaur të Prof.Dr. Rufi Osmanit për kryetar komune në Gostivar