Shtohen zërat për dorëheqjen e kryesisë së PS

[kurkushi]

Fitore të përhershme nuk ka.Nano shkaktar për humbjen por edhe për fitoret e mëparme.
Kur s`kishte kampionat politik(shumë ekipa politike)por ishte vetëm një skuadër që luante për ne dhe vedin,ajo nuk humbiste kurrë.Kampionatin shtetëror(sistemin shumëpartiak) e deshëm të gjithë ,tani duhet pritur edhe ndryshimet në kreun e tabelës,ose ai që dëshiron të rrijë gjithnjë lartë,(si REAL MADRIDI p.sh)duhet të aftësohet por edhe të paguajë më së shumti(me punën dhe angazhimin e vet)

[Albo]

Anetaresia e PS: Te largohet Nano

E Merkure, 27 Korrik 2005
Anetaresia e Partise Socialiste te Krujes ka reaguar mjaft ashper ndaj fajesimit qe po i behet bazes socialiste per humbjen e zgjedhjeve te 3 korrikut, duke hedhur poshte cdo lloj akuze ndaj saj. Ne nje leter te firmosur nga rreth 212 anetare socialiste, kerkohet doreheqja e Kryeministrit dhe Kryetarit te PS-se, Fatos Nano, doreheqja e Kryesise socialiste, berja e Kongresit te Jashtezakonshem, deklarimi i zgjedhjeve te reja e te lira ne te gjithe bazes e PS si dhe ribashkimi i se majtes.

"Duke hedhur poshte me neveri cdo akuze ndaj bazes, ne kerkojme llogari nga udheheqja per kthimin ne pushtet te Sali Berishes. Cdo te behet tani me socialistet e thjeshte nga Vermoshi ne Konispol? Kete llogari ta japin para popullit ata qe bejne pushime pasi nuk mbrojten dot voten tone, jo ne qe dhame voten dhe nuk kemi mundesi ekonomike per te bere asnje dite pushime", nenvizohet ne letren drejtuar Kryesise se selise roze. Sipas socialisteve te Krujes, masakra e filluar me votat e te majtes nga percarja dhe kulti i individit gjate fushates zgjedhore, po vazhdon me pazaret imorale te Lufter Xhuvelit dhe Paskal Milos. "Analizat nga poshte-lart jane trupi i atyre qe po i pergatisin! Ne kerkojme pergjegjesine nga lart-poshte", perfundon letra.

Pak dite me pare, ishin socialistet e Mamurrasit dhe Kurbinit ata qe kerkuan mbajtjen e Kongresit te Jashtezakonshem te PS-se, per te analizuar humbjen e 3 korrikut. Keshilli Zonal i Partise Socialiste ne Mamurras (Kurbin) shprehte keqardhjen e tij per humbjen e zgjedhjeve parlamentare te veres, me nje peticion drejtuar Kryesise se selise roze. Sipas tyre, PS humbi zgjedhjet per faktin se votat e se majtes u shperndane pa inventar dhe askush nuk mori pergjegjesine politike per administrimin e tyre.

"Ndjehemi te braktisur nga qendra dhe te fyer nga perpjekjet e ndonje kuadri per ta lene fajin e humbjes tek baza e partise. Baza e dha voten, kurse qendra e humbi ate rruges me papergjegjshmeri. Ne bejme thirrje per te dale nga kjo humbje e turpshme qe penalizon 500 mije socialiste ne te gjithe Shqiperine", thuhet ne peticionin drejtuar Kryesise se PS-se. Nga ana tjeter, Keshilli Zonal i PS se Mamurrasit dhe Kurbinit kerkon thirrjen e Keshillit te Pergjithshem Drejtues dhe Kongresit te Jashtezakonshem te PS, per te bere zgjedhje te reja me parimin "nje anetar nje vote", duke filluar nga kryetari.

Korrieri

[Brari]

Pse humbi PS ne Durres e Tirane?
E Merkure, 27 Korrik 2005
Nga Blendi Fevziu

Nese humbja e socialisteve ne Shqiperi ka nje dimension shokues, ai reduktohet, ose me mire te thuhet, perqendrohet i gjithi ne rezultatin e pellgut Tirane- Durres. Sipas nje llogarie te pare, diferenca midis dy forcave politike ne Tirane eshte 12 mije vota, ndersa ajo ne Durres afro 11 mije vota. Te dyja bashke bejne 23 mije vota, ose rezultati me i thelle zgjedhor qe regjistrojne 10 vitet e fundit. Po si shpjegohet nje perftim i tille dhe cila eshte arsyeja qe socialistet mberriten deri ketu?

Ne te vertete, kur shtron kete pyetje, nuk ke se si te mos jesh dakort se me shume se sa nje arsye vetme, kane qene nje grup arsyesh qe e kane cuar forcen kryesore politike ne vend, ne nje humbese te madhe. Nese perjashton faktin se ne zgjedhjet paraardhese ka pasur mjaft dyshime per vjedhje te votave; arsyet baze te humbjes jane se paku pese:

E para, dhe kryesorja eshte arsyeja qe lidhet me zhvillimet e brendshme te PS ne 4 vitet e fundit. Krijimi i nje klime mosbesimi, krizat qe kaloi partia roze qe nga 2001 dhe sidomos carja e pare e saj pas 15 vitesh, qe u reflektua ndjeshem me krijimin e nje force te re, LSI.

Ndryshe nga katervjecari i pare i saj, kur arritjet qene te dukshme dhe kur PS qe ne menyre evidente nje force qe ngjallte shprese, kater vitet e ketij mandati me shume se sa vite pune, qene vite akuzash reciproke, vite denoncimesh brenda tyre, qe perfitonin jo rralle deklarata si: regjim fashist; Kryeminister i inkriminuar; Kryeminister mafioz; pastrim parash, kontrabande droge qe vinin jo nga goja e opozites, por ne rradhe te pare dhe kryesisht nga vete protagonistet e partise roze.

Si per ta bere edhe me problematike gjenden e tyre, konkurenti, lideri i opozites Berisha, qe nga viti 2001 shpalosi nje imazh te ri dhe te ndryshem. Ne 2001 ai lancoi "Fillimin e Ri", qe nga janari i 2002 u largua perfundimisht nga rruga per ta shnderruar betejen e tij ne nje beteje institucionale ne Parlament, filloi te denonconte korrupsionin dhe perfitoi ndjeshem nga mbeshtetja mediatike. Mbeshtetje qe filloi te reflektonte gjithe ndjesine e pergjithshme per ndryshim.

E dyta, eshte "faktori LSI". Nje parti e re, e dale nga PS sa per proteste ndaj menyres se si Nano po drejtonte partine dhe qeverine socialiste, aq edhe per hir te nje parimi moral: parim, sipas te cilit, nje parti nuk mund te nderroje as profilin dhe as filozofine e saj sipas orekseve momentale te Kryetarit. Ne te vertete faktori LSI qe determinues ne zgjedhje. Vetem ne Tirane kjo force politike grumbulloi 21 mije vota, duke u bere ne nje fare menyre shkaterruesja reale e PS.

LSI, ndryshe nga sa mendonin lideret e PS, rezultoi tejet e forte dhe nje faktor real ne qytete. Madje, pikerisht ne ate qe mund te quhet pellgu me i qyteteruar i Shqiperise, ajo ishte me e forte se kudo tjeter. Duke deshmuar se i kishte marre PS disa nga pjeset me qytetare dhe intelektuale te saj. Por misioni i LSI nuk ishte vetem ky. Ne te vertete, vota ndaj LSI ishte publikisht dhe hapur nje vote kunder Nanos dhe cdo njeri qe ka votuar per

Meten, ka qene mese koshient per kete. LSI, qe mbi te gjitha partia qe i priu moralisht fushates, qe forca qe certifikoi akuzat e vjetra te opozites dhe i'u dha atyre besueshmerine e nevojshme. Ajo e ndezi klimen politike me shume se 8 muaj para, duke arritur nje rezultat spektakolar, me pozitivin qe nje force e trete ka arritur ne 15 vite te pluralizmit

shqiptar.

Arsyeja e trete dhe shume e rendesishme eshte ajo qe lidhet me Modelin e gabuar politik qe Nano, ne emer te PS, po i ofronte Shqiperise. Ngritja e mitit te politikanit qe vjen nga biznesi, perzjerja e interesave te biznesmeneve me interesat politike, neperkembja dhe perbuzja ndaj kontribuesve te thjeshte politike, qe jane edhe shpirti real i nje partie, krijuan nje model te ri, qe veshtire se do te mirepritej ne publik. Me nje stil miop, Nano krijoi nje model hibrid politikani, nje lloj bizno-politikani, tek i cili nuk kuptohej se ku perfundonin interesat e tij personale dhe ku fillonte mbrojtja e interesave te shoqerise. Ky model i percudnuar, qe u ofrua si nje gjetje tipike dhe e suksesshme shqiptare, nuk mund te kishte nje perfitim te ngjashem.

Ne te gjithe boten, e kryesisht ne Europen e civilizuar, profesioni i politikanit eshte sa i veshtire, aq edhe problematik. Ai te jep mundesine qe te jesh ne drejtimin e nje shoqerie, por te privon absolutisht nga shume kenaqesi te tjera te vogla te jetes. Politikani i sherben te tjereve, por ne Shqiperi ai u perceptua si nje sherbetor i vetvetes, familjes apo ortakeve te tij. Ne ballafaqimin me kete model te ri, militantet e vjeter dhe shpesh te varfer te partive, e sidomos te PS-se, u duken mjerane. Ata nuk kishin as sharmin, as veturat luksoze, nuk shpenzonin miliona neper restorante; nuk i benin komplimenta familjes se Kryeministrit, nuk flisnin me fjale anglisht aty- ketu dhe mbi te gjitha, nuk mund te paguanin as udhetimet e Nanos dhe as tekat e tij prej adoleshenti.

Kjo i bente ata mjerane dhe te pavlefshem; kjo i la ata me dhimbje jashte politikes, dhe vete PS-ne pa kontigjentin e saj jetik. Shume prej tyre u ndjene edhe me te trishtuar kur pane se si qytetet e tyre rane krejt nen kontrollin e mafias, kur grupime problematike filluan te kishin tashme pushtet legal politik, sipas modelit te Italise se Jugut te fillim viteve '50- te dhe kur asnje nga vlerat qytetare nuk konsiderohej me vlere.

Arsyeja e katert dhe nje lloj rrjedhoje e se tretes eshte ajo qe ka lidhje me korrupsionin. Krijimi gati i mitit te tij, quajtja aftesi e kesaj vetie te denueshme dhe mbi te gjitha admirimi i hajdutit si nje njeri qe di te jete i kohes, krijuan neveritjen e pjeses me te madhe te popullsise qytetare ne Shqiperi. Kundervenia e modelit autoritar qe Berisha kishte ofruar ne vitet 1992- 1996 dhe mbi te gjitha roli i tij ne ngjarjet e 1997-es, nuk munden ta zbehin shijen e keqe te korrupsionit te strukturave te PS-se. Pikerisht mbi kete baze u mbeshtet Berisha dhe kjo ka qene gjetja qe e coi ate ne fitore. Nje fitore, ne rradhe te pare, jo vetem e partise se tij, por e qytetarise shqiptare.

Arsyeja e fundit dhe padyshim decizive, nje lloj arsyeje qe permbledh ne vetevete te gjitha keto, ishte vota anti-Nano. Me shume se sa nje vote kunder PS dhe pro PD, me shume se sa nje vote pro Berishes, kjo ka qene nje vote decizive anti-Nano. Nuk ka qene vote ndaj nje personi, por ndaj nje modeli, modelit qe ky misheronte. Modelit te nje politikani te papergjegjshem, nje versioni jetik te Piter Panit, bacil vesesh nga me absurdet, te nje qytetari te deqytetarizuar; te pengut te nje jete luksoze ala sheikesh dhe mbi te gjithe, percmuesit te militanteve te thjeshte, njerezve qe ne shume vite e kishin adhuruar, kishin luftuar per lirimin e tij nga burgu, apo per krijimin e pozitave me te mira ne parti.

Shume vite me pare, Nano kishte degjuar per nje fjali qe Presidenti Miteran i kishte thene delfinit te tij te ri ne momentin qe po hynte ne politike, njeriut me te pasur te Frances, Bernard Tapi: Tani qe hyre ne politike, duhet te heqesh dore nga jahtet dhe veturat e luksit! Tapi nuk e kuptoi dhe nuk e beri kete. Nga njeriu me i pasur i Frances, ai perfundoi ne burg, ngeli nje borxhli i varfer dhe i punesuar ne nje teater amator. Karrieren politike e humbi, si edhe pasurine e tij, per nje fakt te thjeshte, se nuk dinte te ndante biznesmenin nga politikani. Edhe pse, luksi dhe arroganca e tij, vinin nga parate qe kishte fituar vete.

Nano desh te bente po kete gje, por duke perdorur me te njejtin stil nje shtet te tere. Ai duhet t'i harroje vitet e tij prej sheiku, nese do, qe pas kesaj te mbetet serish ne politike.

Blendi Fevziu i Korrierit

[ALBA]

REKORDET E NANOS DHE THIRRJET E EDI RAMES

Nga Mehmet Meta

Ne disa shfaqje ne media, para zgjedhjeve Nano mbeti duke e perseritur dhjetra here rikordet "record-et ) e veta " ?!!), alias qe jane me e mira se ato te te tjereve "?!), sikur te fliste si nje njeri qe flet vetem per veten e tij dhe jo per vendin dhe pa asnje shenje ndjese sikur cdo gje ka shkuar ne vaj dhe vendi ka arritur prosperitet te madh me Nanon e Co. Te gjithe e dime tashme se Nano nuk ka te drejte morale te kerkoj riciklim dhe rimandatim te tij, dhe aq me pak s'ka te drejte fare te permend rikordet e tij se dhe ato jane edhe me te zeza vetem me nje ndryshim se Nanua si njeri qe s'di vet te bej asgje "kush ka qene ai profesionist para viteve '90 e dine mire koleget e tij...) vecse te sillet si Robert Camcakizi sic tha Edi Rama, neper kantjer dhe kohet e fundit pasi e beri katraure PS-ne po sillet dhe neper bote neper pikat turistike me te shtrenjta te botes dhe pasi kthehet qe andej leshon dhe brockullen e radhes si ajo e zhvillimit te turizmit si ne Las-Vegas " nje e folur kjo si e nje profani ne konceptet e zhvillimit te vendit-?!) pale'kur tha se ne jemi i vetmi vend si asnje vend ne Evrope me det " harron se Mesdheu eshte ne Evrope - ?!).

* * *

Po nuk dua te hyj ne analizen e rikordeve te Nanos se duke e lakuar shume ate ai po behet hero, sic nisi te "behet" i tille pas burgut te Bences por vetem t'i sjellim ne kujtese atij dhe gjithe opinionit disa rikorde te tij qe jane per te mos u harruar dhe te tjerat le t'ja leme asaj qe vjen pas se atij sic ka deponuar dhe vet prapa i vjen historia !

1. Ne Zvicer ne vitin 1991 Nanua leshoi brockullen e pare te radhes se gjate qe do te pasonte, qe kur e pyeten ne nje "mjedis intim" apo diku i bere cakerrqejf, pas disa ecejakeve rrumpalle ne perendim, se c'mendonte per ish-diktatorin tha se "cdo komb e ka nje babe"-d.m.th. ne kemi Enverin !

2. Premtimi i kthimit te parave ne Vlore dhe moskokecarja per kthimin e tyre edhe pas dy mandatesh?!

3. Ikja dhe strukja ne Maqedoni ne 1998-en dhe lenja ne meshire te fatit e vendit te tij, rast unikal ky ne gjithe historine tone qeverisese.

4. Katarsisi fals dhe akuzat ndaj Bacit dhe Nacit qe sot i ka ministra apo talljet dhe batutat ne KPD dhe "cirku/estrada" me liliput si Baci e Naci dhe "rehabilitimi" dhe perdorimi i tyre dhe i gjithe sejmeneve/yesmen-eve pa personalitet dhe nje duzine te paditurish apo liliputesh e mediokrish qe Nano "u vjen per shtat" ose atij i duhen te tille qe ai te sillet si kopuk apo cub-pulash.!

5. "Lajthitjet" e herepashereshme duke frekuentuar kazinote e botes edhe kur vendi ka qene ne zgrip apo dite zie kombetare dhe krekosja si cub para publikut sikur punet te shkonin si ne vaj kur ende po shtohet njerezit qe marrin ushqime me lista " ?!)!

6. Akraballeqet e panumerta, si rrukullisja me benz ne Tepelene i vetem "?!) marrja e dhuratave si ne kohen e Haxhi Qamilit, mossqarimi i skandalit te Shkallnuerit dhe nga ana tjeter flasim per shtet dhe aspirojme per tu antaresuar ne BE -?!

7. Sjellja si kapo apo padron ne PS, duke keqperdorur domeinin e vjeter te kesaje partie, dhe sidomos KPD-te dhe kongresmenet e tij sidomos ne ate te fundit dhe lidhjet e dyshimta me njerez te rendomte dhe kjo duket ashiqare dhe ne spotin elektoral ku thuhet "Fatos Nano dhe Partia Socialiste..." "?!).

8. Asnje zhvillim i qenesishem gjate drejtimit te qeverise prej tij, vetem llafollogji, lenje e njerezve erxhele', dhe hedhje tymnaje por jo pak, por qe po mbushen rreth 10-vjet qe ky njeri ka qenene krye te qeverise dhe besoj se askush nuk mund te numeroje nje arritje te tij neser!

9. Asnje analize me kembe ne toke per realizimin e treguesve te strategjive-baze te zhvillimit te vendit, ku te evidentohen shtyllat kryesore te daljes nga ky impas dhe varferia, si per strategjine e zbutjes se varferise ose sc quhet ndryshe strategjia e zhvillimit ekonomiko-social, zhvillimin rural etj.

10. Perdorja e Amerikes si kishe per tu falur sa here qe ka nevoje justifikimi te amullise dhe stanjacionit ekonomik dhe social te vendit, sic leshoj dhe brockullen me te fundit kur that se "u bera mik me shefin e CIA-s, Porter Goss "?!) nje sjellje demode kjo qe "s'e ha' asnjeri packa se Amerika ben sikur s'degjon e s'shikon kur te gjitha i di me mire se ne se c'po ndodh ne kete vend ?!!.

* * *

Dhe ec e degjoje pastaj Edi Ramen kur ben thirrje patetike, pasi deklamoi se "PS-ja na qenka kapitali me i cmuar i ketij vendi" dhe se "ne duhet te shkojme ne kishe packa se s'na pelqen prifti", kur PS-ja nuk ka qene asnjehere e tille, ndonese ne kohen e PD-se ajo u masakrua dhe ku u "martirizua" dhe padrejtesisht u be "hero" dhe kryetari i saj aspak i tille, ku ka prifterinj, hoxhallare por dhe bakallare qe sot drejtojne kete parti duke keqperdorur domainin e vjeter dhe hijen e PP-se dhe e dyta kete kishe nuk shkohet me se e shohim te gjithe qe ate po e pshurr " kryeprifti " i saj cdo dite i hipur ne minare dhe nje kishe e tille s'mund te frekuentohet me dhe s'mund te sjelle asnji te mire vendit dhe ketij populli qe pret ndyshime !

Dhe meqe vendit tone sot, pas 15 vjetesh hallakatje, i duhet nje vigan liberator na del si shpetimtar dhe bie viktim si kanarina e kapur rob nga mbreteria e bufave dhe Edi Rama, i strukur pas kaq pompozitetesh ne PS-?! Z. Rama tenton shpesh te luaj rolin e Hamletit Shekspirian me sentencat e tij stereotipe "Kjo bote u shthur, o prapesi, o djall, o dreq, qe une paskam lindur te te ndreq", qe i shkon per shtat dhe percaktimi i Shekspirit per Jul Qezarin tek ditirambi panegjirik per te i liberatorit revolucionar, apo tek Princi i Makiavelit qe eshte njeheresh "dhelper dhe luan".

Sjellje te tilla perballe asaje qe po ndodh me drejtimin e vendit sot i ngjan pse jo dhe hosanarave panegjirike Soloniane, glorifikimi deri ne ekstaze i absolutizmit shteteror, lindja dhe zhvillimi pakufij i fetisheve, hyjnizimi i kultit te njeshit, mistifikimi i te vertetave historike, qe perbejne tek ne edhe sot e gjithe diten frymen e ritualit te vjeter te substratit-gjiriz, mbi te cilin leshojne rrenje dhe harlisen per bukuri te gjitha llojet e gjembaceve dhe hithrave prej nga do te mund te ushqehen te gjitha segmentet e turbullirave te llahtarshme shoqerore.

Prandaj dhe perendimoret kane mesuar nga pesimet e histroise se tyre dhe s'i lene me te bejne xhap monstruoze te tille qofte edhe ne permasa te vogla te vesit te vjeter paranojak.

Por me sa duket Z. Edi ka hedhur vertete idene e ndryshimit dhe rreket te ndryshoje edhe PS-ne e Nanos por s'ka ndryshuar dot vete, duke patur frike nga PD-ja kur s'ka perse te kemi frike nga PD-ja kur ka LSI?!

Le te shpresojme qe kete radhe te kemi nje rikonfigurim politik me ne krye partite e reja te majta per te shpetuar ky vend nga kthetrat e batakcijve dhe te nisim edhe ne me ne fund ndonese shume te vonuar si gjithmone, rrugen e mbare drejte zhvillimit e te hdhim tej varferine tone shekullore dhe perdhosjen pas 15-vjetesh pothuaj anarkie pervec puneve te terthorta invazionit fiskal dhe korrupsionit dhe prostitucionit qe kan arritur kulmin e lulezimit.

A nuk jnae keto deshmi bindese qe Nano deshmoi ketij vendi qe s'di te bej asgje ! Por perseri le te shohim si do gjykoj ky popull kete radhe, se ka dhe LSI qe mendoj se eshte ndoshta nje shprese me shume ne arenen politike per te sheshuar kete tollovi "socialiste". Dhe dihet tashme zgjidhja qe presim te gjithe pas kaq vjetesh hallakatje ate qe ky popull te kuptoje se s'shkohet me as me ujkun as me cakallin, por te gjejme edhe ne shqiptaret rrugen e zhvillimit me njerez qe kan dhene prova pune, dinjiteti dhe luajaliteti, ku jeni dhe ju Z. Rama ku dhente zoti te gjitha partite e majta me LSI ne krye te fitojne zgjedhjet dhe ku PS-ja te "struket" dhe nxjerre pergjegjesine. Por kujdes! Diktatoret, pasi veteshpallen zoter te gjithepushtetshem, te tokes dhe qiellit, duke marre kesisoj atributet e nje "Magjister Populli" nxitojne pastaj per te zgjedhur "Magister Equintum-in" e radhes. E kush do te mund te deshmonte qe Neroni dogji me duart e tij qofte edhe nje shtepi te vetme nga Roma e tij e adhuruar?!

[Breshka]

E dini o miq, me thene te drejten mua nuk me intereson fare se cthote "baza" e ps.
"Baza" e ps, per mua jane ish komunist, ish bij komunistesh, ose niper te ish komunisteve, qe urrejne lirine dhe mirqenjen e bashkeqytetarve te tyre.
Shikoni sa bukur duket ne peticionet e tyre: te hikesh ti Nano qe na solle te keqen me te madhe qe mund te egzistoj, Berishen!
E kuptoni or miq sa e "thelle" eshte analiza e tyre....!!!! prandaj nuk me duhet se si i hane kokat e njeri tjetrit.... per mua kushdo koke qe te vij nga ajo parti, eshte koke gjarperi.
Per hire te vuajtjeve, per hire te urise, per hire te varfarise, per hire te torturave/vrasjeve/perdhunimeve 45 vjecare, per hire te MORALIT, ajo parti nuk duhet te egzistonte.... keshtu qe kush militon aty ose drejton aty... ka dicka te keqe ne zemer.....,
dhe Nano nuk eshte e keqja me e madhe, e keqja me e madhe jane pioneret e rinj qe paraqiten me fytyre perendimore, ruhuni prej tyre....
Persa i perket, se pse humbi ne Tirane e Durres, une them se gjithmone ka humbur,por votat jane vjedhur e dhunuar. Kete rradhe u ruajten me mire dhe me shume njerez votuan.
Tirana dhe Durresi jane perparimi, zhvillimi , kultura e toleranca shqiptare.... dhe vertete jame shume krenar qe ato jane BLU.

[RTP]

Data: 27/07/2005, ora

Dokle shkarkon Nanon, mbledh sot qeverinë



Njerëzit anti-Nano brenda mazhorancës po shkojnë me shpejtësi drejt një përplasjeje pushteti që i ngjan grushtit të shtetit. Namik Dokle tenton sot të mbledhë kryesinë për të treguar se është në krye të detyrës


Dokle shkarkon Nanon, mbledh sot qeverinë



Njerëzit anti-Nano brenda mazhorancës po shkojnë me shpejtësi drejt një përplasjeje pushteti që i ngjan grushtit të shtetit. Namik Dokle tenton sot të mbledhë kryesinë për të treguar se është në krye të detyrës e se po bashkon rreth vetes shumicën e socialistëve, por gjysma e ministrave, si dhe zyra e shtypit e qeverisë, ka refuzuar t'i bindet thirrjes së zëvendëskryeministrit



Zëvendëskryeministri Namik Dokle nuk ka ndërmend të rrijë jashtë lojës së fortë për pushtet që po luhet pas kuintave të opozitës së re socialiste. I vlerësuar fort si një njeri i afërt me grupin e pedagogëve të shkencave të natyrës; me Gjinushin e me Meidanin, por edhe më vonë, me të tjerë konkurrentë të kryeministrit Nano, e po aq herë rreshtuar edhe tek besnikët e tij, sot, Namik Dokle do të luajë një karikaturë të grushtit të shtetit, teksa do të synojë të mbledhë të gjithë ministrat që janë të disponueshëm për momentin. Nëpërmjet njerëzve pranë tij, Dokle po kërkon të realizojë me urgjencë një mbledhje të Këshillit të Ministrave, edhe pse duket se zëvendëskryeministri nuk e ka një tagër të tillë, në rast se mbledhja nuk është e radhës (e planifikuar prej vetë kryeministrit). Të njëjtat burime të besueshme bëjnë të ditur se Dokle po synon ta mediatizojë së tepërmi lëvizjen, jo vetëm për t'u ngjitur në nivelin e konkurrentëve për të drejtuar PS-në "në mënyrë konsensuale", por edhe për të dhënë një njoftim se, në fakt, qeveri ka dhe se atë po e drejton kryeministri "de facto", Namik Dokle. Njoftimi ka shkaktuar një tollovi qeveritare edhe në zyrën e shtypit të kryeministrit, meqë ajo nuk ka punuar që prej datës 19 korrik, kur Nano, në intermexon e tij të pushimeve, priti përfaqësuesen e re të FMN-së në Shqipëri. Asnjëri prej pjesëtarëve të saj nuk i është bindur urdhrit të Namik Dokles, por kjo s'e ndal ish-kryeredaktorin e gazetës "Puna" e më vonë, agjitatorin e Ramiz Alisë, që t'i mëshojë idesë për t'u paraqitur së fundmi si përbashkuesi i të gjithë armiqve të Nanos në Partinë Socialiste. Vendimi për të mbledhur në mënyrë të njëanshme qeverinë e mundësisht, edhe për të artikuluar ndonjë kunj për kryeministrin "në detyrë", është kundërshtuar nga një sërë ministrash, të cilët e paralajmëruan dje Namik Doklen të mos luante karshillëkun në një moment të tillë për Partinë Socialiste, që do të rrënonte edhe më tej imazhin e saj, por edhe do të shkatërronte karrierën politike të ndonjë ministri që do të përfshihet aktualisht, në një fushatë të re elektorale. Vetë Dokle mësohet se do të kërkojë nga ministrat, kryesisht nga njerëzit e Gramoz Ruçit, implementimin e disa skemave në universitetet shqiptare, i fundit zullum i një kabineti që s'ka për të patur, në fakt, ndonjë efekt prapaveprues, meqë ai do të anulohet menjëherë, sapo të ngrihet kabineti i ri, në dhjetëditëshin e dytë të gushtit.

[Era1]

Tani do filloje shqyerja brenda llojit.

Eshte si puna e hienave qe rrine ne grupe por kur vjen puna qe duhet te hane copen e fundit te kermes qe kane gjetur , e shqyejne njera tjetren.
Por mos u shqetesoni se edhe hienat e han njera-tjetren por ku ju ikin plaget dhe duhet te shkojne ne gjyeti kermash te tjera harrojne qe jane shqyer midis tyre.

[Dr Rieux]

Nga shifrat e zgjedhjeve disa gjera shihen qarte

• vota kunder PS (kupto Nanos) ne metropolin e boshtin Tirane-Durres
• ne minimalisht 12 zona kanidatet e LSI moren 2-3% me teper se sa ishte avantazhi i kandidatit te PD-se mbi PS-ne. Ketyre 12 zonave mund ti shohet dhe nje zone (me duket e Pezes) ku ishte AD-ja qe i beri dem PS-se
• ne proporcional mbizoteron nje barazi ndermjet dy kraheve 46% - 46%, duke mos llogaritur 4% e PBDNJ-se ne ndonjerin krah.

A do te shkonte ai 8.4% i LSI-se per PS-ne ne rast mosndarjeje apo qofte dhe bashkepunimi parazgjedhor i tipit PD-PR? Apo ishte kryesisht nje vote anti-Nano dhe ne rast bashkepunimi ky elektorat do te rridhte neper parti te tjera ose do abstenonte? Veshtire ta thuash me siguri, por mendoj se ne masen derrmuese do te shkonte per PS-ne dhe sikur vetem 8 nga ato 12 zona te permendura me siper to nderronin ngjyra nga blu ne te kuqe, raporti 55-41 permbysej ne 47-49.

Si perfundim, nderkohe qe PS-ja dhe vecanerisht Nano kane kryer harakiri duke mos pranuar asnje lloj leshimi, Berisha dhe PD-ja kane luajtur shume mire politikisht duke kthyer nje situate te barazuar ne fitore te paster numerike. Kesisoj Berishes ju dha dhe nje shans i dyte (dhe sigurisht i fundit ne rast deshtimi) per te realizuar qofte dhe gjysmat e premtimeve zgjedhore.

[Albo]

Dr Rieux, mos bej te njejtin gabim qe ben edhe "aritmetika" e Rucit dhe Gjinushit. Keta te dy po numerojne vota dhe perqindje, harrojne qe ne keto zgjedhje nuk shikohen votat apo perqindjet, pasi nuk ishin zgjedhje as te drejta dhe as demokratike.

Zgjedhjet e 3 korrikut ishin testi per te pare nese Shqiperia do te dilte nga qarku i manipulimeve te hapura ne dite me diell, dhe per te pare se kush nga dy rivalet, Berisha apo Nano gezon mbeshtetjen e shqipareve, dhe cili prej tyre eshte burimi i krizes ne vend, asaj krize qe te gjithe te brendshmit dhe te jashtmit e analizojne dhe marrin me mend, por vetem shqiptaret i vene vulen me siguri me votat e tyre.

Arsyeja perse nuk mund te behet "aritmetika e shifrave" edhe kesaj rradhe eshte e thjeshte, procesi nuk ishte plotesisht demokratik dhe shqiptareve u duhej qe te votonin ne maxhoritar per nje parti dhe ne proporcional per nje parti tjeter, pasi PS eshte partia e Dushkut. Prandaj edhe procesi i votimit, numerimit dhe rezultati final eshte i pasakte dhe i deformuar.

Eshte detyra e PD qe te varrose Dushkun, te pastroje listat, te ndeshkoje me ligh ata qe manipulojne vota dhe te perfeksionoje procesin elektoral ne ate shkalle qe shqiptaret te mos rrine 1 muaj te presin te mesojne se kush fitoi.

Le te shpresojme se zgjedhjet e ardhshme do te jene te lira dhe demokratike dhe vetem atehere mund te diskutojme per rezultate te sakta dhe shifra.

Albo

[Dr Rieux]

Albo, jam dakord me ty qe keto zgjedhje, qysh nga menyra se si u konceptuan fushatat (sidomos ajo e PS-se), ishin nje prove force se kush ishte me i pranueshem (ose ne varesi te kendveshtrimit, me pak i papranueshem) per shqiptaret, Nano apo Berisha. Me aktoret e sotem politike rezultoi se Berisha ishte me shpresedhenes se Nano dhe pike, dhe se shqiptareve i kishte ardhur ne maje te hundes me modelin e politikanit qe kthehet ne biznesmen milioner apo me trajtimin si nje turme qe kujtesen e ka te komanduar nga lart. Kete pamje nuk ka llogari qe e hedh poshte dhe kjo eshte fitorja e pare per shqiptaret.

Por une kam frike se shifrat, qe jane kokeforte ne kundershtim me deshirat tona, thone se nese Nano nuk do ishte bere aq mosperfilles dhe do te ishte perpjekur qe te kenaqte egot e klaneve te tjera brenda PS-se, pra LSI-se, rezultati do te ishte ne favor te PS-se. Ketu nuk po konsideroj as Edi Ramen, qe u injorua thuajse krejtesisht gjate fushates dhe qe sipas shifrave zyrtare ne tetor 2003 mori si kandidat 9% me teper vota se PS si subjekt. Ti a hedh poshte kete hipoteze, pra qe nqs PS-ja nuk do te ishte care, apo dhe me pas, ne rast se LSI-ja do te pranonte te bente rolin e PR-se dhe te luftonte vetem ne proporcional duke i falur mazhoritarin PS-se, atehere krahu i majte dhe me saktesisht PS+LSI+PSD do te kishte mbi 70 deputete ne parlament?

Une jam dakord qe PD hyri ne keto zgjedhje e pabarabarte si nga mbeshtetja financiare dhe ajo mediatike. Pati dizavantazhin e blerjes se votes nga kundershtari. Por pas nje katervjecari te paster zullumesh nga PS-ja une shpresoja ne nje fitore te paster te PD-se, qe ne skenen e sotme duhet te ishte +60 ne mazhoritar dhe minimalisht +5% ne proporcional, dhe jo nje fitore te dhuruar nga kryenecesia e Fatos Nanos apo Ilir Metes. Sidoqofte afermendsh, me mire nje fitore te tille se sa nje katervjecar tjeter me Nanon. Tani PD-ja dhe Berisha kane rastin te provojne dhe njehere se cfare dine te bejne dhe a kane mesuar nga gabimet e meparshme.

Me poshte ke 12 zona ku LSI ka marre dukshem me teper sesa avantazhi i PD mbi PS-ne. Kam lene jashte te pakten 4-5 zona te tjera ku diferenca (LSI - Avantazh) ishte nen 2%. Dhe nese e le menjane LSI-ne, sikur PS-ja te ishte marre vesh me PSD dhe PAD do kishte te pakten dy zona me teper, 47 dhe 50, ku PD-ja fitoi perkatesisht me 37% dhe 39%.
____________________________

Nga http://www.cec.org.al/2004/Zgjedheje...nKandidat.html

Zona 02: Av - 7.8%; LSI - 12.5% (Ridvan Hebaj)
Zona 09: Av - 1.1%; LSI - 12.1% (Pjerin Ndreu)
Zona 15: Av - 1.5%; LSI - 19.7% (Gjovalin Bushi)
Zona 34: Av - 3.6%; LSI - 17.0% (Monika Kryemadhi)
Zona 38: Av - 1.7%; LSI - 07.9% (Edmond Panariti)
Zona 40: Av - 7.2%; LSI - 11.7% (Sokol Nako)
Zona 47: Av - 6.3%; LSI - 9% (Roland Celmetaj); PSD - 19.8% (Alfred Sulaj)
Zona 50: Av - 1.8%; LSI - 9.2% (Ylli Thartori); PAD - 9.9% (Dashamir Peza)
Zona 62: Av - 3.2%; LSI - 24.8% (Spatak Braho)
Zona 63: Av - 2.5%; LSI - 5.9% (Vladimir Hajdari)
Zona 73: Av - 0.3%; LSI - 13.5% (Fatos Klosi)
Zona 74: Av - 10.8%; LSI - 16.2% (Eduard Bejko)
Zona 86: Av - 7.5%; LSI - 16.9% (Eduard Belegu)