Nje shkrim i fshire...

[Astrit77]

Dua t'i bej disa pyetje Livein dhe Astritit,

A ka ndonje vlere pagezimi ne uje (i jashtem) apo jo?
Nqs po, cfare vlere ka?
Nqs jo, perse praktikohej nga kisha e hershme?

Nqs dikush ka rilindur se brendshmi (ne fryme) dhe nuk deshiron te pagezohet ne uje sepse e konsideron te panevojshem, a eshte i drejte ne syte e Perendise ky person apo jo?

Vella Matrix!

Le te shikojme ne Bibel se cfare mesojme aty mbi pagezimin me uje dhe kur eshte bere ai. Si fillim pagezimi filloi me Gjon pagezorin, fjalet e para te tij ishin "Pendohuni sepse mbreteria e qiejve eshte afer!" Pra Gjon pagezori nuk filloi me fjalet "pagezohuni sepse mbreteria e qiejve eshte afer", por "pendohuni..." dhe njerezit qe pagezoheshin nga ai ne Jordan rrefenin mekatet dhe pastaj pagezoheshin. Duke filluar qe nga Gjoni e me tej ne Bibel gjithmone do te gjesh rastet e pagezimit te njerezve qe u penduan per mekatet e tyre dhe qe pranuan Krishtin si Zot. Madje edhe vete Gjoni dha deshmine per te duke thene "Ja Qengji i Perendise qe heq mekatin e botes."

Le te shkojme me tutje ne diten e Rreshajave, kur zbriti Fryma e Shenjte. Pas predikimit te pare te Pjetrit rreth 3000 mije veta ndjene peshen e mekatit ne zemren e tyre dhe bene pyetjen, Vep. 2:37 : Kur ata i dëgjuan këto gjëra, u pikëlluan në zemër dhe pyetën Pjetrin dhe apostujt: ''Vëllezër, ç'duhet të bëjmë?''. dhe Pjetri ju pergjigj atyre : ''Pendohuni dhe secili nga ju le të pagëzohet në emër të Jezu Krishtit për faljen e mëkateve, dhe ju do të merrni dhuratën e Frymës së Shenjtë. Sepse premtimi është për ju dhe për bijtë tuaj dhe për gjithë ata që janë larg, për ata që Zoti, Perëndia ynë, do t'i thërrasë''. dhe rezultati : Dhe me shumë fjalë të tjera u përbetohej dhe i nxiste, duke thënë: ''Shpëtoni veten nga ky brez i çoroditur!''. Dhe ata që e pranuan fjalën e tij me gëzim, u pagëzuan; atë ditë u shtuan rreth tre mijë veta.

Nga ky rast mesojme se e rendesishme eshte nje zemer e thyer e penduar para Perendise, dhe pasi ata e pranuan fjalen e Pjetrit me gezim, pastaj u pagezuan. Edhe njehere tjeter ne Bibel gjejme nje shembull tjeter sipas se ciles duhet te ecim ne. E rendesishme eshte t'u shpallim njerezve Jezusin dhe me pas vjen pagezimi me uje.

Po keshtu kemi edhe rastin e eunukut nga Etiopia. Filipi duke i shpjeguar shkrimin qe ai po lexonte i shpalli atij Jezusin, pra i tregoi per Shpetimtarin. Dhe eunuku qe sigurisht kishte degjuar mbi pagezimin kur arriten ne nje vend me uje pyeti : ''Ja uji! Çfarë më pengon të pagëzohem?''. Dhe Filipi kerkoi nga Eunuku konfirmimin e besimit : 37 Dhe Filipi tha: ''Nëse ti beson me gjithë zemër, mund ta bësh''. Dhe ai u përgjigj duke thënë: ''Unë besoj se Jezu Krishti është Biri i Perëndisë''.
38 Urdhëroi atëherë të ndalet karroca, dhe të dy, Filipi dhe eunuku, zbritën në ujë dhe ai e pagëzoi. Perseri kemi nje rast kur u pagezua dikush qe njohu dhe pranoi Jezusin si Zot e Shpetimtar, pra u pagezua nje i kthyer ne besim.

Tani le te vijme tek pyetja jote e pare : "A ka ndonje vlere pagezimi ne uji (i jashtem) apo jo?" Pagezimi me uje simbolizon ate cfare tashme ka ndodhur ne jeten e brendshme te personit, nese nje person eshte penduar dhe ka pranuar tashme Jezusin ai eshte nje krijese e re, ai eshte i vdekur per mekatin dhe i gjalle per Perendine dhe pagezimi eshte shpallje boterisht e besimit tek Jezusi, eshte rezultat i ndryshimit te brendshem. Por pagezimi nuk ka fuqi ne vetvete te ndryshoje nje person nga brenda, pagezimi vetem eshte nje dukje, shfaqje e ndryshimit te brendshem. Pagezimi eshte nje urdher nga vete Jezu Krishti dhe si i tille cdo besimtar duhet te pagezohet, ai eshte nje deshmi per boten se pesoni qe pagezohet i perket tashme Krishtit dhe simbolikisht ai vdes (zhytja ne uje) dhe ringjallet (dalja nga uji). Pra vlera e pagezimit vijme tek pyetja jote e dyte eshte ne ate qe ai eshte nje tjeter deshmi kunder botes dhe duke u pagezuar ne i bindemi urdherit te Zotit (gjithmone behet fjale per nje besimtar)

Pyetja jote e trete se perse pagezimi praktikohej nga kisha e hershme, besoj se tashme e ka marre pergjigjen me siper. Kisha po i bindej urdherit te Krishtit per te pagezuar besimtaret.

Ndersa persa i perket pyetjes se katert qe ti ben, une mendoj se cdo i rilindur nga lart duhet t'i bindet Perendise dhe te pagezohet ne kishen lokale. Une nuk e di ne se nje person i tille eshte i drejte perpara Perendise, sepse une nuk mund te shikoj zemren e tij, vetem Perendia shikon zemrat e njerezve dhe e di se cili eshte i drejte para Tij. Ne shikojme gjithmone sjelljen e personave dhe ne baze te sjelljes ne gjykojme, por Perendia qe sheh gjithshka ka gjykimin e drejte.

Shpresoj vella Matrix te jem pergjigjur pyetjeve te tua. Perendia eshte besnik dhe Ai di ti ruaje te vetet ne cdo kohe. Le te mos i largojme syte tane nga Ai per asnje moment dhe te vazhdojme te ecim mbi ujerat drejt Atij. Por edhe sikur te vazhdojme te fundosemi, Ai do te degjoje lutjet tona dhe do te na nxjerre perseri lart, ashtu sic nxori edhe Pjetrin.

[Seminarist]

1. Pagezimi i Gjonit, ishte pagezim i Pendeses, keshtu qe detyrimisht ai do te shoqerohej me Pendese.

2. Nqs neve do te bazoheshim ne rregullin e pagezimit ne ate se cfare Bibla na thote se si u pagezuan te rriturit, edhe ta bejme kete edhe me rrethprerjen, qe eshte pagezimi i Dhiates se Vjeter, atehere dalim ne perfundimin se rrethprerja qe ju be foshnjave eshte gabim, pasi Abrahami u rrethpre pasi besoi ne Perendine, pasi dha prova.



Me logjiken tuaj ju shnderroni veten ne serial Killer te Bibles, nga me te pameshirshmit ne fakt.


Rlindja nuk eshte akti i deshmimit para Bashkesise, as veshja e kostumit me kollare, te thenit faleminderit, vella, i dashur (per te krijuar miq si vetja). Rilindja eshte Akti i Perendise.


Nqs Perendia do te priste Vendimin e njeriut, Ai ndoshta nuk do te misherohej kurre, e as nuk do te na shpetonte dot kurre, pikerisht sepse ai Akti varet vetem nga Zoti.



Ja psh, kur Nohahu i beri thirrje botes se atehereshme te pendohej qe te mos vinte zemerimi i Zotit, ju drejtua, kuptohet, te rriturve. Apo jo? Po pse atehere foshnjet u perfshine ne Ndeshkimin qe erdhi? Mos valle sepse Zoti nuk kishte kohe qe ti shpetonte keto?
Pse Zoti ndeshkoi te rriturit me gjithe shtepite e tyre, ku ishin edhe foshnjet? E pse kur thuhet disa here ne Dhiaten e Re, se disa u pagezuan bashke me familjet e tyre, qenka kaq e pamundur qe Shpetimi i pagezimit te kete perfshire edhe foshnjet e tyre?

[marcus1]

Shen Irineu peshkop i Lionit (martir) vitet 120 - 202 A.D, nxenes i Polikarpit (martir), ky nxenes i Joan Ungjillorit:


"Ai erdhi qe te shpetoje te gjithe me ane te Vetes - them te gjithe, te cilet jane re rilindur nepermjet Tij ne Perendine - foshnjat, femijet, edhe te rrinjte, edhe te vjetrit. Prandaj edhe Ai kaloi neper cdo moshe, duke u bere foshnje per foshnjet, i shenjteroi foshnjet; duke u bere femije per femijet, i shenjteroi ata te asaj moshe, duke u bere per ta njekohesisht shembull i pershpirtshmerise, drejtesise edhe nenshtrimit; duke u bere i ri per te rinjte, nje shembull per ta, duke i shenjteruar per Zotin"

Nuk shohim ende praktkikën e pagëzimit të foshnjeve, megjithëse kanë kaluar 100 vjet.

Për të tjerat do përgjigjem sapo të gjej kohë.

[Seminarist]

Ai erdhi qe te shpetoje te gjithe me ane te Vetes - them te gjithe, te cilet jane re rilindur nepermjet Tij ne Perendine - foshnjat, femijet, edhe te rrinjte, edhe te vjetrit. Prandaj edhe Ai kaloi neper cdo moshe, duke u bere foshnje per foshnjet, i shenjteroi foshnjet; duke u bere femije per femijet, i shenjteroi ata te asaj moshe, duke u bere per ta njekohesisht shembull i pershpirtshmerise, drejtesise edhe nenshtrimit; duke u bere i ri per te rinjte, nje shembull per ta, duke i shenjteruar per Zotin"


Cfare do me thene ky Shpetim i foshnjave? Si mund te shpetohet nje foshnje qe se merr dot ne zemren e vet Krishtin, si zotin personal te jetes se tij, qe ta udheheqe doreperdore per cdo dite?
He pra vejeni ne pune logjiken edhe gjuhen tuaj!

[Seminarist]

Origjeni 185-254

"Se cfare eshte mekati? A mundet nje femije qe sapo ka lindur te kete bere mekat? Serish, ai ka te mekatshme per te cilen urdherohet te ofroje flijim, sikurse na thote Jobi 14:4, edhe Psalmi 51: 5-7. Per kete arsye, Kisha mori Traditen prej Apostojve qe te bejne pagezimin e femijeve po ashtu.
Sepse ata te cileve ju besuan sekretet e Mistereve hyjnore, e dinin se ne secilin ka patur papasterti reale te mekateshme, te cilat duhen pastruar me uje e Fryme"



"Foshnjat pagezohen per faljen e mekateve. Cfare mekatesh? Kur ndonjehere mekatuan? Ne fakt, sigurisht, qe kurre. Serish: 'Askush nuk eshte i lire nga papastertia' (jobi 14:4). Papastertia hiqet vetem me ane te misterit te pagezimit. Kjo eshte arsyeja sepse foshnjat pagezohen"

[Seminarist]

Kjo percjellje tradite eshte ne perputhje te plote me ate qe thote Pali tek 2 Sel 2:15 "Prandaj, vëllezër, qëndroni dhe mbani porositë që mësuat, me anë të fjalës ose me anë të letrës sonë."


Pali thote qarte qe nje pjese te mesimit ua kaloi gojarisht Kishave, edhe nuk permend qe te gjitha ti kete shkrojtur ne letren e tij, mos te themi qe shkresen e vet e quan leter - pa i dhene atribute te vecante Ekstra-Sopra-Kishtare.

[marcus1]

Kjo percjellje tradite eshte ne perputhje te plote me ate qe thote Pali tek 2 Sel 2:15 "Prandaj, vëllezër, qëndroni dhe mbani porositë që mësuat, me anë të fjalës ose me anë të letrës sonë."


Pali thote qarte qe nje pjese te mesimit ua kaloi gojarisht Kishave, edhe nuk permend qe te gjitha ti kete shkrojtur ne letren e tij, mos te themi qe shkresen e vet e quan leter - pa i dhene atribute te vecante Ekstra-Sopra-Kishtare.

Sigurisht që shumë gjëra Pali ia ka kaluar gojarisht Kishave, por Perëndia ka bërë që mësimet themelore që një i krishter/kishë duhet të ketë, të jenë të shkruajtura, në mënyrë që të mos dalin njerëz si puna juaj dhe të shtoni gjëra sipas qefit tuaj.

Sigurisht që një kishë nuk mund të jetë një kopjo identike e kishës së parë, por jeta e kishës së parë e regjistruar në Dhjatën e Re është si esenca e një pijeje. Çdo gjë që kemi nevojë për kishën e gjejmë në Bibël. Gjërat që shtohen dhe vënë në rrezik ungjillin nuk mund të pranohen.

Kisha ka gjithashtu Krishtin që e ushqen atë dhe besimtarët kanë Krishtin brënda tyre, gjë që ti nuk mund ta pranosh, dhe ky Krisht i zbulon Kishës gjithnjë gjëra të reja, por jo si shtesë e biblës, apo që vinë në kundërshtim me biblën, por brënda saj.

Për sa i përket shkrimeve që ke sjellë, ato janë të shekullit të tretë, pra shumë më vonë se koha e apostujve. Por, më duket se po më detyron të harxhoj kohë dhe të gjej shkrime të Etërve të Kishës që ti kaq shumë i ke në konsideratë, por që kisha Ortodokse i konsideron të huaja dhe heretike.

Nëse juve keni zgjedhur që të mbani dhe të hidhni poshtë ato që ju mendoni nga Etërit e Kishës, atëhere çdo shkrim që ti më sjell prej tyre është pa bazë. Unë pranoj të gjitha shkrimet e Etërve që përputhen me Biblën, të tjerat i konsideroj të dyshimta.

[marcus1]

Kol 2:11-13 “në të cilin ju edhe u rrethpretë me një rrethprerje që nuk u bë me dorë, por me rrethprerjen e Krishtit, me anë të zhveshjes së trupit nga mëkatet e mishit. të varrosur bashkë në të në pagëzim, ju edhe u ringjallët bashkë në të, me anë të besimit në fuqinë e Perëndisë që e ka ringjallur prej së vdekurish. Dhe bashkë me të Perëndia ju dha jetë ju, që kishit vdekur në mëkate dhe në parrethprerjen e mishit, duke jua falur të gjitha mëkatet."

Ja vetë vargjet që ti ke sjellë Seminarist, çfarë thonë.

Pali thotë se u ringjallën bashkë me besimin. Kjo tregon qartë se Pali kur i drejtohet kishës, i drejtohet të rriturve.

Me që ra fjala, çfarë beson kisha ortodokse (pasi nuk mund të bëj pyetje personale), janë ringjallur në Krishtin ata që kanë besuar në Krisht?

Dhe pastaj Pali vazhdon duke thënë se Perëndia jua a fali të gjitha mëkatet. Cilat mëkate mundi të bënte një foshnje e posalindur?

[marcus1]

Izraeli ishte Kisha para Krishtit. Rom 9: 4 “të cilët janë Izraelitë dhe atyre u përket birëria, lavdia, besëlidhjet, shpallja e ligjit, shërbimi hyjnor dhe premtimet”

Ti Seminarist përsëri përdor metodën për të cilën ti vetë ke akuzuar protestantët, pra ti nxjerr disa vargje jashtë kontekstit dhe u jep atyre kuptim të kundërt.

Por unë jam këtu që të sjell të gjithë kontekstin biblik.


Unë them të vërtetën në Krishtin, nuk gënjej dhe jep dëshmi me mua ndërgjegja ime me anë të Frymës së Shenjtë;


2 kam një trishtim të madh dhe një dhembje të vazhdueshme në zemrën time.


3 Sepse do të doja të isha vetë i ma-llkuar, i ndarë nga Krishti, për vëllezërit e mi, për farefisin tim sipas mishit,


4 të cilët janë Izraelitë dhe atyre u përket birëria, lavdia, besëlidhjet, shpallja e ligjit, shërbimi hyjnor dhe premtimet;


5 të tyre janë edhe etërit, prej të cilëve rrjedh sipas mishit Krishti, i cili është përmbi çdo gjë Perëndi, i bekuar përjetë. Amen.


6 Por kjo nuk do të thotë se fjala e Perëndisë ra poshtë, sepse jo të gjithë që janë nga Izraeli janë Izrael.

7 As sepse janë pasardhës e Abrahamit janë të gjithë bij; por: ``Në Isakun do të quhet pasardhja jote``.


8 Do të thotë: nuk janë bijtë e Perëndisë ata që lindin prej mishi, por vetëm bijtë e premtimit numërohen si pasardhës.

Besoj se nuk ka nevojë për koment.

[marcus1]

Rrethprerja e dhene femijeve 8 ditesh, ishte vula e beselidhjes se Perendise me Abrahamin, qe eshte edhe per ne. Gal 3: 14,29 “që bekimi i Abrahamit t`u vijë johebrenjve me anë të Jezu Krishtit, që ne të marrim premtimin e Frymës me anë të besimit.Dhe, në qoftë se jeni të Krishtit, jeni pra pasardhja e Abrahamit dhe trashëgimtarë sipas premtimit.”

A e kupton se premtimin e Frymës ne e marrim me anë të besimit? Tani ti thua se jo çdo gjë që ka mësuar Pali ka qenë e shkruar. Jam dakort me ty, por a e imagjinon dot Palin të thotë dy gjëra të kundërta?

Pra, që nuk duhet gjë besimi, mjafton të pagëzosh foshnjet dhe ata e marrin Krishtin.