Të Dua!...

[Agim Doçi]

Kjo poezi e thjeshte do kendohet ne Festivalin Kombetar te kenges nga Arberia Hadergjonaj me muzike te Mond Zhulalit. Me beni vrejtje a ju pelqen apo jo!

Të jem një çast në krahët e tua
Gjith jetën time do dhuroja.
Je i imi!…Të dua!
Enderroja…

Të jem e jotja e fal gjith Botën!
Ndaj them i dashur mijra fjalë…
Je i imi!…. Të dua!
Sa kam mallë.

Kam dëshirë të them në sy: Të dua!
Shpirti im.
Të adhuroj!
Njeri tjetrin marrëzisht e duam
Veç për ty jetoj.


Dashurija endet
thell në shpirt
Prêt nga ne të zgjohet
Të na fal gjith Botën përjetsisht.


Të mbaj në buzë aromën tënde
Të ndjej në flokë një ledhatim
Jam e jotja?!…më thuaj
shpirti im!…

Të shoh në sy buzqeshjen tënde
Të puth në mbrëmjet e pa fund
Falma vehten dhe endrrën
Siç ta fala dhe unë.

[Era1]

Agim me pelqen mgjse mendoj se ne Shqiperi publiku vlereson me shume kenget qu ju kushtohen vuajtjeve dhe qarjeve se sa dashurise.

Ne vargjet e tua kam gjetur çdo cope timen qe ti i ke lexuar edhe ne poezite e mia.

Uroj te shkoj mbare (gjejini ndonje mik jurise se mos jua merr Mira Konçi se ajo fiton sido qe te jete kenga )

[Poeti]

I nderuari Agim,

Edhe mund të fitoj ndokush me paraqitjen komplete, por sa për tekstin kujtoj se do të jesh pa konkurrencë.
Suksese dhe fat, sepse fati na duhet ne çdo hap të jetës.

P.S. Më gjej dikë të këndoj tekstet e mia (bëji konkurrence vehtes, nëse mund të quhet konkurrence kjo imja) hahahahahhaa

[Agim Doçi]

KRYQËZIMI I DASHURISË

Kërkova në pagjumësinë e netve
kërkova në qiellin e pafund.
kërkova dhe në gjethet e vjeshtës
kërkova dhe s'e gjeta askund

kërkova pastaj në thellësitë e shpirtit
qëndronte e fshehur diku e hutuar...
e thirra dhe erdhi në Kryqëzimin e Krishtit
rrëfimin e nisi. - jam e dashuruar.

I zgjaste duart drejt shenjtit të kryqzuar
që gozhdat e mbanin në kryq të mbërthyer
dhe Krishti buzqeshi, i lodhur, i shuar...
borxhin e dashurisë asaj për ti kthyer

Kështu pra kryqzohen në mes njerzve dashuritë
dhe rrinë të mbërthyera pafundsisht
vuajnë dhe pastaj luten tek Perënditë
Tua ruaj dashurinë përjetsisht...

[besarti]

Xhaxhi Agim, mua teksti i kenges "Te dua" me pelqej... sa per fitim le fitoj ajo kenge e cila eshte ma e mira!

Agim Doçi, Edmond Zhulali dhe Arberie Hadergjonaj = nje kombinim shum i mire!!!

Me siguri se kjo kenge do te jet njera nder me te mirat dhe ndoshta edhe kenga fituese!

[hope31]

Shume e ndjere poezia Z. Agim.
Te uroj suksese.
Edhe po nuk fitoi, kjo kenge do te pelqehet, jam e sigurte per kete.

sinqerisht
hope31

[gaforja_39]

Edhe mund të fitoj ndokush me paraqitjen komplete, por sa për tekstin kujtoj se do të jesh pa konkurrencë.

I bashkangjitem mendimit te Poeti , ndoshta mund të ndodh që edhe të fitojë dikush tjetër , por për diçka jam më se e sigurt se ky tekst do të pëlqehet , e do të këndohet për vite e vite me rradhë nga të gjithë moshat , pasi te këto vargje çdo i ri gjen përshkrimin e dashuris së tij dhe mënyrën e shprehjes të kësaj dashurie.

Paç fat e suksese në festival.

Me respekt gaforja_39

[Agim Doçi]

Gafore e dashur.

Nëse tërë jetës i shkrova dashurisë
dhe mbetën këngë jetëgjata
Të siguroj se kurr nuk shpresoja prej Jurisë
por rininë Aleate unë pata...

[gaforja_39]

Gafore e dashur.

Nëse tërë jetës i shkrova dashurisë
dhe mbetën këngë jetëgjata
Të siguroj se kurr nuk shpresoja prej Jurisë
por rininë Aleate unë pata...

I këndofsh për jetë dashurisë
Qofsh gjithmonë poet i rinisë
Poezia jote frymzimi i jetës
Poezia jote flladi i shpresës...

[gaforja_39]

Gafore e dashur.

Nëse tërë jetës i shkrova dashurisë
dhe mbetën këngë jetëgjata
Të siguroj se kurr nuk shpresoja prej Jurisë
por rininë Aleate unë pata...

Në vargjet tuaja
shumë herë gjejmë vetvehten
në to shpesh shuajmë etjen
etjen e dashuris, etjen e rinisë
shuajme mallin dhe ndjenjën e vetmisë ...