Në kuadër të Panairit Ndërkombëtar të turizmit në Berlin u zhvillua aktiviteti "Përjetime udhëtimesh në Shqipëri. Mrekullim nga njerëzit, kultura, natyra".
Renate është duke bërë një udhëtim nëpër Shqipëri. Në një nga ambientet e panairit ndërkombëtar të turizmit në Berlin ajo është duke treguar fotografi nga vendet turistike të Shqipërisë. Fillimisht i duhet të tregojë se ku ndodhet Shqipëria. Jo të gjithë dëgjuesit duhet ta dinë.
Renate Ndarurinze e nis udhëtimin nëpër Shqipëri nga Veriu me Luginën e Valbonës, Bajram Currin për të vazhduar me Shkodrën, Lezhën, Krujën, Beratin, Gjirokastrën, Pogradecin, Tiranën. Fotografitë tregojnë përzierjen e modernes me tradicionalen, tregojnë natyrën dhe kulturën, por edhe se si mund të udhëtohet, ku mund të flihet dhe ku mund të merret pjesë ne kulturë.
Sot është dita kur panairi vizitohet vetëm nga specialistët e udhëtimeve, nga njerëzit që venë në lëvizje të gjithë këtë sektor. Publiku që ka vizituar këtë aktivitet për Shqipërnë është i kursyer. Një djalë thotë se ishte duke kaluar rastësisht dhe qëndroi për të dëgjuar sepse ju duk interesante, ndërsa një vajzë nuk e ka kuptuar ende për cilin vend po dëgjon. "Po dëgjoj por nuk e kuptoj për cilin vend po flet. Për Shqipërinë? Eshtë ndihmë për zhvillim?"
Njw grua po ndjek me vëmendje shpjegimet. Ajo është Sabine Fach, lektore në shtëpinë botuese Trescher Verlag. "Në jemi të specializuar për vendet e Europës lindore dhe juglindore. Ne kemi botuar libra udhëtimi për të gjitha vendet e këtij rajoni. Në fund i erdhi radha dhe Shqipërisë. Në muajin maj do të botohet libri "Të zbulosh Shqipërinë". Në librat tona të udhëtimit ne përqëndrohemi kryesisht në informacione kulturore dhe historike përveç informacione mbi baret, restorantet, vendet e udhëtimit."
Aktiviteti është organizuar nga Komisioni lindor i ekonomisë gjermane dhe ka si qëllim të ndryshojë mentalitetin e krijuar mbi Shqipërinë. Çfarë mentaliteti është krijuar për Shqipërinë e di mirë edhe Renate Ndarurinze:
"Kisha bërë plane për të udhëtuar në Shqipëri. Dhe kur i tregova miqve të mi të gjithë më këshilluan të mos e bëja këtë udhëtim. Cfarë do ti astje atje ka luftë në cdo qoshe të Shqipërisë ka njerëz më kalashnikov, do të të bëjnë ndonjë gjë."
Lidhja e saj me Shqipërinë është mbase histori tipike për miqtë që kanë udhëtuar Shqipërinë vitet e fundit. Me profesion përkthyese ajo e kalon një pjesë të kohës në Greqi, ku ka njohur shumë shqiptarë. Me tregimet e tyre ata e kanë bërë kurioze për vendin që "duhet të jetë ndryshe".
Shqipëria duket të jetë interesantë të udhëtohet nga njerëzit që kërkojnë aventurën, që kërkojnë atë që është ndryshe. "Ajo që më tërheq në Shqipëri është jeta e cila zhvillohet krejt ndryshe nga ne në Gjermani. Në udhëtimet e mia në Shqipëri, unë nuk e dija kurrë se ku do shkoja të nesërmen dhe si do të shkoja. Informacionet që merrja ishin kontradiktore. Megjithatë gjithnjë mbërrija aty ku doja. Të gjithë njërëzit që pyesja më ndihmonin," thotë ajo.
"Ich liebe ihr Land", "Unë e dua vendin tuaj", thotë Renate Ndarurince.
Ndjenjat dhe përvoja e mbledhur në udhëtimet në Shqipëri e kanë ndihmuar atë të jetë bashkautore e librit "Të zbulosh Shqipërinë".
Aida Cama
Përgjigju Duke Cituar
Krijoni Kontakt