Lajme nga mjekesia

[Xhuxhumaku]

SHËNDETI/ Seancat e jogës ndihmojnë për parandalimin e akumulimit të kileve të tepërta

Joga, aleate e linjave të trupit

ROMË- Praktikimi në mënyrë të rregullt i jogës ndihmon për të hequr apo dhe parandaluar kilet e tepërta. Një studimi i kryer nga “Fred Hutchinson Cancer Research Center” në Siatëll ka arritur që për herë të parë të shihen efektet e jogës në linjat e trupit.

Në studim janë përfshirë rreth 15.500 burra dhe gra, të cilëve u është kërkuar të përpilojnë një pyetësor, ku të përshkruanin aktivitetin e tyre fizik dhe luhatjet e peshës nga mosha 45 deri në 55 vjeç. Për pjesën më të madhe të tyre pesha shtohej gjysmë kile çdo vit. Por për të apasionuarit pas jogës, që praktikoheshin për gati 30 minuta një herë në javë për më tepër se 4 vjet, në fund të studimit, që zgjati për gati 10 vjet, peshonin të pakëtn 1 kg e gjysmë më pak se të tjerët. Efekti ka qenë më i madh te personat mbi peshë. Ata që merreshin me joga kishin humbur rreth 2,5 kg, ndërsa të tjerët kanë vazhduar të shëndosheshin me kalimin e viteve, duke shtuar mesatarisht rreth 7 kg. “Kjo fuqi “djegëse-yndyrnash”,- shpjegon Alan Kristal, koordinator i studimit, varet nga aftësia e jogës për t’i bërë të ndërgjegjshëm këta persona për peshën e tyre dhe të tregohen më të kujdesshëm për veten”.

Dita.

[Xhuxhumaku]

STUDIMI/ Përbërësit e acideve yndyrore omega-3 përmirësojnë funksionet e zemrës

Vaji i peshkut dhe sojës, të bëjnë mirë për zemrën

Nivelet e acideve yndyrore omega-3 ndikojnë në uljen e rrezikut për vdekjet e papritura. Gjithsesi, mekanizmat kardiovaskulare mbrojtëse të omega-3 ende nuk njihen. Një studim i ditëve të fundit ka arritur të vlerësojë ndryshimet në frekuencën kardiake (HRV), një masë e funksioneve anatomike kardiake, te një grup të moshuarish.

Këtyre personave u është lënë si detyrë të marrin çdo ditë doza të larta acidet yndyrore omega-3 me origjinë detare (vaj peshku); ose një dozë më e ulët e përditshme e këtyre acideve me origjinë bimore (vaji i sojës).

Studimi ka zgjatur për një periudhë prej 6 muajsh. Nga analizimi i të dhënave është vënë re se parametrat dominues të frekuencës dhe kohës së HRV, janë shtuar në mënyrë të ndjeshme gjatë periudhës së trajtimit me acide yndyrore si me vaj peshku, ashtu dhe me vaj soje.

Në modelin e regresionit pas shtimit të moshës dhe frekuencës kardiake, vetëm vaji i peshkut ka shkaktuar një ndryshim të ndjeshëm te personat me frekuencë të lartë dhe të ulët, si dhe devijim të standarteve të intervaleve RR normal (SDNN), ndërkohë që vetëm SDNN është shtuar ndjeshëm në grupin që ka përdorur vaj soje.

Sipas autorëve të studimit, marrja ditore e vajit të peshkut dhe atij të sojës, mund të ndikojë në uljen e rrezikut për t’u përballur me probleme kardiovaskulare, si p.sh.: aritmitë dhe vdekjet e papritura për shkaqe kardiake, sidomos te personat që nuk vuajnë nga pathologji të sistemit kardiovaskular.

Njëkohësisht studiuesit kanë zbuluar se te personat që përdornin vaj peshku, është arritur një shtim i frekuencës kardiake që pas javës së dytë të trajtimit.

Dita.

[Xhuxhumaku]

MJEKËSI/ Përqëndrimi i rruazave të kuqe shkakton tromboza dhe ishemi

Temperaturat e larta, rrezik për trombozat

Pini sa më shumë lëngje për të shmangur dehidratimin e organizmit, e për rrjedhojë, për të luftuar trombozat. Këshilla mbërrin nga kirurgët e shoqërisë italiane të kirurgjisë vaskulare dhe endovaskulare, që shpjegojnë se si me anë të djersës arrihet një përqëndrim më i madh i rruazave të kuqe të gjakut dhe të trompociteve, duke shtuar rrezikun për shfaqjen e trombozave dhe ishemive te personat e predispozuar.

"Pathologjitë e vjetra zakonisht përkufizoheshin si 'inspissatio sanguinis' - shpjegon Domenico Palombo, kirurg vaskular dhe predisent i Sicve,- dhe te personat e predispozuar kjo gjendje favorizonte zhvillimin e trombozave venoze dhe arteriale. Faktorët predispozues përfaqësohen nga disa sëmundje hematologjike, si shtimi i trompociteve dhe ai i rruazave të kuqe të gjakut, për të kaluar te problemet që shfaqen me koagulimin, konjuktivitet e shkaktuar nga sëmundjet e imunitetit dhe tumorale".

Në veçanti, trombozat arteriale janë më të fshehura. Janë të shumtë studimet që mbështesin rolin e “inspissatio sanguinis” në shfaqjen e këtyre trombozave. Kjo është arsyeja që gjatë kësaj periudhe të vitit kërkohet një kujdes i jashtëzakonshëm për parandalimin e këtyre problemeve. Nga analizimi i të dhënave të mbledhura nga rastet klinike të paraqitura ndër vite, ka rezultuar se ekziston një lidhje e ngushtë mes nxehtësisë dhe shtimit të numrit të rasteve me këtë pathologji. Në fakt, këto tre vitet e fundit rastet me ishemi akute periferike janë hasur gjatë muajve të nxehtë të vitit, nga maji deri në shtator, duke shfaqur një rrezikshmëri më të lartë se në periudhën tjetër të vitit.

Me sloganin “Qarkullim pa pengesa” janë përpiluar 6 rregullat për të parandaluar rrezikun e trombozave:

a) Pini vazhdimisht ujë, deri në 2 litra në ditë, në mënyrë që të arrini ta bëni gjakun më fluid.

b) Nëse djersini shumë, përdorni përbërës të kripës.

c) Shmangni ekspozimin në diell gjatë orëve më të nxehta

d) Mos praktikoni aktivitete fizike intensive, sidomos nëse dielli është i nxehtë.

e) Mos e teproni me ushqime dhe preferoni perimet, frutat dhe brumërat.

f) Për personat e predispozuar këshillohet përdorimi i antikoagulantëve, por gjithmonë nën rekomandimin e mjekut specialist.

Marre Dita.

[Xhuxhumaku]

Çokollata kundër diabetit dhe hipertensionit

Alketa Sulmina

Për dhjetra vjet kemi përfituar nga shija e saj, tani të përfitojmë edhe nga zemër gjerësia e saj.
Ka qënë endrra e çdo prodhuesi çokollate dhe tani duket se po realizohet. Pionier në këtë aventurë të re të çokollatës është një lider shumëkombësh që ka deklaruar se ka nisur plane studimi për produkte të reja me bazë kakaoje që të jenë efikase kundër diabetit, problemeve të zemrës dhe atyre të enëve të gjakut.
Kërkimi bazohet në efektet pozitive të aromatizuesve që përmbahen natyralisht nga kakaoja.
Sipas një studimi pacientët e trajtuar me dy cikle çokollatë kanë arritur një ulje të presionit të gjakut si ditën ashtu dhe natën. Ky efekt jepej vetëm nga çokollata e zezë.
Efektet e tjera pozitive janë ulja e nivelit të kolesterolit në gjak, ulja e rezistencës dhe ndjeshmërisë ndaj insulinës dhe një rritje e sintezës së oksidit të azotit në enet e gjakut që ndihmon në trajtimin e problemeve të enëve të gjakut në ata pacientë që vuajnë nga diabeti prej shumë kohësh. Por kjo nuk justifikon ngrënien e sasive të mëdha të çokollatës.


26/07/2005
KATEGORIA: Dieta dhe Ushqimi.Shekulli.

[Xhuxhumaku]

MJEKËSI/ Kanceri mund të parandalohet nëse modifikohet regjimi ushqimor

Menuja ideale për të parandaluar tumoret

Kanceri mund të parandalohet nëse modifikohet regjimi ushqimor. Ky është përfundimi i një sërë studimesh të financuara nga OBSH-ja. Rezultati i tyre është: zgjidhni një dietë vegjetariane, të pasur me disa lloje fruta-perimesh, eliminoni ushqimet e përpunuara dhe të varfra me fibra. Merruni sa më shumë me aktivitet fizik dhe hani të paktën 800 gr fruta në ditë për gjatë gjithë vitit. Mos pini alkool dhe përdorni sa më pak mishin, duke preferuar peshkun dhe mishin e pulës. Eliminoni në maksimum ushqimet e skuqura dhe përdorni vaj ulliri. Eliminoni kripën dhe ushqimet e konservuara. Disa studime të kohëve të fundit kanë treguar se te fruta-perimet e freskëta që nuk gatuhen, ekzistojnë substanca të panumërta që ndikojnë në bllokimin e radikalëve të lirë, që në mjaft raste janë shkaktarë të shfaqjes së tumoreve. Disa studiues gjermanë kanë vërejtur se japonezët, që hanë shumë sojë, janë më pak të rrezikuar nga tumoret, sepse duket se ajo përmban disa substanca, të quajtura isoflavone, që janë estrogene natyrore, që arrijnë të bllokojnë receptorët për estrogenet njerëzore, duke mbrojtur nga kanceri i gjirit. Kjo substancë mund të gjendet te qumështi i sojës, farat dhe pluhuri i sojës. Një substancë tjetër me veprim antioksidant është melatonina, që është një hormon sekret i gjëndrrës pishore. Përveç se ndikon në gjumë, ka një veprim të madh antioksidant, që është dy herë më e lartë se i vitaminave E.

Studime të tjera kanë treguar se rreziku i kancerit të prostatës ulet deri në 35% te personat që përdorin një menu të pasur me licopen, një substancë që gjendet me shumicë te domatet.

Fibrat luajnë një rol mjaft të rëndësishëm në parandalimin e kancerit, sepse përshpejtojnë kalimin e ushqimeve nëpër aparatin tretës, duke i penguar substancat mutagjene të hyjnë në kontakt të gjatë me mukozat e stomakut. Një element i rëndësishëm në luftën kundër kancerit është seleni. Në Kinë dhe në Zelandën e Re, në disa zona të varfëra me selen, janë regjistruar një numër i konsiderueshëm kanceresh. Duket se seleni në prani të vitaminës E arrin të mbrojë nga kanceri i mëlçisë.

Në një studim të kryer nga Universiteti i Çikagos, që zgjati gati 5 vjet, u vu re se te 5000 persona që iu dha 200 mcg selen në ditë, u arrit të parandalohej në 69% të rasteve tumori i mëlçisë dhe i ezofagut.

Tre probleme të mëdha që ndikojnë për shfaqjen e tumoreve është ruajtja, gatimi i ushqimeve dhe prania e nitrosaminave.

Kështu, procesi i përpunimit eliminon shumë vitamina, fibra dhe një pjesë të mirë të kripërave minerale, p.sh. përpunimi i grurit në miell çon në humbjen 100 % të vitaminës A që përmban kjo bimë. Po kështu, gatimi i ushqimeve bën që të humbasin një pjesë e mirë e vitaminave, të bioflavonoideve dhe të strukturës proteinike.

Dita.

[Xhuxhumaku]

STUDIMI/ Transplanti i qelizave të shtyllës kurrizore ose nga gjaku i vezoreve, mund të çojë në rikrijim të vezores

Kura e infertilitetit, në gjak dhe palcë

Kurimi i infertilitetit femëror mund të jetë më i lehtë se sa mendohej dhe kërkon vetëm një transplant të qelizave të shtyllës kurrizore ose nga gjaku i vezoreve. Në fakt, ekipi i drejtuar nga Jonathan Tilly i “ Massachusetts General Hospital” dhe i shkollës së Harvardit ka treguar se muret që ndodhen në palcën kurrizore dhe gjak ndodhen qeliza që shërbejnë për ngjizjen gjenetike e nëse trasportohen në vezore, brenda pak kohësh mund të rindërtojnë një vezore të ngjashme me ato normalet. Ky studim pason rezultatet e një punimi të publikuar në muajin mars të vitit 2004 në revistën “Nature”, i cili u interpretua si një përmbysës i mendimit biologjik se gratë, ashtu si të gjithë gjitarët e tjerë, nuk duhet të kenë një numër të caktuar vezoresh, që me kalimin e kohës dëmtohen. Studimi i parë ishte kryer mbi minjtë dhe kishte treguar se gjitarët femra vazhdojnë të prodhojnë vezore gjatë gjithë jetës. Ky studim i fundit është një hap përpara, sepse ka treguar se burimi i vezoreve fshihet në gjak dhe në palcën e shtyllës kurrizore. “Zbulimi ka shënuar një revolucion të vërtetë, - ka thënë Tilly, - rreth mendimit tonë mbi fertilitetin femëror”. Me ndihmën e disa njollosësve gjenetik që gjenden në qelizat “mbjellëse” (vezore dhe spermatozoitë), ekipi i shkencëtarëve ka treguar rreth mundësisë së rikrijimit të qelizave që marrin pjesë në shtatzëni.

Dita.

[Xhuxhumaku]

STUDIMI/ Ndotja, zhurmat, fortësia e ujit të pijshëm dhe tymi i duhanit, faktorë risku

Faktorët ambiental, shkaktarë të sëmundjeve kardiovaskulare

Një grup studiuesish të “Karolinska Institutet” ka analizuar efektet e kushteve të ambientit në shfaqjen dhe përhapjen e sëmundjeve kardiovaskulare, veçanërisht hipertensioni dhe infarkti i miokardit. Kështu janë marrë në shqyrtim efektet e zhurmave të aeroporteve, tymit të duhanit, fortësia e ujit të pijshëm dhe shkalla e ndotjes atmosferike.

Ekspozimi ndaj zhurmës së aeroporteve për më tepër se 55 decibel i ishte bashkëngjitur një risku prej 1.59 OD, për t’u prekur nga hipertensioni dhe për zhurma mbi 72 decibel risku shtohej me 1,76 OD.

Të dhënat flasin për ekzistencën e një lidhjeje mes zhurmës së avionëve dhe shfaqjes së hipertensionit. Ndërsa ekspozimi ndaj tymit të duhanit në ambient, në shtëpi apo punë, shton rrezikun për t’u prekur nga infarkti i miokardit te personat që nuk e pijnë duhanin.

Përveç këtyre faktorëve, rreziku për infarkt miokardi shtohej dhe nga magnezi i ujit të pijshëm. Një shtim i rrezikut për infarkt të miokardit është vënë re dhe nga ekspozimi për një kohë të gjatë ndaj ndotjes atmosferike.

Rezultatet e studimet tërheqin vëmendjen për një kujdes më të madh ndaj faktorëve ambiental, të cilët konsiderohen ndër shkaqet kryesore për shfaqjen e hipertensionit dhe infarktit të miokardit, që në mjaft raste është vdekjeprurës. Marrë nga: Xagena

[Xhuxhumaku]

SPECIALISTËT/Ruani të njëjtin regjim ditor, veçse duke shtuar disi frutat dhe aktivitetin fizik

këshilla, për të qenë në formë gjithë verën

Vera imponon rregulla të forta për linjat e trupit. Nga njëra anë joshin ushqimet kalorike, nga ana tjetër rrobat e banjës kërkojnë trup të bukur dhe të rregullt. Por si mund të realizohet diçka e tillë? Ja, rregullat që vendosin dietologët për këtë sezon të nxehtë:

-përpiquni të ruani të njëjtin racion ditor. Mund të tregoheni maniak, vetëm pas lëngjeve dhe frutave.

-pini sa më shumë ujë natyral apo të gazuar. Këshillohet dhe pak limon ose mente, sipas preferencës.

-përdorni sa më shumë sallata të freskëta me perimet e stinës, veçse përdorni sa më pak vaj.

-në restorant, porosisni peshk ose mish me garniturë perimesh dhe në vend të makaronave merrni fruta deti.

-hani sa më shumë fruta, po mos e privoni veten dhe nga akulloret.

-lëvizni sa më shumë, bëni sa më shumë shëtitje, not dhe aktivitet fizik.

Dita.

[Xhuxhumaku]

MJEKËSI/ Nikotina pengon prodhimin e dopaminës esenciale për zhvillimin e trurit

Fëmijët e duhanpirëseve, probleme me përqendrimin

ÇIKAGO- Gratë që pijnë duhan gjatë shtatzënisë trefishojnë rrezikun që fëmijët e tyre të lindin me sindromën e deficitit të përqendrimit. Ky është konkluzioni i një studimi të kryer nga një grup studiuesish danezë të “Aarhus University”, në Kopenhagen.

Sipas shkencëtarëve, një grua shtatzënë, nëse e vendos fetusin e saj përballë nikotinës në nivele relativisht të larta, mund të ndikojë në alternimin e receptorëve përgjegjës për prodhimin e dopaminës, esenciale për zhvillimin e trurit.

Studimi është publikuar në revistën "Pediatrics" dhe bazë për nxjerrjen e përfundimit ka shërbyer analizimi i të dhënave dhe “background” i 170 fëmijëve, të cilëve u ishin diagnostifikuar shqetësime të hiperaktivitetit, me ato të 3 800 fëmijë të tjerë, bashkëmoshatarë të tyre, por që nuk shfaqnin shqetësime të tilla.

Si përfundim, u pa se 59 % e nënave të fëmijëve që kishin shfaqur këto probleme ishin duhanpirëse të rregullta. Sipas shkencëtarëve, gratë shtatzëna që pijnë duhan, gjatë 9 muajve të pritjes së lindjes së fëmijës, rrezikojnë 3 herë më tepër të lindin fëmijë me probleme të hiperaktivitetit, se sa gratë e tjera, që nuk pijnë duhan. Problemet e hiperaktivitetit, konsistojnë

në një aktivitet të tepërt muskular, çorientim dhe sjellje impulsive, përfshirë këtu dhe sindromën e deficitit të përqendrimit. Këto probleme janë shqetësimet më të shpeshta mendore në neuropediatri.

Marrë nga: Reuters

[Xhuxhumaku]

MJEKËSI/ Teknika e vjetër orientale arrin të eliminojë dhimbjen e kokës, që shkaktohet nga tensioni

Agopunktura efikase për cefalinë kronike

MONAKO- Agopunktura është mjaft efikase ndaj dhimbjes së kokës , si dhe ndaj cefalinë, për shkak të tensionit. Duket se teknika e vjetër orientale ka arritur të eliminojë plotësisht frekuencën e krizave të kokës. Ky është përfundimi i një studimi gjerman, të publikuar në

“ British Medical Journal”, i realizuar te mbi 270 pacientë, ku 74% e tyre ishin gra.

Përfundimet e arritura nga ekipi i drejtuar nga Dieter Melchart e Klaus Linde, profesorë pranë universitetit të Monakos, janë të njëjta, si në rastin kur teknika e vjetër kineze përdorej me përpikmëri, ashtu dhe kur bëhej ndonjë lëshim nga rregullat.

Nga analizmi i të dhënave, studiusit kanë arritur në përfundimin se kjo teknikë është mjaft efikase për eliminimin e dhimbjeve të kokës, edhe në rastin kur nuk zbatohej me përpikmëri në vendet tradicionale. Falë teknikës, numri i ditëve me dhimbje koke është eliminuar në 7,2 ditë te grupi që trajtohej me teknikën tradicionale dhe 6,6 me teknikën minimale të agopunkturës dhe 1,5 tek ata që nuk trajtoheshin fare me këtë metodë.

Të gjithë janë ndjekur për një periudhë prej 8 javësh dhe në total ishin 195 pacientë që kuroheshin me dy format e agopunkturës. Përmirësimi i arritur ka patur efekt pas disa muajsh trajtimi me metodën tradicionale kineze.